ارواحو تراه كشما نفريو هاذ المشكل ونلقاولو حل

لاجودان شاف

:: عضو فعّال ::
أحباب اللمة
السلام عليكم ورحمة الله وبركاته
اهلا بجميع اعضاء اللمة الكرام الناس وان شاء راكم بخير ولاباس ومايخصكم والو ومام خصتكم حاجة كي تكون الصحة برك
حبيت نحكيلكم على واحد الظاهر كاينة في مجتمعنا بزاف ومن سنين بزاف

وهي النظرة السيئة من المجتمع للناس المتدينين يعني لي يغلب الطايع الديني على كل سلوكاتهم اليومية

سماوهم سلفيين وسماوهم متشددين وسماوهم دي زيكسترميست

وسماوهم خوانجية وسماوهم اخوة وعيطولو اخينا في المدينة

ولقبوهم بولحية ووووو

يعني السؤال المطروح هل الناس هاذو ظلمو وحقم ضاع من الناس

في الاحترام والاعتراف بالالتزام تاعم في عصر الشهوات والمغريات

ولا صح ماهمش في المستوى وبخصو برواحهم وبعمايلهم سودة

انا عن نفسي راح نعطيلكم رايي لي قانع بيه والله اعلم صحيح ولا غالط

وقولولي نتوما واش رايكم وتوافقوني ولا لا

علابالكم المجتمع الجزايري عندو عقلية تمشيلو في الدم وتربى عليها

وهي عقلية لازم الكمال وتجيب الحاجة مية بالمية وماتغلطش

ول تغلط غلطة برك خلاص وش قدمت كلشي يريييييب

يعني لو تجيب 30 بالمية منستعرفوش 50 بالمية منستعرفوش

70 بالمية والو .....99بالمية والو

والله لازم كامل ولا والله مانستعرفو بيك والحديث قياس

وهاذي هي العقلية لي طبقوها على هاذ الناس

ونساو بلي هاذ الناس راهم بشر من لحم ودم كيفهم

يسخفو ..يجوعو ..يعطشو...يشتهيو ..يحبو الدنيا والمال كيما اي انسان

الله غالب فطرة ربي في الناس وومجاهدة االنفس راهي واعرة بزاف

علابالك الناس تبالها هاذ الناس كي يديرو اللحية ويلتزمو

تولي عندهم armoire techniqueفي قلبوهم

وهاذ لارموار فيها دي زانتيريبتورinterrupteur

انتيريبتور تاع النفس

انتيريبتور تاع الشهوة والغريزة

انتيريبتور تاع الهوى

انتيريبتور تاع حب المال والدنيا

انتيريبتور تاع حب النساء والاولاد والذرية

وهذا لي دار اللحية يولي الامر بيدو ويحكم في هاذ ليزاتريبتور كيما يحب

ويبدا يا دلالي

النفس طفي. ..الشهوة طفي ...حب المال طفي ..

وخلاص صاي ما بقاتلوش فتنة في هاذ الدنيا وتهنا خلاص

وراح يولي طاهر وراح تنزل الملايكة باه تصافحو وين يمشي في الطريق

واحد النهار كنت مريح مع واحد صاحبي فات علينا واحد لقى السلام

صاحبي لي معايا ماردش قتلو علاه قالي نكرهم مانشتيهمش

قتلو علاه وش دارولك قالي منافقين

قتلو علاه هذا وش شفتو دار قالي هذا منعرفوش قتلو مالا علاه تعمم عليهم وتظلم فيهم قتلو يعني واحد غلط كامل مش ملاح

قالي هاذاك النهار شفت واحد يشوف مع وحدة قالي منافق

قتلو وعلاه لي يشوف وحدة منافق قالي هيه

قتلو لا النفاق حاجة خرا وحاجة كبيرة والمعصية ماتنافقش الانسان

النفاق هو اظهار الايمان والتقوى وابطان الكفر تعمدا

وزيد لكان خوك ضعف في لحظة ونفسو غلباتو راهو بشر كيما نتا

وين علابالك راهو غض بصرو على 30 وحدة في اليوم وصل لهاذي

غلب ولا غلط ولا ماقدرش

المهم وباختصار

انا حبيت نقول لازم منزربوش نحكمو على الناس ولازم نلتمسو الاعذار لهاذ الناس ونتفكرو بلي راهم بشر مخدومين كيما حنا بل وبالعكس

