الكــآرت ميموآر (أمر فـي منتهى آلخطورة)

[♥SaMoù Là MoDèsTe♥]

آلـسلآم ... ع’ـــليكم

كــيرآكم يــآ عــشـــآق °° آللمـــة °° ؟؟
نـتمنـى كـآمـل تكونوآ في أحســن ... أحــوآلكم

كيمـــــــآ رآكم تــعرفو كـــآمل ، إنـتـشرتـ مؤخرآ في مـُجـتـمـعـآتنــآ الجـزآئريـــة
ظــآهـــــــــرة ســــــــرقــة آلهـــــوآتــف آلمــحـمـولــة ،
حتى ولآت تجــــينــآ أمـــر عــآدي لـــمـــآ نــــســـــمعو بوآحـد سرقــــولو تيليفونو ،
آلمــهم / أنــآ في هذآ آلــموضــــــوع مــــآ جـيــتـــش بـآش نحكي عــــلى آلســــــرقة
لأنـو هذآ آلموضـــوع نــظن حــــكـــآو عــــليه بـــــزآف قــــبــلي في هذآ آلقــسمـ


وعــــــــــــلآه رآكي تــــــشـــقي فينـــــــــــــــآ إذن ؟؟؟

( اغـــصبـــي احكــــي ) ...


آللي بــغيــت نــهدر عـــليهـ و نـــــنـــبه ليهـ هو هذآكــ آلشيء آللي يــنـسرق مع آلتــيـليفـون
عرفتــــو وآش هــــو ؟؟ !!








مـــــــــآشي la puce ،







إنمـــــــــــــــآ



ال ( كــــــــــــآرت ميموآر )

كمـآ هي مـعروفــة لـــدى آلجمــيــــــع ...



قـــبل سنوآتـ قــليلـــة كــآن الموبــآيل إذآ انــسرق
مـــولآه أو مولآتـــو تحــزن عــليه شي يــآمــآت أو سويعــــــــآت
( تــــــغيضهـــــــآ الأرقــآم أو رســـــــآئل الغرآم اللي كــآنت مخبيتهم فيه ههه)
وممبعد تـــنــسى أمرو
لأنـــه بــبــســـآطة لم يكن سوى جوآلآ تــتوفر فيه خـــدمة الإتصـــــــــآل فقط

أمــــــــآ الآنـ وبعد إنتشـــــــــــآر الهوآتــف النقــــــآلة التي تتـوفر فيهــآ خدمــة التـصوير والبلوتوث والفيديو والألعــآبـ و ... و.... و.....
أضـحــتـ ســرقـــــة الهوآتــف تـعـمل صــدمـــة للي انــســــرقــــلو تيليفونو
خــــــــــــآصة إذآ كــــآنت اللي تعـرضــت للـسـرقة هـــي فـــتـــــــــــآة

لأنـــــو الولــــد إذآ انتــشرت صــــوره أو فيديوآتـــه لآ يهمهـ الأمر
أمـــــــــــآ الفتــــــــــآة فتـعتــبر كــآرثة بالــنــــسـبة لهــــآ
إذ أن أغــلبهنـ تضع صورهـــــــــآ و فيديوآتهـــــآ
مع صديقـآتهـــــــــآ ، في بيتهـــــــآ ، في حفلآتهـــآ ، وهي ( تـرقــص )
ليـــس لــشيء سوى
لأنهــآ لمــآ تكون وحدهــــــــآ تبغي تشـآهدهم وتعــــآود تسترجع ذكريــآتهــآ

لــــمــآذآ قــلتـُ يــُعــتبر الأمـــر [ كــــــــــآرثة ] ؟؟؟

قلتهـــــــآ لأني شفــت الظــآهرة حدثت مع ثلآث بنــــــــآت

تضــع في هوآتفهن صورهن في الحفلآت وفيديوآتهن ، انـسرقت هوآتـفهــن
وهـــن الآن يعشن خــيبة أمــل ، طوآل الوقت خـــــــــآئفـــآت
من شيئين فقط همـــــــــآ البلوتوث والأنـــتـــــرنـــــت و سرعتهـــــــآ الفـآئقة في نشر الصور والفيديوهــآت..

