قالي لوكان ماجاتش مريضة راهو عندي 15 ولا 20 ...

م

ماكانش

:: عضو بارز ::
أحباب اللمة
السلام عليكم ورحمة الله وبركاته
واش راكم خاوتي لاباس بخير الحمد لله
أيا كي العادة رحت نصلي التراويح أيا طلعت لحقت على صلاة العشاء كملتها وخرجت من المسجد قاعد لبرا نتهوا ونتبرد وهذاك هوا نسمع القرءان تعبت ماقدرتش نصلي التراويح
أيا وانا قاعد هكذاك وعند الباب واقف راجل كبير مسكين يطلب وباين مايعرفش يطلب المهم واقف خرج الغاشي كي فرغ المسجد مالقاش وين يروح تمشى أيا شفني قتلو أستناهم كي يكملو التراويح أيا جا وقف قدامي وقالي هيه وعطاني لاكارت تاع ولدو المعوق وقالي حبيت نديرلو عملية ووو
قتلو ربي ينوف ويفرج ربي سبحانو استنى بعد التراويح كاشما يفرج ربي
وأنا عندي ألفين فرنك برك في الجيب وحبيت نقلو راني ماعنديش وخفت يقلك راهو يكذب ههههه
أيا كثرتلو من ربي ينوب مع اللول باش يفهم بلي ماعنديش
أيا حكاية تجيب حكاية حتى قالي غاضني ولدي يقرا مليح وجاوه الدموع في عينيه ...
المهم قتلو يفرج ربي وو اي باينة الهدرة
مانعرف كيفاش حتى قالي عندي 13 نطفل :o_o: والله ياخاوتي هكذا قالهالي
قالي زوج ماتو وبقاو 11 :o_o:
قتلو انا هذا هما الصغير ؟؟؟ قالي لالا الصغيرة السنة تقرا التحضيري ..
قالي ولمرا مريضة بلاطونسيو لوكان ماكنتش مريضة راهو عندي 15 ولا 20 طفل بصح ماعليهش هكذا بزايد :o_o:
قالهالي كلي غاضو الحال وعلاه ماجابش 20 طفل ههههه
أيا انا صوناتلي اللامبة في راسي وتفكرت لحكاية ألي عييت نفهمها ومانيش رايح نفهمها وماكانش ألي راهو فاهمها ...
وعلاه الزوالي والفقير يجيب لولاد بزاف والغني يجيب زوج ثلاثة برك ؟؟؟
وهوا يحكي وانا غير مع لحكاية هذي ومانيش معاه
والله قريب سقسيتو نقلو وعلاه جبت لولاد بزاف ونتا زوالي ؟؟؟
من بعد قلت اواه ماندخصوش هههه
آآآآ ملي كنت وهذ لحكاية راكبتلي في راسي عييت نفهمها ....
أيا نتوما ثاني علابالكم بلحكاية هذي بلي الزوالي ديما يجيب لولاد بزاف والغني لالا والي نورمالمو تكون العكس
قالك الزوالي عندو الوقت بزاف بصحج ماقنعتنيش
قالك يجيب لولاد باش يعاونوه كي يكبارو وماقنعتنيش
قالك ربي يرزق المال ولا لولاد الغني يعطيه المال والفقير يعطيه لولاد وماقنعتنيش مايش حكاية هذي هدرة يما
يعني الغني حاب يجيب لولاد وماقدرش ؟؟؟ ماكانش منها هذي
المهم كاشما فهمتو ولا عندكم حل وفهامة فهموني ...


الملاحظة:
كي حكيت معاه قالي وجهك وجه الخير أيا فرحت وقلت هذي نحكيها لجماعة اللمة هههههه
او علابالي قالهالي كاشما نعطيه ههههه

​
 
السلام عليكم
صحيت سفيان
كاين واحد القطة مسكينة دور في الكارتي وتضال تفتش في الزبابل حشاك نهار حملت والله جابت 8
حطتهم قدامنا
وكاين واحد يقولو المكي قارون كبير عندو سياموا حملت جابت واحد برك والحديث قياس
ربي يغنيه ويغنينا​
 
