قالي لوكان ماجاتش مريضة راهو عندي 15 ولا 20 ...

[Iman89]

اهلا سفيان نشالله تكون بخير
هدرتك قتلتني بالضحك :yaw::yaw:
فكرتني في جارنا عندو لولاد بزاف اللي يقولو بزاف يقول ربي قال :المال والبنون زينة الحياة الدنيا...صدق الله العظيم....ربي ماعطانيش فالمال عطاني البنون....وديما يعاودها يقتل بالضحك
يعطيك الصحة سفيان خويا ...صح فطوركم​

 

[ISMA.dz]

السلام عليكم

خويا سفيان احكملي بلاصة معاك راو عندك الغاشي نخاف ماتصحليش راني نضرب دورة بعد الفطور
خاطر الكلمات تلفولي مع الصيام والموضوع لازملو قعدة زين شابة مع 15 ولا 20 طفل وزيد غاضاتو عمرو يارب استر.....!!!!!!!

سلام صح فطوركم

​

 

[معاك يا الخضراء]

اني زدت جيت :sheer:
بنت خالتي عندها 6 ولاد وهي هادا وين راهي 30 سنة
الوغ ديما وجهي صحيح و نسقسي وعلاه _o:
قاتلي او قالي علاه ماكيش حابة تجيبي الاولاد باه كي نموت تتزوجي وراياا :scared: :scared: :scared:
لا تعليق

////////
بخصوص قطة كاريتكم المتشردة اللي جابت 8 :sheer:
ههههه الرحمة على والديك
شوفلي كان ولادها زينين نجي نتبنى منهم 2
والله مني بالصح تاعي كبرو و ماجابوليش اولاد خالص :sad:
وقطتي الحبوبة راهي ضااااااااااايعة
اوموان نصبر عليها بقطط صغيرة :sad: :sad:

هاني نسناك تقولي :sheer:
بوزوران و الشناوة
يا خوفي يكونو كلاولي ميمي :sad: :sad: :sad:
:crying: :crying: :crying: :crying: :crying:
​

 

[**اسيل جنان**]

هدا من عند ربي سبحانو
مي الزوالي توجور يجيب ولاد بزاف باه فبالو برفدوه ويعوظوه على الحرمان لي عاشه
ومش عارف راه يذل فيهم
ربي يجيب الخير
​

 

[إيمان قلب]

السلام عليكم ياوجه الخير °°° راني نقول هاك باش كشما تصدق عليا ههه °°°
نزعق خيي ,,, واش بغيت نقولك هذا جواب سمعتوا من عند هاذ الناس واحد المرة هي مريضة وراجلها مكسر لا خدمة لازدمة وعندها 8 ولاد ويعجبك قراب لبعضاهم شفتها واحد المرة مسكينة مغبوووووونة هذا يبكي من هنا وهذا رافداتو منا وهذا حاكم فيه هنا ولك ان تتخيل المنظر ,, كي قلتلها وعلاش عليك هكذا اوموان كون راكي تخلي الطفل حتى يكبر ويولي يعرف لروحو كيفاش ياكل باش ماتتغبنيش معاهم قالتلي مولا بيتي هو اللي حاب هاك لخاطر ماهوش خدام ويقولي نجيبو الذراري بلاك واحد فيهم يجي برزقو وكيما قلت ماقنعتنيش
ايا ربي يرزقو ويرزقنا من وسعه
°°°وهات هذيك الألفين هههه °°°
يعطيك الصحة سفيانو على الموضوع​

 

[لاجودان شاف]

​

بخصوص قطة كاريتكم المتشردة اللي جابت 8 :sheer:
ههههه الرحمة على والديك
شوفلي كان ولادها زينين نجي نتبنى منهم 2
والله مني بالصح تاعي كبرو و ماجابوليش اولاد خالص :sad:
وقطتي الحبوبة راهي ضااااااااااايعة
اوموان نصبر عليها بقطط صغيرة :sad: :sad:​

هاني نسناك تقولي :sheer:
بوزوران و الشناوة
يا خوفي يكونو كلاولي ميمي :sad: :sad: :sad:
:crying: :crying: :crying: :crying: :crying:​

لا لا ولادها مش زينين
راجلها قط من تاع الرحبة هاذوك
خشين بزاف وكي يماوي صوتو خشين
وسير ميمي تاعك راهي لثم
وراهي جابت عرش
​

