الصنعة الخامجة تاع التبربيش

[ماكانش]

أهلا بيك بونواز
يعطيك الصحة على الموضوع الباهي تستاهلي تقييم
كاين هذ الصنعة بزاف وتصرا بزاف فليبورتابل
يخلي الواحد التيليفون عند واحد يبدا يتفتف فيه
مرة لقيت بنت خالتي اتفتفلي في تيليفوني رخستها
صنعة خامجة يعطيك الصحة ...​

 

[tom raider]

ههههههههههههههههههه
اولا هي علاه تخلي في ساكها و الا باه متهربوش عليها هههههههههههه
و ثانيا هاديك طفلة سير طبعها هكاك و طبع ماهوش مليح
سيرتو للمراة ​

 

[nina bonoise]

salamo khti waallah hadik 3l3ada machiiiiiiiiiiiiii mli7 ana man7abach tbarbich w kima n9olo w tkhantich w teftich f 7wayaj khatik ana khatini hado l3fayesssss puisque ana man7abach li barbach f 7wayji pcq kayen li 3andha 7wayej khososiya ou bien 7wayej nta3ha mat7abechhhhhhhhh ghirha ychofhom wela ybarbech fihom tani 3aybbbbbbbbb wallah trop3afsa machi mlih rabi yahdiiiiiiii ma khla9999 7aja khatik makan lahhhhhhh merciiiiiiiiiiiiiiiiiii

ايه كلمة التبربيش كل بلاصة كيفاه يقولوها
ربي يهدي ما خلق كيما قلتي
مشكورة

ههههههه بالسيف باش فهمت كلمة التبربيش مزية جيت ناشطة ومش فنيانة ​

وكملت قريت الموضوع والا بقا هاذ المصطلح بدون معنى عندي​

فهمت منك باللي التبربيش هو التفتيش يعني كي يخلي عندك واحد حاجة وتروح تفتشها​

واه هذه عفسة عيانة وخيانة باسكو نورمالمو راهي خلاتولها امانة ​

الله يهدي ماخلق ​

ويعطيك الصحة اختي​

ههه ايا مزية كي راكي فاهمة
زيدي المصطلح هذا للديكسيونار تاعك
مرسي اختي على المرور

كي قلتي التبربيش ما فهمتش حتان قريت
احنا نسموه التنقريش
ما همناش المهم في زوج ايش ايش
ايه كاين ناس فيهم هاذ الطبيعة
وهي ماش مليحة باسكو تمشي معاهم
انا عندي هاذ الطبع عيب
دومونديني نعطيلك
يركبوني جنوني كي يتلاحو لحوايجي بلا ما يدومونديو
ربي يهديهم برك
مشكورة اختي على الموضوع
وعلى المصطلح الجديد نتاع التبربيش

​

مالة كل بلاصة و المصطلح تاعها
دوك نزيدهم للديكسيونار تاعي
ايه عندك الحق دومنديني نعطيك
نورتي عفاف

بربش يبربش
مشتقة من البربوشة
الطعام
هههه
​

ههههه لالا مش ماكلة
التفتيش

السلام عليكم
صح ختي وش راح ديري
انا واحد النهار كنت قاعد مع صحابي سفيان مكانش وبوخنونة - فقير صغير-
كنا في المسجد نظت نصلي ركعتين ونسيت بورتابلي
مع كملت الصلاة درت لقيتهم ليميساج كامل قرواهم وسرقولي واحد العشرين نيميرو
وش راح ديري هذا يسموه vice في الجزائريين
ههههههههه
ههههههههههه
هههههههههههههه
​

ياه قراو كلش و انت وش داك تنساه

هههه والله العظيم حتى انا المرة الاولى نحسبها مشتقة من البربوشة هههه وحتى الموضوع نحسبو على البربوشة هههه​

