sahiko كي عوايدو يحكي على ......

[sahiko hamza]

سلام عليكم ورحمة الله

:shiny: :shiny:


:shiny:



واش راكم مع قش العيد ولا قش دخول المدرسي اكم ملاح ؟
علابالنا القش راه غالي وماشي مليح مي وش راح ديرو لازم تشريو وتتبيشو وبصحتكم على كل حال ...

ماعليش خلي ندخلو ديركت فالموضوع وكي عادتي مانروحش بعيد يدما قودامكم وديما نحكي على حاجات تصرى هنا في هاد الملمة لحنينة لي لمتني من عام 2008 .....

آلوووووغ راني نشوف هاد ليامات ولي نورمالمو تكون العكس مي الله غالب هدي العقلية وين وصلت ... :shay:



احنا التسنطيح ماشي في دمنــا ونحبو لعناد والتاغنانت ولو رانا نديرو في حاجة غالطة مي الله غالب التاغنانت فوق كل شيئ ....
مي دوك هاد لامود تاع التاغنانت راحت بكري دوكا ولاة عقلية جديدة ...:scared:
هي قديمة شويا مي نقولو عليها جديدة والي هي :

::




::



كي شغل كاين بلاكة تقلك ممنوع التدخين وتلقاه بحداها داير فيها قارو :smoke:
ولا كاين بلاكة اخرى تقول ممنوع الوقوف والتوقف مي عادي خلاص تلقاه حاط طوموبيلو تحتها ومولاها مكانش ... :cursing:
ولا يقلك ممنوع الشات فالمواضيع وتلقى الخاوة تشاتي نورمال كي شغل ماشافوش التنبيه :music_whistling:


انا نقول عليهم يتمهبلو بركـ :sly:



::



::



::







بصريح العبارة وكي عادتي والناس اكل تعرفني بصراحتي
علاه برك كي تشوفو تنبيه فأي حاجة ماشي غي فالمنتدى تديرو رواحكم ماعلابالكمش
ولا دز برك عبز يسيل ؟ :mellow:


الى ماراكش واحد منهم وش تقول في العباد هذو .... ؟ :no_1:



خلونا نشوف آراكم على هاد الظاهرة :showoff:



:shiny:


​

 

[sahiko hamza]

شكرا على الموافقة
​

 

[لاجودان شاف]

السلام عليكم
يعطيك الصحة خويا
هكذا مداير الجزايري ما يستعرف بوالو
قالك يحب التحرر وما يحبش القيود​

 

[nour mary]

وعليكم السلام خويا ​

ولا كاين بلاكة اخرى تقول ممنوع الوقوف والتوقف مي عادي خلاص تلقاه حاط طوموبيلو تحتها ومولاها مكانش

راك عرفت بواش تشبها كي تقولهم ماديروش هاديك الحاجة يديروها

المرة الجاية قولهم مسموح الشات دوركا مايحكوش

سلاااااام
صح فطورك

 

[hiba14]

هههههههه قالك ولد خالتي كي يدخل بابا يقولولو عزو عزو اجري قعد في البونك باباك جا باش ما يروحش لاخاطر لوكان يقولول خلي بابا يقعد في البونك يقلب الدار بكى تسمى كل شي يقلبوه هادا علينا لاخاطر عزو عينة منا

 

[ابوندى]

اهلا اخي حمزة لك وحشة هههه
بخصوص موضوعك نقولك نحن لغز يعجز الجن على حله بكل ماتحمله هاته الجملة من معاني هدا مااستطيع قوله

 

[sahiko hamza]

السلام عليكم
يعطيك الصحة خويا
هكذا مداير الجزايري ما يستعرف بوالو
قالك يحب التحرر وما يحبش القيود​

اهلا المساعد

بلاك التحرر هذاك يرجع ليه ... i-o:
​

 

[sahiko hamza]

وعليكم السلام خويا ​

ولا كاين بلاكة اخرى تقول ممنوع الوقوف والتوقف مي عادي خلاص تلقاه حاط طوموبيلو تحتها ومولاها مكانش

راك عرفت بواش تشبها كي تقولهم ماديروش هاديك الحاجة يديروها

المرة الجاية قولهم مسموح الشات دوركا مايحكوش

سلاااااام
صح فطورك

اهلا بيك ...
ماتفهمي والو وكي تفهمي دوخي ...
موصيبة :sad:
​

 

[sahiko hamza]

هههههههه قالك ولد خالتي كي يدخل بابا يقولولو عزو عزو اجري قعد في البونك باباك جا باش ما يروحش لاخاطر لوكان يقولول خلي بابا يقعد في البونك يقلب الدار بكى تسمى كل شي يقلبوه هادا علينا لاخاطر عزو عينة منا

يسما كونترار على هدرتك .... :cra_zy:
​

 

[nabil_39]

مبعد نروحوا انا وياك
ونشريلك قش العيد متقلقش

​

 

[Orodent]

سلآم عليكم
صح فطوركم
ايـــــه آ خويآ حمزة راهو غايضني لحال كثر منك على الراديو
والله ما حبيتها كي زاد تغلق لمرة الاخيرة
انا نقول الصح وما نكذب لا عليك لا على روحي
كنت نشيخ لثم ونحكي مع لبنات
بصح كي ردوه لمرة لخرة جبدت روحي وندخل نهدي ونخرج
°°°
.........
نرجعو للسبة
هاد الشي ممكن يرجع للتحدي
باسكو حنا اون جينيرال نحبو نتحداو
وما نحبوش لي يقيد حرياتنا ولا يتحكم بتصرفاتنا
ونزيدو فوقها نخشنو ريسانا
ياخي الجزايريين راسا ولي يخلط فيهم باصا
نتمنى يولي الموضوع لي كان منور الخيمة
تحياتي ليك
سلام ​