أهلا سفيان
هاني جيت نزور
...
مازالك تخمم في الزوالي والغني
ومعادلة لولاد ؟ ههههه
ايه مام أنا حيرتني المعادلة
هذي وما لقيتلهاش حل ودوماج
طاليس وفيثاغورس وجماعة الرياضيات
ماتو كانو يعاونونا في الحل
...
ما تعمرش راسك ادعيلو يفرج عليه
ربي وعلى ولدو ... وكل واحد حر
...
ياخي يقولك الرزق يجي مع المولود
الرزق من عند ربي مش من عند العربي
هدي نأمنو بيها وربي قالها سبحانو
...
في زماننا كاين حوايج كانو بكري
كماليات ولاّو ضروريات ما يستغناش
عليهم الانسان ... حبو يقنعوني أني
نجيب ولاد بزاف ما قنعتش ...
محال نجيب ولادي ويسخفو على حاجة
ما نقدرش نجيبهالهم ولا يحسو بالنقص
قدام صحابهم ... علاش ؟ على خاطر
ما عنديش باش نحققلهم المطالب الكل
...
العبد يجيب واش كتبلو ربي يجيب
ويعيشهم ملوك ... خير من السخايف
تبقى في قلوبهم ويمضو ما عندكش
باش تداوي ... هدي وجهة نظري في
القضية تاع لولاد ...
حتى كي نضيعوهم ونجوعوهم ونسخفوهم
ذنوب علينا ...
...
مغسي عالموضوع لخفيف
سلامو
​
 
آخر تعديل:
توقيع الورد الأحمر
السلام عليكم

خويا مكانش نعم الرجالة انت حكياتك ديما فيها هدف معين

وي الفقير يجب الدراري بزاف والغني لالا

مرة سقسيت وحة على الفكرة هذي قاتلي الفقير يجيب الدرار ي بزاف خاطر يمن بلي الدراري يجيو برزقهم والي خلق ما يضيع وثاني يقرى حسابا اخر والي هو يكبروا ويخدمو عليه كما راهو شاقي عليهم


في لخر نقلكم ربي يرزق كل فقير رزق حلال من حيث يحتسب

شكرا على الموضوع

يا وجه الخير هههههههههههههههه

وعليكم السلام​
 
السلام عليكم
و الله صح خويا تحير اللي عندو يقولك انا 3 4 مانزيدش
و اللي ماعندوش يجيب بلا حساب
ممكن لاخاطر اللي عندو يقول انا وقتاش راح نلقى الوقت نقريهم و نهدر معاهم و نفهمهم ...معندوش الوقت
مي الفقير يقولك يعيشو برك... كيما جاو يجو و حنا تربينا تاني بكري هكدا و رانا لاباس
و ربي يشفيه نشالله هداك المريض
و سلااام
 
مااااا جيت نكمل الموضوع قلبي خرج و انا صايمو ريقي نشف فليل نجي نردي​
 
خلي برك انا جيت جيت نرد و نخرج رضبة وحدة
شفت هاذوك ا سفيان لي معندهمش والله يجيبواا بزاااااااف و ميعمهم في والوااا لا كيفاش يكبرواا لا والواا علباهم خطراكش المال و البنون زينة الحياة الدنيا
قالك مكاش المال خلي لولاد و فيهاا بركة
اما الاغنياء كاين المال يجيبواا زوج ولا 3 و خلاص
كاين كلش هاذي هياا هكا
سلام​
 
والله انا تاني دايما محيرة علاش الزوالي يحب الذرية ؟؟؟؟؟
مرة قريت وحد البحث قالك
علاش الغرب ما يجبوش الذرية بزاف؟؟؟؟عكس العرب
لقاو انو لي ياكل البروتين بزاف وخاصة اللحم تكون عندو نسبة الاخصاب اقل وهذي تلقاها عند الغني
اما الزوالي لي يشوف اللحم مرة فالعام تكون نسبة الخصوبة عندو اكثر!!!!!!!