 

[معاك يا الخضراء]

لا لا ولادها مش زينين
راجلها قط من تاع الرحبة هاذوك
خشين بزاف وكي يماوي صوتو خشين
وسير ميمي تاعك راهي لثم
وراهي جابت عرش
​

هههههههه يعطيك الخير ضحكتني :showoff:
اوووو تع الرحبة و كبرت في هاداك الكارتي تهللللللللللللللللللللللللللكت
ههههه

ابابا اني غلطت فلادريس ههههه
مانتبنى ماندير الخير
شكرا عالرد
:re_gards:
يووووه في راسك :sad:
ميمي راهي مودرة عندها 3 ايام :sad:
هي القطة البيضاء فالصورة الرمزية :sad:
اللي شافها يدلني عليها الله يرحم والديه :sad: :sad:
​

 

[عاشقة مجهول]

انا نقولك واش راني نشوف .............
الفقير مزال عندوا رحمة ربي في قلبوا مايخممش بزاف ومايحسبش بزاف للدراهم ماهيش راسخة في راسوا تاع الراجل يسوى غير بالدراهم
بصح الغني اللي عندوا الدراهم مخوا تغلف بيها ولا يشوف غير الدراهم ويحسب كلشي يالدراهم
طفل جديد = مصروف زايد
يمكن بلاك هكذا
وبلاك تاني على جال اغلب الفقراء تاع بلادنا ماهمش متعلمين واكتر الاغنياء متعلمين .........والمتعلم في وقتنا يعرف باللي ماشي ساهلة باه تربي طفل في هذا الوقت وتوفرلوا كلشي
والدليل الطلاب اللي هو في حالة وغير يجيب في لولاد لوكان جا قاري وفاهم مايوصلش روحوا للذل ويمد يدوا للناس ..........على جال اي واحد مثقف عندوا هبة شويا خير من الجاهل .........

ووووووووووووووووووووووووووووو
بزاف حوايج
المهم انا نشوف باللي الولاد بزاف نعمة وفي نفس الوقت نقمة كان ماكش قادر على شقاك مكان لاه ..........



الصراحة موضوع مخربط شويا

ولا نقولك
ايا طيش وربي يعيش
ولا واش قلت



تحياتي​

 

[عاشقة مجهول]

السلام عليكم ياوجه الخير °°° راني نقول هاك باش كشما تصدق عليا ههه °°°​

نزعق خيي ,,, واش بغيت نقولك هذا جواب سمعتوا من عند هاذ الناس واحد المرة هي مريضة وراجلها مكسر لا خدمة لازدمة وعندها 8 ولاد ويعجبك قراب لبعضاهم شفتها واحد المرة مسكينة مغبوووووونة هذا يبكي من هنا وهذا رافداتو منا وهذا حاكم فيه هنا ولك ان تتخيل المنظر ,, كي قلتلها وعلاش عليك هكذا اوموان كون راكي تخلي الطفل حتى يكبر ويولي يعرف لروحو كيفاش ياكل باش ماتتغبنيش معاهم قالتلي مولا بيتي هو اللي حاب هاك لخاطر ماهوش خدام ويقولي نجيبو الذراري بلاك واحد فيهم يجي برزقو وكيما قلت ماقنعتنيش
ايا ربي يرزقو ويرزقنا من وسعه
°°°وهات هذيك الألفين هههه °°°

يعطيك الصحة سفيانو على الموضوع​

مانضنش المرا رايحة ترضا لروحها هذا التعب نعرف بزاف نسا رجالتهم يحتموا عليهم كل عام لازم تجيب ولد وكاينة صح صح هاذي العقلية ...........الله غالب الدنيا عماتلهم عقولهم

 

[meriem150491]

اهلا سفيان هو صح الرزق على ربي سبحانو

مي الواحد مش لازم يجيب لولاد يمرمدهم وميقدرش يلبيلهم طلباتهم حتى هكاك يتحاسب وميقدرش يربيهم مليح

وتبالي تجيب 2 ولاد وتربيهم تربية مليحة وتلبيبلهم طلباتهم حتى كي تموت تلقاهم يدعيولك خير ما تجيب عرش ومتقدرش مامبا تربيهم تربية حسنة وتزيد تدي ذنوبهم


​

 

[خفيف الروح]

بخصوص قطة كاريتكم المتشردة اللي جابت 8 :sheer:
ههههه الرحمة على والديك
شوفلي كان ولادها زينين نجي نتبنى منهم 2
والله مني بالصح تاعي كبرو و ماجابوليش اولاد خالص :sad:
وقطتي الحبوبة راهي ضااااااااااايعة
اوموان نصبر عليها بقطط صغيرة :sad: :sad:

ما يصحلكش راهم قالوا التبني حرام وخصوصا الابناء المشردين ؟؟؟؟؟؟؟​

بوزوران و الشناوة
يا خوفي يكونو كلاولي ميمي .