مزية مش غير انا اللي غلطت فالمصطلح​

لالا راهم نصهم مفهموش الكلمة هذي
احنا نقولوا التبربيش
ساديبون كل بلاصة و هدرتهم

بربش معناها يفتش

وعندها الفاظ خرا ثاني منها : يفركت ..ويتفتف
​

هذيك هي
شكرا على الاضافة
​

 

[اسماء16]

صح عندك الحق هدا عيب كبير انك تخرب في حاجة الناس
علابالك مجيت نفهم تبربيش حتى قريت الموضوع كامل باه فهمت واش معنهاااا
المهم الامانة امانة وان تصونها واجب عليك
ولا متحكمهااااااش
المهم شكراااااا لك على الموضوع
​

 

[nina bonoise]

تبربيش هههههههه كلمة شابة هادي
انا درت في بالي طعام قلت نزدم كشما يصحلي ههه ماعليش
صح هادي عادة خامجة انا بالنسبة لي اللي يتلاح لامانة تع الناس خائن و ماشي مربي مالقري تكون حاجة وحدة قريبة ليا
الامانة هي الامانة

هههه كلكم هطيتوها البربوشة
هذيك هي اختي الامانة تبقى امانة

عندك حق عيب
بصح هادي الطفلة اصلا مبربشا
علاه تهز الساك فيه البافان ،يخي لايجوز ولا نورمال .؟؟؟؟؟
بلغيها ان كانت لا تعلم الله يحفظك
شكرا ليك
​

حتا انا نهز تجيني نورمال
مرسي خويا على المرور

حنا يقولولها يخنتش هههههههههه

يخنتش اول مرة سمعتها
+ الى رصيد المصطلحات

هههههههه صح صنعة خامجة
مام انا منحبش لي يفتشلي في حوايجي
مي مصراتليش من قبل سينو انا او قلبت دنيا ههههههه
مرسي على الموضوع ​

اكاك انا كيفي كيفك
مرسي ميرا على المرور

يسما هكذا راني نبربش في موضوعكـ خخخخخخ

شكرا ع التبربيشة ..

نحن لا نبربش

ولي بربش بزاف كيفاه نسموه ..؟​

لي يبربش بزاف نقوا فيه صنعة خامجة و مش مربي هههههه

هههههههه وشبيكم حرتو في كلمة تبربيش
ساهلة خلاص
هيا اجبدو الكراريس ذرك نجيبلكم الطابلو والطباشير ونقريكم
المادة : قواعد
الموضوع : بربش وأخواتها
تبربيش اسم وفعلها بربش ويتصرف مع الضمائر
انا ابربش
انت تبربش
هو يبربش
هي تبربش
هما يبربشان / للذكران والانثييان
هم يبربشون
هن يبربشن
واسم الفاعل برباش
واسم المفعول مبربش فيه

ونقدرو نطبقوهم كتطبيق صغير على درسنا في جملة واحد وهي
بربش البرباش تبربيشة مبربشة لم يبربش قبلها برباش​

اكتبوا ليكور في الكراس
هاو عندكم استاذ:santa_1::santa_1:

والله عندك الحق والغاشي ما على بالوش

شحال نكره الي يفتش في صوالح النااااس عقلية فاسدة
الطفلة خلات الساك عندها امانة وهي تروح تفتشلها في صوالحها
تسما هادي خربتلها ف الخصوصيات نتاعها
لله يهد يــــــــــــهــــــم

يـــــعــــــطـــــــيــــــك الـــــصـــــحـــــــة​

شفتي اختي
نورمالمون الامانة تبقى امانة

انا الله غالب اما حوايجي اما شابه ولا ناس اللي نعرفهم كامل يحبوتبربيش؟؟؟؟



الله غالبـ صراتلى مليار مرا


((انا يجو بنات فاميليتنا نفهم روحي ديراكت نسكر خزانتى بالمفتاح وفي الليسي قبل نولى خارجة جااااامي نحط ساكي ولا حتى بورطابلي باسكو هاديك ابشع اي تدخلك طوول للريبيرتوار ولا ميساجاتبففففففففف)))

يعيك صحه حنونة سوجي شباب حطة كيفك يا لعنابية

+​

نستعرف بيك اختي درتي مليح كي قفلتي خزانتك
حتى هما الحاجة لي يشوفوها عندك لازم يبربشوها

 

[nina bonoise]

اهلا حنونة صحا عيدك
والله العقلية هذي عندك الحق تعيف مرسيييييييييييييييي ربي يهديهم

اهلا درونة
عقلية خاسرة هذيك
مرسي على المرور

thank you............