هادي تاني ما تقنعش

ويبقى السؤال مطروح ​
 
اهلا سفيان ههههههههههههه والله انا يزيدو عليا عشاء ليلة ميسعاش ويكثرو في لولاد بففففففففففففففف انا راي الغني اولاتي با التحواس وزيد مرتو تخاف على لاطاي تاعها من كثر الولادات والفقير ومرتو حام قاعدين يزيدونا في الذر والفقر يزيد يكبر مرسييييييييييييييييييييييييييييييييييييييييييييييييييييييييييي
 
شوف خويا قد ماتحب تفهما ماتلقالهاش حل هههههه


قالهالي كلي غاضو الحال وعلاه ماجابش 20 طفل ههههه
وحدها هاذي​
 
فالحق العطش والسخانة راهم دايرين فيا حالة اليوم راهي 42 بصح معليش في خاطر مواضيعك المميزين نشارك انا رأيي كيما لي فاتو قبلي الفقير يقلك الولد يجيب رزقتو معاه كيما عاش يعيش والغني ميفرغش بزاف عندو بزاف مصالح والله اعلم بصح يبقى السؤال مطروح والجواب مفقود وصحا فطورك
 
تعرف الزوالي واش يقلك
الرزق على ربي
ياو راني عارفينو على ربي ​
 
قال لاجودان شاف:
السلام عليكم

صحيت سفيان
كاين واحد القطة مسكينة دور في الكارتي وتضال تفتش في الزبابل حشاك نهار حملت والله جابت 8
حطتهم قدامنا
وكاين واحد يقولو المكي قارون كبير عندو سياموا حملت جابت واحد برك والحديث قياس

ربي يغنيه ويغنينا​
إضغط للتوسيع...

أهلا يا الشيخ
هذي الحل تاعها باين من بعد نقولهولك هههه​
 
سؤال محير صح

كي تلقا الاجابة راك تقلنا
 
قال nour_light:
أهلا سفيان

هاني جيت نزور
...
مازالك تخمم في الزوالي والغني
ومعادلة لولاد ؟ ههههه
ايه مام أنا حيرتني المعادلة
هذي وما لقيتلهاش حل ودوماج
طاليس وفيثاغورس وجماعة الرياضيات
ماتو كانو يعاونونا في الحل
...
ما تعمرش راسك ادعيلو يفرج عليه
ربي وعلى ولدو ... وكل واحد حر
...
ياخي يقولك الرزق يجي مع المولود
الرزق من عند ربي مش من عند العربي
هدي نأمنو بيها وربي قالها سبحانو
...
في زماننا كاين حوايج كانو بكري
كماليات ولاّو ضروريات ما يستغناش
عليهم الانسان ... حبو يقنعوني أني
نجيب ولاد بزاف ما قنعتش ...
محال نجيب ولادي ويسخفو على حاجة
ما نقدرش نجيبهالهم ولا يحسو بالنقص
قدام صحابهم ... علاش ؟ على خاطر
ما عنديش باش نحققلهم المطالب الكل
...
العبد يجيب واش كتبلو ربي يجيب
ويعيشهم ملوك ... خير من السخايف
تبقى في قلوبهم ويمضو ما عندكش
باش تداوي ... هدي وجهة نظري في
القضية تاع لولاد ...
حتى كي نضيعوهم ونجوعوهم ونسخفوهم
ذنوب علينا ...
...
مغسي عالموضوع لخفيف
سلامو​
إضغط للتوسيع...


أهلا بيك نوغ
هاهي جات نوغ ونورتنا المنتدى والموضوع ...
صح ربي سبحانو يجيب رزق المولود معاه بصح قادر يكون رزق المولود ضيق وصغير ...
الإنسان ذرك شاف وتعلم وانا واحد من الناس من أسرة كبيرة شفت وتعلمت ولازم الإنسان مايجيبش لولاد بزاااااف ...
ربي يحفظك نور ​
 
قال راجية الجنة:
السلام عليكم​


خويا مكانش نعم الرجالة انت حكياتك ديما فيها هدف معين ​

وي الفقير يجب الدراري بزاف والغني لالا ​

مرة سقسيت وحة على الفكرة هذي قاتلي الفقير يجيب الدرار ي بزاف خاطر يمن بلي الدراري يجيو برزقهم والي خلق ما يضيع وثاني يقرى حسابا اخر والي هو يكبروا ويخدمو عليه كما راهو شاقي عليهم ​


في لخر نقلكم ربي يرزق كل فقير رزق حلال من حيث يحتسب ​

شكرا على الموضوع ​

يا وجه الخير هههههههههههههههه​


وعليكم السلام ​
إضغط للتوسيع...