راني انظن تخمامك اصحيح القط ب20 الف والقطة السمينة ب30 الف سير باعوها وكلاوها خاوتك الشناوه:scared:
​

شوفي راه عندنا في الجامع الكبير بالسطا قطوط بزاف ارواحي تلاقيهم عند البيبان خيري منهم
اللي عجبوا وراني انوصي اعليك الجماعة متاع الجامع باه ما يحسبوكش ناقص حاجه في رمضان .ههه

صح فطورك .

 

[خفيف الروح]

صحيت خويا سفيان صح صيامك.

وين تلقى الفقراء تلقى الاولاد روح لبوعقال وشوف الاحياء الشعبية كل دار يخرج منها جيش

قالك فارغ الشغل امالا ننتج وكل 9شهور واحد مور ا واحد.

والاغنياء راهم عارفين الشغل امليح والدواء كاين (منعالحمل) يخممو على رواحهم وولادهم.

صح فطورك وسحورك مواضعك تعجبني ربي يخليك حي.

 

[نسيم الربيع]

الفقير يقولك واحد ماقتلو الجوع خلي نجيب برك
بصح الغني يقولك يكثرو يكثرو طلباتهم وهو الطفل الواحد راه يحوسو ويديرو الطوموبيل وحدو والشومبرا وحدو والتلفزيون وحدو والميكرو وحدو وووووووووووووو ..... يعني كاين فرق
بصح الفقير يلمهم في شومبرا وحده والتحواس ياخي مكانش طول
والقش يشري غير للكبير من الشيفون السروال ب5آلاف الرخا يدهش والصغار راهم يورثو قش خوهم لكبير
شفت كيفاه نفهم :shiny:
والله راسك يحبس فيهم
مكانش قد اللي يدير 3 يعيشهم كيما يلزم والرازق ربي سبحانو
ايا كثرت الهدره بلا فايده
مارسي عالموضوع الباهي​

 

[TeNtOuNa]

ربي قال:
المال والبنون زينة الحياة الدنيا
يعني لازم يكون عندك المال باش تعيش البنون
والله اعلم
​

 

[SAFA-94]

السلام عليكم
الي عندوا المال يقلك نجيب 3 ولا 4 باش نبني لهم مستقبل مليح
والفقير يقلك الاولا د يجيوا برزقهم ويتم فيها حتى يلقى عندوا 10 ولا 11
(تركة) ههههههههههه
يعني الي عندوا المال دائما تلقاه مهوش قانع يقلك لازم نزيد المال
الا القليل
ايا صحا فطوركم
ومرسي على مواضيعك المميزة​

 

[ماكانش]

مااااا جيت نكمل الموضوع قلبي خرج و انا صايمو ريقي نشف فليل نجي نردي​

هههه
اهلا نيشا
صحا فطورك ومرحبا بيك في كل وقت​

خلي برك انا جيت جيت نرد و نخرج رضبة وحدة

شفت هاذوك ا سفيان لي معندهمش والله يجيبواا بزاااااااف و ميعمهم في والوااا لا كيفاش يكبرواا لا والواا علباهم خطراكش المال و البنون زينة الحياة الدنيا
قالك مكاش المال خلي لولاد و فيهاا بركة
اما الاغنياء كاين المال يجيبواا زوج ولا 3 و خلاص
كاين كلش هاذي هياا هكا​

سلام

أهلا نيشا
راكي ماطولتيش وجيتي ههههه
والله تبالي مايخمموش هكذا
يعني هذا وبابا وفلان وفلان ألي عندهم بزاف ولاد قالك لولاد زينة الحياة الدنيا ؟؟؟
والله ماكان منها ونحلف بربي ههههه
يعطيك الصحة نيشا​

