ضيفتنا الثالث والعشرين في كوزينة جزائرية

[روعة2005]

شوفو شكون راهي ضيفتنا.................يعني صراحة الاسئلة ك قوووية وشملت كلشي واجابتك كانت اقوى وفيها كلشي
نحب نقول بلي احبكي كاخت عزيزة وربي يشهد
عرفت بلي عندك اخوك مات هل اثر موتو فيك كثيرا وهل كنت مقربة منو ولو رزقك الله بولد فهل تسميه عادل
بما انك انت وزوجك تشتغلو في مجال الطب هل تتمني انو ندى تكون في نفس مجال عملكم واو تحبي تخليها ترسم مستقبلها بنفسها
كيف تتعاملي مع ندوش حين تغلط اقصد ماهي طريقة لي تعاقبيها بيها_o:
بما انك حامل ومبقاش كثير على الولادة ان شاء الله كيفاش راكي تحضري في بنتك اقصد ضرك لازم تنام في غرفة خاصة وراح البيبي يدي من وقتك الكثير رغما عنك فهل وجديتيها نفسيا وكيفاش:showoff:
هل تعزمي اهل زوجك عندك وهل يعزموك هوما
هل صرى بينكم سوء فهم مدة زواجك والا لالا
هل تروحي من اجل مساعدة حماتك في شغل المنزل احيانا/صد لما يكون عيد ولا مناسبة/ وهل يطلب منك زوجك ذلك
هل تحضري اطباق او حلويات وتديهالهم معاك او تشري من برة
نتمنى مانكونش احرجتك او ضايقتك باسئلتي ولكي حرية الاختيار تجاوبي اولالا
لكي كل حبي واحترامي عفوفة

 

[nada242008]

اني رجعت باه نكرمك برك ما تخافيش الالة
مي انا تكريمي خاااااااااااص من نوعو ومن نهار بدينا العرضات واحدة ما دارتو
هاذي تعجبني بزاااااااااف وتفكرني بحوايج بزاااااااااف

حبيت نهديهالك وعيطي لندوش ديريهالها تسمعها وقوليلي كيفاه تفاعلت معاها
اليك يا اطيب واحن اخت عرفتها
http://www.youtube.com/watch?v=ErvJdrdq2UY
​

في قرية التوت توت توت تتتتتتتووووووووت هههههه كنت نموت عليه هذا الكوميك ومانراطي حتى حلقة
ندى كي شافاتو كرهتلي حياتي عاوديه عاوديه وهذا واث اثمووا وواث راهو يقول
ربي يحفظك عفاعيفو انت الاطيب والاحلى والاغلى :shay:

 

[nada242008]