 

[اجمل زهرة]

آخيــر عليكم :shiny:
حبيت نهدر على هاذي:

ولا كاين بلاكة اخرى تقول ممنوع الوقوف والتوقف مي عادي خلاص تلقاه حاط طوموبيلو تحتها ومولاها مكانش ... :cursing:

البلايك هاذوك تاع ممنوع التوقف و ممنوع المرور
الشعب الجزائري ولا يلعب بيهم كيما يحب
والله غير وين يلقاوهم ينحوهم باه يسطاسيوني وين يحب كشما كاين ماني نشوف فحتى بلاكة
يحبو كلش عالـــgــوسطو :music_whistling:

و هاذيك تاع

ممنوع الشات فالمواضيع

خلي ما نهدروش ... :glare:
​

 

[Toufik.dz]

الطبيعة نتاع التمرد متأصلة في بني اُدم واش راح تدير
و كيما يقلك توجور الممنوع مرغـوب
ربي يهدي ويعطيك الصحة
تحياتي
​

 

[عمار صادق]

إذا كنت لا تعلم أين تذهب فكل الطرق تأدي إلى هناكـ
​

 

[zahira92]

wach m3naha taghnant

 

[maya31]

شوف خويا حمزة ............ حنا كجزائريين نعاندو و خشان
علاه بارسكو ماكانش واحد يعاقبهم
واحد كي يشوف بلاكة فيها ممنوع تدخين و يدخن كي يجي شرطي يديرلو بروصي يخلص من جيبو شوف ادا يعاود يديرها
لوكان يولي واحد حشاكم يبزق يخلص عليها سيرتو كي يخربولهم في دراهم تماك يتسقدو مي يقولك يبهدلوها من بعد يقولك ماشي بلاد
هنا و لا فالمنتدى
و على المنتدى كان بين بلي راح يروح لهاد المنعطف و اغلاق الرسائل الخاصة
ماكانش كيفاش يهدرو
و سي نورمال صعيبة باش دير 75 موضوع انا نظن بلي نقاش ما عليه حتى شيىء ادا كان هادف

 

[killua0555]

سلام عليكم ورحمة الله

:shiny: :shiny:

وعليكم السلام و رحمة الله تعالى و بركاته
:shiny:



واش راكم مع قش العيد ولا قش دخول المدرسي اكم ملاح ؟
علابالنا القش راه غالي وماشي مليح مي وش راح ديرو لازم تشريو وتتبيشو وبصحتكم على كل حال ...

قالك اللبسة مجازتش من سوريا :scared: راها تتعاود هههههههههههههههه
ماعليش خلي ندخلو ديركت فالموضوع وكي عادتي مانروحش بعيد يدما قودامكم وديما نحكي على حاجات تصرى هنا في هاد الملمة لحنينة لي لمتني من عام 2008 .....


مازال حاب تكمل تهدر هههههههه...كنت متشرد مقبل هههههه
آلوووووغ راني نشوف هاد ليامات ولي نورمالمو تكون العكس مي الله غالب هدي العقلية وين وصلت ... :shay:

يالا اللهول واش صرا

احنا التسنطيح ماشي في دمنــا ونحبو لعناد والتاغنانت ولو رانا نديرو في حاجة غالطة مي الله غالب التاغنانت فوق كل شيئ ....
مي دوك هاد لامود تاع التاغنانت راحت بكري دوكا ولاة عقلية جديدة ...:scared:
هي قديمة شويا مي نقولو عليها جديدة والي هي :

::
الله غالب دزاير فى دمو زكارة و زكارة هى جات من دزاير نحبوها و تحبنا :shay:



::



كي شغل كاين بلاكة تقلك ممنوع التدخين وتلقاه بحداها داير فيها قارو :smoke:

لازم هوما يديروها يفكرو ناس فى تدخيين
ولا كاين بلاكة اخرى تقول ممنوع الوقوف والتوقف مي عادي خلاص تلقاه حاط طوموبيلو تحتها ومولاها مكانش ... :cursing:
ولا يقلك ممنوع الشات فالمواضيع وتلقى الخاوة تشاتي نورمال كي شغل ماشافوش التنبيه :music_whistling:


انا نقول عليهم يتمهبلو بركـ :sly:

مى ماشى ترجع زوج ردود شات و ماشى ترجعها زردة :sadwalk:


::



::



::







بصريح العبارة وكي عادتي والناس اكل تعرفني بصراحتي
علاه برك كي تشوفو تنبيه فأي حاجة ماشي غي فالمنتدى تديرو رواحكم ماعلابالكمش
ولا دز برك عبز يسيل ؟ :mellow:

هى فلاشعور هادى سما حنا نحبو زكارو و زكارة تحبنا ..و بزيادة تنبيه هوا الى يفكرك هههههه
الى ماراكش واحد منهم وش تقول في العباد هذو .... ؟ :no_1:

واش نقول فى هاد العباد :scared: راهو عندى دوا جديد انتى زكارة اتصلو بحصة عندكم خصم 50 بلمئة هههههههههه

خلونا نشوف آراكم على هاد الظاهرة :showoff:



:shiny:


​

راى هادى ظاهرة تزيد فى مستهلكيين و هاد طبعا بعد اكتيشافنا بلى تهدر متهدرش متقدرش تنحى حاجة ف دم

 

[oumnia]

عندكالحقيا خويا[/php]

 

[الليبي]

؟؟؟؟؟؟؟؟؟؟؟؟؟؟؟؟؟ لم افهم جيدا
ما هوا (القش) هل تعني الراتب الشهري او شيا من هذا القليل

 

[oumnia]