أصـــبح الســــــــآرق يربح بزآف درآهــــم على ظهور البنــــــآت بحيث
يسرقلهم هوآتفهم ومن ثمة يــهـددهم بدفع المــــــآل أو ـنشر صورهم وفيديوآتهم ...


نـــرجعو لأنفسنـــــــــآ و لينـــــــآ احنــــــآ فتيــآت اللمــــة :

أنـــــــــآ وحدن من النـــــآس ، التيليفون تـــــــــآعي فيه كــــآرت ميموآر وفيه تصــآور بزآف
بصح الفيديوهــآت لآلآ ،
المهم ، رآني عــــــــآرفة بلي كـــــآين بزآف بنـــــــآت في المنتدى دآيرين صورهم في الكآرت ميموآر تآع تيليفونـآتهم وهذآ أمــــــــــــر عــآدي
أنـــــــآ مـآنيش نقول مـــــآ ديروش تصــآوركم في تيليفونـآتـكم
أي وحدة تبـــغي تتصور مع صحــآبـآتهــآ ولآ عـــآئلتهـــآ بآش تخليهم ذكرى

لكــــــــــن !!!

إحذرن يــــــــــــآ بنـــــــــــــــآت من الكــــــــآر ت ميموآر

لآزم دآيمــن تكونوآ دآيرينلهـــآ كلمة سر لآ تــنفـتح إلآ بهــآ

( علآبآلي بلي كــآين عفــآيس يفتحو الكآرت ميموآر بلآ رقم سري مــي
مـعليش قد يكون الســآرق وآحد جـآهل ومــآ يحبش يكسر رآسو مع هـآذو الصوآلح )

كي تـخرجو برآ نــحو الكآرت ميموآر من التيليفون وخبوهــــآ مليح ولآ خلووهــآ في الدآر

ولآ اذآ توفر ديرو زوج تـــــيليــــفونـــــــــــآت وآحـــــد عـآدي غير للإتصـآلآت ارفـــــدوه معــآكم كي تخــــــرجو
و التيليفون الملــــــيح الغــآلي خلوه غير للترفيهـ ...



°°°°°°°°
فـــي الأخــير نتـــــمنـــى نكون قد نبهـــت ولــــــــــــو بـنــســـبة قــــليــــلة
بـخصـــــــوص هـــــــذآ الأمـــــر الذي أعتبره خــطــــيـــرآ ...




تــحيــــ

ـــــــآتي لجــميع من زآر موضــوعي

و

آلســــلآم







​

 

[ALEXIS SANCHEZ]

الموضوع خاص بالبنات
بصح نحط تعليق
هي اذا وحدة سرقولها البورطابل الخوف مالطرافيك والمونطاج
تاع التصاور ولي فيديو
هاذي هي
يعطيك الصحة
​

 

[om djawad]

:cra_zy:موضوع مهم يعطيك الصحة اختي:sad:
​

 

[adel-mz]

سلام
كيما يقولو القانون لا يحمي المغفل
في موضوعك نقولو المغفل لا يحميه لا الندم ولا غيظو بورتابلو
بمعنى الانسان لازم يكون كيس فطن ،كلنا على علم بلي البورتابل وسيلة اتصال معرضة للتلف وللسرقة والضياع .
علاه انا نريجستري فوطوات ولا فيديوات خاصة فيه .
حتان تتحشالي .
ياسيدي كي نصور حاجة ما نريجستريها لا في الميكرو ولا في البورتابل .
اذهب مباشرة الى جلب cd ونحفظ فيه البوماتي وفيديواتي ونخبيه في البيت وانتهى الامر .
ونفورماطي لاكارت ميموار نتاع البورتابل .

شكرا
​

 

[نسيم الربيع]

فكرتيني في وحده قالها واحد عطيني نعيط بلا عندك كريدي
راح دخل للفيديوات
لقى فيديو تاعها تشطح بعثو لصاحبو ودارو جماعه وقعدو يتفرجو فيها مسكينه
الكارت ميموار مشكل كبير والكارثه العظمى كيما قلتي كي يطرافيكيو فالفوطوات
ربي يسترنا ويحفظنا برك
مارسي ختي​

 

[مابقاش بزاف.Dz]

mrc pour le sujet

 

[Kynda]

