السلام عليكم اخي سامي مزال مجاوبتنيش على لوندوي راني نستنا خير مانقطع الياس والله انا بحاجة الى هذا الموضوع ربي يعيشك جاوبني
السلام عليكم ورحمة الله
بحثت على فديو تعليمي ولم اجد لهذا لم اجبكي لكن سوف اعطيك الطريقة وان شاء الله تتمكني من التطبيق
اول خطوة هي تحضير لوندوي
عندك كيس تاع اندوي 20كغ وعندك اناء كبير او بيدون تاع طلاء فارغ
عمري حوالي 8 او 10 لتر تاع ماء في البيدون وابداي اديري في لوندوي بودر في الماء ولكن ما تفرغيش لوندوي ضربة وحدة غير بالشوية
انتي تديري في لوندوي حفنة بعد حفنة والماء ينشف بالعقل لما تشوفي الماء الي في البيدون نشف كامل زيديلو حوالي كأس كبير الطلاء المائي (لافاب) وخلطي جيدا تتحصلي على عجينة رخوة
كاين بزاف انواع تاع لوندوي وكل واحد كيفاش يصرالو بعد التخليط
بعد ما تخلطي استناي 15 دقيقة اذا وجدتيه كيما كان رخو ابداي العمل عادي واذا وجدتيه يابس اكثر زيديلو كاس من الماء او اكثر واعيدي التخلاط وابداي العمل
بالنسبة للادوات 2 مالج (gratoire) من الاحسن واحد كبير 20 والثاني صغير عليه 16
الصغير نرفدو بيه لوندوي والكبير للعمل والانهاء
في الحواشي نساعمل الفرشاء الصغيرة8 او اصغر
بالسبة لطريقة العمل سهلة نوعا ما
نرفد كمية من الندوي بالمالج الصغير ونضعها على المالج الكبير
ونفوت على الحائط من الاسفل الى الاعلى نحصل على طبقة رقيقة نوعا ما ونبقى على هذ الطريقة حتى نهاية الحائط
ويمكن العمل من الاعلى الى الاسفل وحتر من اليمين الى اليسار او العككس
اما بالنسبة للطبقة الثانية فهي تتطلب الدقة نوعا ما نقوم بنفس العمل مع الضغط بالاصابع على مقدمة المالج حتى تكون الطبقة رقيقة والانهاء جيد
عند النتهاء من الطبقة الثانية نتركه يجف جيدا بعد 8 ساعات تقريبا نقوم بالتسوية بورق السنفرة
وهي طريقة سهلة ومهما كان لوندوي تاعك مش مفيني مليح هو يفينيه
اول شيء نقوم بيه تنضيف الحائط من الزوائد او اي شيء غير مرغوب فيه ومن بعد نستعمل المكنسة لكنس الغبار والرمل عن الحائط
لما يكون الحائط اسمنت لوندوي لازم يكون طبقتين الطبقة الاولى اليوم والطبقة الثانية بعد 8 ساعات ليكون العمل متين
اما الحائط الجبسي طبقة واحدة اما الحائط القديم المطلي مسبقا طبقة واحدة
لا يمكن عمل لوندي على حائط مطلي بجير او الاسمنت الابيض الا بعد طلاء الحائط بطبقة طلاء مائي ثقيلة
عندما يكون الحائط به رطوبة يجب طلاؤه بالمثبت قبل عمل لوندوي
اتمنى ان اكون قد افدتك واي استفسار انا في الخدمة
في قادم الايام ان شاء الله اقوم بتصور العمل واعطيك صور اكثر تعبيرا وممكن فديو
