مطبخك في رمضــــــآآآن سيدتي * الجـــ 4 ـــزء* ‏ ‏ والاخير بحول الله

[عفاف الجزائرية]

قــــاطــو * قــمقــوم الزآآآوش * من ــــــ*ــــ مطبخي ــــ*ــــــ وبالصورــــــــ​

 

[meriem104]

سلاام اختي
معليش ممكن تعطيلي الوصفة نتاع الياسمينة _o:_o:
وشكراا مسبقا
بارك الله فيك

اهلا ببنت تيارت راكي بنت بلادي انا ثاني تيارتيه

ميكون غير خاطرك حنونتي

مقادير العجينة :
3عبارات فرينة - عبر "1" ماشي معمر دهان - ملعقة قهمة فانيليا - ماء الزهر باه تلايمي بيه العجينة أخدميها و خليها فكيس بلاستيكي ترتاح

مقادير العقدة :
3عبارات كوكاو محمص و مطحون أو اذا حبيتي ديري 2عبارات كوكاو و عبر "1" نوات كوكو مطحون - ملعقة قهوة فانيليا - شوي قرفه - بيض حتى تتلملك العقدة
--
ياك راكي تعرفي الطريقة كيفاه تخدميهاو اذا متعرفيهاش قوليلي نقولك كيفاه
--

قلت نزيد سقوقيه و دوائر المرغريت و مثلثات بالشكلاطه البيضاء كي نكملهم راني نحطلكم
--
سلامي ليكم لبنات

 

[ibtesem]

صح فطوركم
واش مطيبتوش اليوم هههههههههه كوزينة فارعة
والله خلاص تعبتو من الطياب
انا اليوم خفيف
تشيكن وينقز ههههههه مع فريت وبوراك سلطة
فيها الف براكة

 

[imane27]

صح فطوركم وينكم مبنتوش

 

[بنت الجسور المعلقة]

سلامي حبيابتتتتتتتتتتتتتتتتتتتتتي صحا فطوركم كااااااااااااااااااااااااااااااامل

 

[nada242008]

صحا فطوركم يالهرابات :sheer: وينكم هذا ولا راكم تحرقوا في الماكلة حشمتو تصوروها هههههههههههههه
طيبت فريكاسي وكوكا والباقي معروف خلاتها ايمان كلمة:showoff:
ابتسام وينو الخبز العربي تاع البارح

--

 

[labed93]

صحا فطوركم
ندى كيفاش درتي الفريكاسيي

 

[imane27]

صح فطورك ندي راه يشهى نتي اموا فطرتى انا رانى نتفرج فيه
شفتى عينا من تصاور هما لمام

 

[سهيلة سوسو]

ام فاروق
فعلا لاحظنا غيابك انتي والكثير هنا
حبيبتي اهم شي النية
ومش شرط تكون ليلة القدر البارح في يدك هاد الايام الباقية
ادعي وننصحك في الثلث الاخير من الليل
الدعوة مستجابة
وانا رايحة ندعيلك ان شاء الله
ربي يوفقك ويسعدك
ويرزقك بالذرية الصالحة

<<<<<<<<<<<<<<<
راجية العفو انا صحيح مانعرفكش
لكن اسمك عمرو مايتنسا
ومواضيع الهايلة
صح فطورك
وان شاء الله تكوني بخير وسعادة
صح عيدكم
وربي يسعدكم ويوفقكم كامل

 

[ibtesem]

امممممممممممممممممم ياندودة
والله ماصورت ندى البارح
تلهيت بالاخبار
راهم اقولو جاينا اعصار اعدي في طريقو علنا
لربي يحفضنا واعديها على خير يارب
بصحتك حبوبة اليوم ان شاء الله نصور

 

[عفاف الجزائرية]

صحا فطوركم بنات
ان شالله تكونو بخير
والله يسمحلنا عمي رمضان برك اذا قصرنا في حقو والله صح تعبنا
انا رجع عليا تعب القاطو وهاذ الايمات راني مع الميناج والغسيل
رح نموت
كي كنت ندير في الريجيم ما نقصتش
ودرك نقصت ب 6 كيلو في هذا 20 يوم الاخيرة
انا درت للفطور الخبز العربي وندوش ادرى بالفطور
مع محشي جريوات وحمص
فلفل سلاطة شربة وشراو الخبز ما قدرتش حتى نحط القصعة ونعجبن
​