والفت السهرات عمري وتبربيش خطرة فالشيراطون وخطرة فلا كورنيش
خخخخخخخخخخخخ

صح هاذي ماشي عقلية واحد يخلي عندك امانة وتروح انت تقرعج ولا تبربش خخخخ
هاذي خيانة الامانة
وهاذي تصرا للناس كامل بويسك الجزايريين كامل فيهم العقلية هاديا
​

هذيك غناية ول وش ؟
ايه كيما قلت خيانة الامانة
مرسي على المرور

نسيتو الموضوع وقاعدين تهدرو على البربوشة؟ههههههههههههههههههههههههههههههههههههه

شحال مانحبش هدي طبيعة خاسرة انا تخاسرت مع صحبتي غير على جالها مانحبش واحد يقلب في صوالح ماشي تاوعو هدي حاجة pــارسونال​

و الله صح تصرا سورتوا بين الصحابات

هههههههههههههه
هادي هي لي اسمها الدخاصة بعينيها
و انا تاني ماتعجبنيش هاد الخدمة ولله جامي نمس حاجة الناس
بصح الساك تاع ختي نبربش كشما نسرقلها شوي سوارد ولا كيما قلتي البارفا ههههههههههه
مشكورة على الموضوع المميزز​

اختك نقولوا نورمال بصح تاع الناس عيب
مرسي اكتمال نورتي

 

[nina bonoise]

هههههههههههههه
عيب كبير انا نعتبرو قلة تربية واحد يفتشلك في حوايجك عقلية خاسرة
وصنعة خامجة تجيبلك غير السبان
شكرا خيتو
​

صح قلة تربية مشكورة على المرور

شعال نكره لي يخربلي في صوالحي

رانا الكل وحدة متحب واحد يبربشلها حوايجها

امممممممم انا مانحبش هاذ العقلية ولكن عمرها ماصراتلي عندي حبيبتي انتيم مانزعفش عليها كي تخرب في صاكي

لكن كون تخرب فيه وحدة صحبتي لكن مش عزيزة عليا مانحبش واكيد نزعف خاطر الصاك فيه خصوصياتي وماعندهاش حق تخرب فيه


شكراااااااااا

سلاااااااااااام​

مام صحبتك الانتيم تدومونديك تعطيها
مرسي اسماء على المرور

non non موش صنعة هدي
وحدة تبربش في حوايج خاطيتها
والله
ربي يهدي ختي
مغسي​

امين
مشكورة على المرور

ععععع أكره حاجة عندي التبربيش بففف
نورمالمون حاجة خاطيتك ماعندو مامسك فيها
انا يقلقوني الناس الي تبربش في حوايجي وانا قدامهم لاحشمة لاحيا والله
مايحتارموش الخصوصية
ربي يهديهم برك
نتي كون تقيسيلهم حاجة ياكلوك مام ماكيش تبربشي فيها
الطبايع الخاسرة
شكرا على الموضوع

شفتي نورمالمون الامانة تبقى امانة
مرسي على المرور

مآشي jeste خلآص
عيـــــــب كبير
صحيتي أختي ​

عيب صح
مشكورة

had l3a9lia jabli rabi kayna ghir f dziryin kayen chi 3ibad rabi yahdihom yadakhlo rwa7hom f kol chi
ana had l3a9lia mandirhach psq manhabch li ydirhali w rabi yahdiii makhla9
meeeeeeeeeeeeeeeeerciiiiiii 3la sujet