يعطيك الصحة اختي موضوع هآم و هآيل
انا وحدة نخاف بزاف كي نخرج على تيليفوني كيما قلتي لا على la puce ولا على التيليفون ولا على الدراهم ، على التصاور و الفيديوات
ربي يبعد ولاد الحرام علينا و يسترنا ان شاء الله
​

 

[moli_dz]

موضوع قيم يا ختي مشكورة عليه يعطيك الصحة
واش راح نقول ختي الحالة تخلطت والدنيا كبارت.......
mais علاه حنا نحبوا نديروا حاجة نعرفوا من قبل واش قادر يصرا بعدها
وفي الاخر نعودوا نلوموا في رواحنا ونقولوا لوكان لوكان....
ماتخلط روحك مع النخالة ماينقبوك الدجاج والله ماغلطوا جدودنا في هذ الكلام
الله غالب هذه هي حالة المجتمع كيما كاين المليح كاين القبيح وللاسف كاين ناس ماتخافش ربي وهكا يديروا....!!
donc البورتابل كامل دايرينو للاتصال والهدرة خليوه للحاجة هذي اختي نحبوا نصوروا حنا لبنات ماكانش مشكل ماقلتش ماتصوروش اشريو كاميرا ولا اباراي ونصوروا قد ما نحبوا ونخليو les sevenires وهكا واحد ماقال لواحد علاه نخلي روحي حتى نعود بين يدين اللي.......
اي وحدة قادرة تقولي التكنولوجيا وحنا في 2011 ...وعلاه هذ التخلف mais انا نقول الشرف والكرامة نتاع البنت كانت بكري ومازلت وراح تبقى التاج اللي لازم كل وحدة تحافظ عليه
وكل واحد ورايو
moli
​

 

[moli_dz]

ربي يبقي الستر ويحفظ كل البنات يارب
​

 

[القطة الزهرية]

salam ......ih wlh ya khti mab9ach laman wli yktabha rabi hadik hiya hna ndiro banasiha w mrc bzf

 

[♥SaMoù Là MoDèsTe♥]

الموضوع خاص بالبنات
بصح نحط تعليق

لآ ، هـــــو موضـــــوع يخـــــص الطرفيـــــن
لكــــن اللــــي يـمـســـهـآ بـــزآف هــــي فئـــة الإنـــــآث

هي اذا وحدة سرقولها البورطابل الخوف مالطرافيك والمونطاج
تاع التصاور ولي فيديو
هاذي هي

المــونطــآج كيمــآ قلت والطرآفيكـ
هذآكـ هو الكـــــــــآرثة
​

يعطيك الصحة
​

بلآ مـــــــــزيـــة خــــيو
شكككرآ ...

:cra_zy:موضوع مهم يعطيك الصحة اختي:sad:

بلآ مــــــــزية حـنــونـــة
​

...

​

سلام

وعـــلــيــكــم الســـلآم و رحــمـــة الله تعــآلى وبــركـــــــآتـــهـ
​

كيما يقولو القانون لا يحمي المغفل
في موضوعك نقولو المغفل لا يحميه لا الندم ولا غيظو بورتابلو
بمعنى الانسان لازم يكون كيس فطن ،كلنا على علم بلي البورتابل وسيلة اتصال معرضة للتلف وللسرقة والضياع .
علاه انا نريجستري فوطوات ولا فيديوات خاصة فيه .
حتان تتحشالي .
ياسيدي كي نصور حاجة ما نريجستريها لا في الميكرو ولا في البورتابل .
اذهب مباشرة الى جلب cd ونحفظ فيه البوماتي وفيديواتي ونخبيه في البيت وانتهى الامر .
ونفورماطي لاكارت ميموار نتاع البورتابل .

عندكـ الصح في وآش قلت أخي ، صح هذآ هو الحل
مي نظن الأغلبية تبــآنلهم حـآجة ثقيلة شوي
إن شـــآء الله يتفطن الجميع ويدير كيمـآ وآش ذكرتـ
​

شكرا
​

الشكر ليكـ أخي على النصيحة والتفــآعل ...
تحيــــآتـــي ...