 

[rima29]

صح فطوركم كامل​

 

[ام فاروق و ايناس]

صح فطوركم كامل كيراكم مع الايام الاخيرة
تحية خاصة من ابنتي ايناس الى ام ندى وابتسام ايمان و ابنتها ريما
انا درت للفطور سندويشات جيب التاجر طاجين الجلبان+اللحم+الفرماج في الفور+سلطة الارزوالبطراف و ماسيدوان و الباقي معروف(الحريرة+اللحم الحلو حميس)
اما القاطو كملته الامس (البقلاوة-العرايش-قاطو القطيفة-المقرود-الغريبية-حلوى البابيون)
صورتهم بالبورتابل مى مخرجوش ملاح ساعيد تحميلهم و انزلهم ان شاء الله
شكر خاص الى الاخت عفاف على الوصفات خرجت الغريبية رائعة تدوب في الفم

 

[كوثر الوهرانية]

مساء الخير عليكم كيراكم خوتاتي توحشتكم بزاف
سامحوني مدخلتش كنت لاهية مع الحلويات خلاص كملت تهنيت منها
بصحت فطوركم كامل يا خوتاتي

 

[imane27]

سلام صح فطوركم
ام اينا وفاروق الله يسلمك وبوسيلي ايناس وقليلها ريما وايمان راهم يسلمو عليك
كوثر يعطيك الصحة راكى تهنيتي انا مزالي مقروط غدوة انشاء الله نديرو

 

[merieme hassi]

السلام عليكم
ام فاروق الله يشافيك و تقدري تدعي في هده الايام الاخيرة مازال مكملش رمضان و كيما قالت الاخت الثلث الاخير
راجية العفو ربي يجيب الشفاء
ايمان 27بصحتكم مايدتك دايما هايلة
ابتسام ربي معاكم ان شاء الله يبعد الاعصار عليكم
ام ندي دايما متالقة باطباقك
كوثر الوهرانية تهنيت من القاطو بصحتكم
بصحتكم كامل كل واحدة باسمها و السوال علي الغايبات
انا راني نوجد في الباقاج الله اعلم نسافر يوم العيد و لربما نغيب عليكم ايام لظروف عمل زوجي الله اعلم
المهم تعيدو بالصحة
استودع الله دينكم و دنياكم
متنساونيش من الدعاء

 

[shahrazad]

صباح الخير لبنات
حبيت نسقسيكم

هاديك الحلوة نتاع ندى الورود
حلوة محشية بالحلقوم

حبيت ناخذ رايكم راهي مكتوب فالمقادير لعسل وسكر
ندير لعسل ولا لا لا؟لانو جامي خدمت بيه



​

 

[merieme hassi]

صباح الخير لبنات

حبيت نسقسيكم ​

هاديك الحلوة نتاع ندى الورود
حلوة محشية بالحلقوم ​

حبيت ناخذ رايكم راهي مكتوب فالمقادير لعسل وسكر
ندير لعسل ولا لا لا؟لانو جامي خدمت بيه ​

شوفي حنونة من تجربيتي طبقت المقادير كيما قالت عليها الاخت ندي الورود الله يجازيها و خرجلي القاطو هايل يدوب من الفم و خاصك حنونة تتفقديه كي دخليه للفرن
و الله اعلم

 

[shahrazad]

شوفي حنونة من تجربيتي طبقت المقادير كيما قالت عليها الاخت ندي الورود الله يجازيها و خرجلي القاطو هايل يدوب من الفم و خاصك حنونة تتفقديه كي دخليه للفرن
و الله اعلم

بارك الله فيك حنونة
هكا طمنت
ان شاء الله يخرجلي مليح
صحيتي

​

 

[merieme hassi]

السلام عليكم
كاش اخبار علي ابتسام و ايمان 27
راني نسمع في الاخبار بلي الاعصار دار حالة ان شاء الله تكون بخير ابتسام و ايمان