بعد الالتزام لي تزينلك الدنيا وشهواتها اكثر وتولي عرضة للفتن اكثر

واللحية اجرها في بلاصتو واطلاق البصر معصية في بلاصتها

وحاجة ما تهدم حاجة ولا تعطل اجر حاجة اخرى

وعلابالك بلي كي تجي تشوف كاين بعض الناس مايحبوش هاذ الناس حسد وغيرة لانهم ما يقدروش يعملو وش عملو هاذ الناس

علابالي بلي راح تريبو عليا طولت طولت طولت

المهم انا ما كملتش كلامي لأنو بزاااااااااااااااف وراح نطول عليكم بزاف

ونتوما وش رايكم وكيفاه راكم تشوفو فيها

تذكير

التهجم على الأفكار مسموح بصح على الاعضاء والاشخاص عقلية تعيف

كل الردود مقبولة بصدر رحب ..اهدر وش حبيت ووين حبيت يا با
 
آخر تعديل:
سلام الله عليكم

أنا حبيت نقولك ياخوا بلي السلفيين اذا اقترفوا خطأ المجتمع ديالنا راح يرفد عليهم نظرة ماشي مليحة لانو في

بالهم انو السلفيين مايرتكبوش المحرمات بحكم انهم متشدين ومتدينين والمجتمع مايرحمش

كيما يقولوا المسلم راح في جرة المجرم

اللهم ارزقنا الهدى والتقى

شكرا جزيــــــــــــــــــــــــــــــــلا
 
kitaba ghayr wadiha arjou el ta3dil
 
ههههههه واوووو
 
السلام عليكم
والله موضوع جد مهم
نظرة بعض الناس للسلفيين نظرة كمال يعني متدين من المفروض راهو معصوم من الخطأ
انا تبانلي انو هو يعتبر قدوة ليهم معنتها ادا خلط اخينا لالوم علي العادي
وصلت انو بعض الناس ادا شاف اخينا يتكلم ف الموبيل ولا شاف التلفزيون ولا يدخل للنت معنتها ياويلو راهو خارج عن الملة ......وللاسف
ومرة وحدة قاتلي على وحدة اخت " هاذي راهي غير تلعبها سلفية و متدينة "
قلتلها وعلاش ؟؟؟؟
قالت على خاطر تضحك و تتمسخر وتقصر !!!!!!!!
والله مع ناس كيما هاذو مش رايح تلقى الحل
 
الناس تنظر لواحد ملتزم مظهرا على انو لازم يكون عندو الكمال الانساني و هو انسان ثقة و مالازمش يغلط
نفس الشي بالنسبة للبنات
و بيان سور كل واحد فينا يغلط صوا كان ملتزم ولا لالا
مي هادي النظرة تاع الجزايريين جوبونس با تتسقم
يعطيك الصحا الشاف​
 
رايحين يردو الجماعة هدو في صنف الأنبياء
والرسل ولا ؟ ايه راهم عباد كيفنا ...
أنا صراحة ما عنديش مشكل معاهم مي حتى
هوما دي فوا يحكمو على الطفلة بلا يعرفوها
ويحسبو ربي غير ليهم ... وبالاك الطفلة
هديك راهي قارية قرآن أكثر منهم وخاتمتو
أكثر منهم وقارية دروس وحاضرة محاضرات
دينية أكثر منهم ...
ديفوا يفوت عليك واحد يتعوذ من الشيطان
وربي قالها تعوذو من الشيطان مش من الانس
...
المهم كل واحد حر في تصرفاتي
وكل واحد يتحاسب وحدو
...
مغسي شاف عالموضوع
سلامو
 
توقيع الورد الأحمر
السلام عليكم
خويا و الله غير صح عندك الحق درك كاين بزاف ناس مديين نظرة ماشي مليحة على الإخوة
ممكن لاخاطر ولاو كاينين ناس هما ماشي مدينين مي يلبسو هكداك
شوهو وجه الإخوة تاع الصح ....كيما كاين اللي شوهو وجه الحجاب ..الجلباب.....شوهو وجه الإخوة
أنا مرة واحد أخينا هبلني
دايم ورايا و كان ما بعتلوش خويا ما كانش بعد عليا ...هاد ماشي أخينا مي محسوب عليهم برك
خلاو الناس يكرهو الإخوة
مي كاين اللي تلقاه أخينا تع صح تحسو صح قدوة ليك ...كان عندي استادي تع علوم أخينا ..يعني أخلاق...تربية ..ينصحنا يورينا...جامي تسمع كلمة ماشي مليحة منو ...و تحسو زاهد في الدنيا ...تحسو صح قدوة يعني ماشاء الله