أهلا بيك راجية
هذي تزكية كبيرة عليا بزاف
ونعم الحرائر أنتي ...
والله يا راجية تبالي ما يخمموش تاع الطفل يجي رزقو معاه ، علاه الغني كافر مايامنش بهذي ولا كيفاه ؟؟؟
تبالي يجيبو برك أغلبهم جهال وماعلابالهمش جيب برك وخلي ياكلو بعضاهم وتخلا
تبالي بابا والراجل تاع البارح ماكانش تخمامو هكذا ههههههه
ربي يحفظك راجية الجنة وربي يرزقك الفردوس الأعلى نورتي الموضوع ...​
 
صحيت سفيان وعليكم و السلام
ضحكتني اضحك الله سنك / و يزوجك هههههه
ياو نحير وندوخ فاللي يجيبو 10 و اكثر :scared: :scared:
ياو هادو فارغين شغل صح و ماهمش يخممو :scared:
نندب عليك تجيبهم وين تحطهم و وش توكلهم و كفاه تعيشهم :o_o:
والله مساكن يعيشو معيشة الكلاب:sad:
يسخف على حاجة مايقدرش يجيبها :sad:
هاو كون جا عندو 2 ولا 3 بلاك يقدر يتهلى في ولدو اكثر :sad:

وحدة في فاميلتنا ولدت 13 الله يبارك حتى دارولها استئصال للرحم
كان راهي لضرك اي تولد :o_o: :o_o:

و كي كانو عندها9 بانتلي كانت مازلت في دار عجوزتها :scared:
الوغ كانت تبيتهم تحت الخزانة :sad: تالمون ماكنش وين يرقدو :sad:
و تزيد تولد :scared: :scared:

ايا صححت وجهي و قتلها علاه تجيبي فيهم نتي في عقلك ؟؟:o_o:

قاتلي اي عجوزتي اول مازوجت طولت ماولدتش قعدت عامين ماهزيتش قالت عليا عاقر
امالا جبتهملها كل باه تسكت :o_o: كل عام نجيب واحد :o_o:

هههههههه ماااااااااااااينة للناس بانتلي يخممو برجليهم
ياو باذن الله نطلب ربي يرزقني 2 ولا 3 مانزيدش عليهم
صح الرزق على ربي
مي حتى حنا نخممو بعقولنا
الدنيا واعرة
و نطلبو ربي
التربية و الذرية الصالحة
//
واحد مرة قالي الرسول وصانا بالتكاثر
عزيزي المواطن نتكاثرو كي يعودو صالحين و تعود قادر كل تربيهم 10/10
مش تطلق مافيا للشارع و تقول تكاثر :scared:

صحيت سفيان اني سكت سكت كي نطقت ماسكتش هههههههههههه
في لامان
:re_gards:
 ​
 
قال maram17:
السلام عليكم
و الله صح خويا تحير اللي عندو يقولك انا 3 4 مانزيدش
و اللي ماعندوش يجيب بلا حساب
ممكن لاخاطر اللي عندو يقول انا وقتاش راح نلقى الوقت نقريهم و نهدر معاهم و نفهمهم ...معندوش الوقت
مي الفقير يقولك يعيشو برك... كيما جاو يجو و حنا تربينا تاني بكري هكدا و رانا لاباس
و ربي يشفيه نشالله هداك المريض
و سلااام
إضغط للتوسيع...


أهلا مرام
والله الحل كيما قلتي الفقير مايديرش حسابو خلاص وماعلابالو بوالو
يقلك نجيب والله يسهل
ولا حتى يخمم في الله يسهل مايخممش فيها وماعلابالوش خلاص بهذ لحكاية
وكيما قلتي مام حنا عشنا هكذاك والحمد لله
ولكن ماشي مليحة هههه
يعطيك الصحة​
 
بلاك الزوالي يقول كي يكونو عندي لولاد بزاف يكبرو و يخدمو عليا
و كاين الي يحب لولاد بزاااااف
مي كي تقولو واش يكبرهم يقولك الي خلق ما يضيع و رزقهم على الله
اما الغني يدير الف حساب قبل و المعيشة راهي تغلا و كيفاش نكبرهم و كيفاش نربيهم
مي منا و رايح جوبنس با راح تسمع بلي كاين لي عندو فوق 4 ولاد
يعطيك الصحة سفيان ،، بارك الله فيك

​
 
لي عودة ان شاء الله بعد صلاة العصر
 


أكتب ردك هنا...
العودة
Top Bottom