​

​

​

​

 

[♥SaMoù Là MoDèsTe♥]

فكرتيني في وحده قالها واحد عطيني نعيط بلا عندك كريدي
راح دخل للفيديوات
لقى فيديو تاعها تشطح بعثو لصاحبو ودارو جماعه وقعدو يتفرجو فيها مسكينه

شفتي ، هــآذي هي اللي مــآهيش مليحــة
إذن المشكلة مــآ ولآتش في السرقة
قــآدرين التصـآور يروحو غير بعفـآيس مـآ يسمى بالأصدقــآء

الله يهدينــــــــآ
هذآ مــآ نقولو
الكونفيونس مـآرآهوش قـآع كـآين

الكارت ميموار مشكل كبير
هي مـآهيش مشكل
المشكل لو الوحدة مـآ تـآخذش حذرهـــآ

والكارثه العظمى كيما قلتي كي
يطرافيكيو فالفوطوات

هـآذي نعــتـآبرهــآ نهـآية حيـآة ...


ربي يسترنا ويحفظنا برك
آميــن يـآ رب
هذآكـ هو الشي اللي نحوسو عليه ( الستر والحفظ )

مارسي ختي​

لآ مــــرســـــــــــي على وآجــــــــب حـــنــونـــــتــي
أســــــــعـــدنـــِـــي تــفــــــــــآعُــلــــكـِ
...

mrc pour le sujet
​

2r1 ma seour​

​

​

 

[♥SaMoù Là MoDèsTe♥]

يعطيك الصحة اختي موضوع هآم و هآيل
بــــلآ مــــزيـــة حــــنــونة ،
الهـــــآيل هـــو ردكـ

انا وحدة نخاف بزاف كي نخرج على تيليفوني كيما قلتي لا على la puce ولا على التيليفون ولا على الدراهم ، على التصاور و الفيديوات
صـــح قـــــــآع نخـــــــآفو
ربي يبعد ولاد الحرام علينا و يسترنا ان شاء الله
​

آمـــــــــين يـــآ رب
​

 

[عاصفة الورود]

ياختي رانا في وقت صعيب والمغفل راحت عليه
مالا لازم علينا نديرو الحذر في كلشي وقضية الكارت ميموار سيرتو اذا فيها فوطوات وفيديوات قضية حياة او موت
شكرا ليك حنونة على النصائح القيمة بارك الله فيك
وربي يجيب الخير ​

 

[مرام التيبازية]

سلام اختي تسنيم عندك الحق ،والله العظيم كارثة كبيرة وشفتي كلشي راه خسر اما فيما يخص الكود والله غير عندك الحق قبيلة كنت نقول لاختي هاكي ديريلي الكود لان البنات تعرفي غير يشوفوا عندك تيليفون يحبوا يشوفوا واش كاين ويفلوه كامل كيما يقولوا من z ل a وشفتي اغلبية الناس نية كي يقولولك البنات سلفيلنا البورتابل تسلفيه لاننا ببساطة احنا نوايا..
وشكرا ليك اختي تسنيم موضوع في الصميم ربي يعيشك ويخليك.

 

[ღحنين الروحღ]

السلام عليكم
موضوع رائع اختاه وقيم جداااااااااااااااا
يستحق التقييم
وي عندك الحق
شكرا لك
ودمت بالف خير
​

 

[rebecca]

الانسان لازم يكون كيس فطن ،كلنا على علم بلي البورتابل وسيلة اتصال معرضة للتلف وللسرقة والضياع .
علاه انا نريجستري فوطوات ولا فيديوات خاصة فيه .
ياسيدي كي نصور حاجة ما نريجستريها لا في الميكرو ولا في البورتابل .
اذهب مباشرة الى جلب cd ونحفظ فيه البوماتي وفيديواتي ونخبيه في البيت وانتهى الامر .
ونفورماطي لاكارت ميموار نتاع البورتابل .​

بارك الله فيك أخي​

 

[شذى الإيمان]

مشكورة على التنبيه أختي​

 

[hindoussa]

Wlh ghirr Sàhh Tà Raisonn mERci pr le Sujet
​

 

[انوار الهداية]

شكرا عزيزتي
نحكيلكم انا وش سرالي
سرقولي السمانة لفاتت بورطابلي وعمبالكم شكون داروها لفامي نتاوعي في العرس مدروهاش علجال الدرام بصح بلعاني فيا
ننصحكم تعسوا رواحكم في كل بلاصة
وشكرا