سلالالالالام
 
أنا تبانلي كي هو كي أي شخص عادي علاه السلفي ولا السلفية ماهمش عباد كيفنا
بصح أسمحلي خويا كاين لي صح يتغطى باللحية
 
سلام الله عليكم

أنا حبيت نقولك ياخوا بلي السلفيين اذا اقترفوا خطأ المجتمع ديالنا راح يرفد عليهم نظرة ماشي مليحة لانو في

بالهم انو السلفيين مايرتكبوش المحرمات بحكم انهم متشدين ومتدينين والمجتمع مايرحمش

كيما يقولوا المسلم راح في جرة المجرم

اللهم ارزقنا الهدى والتقى

شكرا جزيــــــــــــــــــــــــــــــــلا
صح خويا راني معاك
يعني هاذ الناس الملتزمين مهما ضعفو لكن كي يكونو قدام الناس لازم يزيرو رواحهم شوي
لانهم مسؤولين على اللبسة لي لابسينها وهي لبسة النبي عليه الصلاة والسلام
وما تصلحش يسيؤو ليها
مشكور خويا
:re_gards:​
 
السلام عليكم
والله موضوع جد مهم
نظرة بعض الناس للسلفيين نظرة كمال يعني متدين من المفروض راهو معصوم من الخطأ
انا تبانلي انو هو يعتبر قدوة ليهم معنتها ادا خلط اخينا لالوم علي العادي
وصلت انو بعض الناس ادا شاف اخينا يتكلم ف الموبيل ولا شاف التلفزيون ولا يدخل للنت معنتها ياويلو راهو خارج عن الملة ......وللاسف
ومرة وحدة قاتلي على وحدة اخت " هاذي راهي غير تلعبها سلفية و متدينة "
قلتلها وعلاش ؟؟؟؟
قالت على خاطر تضحك و تتمسخر وتقصر !!!!!!!!
والله مع ناس كيما هاذو مش رايح تلقى الحل
صح ختي هذا وش حبيت نقول
الناس عظمت بزاف هذا الناس وطالبتهم بالمستحيل وهو انهم ما يعصيوش
وهوما راهم عباد كيما حنا
وشي هو وفقهم ربي في حاجة اسمها لحية ولا قميص ولا جلباب ولا حجاب
 
الناس تنظر لواحد ملتزم مظهرا على انو لازم يكون عندو الكمال الانساني و هو انسان ثقة و مالازمش يغلط

نفس الشي بالنسبة للبنات
و بيان سور كل واحد فينا يغلط صوا كان ملتزم ولا لالا
مي هادي النظرة تاع الجزايريين جوبونس با تتسقم

يعطيك الصحا الشاف​
صحيحة ختي
منعرف تروح هاذ العقلية ولا لا
الله يسلمك
 
صحيحة ختي

منعرف تروح هاذ العقلية ولا لا

الله يسلمك
ماتروحش غير ما تتقلقش بزاف
اون+ الواحد الي يلبس هكداك ادا شاف روحو ماراحش يلتزم علاه يعيي في روحو
و يولي يسمع في هدرة الناس كل وقت
نفس الشي بالنسبة للطفلة​
 
رايحين يردو الجماعة هدو في صنف الأنبياء

والرسل ولا ؟ ايه راهم عباد كيفنا ...
أنا صراحة ما عنديش مشكل معاهم مي حتى
هوما دي فوا يحكمو على الطفلة بلا يعرفوها
ويحسبو ربي غير ليهم ... وبالاك الطفلة
هديك راهي قارية قرآن أكثر منهم وخاتمتو
أكثر منهم وقارية دروس وحاضرة محاضرات
دينية أكثر منهم ...
ديفوا يفوت عليك واحد يتعوذ من الشيطان
وربي قالها تعوذو من الشيطان مش من الانس
...
المهم كل واحد حر في تصرفاتي
وكل واحد يتحاسب وحدو
...
مغسي شاف عالموضوع
سلامو
صح كلامك صحيح ختي
ممكن يزربو يحكو علو واحد ولا على وحدة بمظهرو وهو ممكن فايتهم في امور
وبالخصوص في الاخلاق
كاين ناس لي مش ظاهرهم الاستقامة بصح اخلاقهم مليحة وهاذو فيهم بذرة الخير
ما يطولوش ويهديهم ربي
شكرا مشرفتنا
:re_gards:​
 