شوفو شكون راهي ضيفتنا.................يعني صراحة الاسئلة ك قوووية وشملت كلشي واجابتك كانت اقوى وفيها كلشي
ربي يخليك فوفة الغالية
نحب نقول بلي احبكي كاخت عزيزة وربي يشهد
والله ووانا كذلك:shay:
عرفت بلي عندك اخوك مات هل اثر موتو فيك كثيرا وهل كنت مقربة منو ولو رزقك الله بولد فهل تسميه عادل
اثر فيا اكثر ماتتصوري ومانقدرش حتى نوصف مدى تاثيرو
كنت الاقرب منه وكان الاقرب مني بين كل اخواتي
واخر ايامو هو اللي سجلي في جامعة قسنطينة وهو يوصي فيا ويعاود يخي ماعدتي تحتاجي مني والو كملتك كلش ..
حتى اخر ساعات قبل الموت كان بقربي الى ان قدر الله
مات في سن 26 سنة ربي يرحمو ويوسع عليه .. الحكاية هذي عندها 9 سنين ..لكنها مازالت مؤلمة
ابدا مانقدرش نسمي ولدي في بلاصتو لاني رايحة نتقاس اكثر وواحد مايجي في بلاصتو
زوجة خويا ولدت العام اللي فات وحبت تسمي عليه وواحد ماقبل
مازال الجرح ينزف رغم مرور السنين
بما انك انت وزوجك تشتغلو في مجال الطب هل تتمني انو ندى تكون في نفس مجال عملكم واو تحبي تخليها ترسم مستقبلها بنفسها
والله ماعندي حاجة انا اصلا ماكنتش مهتمة بهذا المجال .. غير كي جا المعدل
وسجلت وقبلوني .مكتوب فقط
باباها يقولي حابها فرمسيانة مش طبيبة باش ماتتمردش لانو عندو اخت طبيبة
وراهي حاصلة ... وفي الاخير الامر يعود لها
كيف تتعاملي مع ندوش حين تغلط اقصد ماهي طريقة لي تعاقبيها بيها_o:
تعرفي ندى تفهم وحساسة اكثر من اللزوم ساعات تجيني طريقة تفكيرها كثر من عمرها .. بمجرد التهديد فقط تبطل
نهددها غير نقولها بعدي ماتقعديش حذايا هههه
تطلب السماح وتعاود مانتجراش ونقيسها
قليل وين نضربها ..
بما انك حامل ومبقاش كثير على الولادة ان شاء الله كيفاش راكي تحضري في بنتك اقصد ضرك لازم تنام في غرفة خاصة وراح البيبي يدي من وقتك الكثير رغما عنك فهل وجديتيها نفسيا وكيفاش:showoff:
نخمم ونعاود .. قادر نرحل قبل الولادة وقادر بعد
ساعات نقول نخليها على ربي هو اللي يحلها
نخمم نشري حوايج وماعنديش وين حتى نحطهم
الغرفة الخاصة حاليا ماكانش قتلك راني في الضيق والتطرطيق هههه
وحتى كون عندي مانديرلهاش ..حتان تكبر ونحطها هي واللي جاي يتوانسو
باباها راهو يقول انا نبات مع بنتي وحدنا .. وانت مع البيبي لي جاي ههههه
مازال ما وجدتهاش كون نقولها من ضرك تدير حالة جيبيه ضرك ونحصل
ساعات تلاحظني مليح وتقولي كرشك سمانت يا ماما ههههه
هل تعزمي اهل زوجك عندك وهل يعزموك هوما
عجوزتي تشتي الجملة تكون غير في دارها بحكم عندها دار وااسعة وكبيرة
وعدد الافراد قليل
يعني كي نجي نعرضهم نطيب ونديلهم
عجوزتي ديما تعرض وساعات حتان نحشم منها
راجلي مش ديما يقبل هههه غير ساعات وين قلبو يحن
هل صرى بينكم سوء فهم مدة زواجك والا لالا
في البدايات بسبب نقل اخبار من طرف واحد السوسة
وطبعا كان سوء تفاهم والطرف الثالث هو اللي حب يفسد
وتحل المشكل طبعا ..
هل تروحي من اجل مساعدة حماتك في شغل المنزل احيانا/صد لما يكون عيد ولا مناسبة/ وهل يطلب منك زوجك ذلك
حماتي ساكنة مع بنتها المتزوجة وعندما مرا تجي تنظفلهم البيت من وقت لاخر وفي العرضات والمناسبات وهي تطلب مني نطيبلها في داري ونجيب
زوجي كي يشوف امو حاصلة ديما يطلب مني ..خاصة كي بنتها تروح عليها
هي تحلفلي ماتمسيش وهو يحلف والله غير تمسي هههههه
هل تحضري اطباق او حلويات وتديهالهم معاك او تشري من برة
يطلبوا مني اطباق محددة و عمرها ماتطلب مني حاجة مشرية
خطراه ديما تشري انواع واشكال هههه حافظة الحوانت
نتمنى مانكونش احرجتك او ضايقتك باسئلتي ولكي حرية الاختيار تجاوبي اولالا
لكي كل حبي واحترامي عفوفة

لالا بالعكس فوفة اسئلة خفيفة ظريفة مافيها حتى احراج

 

[روعة2005]

شكرا عفوفة على صراحتك وبرائتك وربي يرحم اخوك برحمته ويجعل قبرة روضة من رياض الجنة
وان شاء الله ربي يفرج عليك ببيت العمر ويكون كيما تتمناي يارب
وربي يهنيك ويفرحك بزوجك وندوشتك ويرزقك الذرية الصالحة يارب

 

[nada242008]

شكرا عفوفة على صراحتك وبرائتك وربي يرحم اخوك برحمته ويجعل قبرة روضة من رياض الجنة
وان شاء الله ربي يفرج عليك ببيت العمر ويكون كيما تتمناي يارب
وربي يهنيك ويفرحك بزوجك وندوشتك ويرزقك الذرية الصالحة يارب

امين يا رب ويرحم جميع موتى المسلمين
شكراا مرة اخرى عفوفة وربي ينوب عليك ثاني بسكنة شرحة برحة ههههه
وتشري ماعن وتلقاي وين تحطي ههههه
ويفرحك باولادك ويهنيكم

ههههه الهربة تسلك ماعليا غير نغلق الموضوع i-o: