تخيل توصلك رسالة كيما هادي.......!!!

[احساس انثى dz]

سور نردها
صرات مرة على 100 دج وردتهم

 

[نسمات]

ادا اتصل وكان محتاجها يعني زاوالي نرجعها له
​

 

[crazykhadija]

هذي مرة صرات لبابا عندو رصيد 0
ومن بعد جاتو 100000
هههههههه
فرح ومن بعد كلماتو مرا من دزاير فيل قاتلو تعيش راني غلطت برك في ارسال على خاطر كنت رايحا نبعثها لبنتي راهي في جامعة وانا الله غالب معنديش
قالها بابا يا ختي دوكا نبعثها بنتك
بعثهالها ومنبعد كلماتو قاتلو الله يعطيك واش تتمنى
والحمد لله
وانا زاد نردها
مرسي
​

 

[sarah_]

مرة صراتلي فليكساولي100 دينار طرت بالفرحتة انا قلت نجحت امبعد عيطولي قالولي بلي غلطنا قريب بديت نبكي هههههههههههههههههههه امبد رجعتهملم بسك انا تاني قادر تاسرالي وقالك
كما تدين تدان
مرسي على الموضوع الرائع وصح فطورك

 

[طير الجنة]

كيما قالك اللي ماشي ليك يعييك
أنا جامي صراتلي
مي ادا غلطوا في لازم نرجعهم
علاخاطر ما نقدرش ندي حق الناس
شكرااااا على الموضووووع
​

 

[°NeSriNe°]

نقوله السماح موصلني حتى حاجة

ههههههههه لا راني نزعق اكيد نرجعها مرسي على الؤال التافه هههههه

 

[Toufik.dz]

لازم نرجعها علاخاطر ماشي صنعة نتاع رجلة واكيد راح نحط روحي في بلاصتو ..ولازم الواحد يدير ربي في بالو
مارسي ليك
​

 

[malak fcb tlemcenia]

ايه صراتلي فليكساو 500 دينار وعيطلي مولاها رديتهاله
الور من بعد هو فليكسالي 100 قالي لخطرش بعتيهالي وماخليتيهاش عندك​

 

[jojo hina]

اكيد نرجعهم لمولاهم و ندير روحي في بلاصتو

بصح فكرتني بقصةصرات لبابا في هذاك الوقت بعثونا نتاع موبيليس 100 دج للناس قاع مالا كلمنا واحد و قلنا راني غلطت بعثتهالكم مي كان يكذب لانو عندنا ثلاثة كارت نتاع موبيليس . و بعثولنا فيهم قاع
​

 

[ђĩหđǿĉħǻ]

ههههه نرجعها لمولاها و الله صراتلي
​

 

[zineb92]

نحولو 100 دج والباقية نرجعوهالي ههههه

 

[randa serine]

اكيد كيد نرجعها لمولاها واش راح ندير بيهم ادا خليتهم عندي رراح نربح بيهم راح نتصل بيهم بصح مال الحرام ما يدومش .

 

[هشام ماضي]

نرجعها علاه نسرقو​

 

[reme]

أنا مرة وصلتني 120 دج و لدرك ماعرفيش منين جانني
و شحال من مرة نغلط في رقمي و جامي عيطة وقلت رجعولي
مي ادا غلطو عندي bien sur نرودها...

 

[AGENT007]

هههههههههههه هدا وين بعثت بالخطا 500 دينار
ضمير في الفليكسي....انسى شعب جيعان هدرة الا
من رحم ربي..
رايي: لن ارحم اي بشر
​

 

[امينة.19]

طبعا نرجعهالو
خير ملي يدعي عليا .............

 

[**اسيل جنان**]

انا صراتلي في خمسين الف ورديتهم

 

[همس الوُرود]

ههههههههههه مليحة هادي أنا نرجعهملو الله غالب ماشي تاعي ولا حاب تصرالي كيما الشكارة تاع الدهب تا جمعي فاملي

 

[light.]

صراحة صراحة نقولو راك غالط xd

 

[zahya]

ايه هدا الموقف جرالي صراحة مرة وحدة علطت فيا وظلت تعيط وانا كنت غي الجامعة في تيدي ....حتى كملت وعاودتلها فالتلي رجعيلي ادراهم لي وصلوك قلتها صحى مي عطيني شويو وقت انا راني نقرا ولاما نخلص على 5.00 راني رجعلك وهداك واش كان رجعتلها دراهمها