اييييييييي على السلفين سورتو تع باتنة بففففففففففف يلعبوها نصف ساق وهوما من تحت لتحن جارنا سلفي حال مطعم راحت طفلة شرات عليه زعما ثلاث مرقازات في الخبز اي حكم مرقازة وقصههالها على ثلاثة خبيث اللحية تاعو قريب توصل لرجليه والخدع في نبات في عينيه
 
السلام عليكم
خويا و الله غير صح عندك الحق درك كاين بزاف ناس مديين نظرة ماشي مليحة على الإخوة
ممكن لاخاطر ولاو كاينين ناس هما ماشي مدينين مي يلبسو هكداك
شوهو وجه الإخوة تاع الصح ....كيما كاين اللي شوهو وجه الحجاب ..الجلباب.....شوهو وجه الإخوة
أنا مرة واحد أخينا هبلني
دايم ورايا و كان ما بعتلوش خويا ما كانش بعد عليا ...هاد ماشي أخينا مي محسوب عليهم برك
خلاو الناس يكرهو الإخوة
مي كاين اللي تلقاه أخينا تع صح تحسو صح قدوة ليك ...كان عندي استادي تع علوم أخينا ..يعني أخلاق...تربية ..ينصحنا يورينا...جامي تسمع كلمة ماشي مليحة منو ...و تحسو زاهد في الدنيا ...تحسو صح قدوة يعني ماشاء الله

سلالالالالام
بففففففففف وعلاه يتبع فيك هذا وش بغا
يشبه في روحو وممكن يجيب شبهة لبنت الناس
ايييييييييه لوكان نحكيلك وشفت وش سمعت في هاذ الباب
ياو كنت نريح مع جماعة منهم يسقسيو واحد فيهم يقولو
واش لقيت مرا يقولهم مازال بصح بغيتها كيما لاجودان تشبهو
زعما يلازي على ختي
 
أنا تبانلي كي هو كي أي شخص عادي علاه السلفي ولا السلفية ماهمش عباد كيفنا


بصح أسمحلي خويا كاين لي صح يتغطى باللحية
صح عندك حق
كاين لدار اللحية اخلاص لربي سبحانو
وكاين لدراها للتجارة
وكاين لي دارها باه يمدولو الطفلة
وكاين لي دارها لانو كان فواييو حاب يدير نظرة مليحة ليه باه يزوج
وكاين لي دارها باه يغطي الضربات تاع الموس في وجهو
لي داهم نهار تقابض كي كان يخمر في الراية
وزيدي كاين لي دارت جلباب طاعة لله عزوجل وعفة
وكاين لي داراتو باه تمد نظرة مليحة قال صاي هنات روحها
شكرا
:re_gards:​
 
ماتروحش غير ما تتقلقش بزاف

اون+ الواحد الي يلبس هكداك ادا شاف روحو ماراحش يلتزم علاه يعيي في روحو
و يولي يسمع في هدرة الناس كل وقت

نفس الشي بالنسبة للطفلة​
صح كاين لي يدير اللحية والقميص ولي دارت جلباب
وهو مازال ماروداش روحو مليح ولا مازالت
عليها يبقى يغلط
ويسيء لصورتو
 
اييييييييي على السلفين سورتو تع باتنة بففففففففففف يلعبوها نصف ساق وهوما من تحت لتحن جارنا سلفي حال مطعم راحت طفلة شرات عليه زعما ثلاث مرقازات في الخبز اي حكم مرقازة وقصههالها على ثلاثة خبيث اللحية تاعو قريب توصل لرجليه والخدع في نبات في عينيه
ههههههه والله تستاهلي تقييم على هاذ الرد
عجبتني تاع قصهالها على ثلاثة هههه
واحد النهار رحنا ناكلو الشوا مع سفيان و فقير صغير
كومندينا المطارق تاعنا هيا حطهم يتشواو وهاذوك هوما لخرين
من بعد جاه واحد قالو بيعلي قالو خلصلي صاي
قالو مالا اعطيني من هاذو عطاه منهم لتحت لتحت بلا ما قالنا وضرب النح
وطاحت في زهر سفيان لما فتح الخبز تاعو لقى نصو فرغان
قالو علاه يا خويا علاه
قالو والله خلصولي ونسيت نقولكم
ياخي كان سفيان راح يغنيلو غانية ديرولو الحنة بصح حكمناه
قلنالو خطانا منو
ههه
مشكورة
 
العودة
Top Bottom