╝◄( أصحاب فور أفر )►╚╝◄(سُراق آخر زمن )►╚

[barca.moha]

السلام عليكم ورحمه الله وبركاته


واشراكم ليجان وليجان في
ليوم كاين موضوع
أصحاب فور أفر









نقدم لكم اليوم
موضوع سبيسيال بناس dz الزوالية

+++
+++
++
++
++
+
أيا منطولوش الموضوع يهدر على
​

╝◄ سُراق آخر زمن ►╚
​

​

هاد الوقت الواحد ايلا بغى يسرق كاش حاجة تكون عندها قيمة ومرو كبير يسرق طوموبيل مثلا دراهم متقدرش تحسبهم في ليلة يسرق ذهب الواح توحش السرقات لكبار هدو مام ماهيش مليحة ومحرمة في الدين مي مليحة للسراق
انا ماجيتش نهدر على هاد الفئة جيت نهدر على اللي يسرق سباط من جامع ويسرق سروال من السوق ولا موبيل ولا ........ كاين بزاف كيما هدو لي جاست اللي يمرضوك في القلب بلى ماننساو السراقيين اللي يديرو الخير ماتتعجبوش كاينة في dz تشوف واحد اسرق تيليفون ورد البيس لصاحبها وتشوف واحد اسرق ديبلوم غلطة ورجعو لمولاه من العنوان اللي في الديبلوم تشوف واحد اسرق 400 da ورد 200 دج

قصة واقعية
وحدين اسرقو حانوت مشرجي هدو تيلفونان ميكرو حوايج فيه بزاف ينتباعو ليصونصيال واش اسرقو منو لي ساشي نتاع 2000 دارو فيهم صرف نتاع لاكيست واش يلحقلهم هاد الصرف 500 ميل للواحد مقارنة بالحانوت واش فيه


نصيحة ليهم رانا في 2011 وباغيين ندخلو لـ 2012 حبسو علينا هدي السرقات اللي مرضوني انا

لصوص ولكن !!

اللص يتلفت قبل أن يسرق ، سألت نفسي مرة
لماذا يتلفت اللص قبل أن يسرق ؟
ربما لأنه حريصٌ على أن لا يراه أحد
لايخيفني لصٌ يتلفت
ترى كم من اللصوص سرقوا ولم يراهم أحد
ليس هذا هو السؤال ! السؤال الأهم يقول

كم من اللصوص يسرقون جهاراً نهاراً ، دون أن يلتفتوا ؟

أعتقد أن هذا هو سبب التخلف وتأخر التنمية في دول العالم الثالث
وهذا هو السبب في مأساة جدة

احترامي للصوص ولكل لص عشق جيبه وخان وطنه

​

 

[لاجودان شاف]

السلام عليكم
صح خويا عندك حق تحير في لي يسرق صباط وسروال
واعرة تدخل جنهم ب بمية الف
شكرا​

 

[missa_1]

صح خيو عندك الصح
والي تحير كاين الي يسرق غير فردة وحدة برك
خخخخخخخخخخخخخخخ
سير ضاربو الرعد
والله حاجة تحير من بيوت الله يسرقو
الله يهدينا اجمعين
​

 

[adel-mz]

الله يهديهم هذا مانقولو
تعيش خويا.
​

 

[barca.moha]

شكرا لقبـــــــول الموضوع
​

 

[Estrella]

الله يـــهـــديـــهـــم ​

 

[khalil hip hop]

السراق مايشبعش من السرقة

السراق اذا سرق الاولى حاجة خفيفة و تسامحه

الثانية يسرقك انتا او حاجة كبيرة مثل طونوبيل كيما قلت

املا السراق عليه بل ...............

استهلو في رواحكم او نجي نسرقكم ههههههههههههههههه
​

 

[DARINE05]

rabi yahdihom merciiiiiiiiiiiiiiii

 

[بيكهام]

فعلا كلامك صحيح
سراق ميشبعش من سرقات بايخة
برك الله فيك محمد ودئما متميز ومبدع
الف شكر ليك
بيكـــــــــــهام
تشاو تشاو
​

 

[programmeur]

جماعة ماتضحكوش

خطرة سرقونا باب تاع الدار هههههههههههههههههههههههههههههه تدخلك في راسك هادي

 

[الرومنسي الجاد]

جماعة ماتضحكوش

خطرة سرقونا باب تاع الدار هههههههههههههههههههههههههههههه تدخلك في راسك هادي

ــــــهههههههههههههههههههههههههههههههههههههههههههههههه

فلقتني يا صحيبي ــــــــهههههههههههههههههههه

قولي كاينة منها ..؟
​

 

[الرومنسي الجاد]

سلآمو ..

إيه السرقات و ما صاير ف البلاد

حتى شي نهار سخفت على حبة زلابية . دخلت للزلابجي و يعطيها واحد يجري.. لقيت الزلابجي يضحك و يعيط عليه و يقولو خاوتك سرقو بونكات و نتا عقاب الزلابية يا جايح خخخخخخخخ​