والله انا تاني دايما محيرة علاش الزوالي يحب الذرية ؟؟؟؟؟

مرة قريت وحد البحث قالك
علاش الغرب ما يجبوش الذرية بزاف؟؟؟؟عكس العرب
لقاو انو لي ياكل البروتين بزاف وخاصة اللحم تكون عندو نسبة الاخصاب اقل وهذي تلقاها عند الغني
اما الزوالي لي يشوف اللحم مرة فالعام تكون نسبة الخصوبة عندو اكثر!!!!!!! ​

هادي تاني ما تقنعش ​

ويبقى السؤال مطروح ​

أهلا ياقوتة الصحراء
معلومة جديدة ولكنها ماتقنعش
تبالي ماشي المشكل في الإخصاب وو
المشكل في الشخص الفقير ذاتو ...
وكيما قلتي يبقى السؤال مطروح
يعطيك الصحة ...​

اهلا سفيان ههههههههههههه والله انا يزيدو عليا عشاء ليلة ميسعاش ويكثرو في لولاد بففففففففففففففف انا راي الغني اولاتي با التحواس وزيد مرتو تخاف على لاطاي تاعها من كثر الولادات والفقير ومرتو حام قاعدين يزيدونا في الذر والفقر يزيد يكبر مرسييييييييييييييييييييييييييييييييييييييييييييييييييييييييييي

هههههههههه
اهلا دارين
حكاية لاطاي تعاها حكاية صح ههههههه
بلاك تكون ولكن بنسبة
يعطيك الصحة ...​

شوف خويا قد ماتحب تفهما ماتلقالهاش حل هههههه



قالهالي كلي غاضو الحال وعلاه ماجابش 20 طفل ههههه

وحدها هاذي
​

هههههههههه
اهلا نوال
رانا نستناو كاشما نلقاو حل يصلح هههه
يعطيك الصحة
والله غاضو الحال وعلاه مرتو مرضت وماهيش قادرة تزيد تجيب لولاد ؟؟؟


​

 

[معاك يا الخضراء]

ما يصحلكش راهم قالوا التبني حرام وخصوصا الابناء المشردين ؟؟؟؟؟؟؟

:schmoll: لالالالالالاالا كلو الا التبني
مانيش راح نسميهم على اسمي :shiny:​

راني انظن تخمامك اصحيح القط ب20 الف والقطة السمينة ب30 الف سير باعوها وكلاوها خاوتك الشناوه:scared:

وعععععععععععععععععععععععععععععععععععع :sad:
ماتزيدش تقول هاك :sad:
ختها بت بت عضوها الكلاب درت عليها مندبة :sad:
كون مانلقاش ميمي نديركلم تعزية :sad: :sad:
ادعيلي نلقاها يعطيك الخير
ماعندكمش الفال المليح خلاص:sad:​

شوفي راه عندنا في الجامع الكبير بالسطا قطوط بزاف ارواحي تلاقيهم عند البيبان خيري منهم
اللي عجبوا وراني انوصي اعليك الجماعة متاع الجامع باه ما يحسبوكش ناقص حاجه في رمضان .ههه

صح فطورك .

هههههههه وينا جامع ؟؟ جعفر ؟؟
باشعين القطط تم شفتهن
تقول عليهم مافيا
البراءة ماكنش خلاص :sad:
ايهيييييييييييييييييييييي تع المسجد تم كل معارفنا
سميلي وانا نقلك :sheer:

صحة فطورك خويا :re_gards:

سامحنا سفيان خروح عالموضوع :shay:​

 

[عاشقة FCB]

صحى فطووووركم ​

 

[LOveLy cOmpLex]

مممممممممممممم
ناس قبل يحبوا يكثروا ذري
كل ما طلع رقم ذري لي عندهم كل ما طلع لقراد تاعهم
هكا يشوفوا
اما ع الفقر و الغنى ميهمش
قالك كل طفل يجي و يجيب رزقوا معاه

ما نعرف وقيلة شيوبة متكتك شوي في راسو
حب يحكي معاه


×صحآ فطورك ماكانش ×

​

 

[♥SaMoù Là MoDèsTe♥]

السلآم عليكم

مـآشي دآيمـــآ

كــآين عـآئلآت لآبآس بيهم تصيب فيهم 10 أفرآد

هـآذي مـآهي إلى حــآلة تتكرر معـآك أنتــآ بركـ


وسؤآلك يبقى يطرح نفسو بإلحـــــــــآح ههههههه
​