بصح يا الحنونة راكي شريكتها في الجريمة كنت تمنعيها بالقوة كنت تنحيلها الصاك بلاك راهي رشتك بشوية ريحة
​

يا خوتي و انا وعلاه
انا جبدت روحي باه منطيهش في مشكل لقيت روحي فيه
لالا مرشتنيش منحبش تتخلك ريحتي مع ريحت الناس تولي مش ملاحة

ههههههه الله غالب ناس و سوغتو لبنات يفناوا على لتفتيش و حنا نقولو الترباج
شكرا

وي تصرا بزاف بين لبنات

مزية جيت راجل
هههههههههه

منعتي

 

[sarita*]

انا اكثر حاجة نكرها هي الخريب نكره الي يخربلي في صاكي ولا في حوايجي نتنارفة بزاف
​

 

[nina bonoise]

أهلا بيك بونواز
يعطيك الصحة على الموضوع الباهي تستاهلي تقييم
كاين هذ الصنعة بزاف وتصرا بزاف فليبورتابل
يخلي الواحد التيليفون عند واحد يبدا يتفتف فيه
مرة لقيت بنت خالتي اتفتفلي في تيليفوني رخستها
صنعة خامجة يعطيك الصحة ...​

ايه سورتوا تاع لي بورتابل حاجة بيرسونال
مرسي ا سو على المرور

ههههههههههههههههههه
اولا هي علاه تخلي في ساكها و الا باه متهربوش عليها هههههههههههه
و ثانيا هاديك طفلة سير طبعها هكاك و طبع ماهوش مليح
سيرتو للمراة ​

ههههههه ضحمتيني تاع باه متهربوش عليها
كان تقيل ساير ساكها تقول هازة الرصاص

صح عندك الحق هدا عيب كبير انك تخرب في حاجة الناس
علابالك مجيت نفهم تبربيش حتى قريت الموضوع كامل باه فهمت واش معنهاااا
المهم الامانة امانة وان تصونها واجب عليك
ولا متحكمهااااااش
المهم شكراااااا لك على الموضوع
​

هيا مزية كي فهمتيها
& بيان سيرالامانة امانة

 

[nina bonoise]

انا اكثر حاجة نكرها هي الخريب نكره الي يخربلي في صاكي ولا في حوايجي نتنارفة بزاف
​

من حقك اختي تتنارفاي
حوايجك شخصية مش لازم الواحد يشوفها

 

[assia1414]

عفسة بزاف عيانة
بصح جامي صراتلي
شكرا على الموضوع حبوبة

 

[خولة 01]

هههههههههههه موضوع شباب و ياهي كيفك يالزين

عندك الحق هدا الخدمة والله فريمون موش مليحة خلاص و لازم الواحد ينحيها من روحو

ايا مرسي البابيشة على الموضوع

 

[حمد العساس]

هادي طبيعة خامجة تاع التبربيش هادي متعرفش تسنا حتا جي مولاتو
ربي يهدي ماخلق
و يعطيك الصحة على هاد الملاحدة و الموضوع الجميل
​

 

[nawal 88]

واش تحبي أختي هاذي صنعة خامجة​

 

[jolie عاشقة كوريا]

allah ghaleb khti
kayn chi nasss bzf 3iyanin
​

 

[مرام التيبازية]

سلام اختي هادي هيا عقلية البنات اللي ميعرفوش قيمة الامانة
والبنات عندهم هاد الظاهرة بزاااااااف
الله يهديهم هدا واش نقول
تحياتي

 

[بيكهام]

ايا مليح
برك الله فيك على موضوع وتحياتي لك
كملة جديدة تعلمتها اليوم تبربيش .....
​

 

[Črâżŷ Båd Gîrl]

w surtt wahda tberbech les telephones bababababaaa !!!

rabi yahdina kamel !.. merci khtitou aala sujet

slm ..
​

 

[جوانا]

merci 3la elmawdo3 okhti

 

[fufa22]

صاك
sac
!!!
ما كنش كومنتـعليق
​