الليكول والحطّة..

["نور العين"]

والله غير عندك الحق والاغرب كي les surveien قالوا جيبوا الطابليات ما عجبهمش الحال وكل واحد واش يقول surtout في ال lycée تسمعيهم يقولوا "يقولونا جيبوا الطبلية تقول شافونا ذراري صغار"
والله غير حيرة نرمالموا يديروها في الخبر في "صورة بدون تعليق"​

 

[Melia azedarach]

شكرا كامل ليكم على المرور وعلى آراءكم ..ورب يحفظكم ع الدعاء والتقييم
المهم اعذروني لضيق وقتي مرانيش رايحة نرد عليكم كامل..وانتم عارفين طبعا الليكول وظروفو سيرتو في سنة نهائية
طبعا التلاميذ يكونو منضبطين اذا كانت الادارة منضبطة..
اما بالنسبة للطابلية فهي في مكان اللباس الموحد يلي نشوفوه ف تيلي مش في لالجيري ..
انا عندي هي بديل اللباس الموحد باسكو تدل على التلميذ أنو رايح يقرااااااااااا ماشي يوري في لاباسو
اما في قضية المكياج انا ثانيك نشوف فيها وحدة عندها 12 سنة تمكيج ..طبعا دليل ع انو احنا الحضارة مزالها ملحقتش.....باسكو الغرب عندهم الجمال الطبيعي ميديروش الميك اب كامل ..
يخي متخلفين..مكانش ازين من الوحدة تكون سامبل ..
المهم..
أيا ادعيولي باه ننجح وميرسي على كل شيء ♥

 

[the summer]

موضوع مليح بزاااف نقولكم الصح انا واش شفت التالية هادي مازال ماصرات فحتا ليسي الجلابة يا عباد ربي كيما قاتلي صاحبتي هيا جيت نشوف كاش حنة راهي هنة ولا كاش عرس الدنيا راهم رجعولها جلاباتو وزاد قلاصي ههههههه مانعرف تلميذة وهرانية تمشي فالكورنيش دزيريية حابسة حبت الجديد وخلاص ناس حابيسن للطرف تهدري تباني عروبية هادي ياك لامودا
وفيما يخص ازيار والمدير نقوللكم الصح حنا كان الليسي انتاعنا الاستراحة تمشي على الصراط والله تقول مانعرف واش دايرلهم المدير بصح احنا ولادنا مايحبوش الحرمة دارو gراف على المدير هو دار فيه بيزير رجعوه لمدينتو المدية واحنا خلات علينا من هداك انهار والله يالليسي خرابة
ونستعرف بالمديرو الاستاذ المزير باه انت تقرا ان الفايدة الولى والاخيرة للتلميذ
باغدون تدخلي طويل بصح حبيت نحي الغمة مع هدا اغاشي اراشي

 

[بنت الجسور المعلقة]

دروك وللى الغاشي يسنى الليكول غير على جال باه يوري اللبسة والحطة ديالو ماشي للقراية

hhhhhhhhhhhhhhhhhhhhhhhh ta raison hhhhhhhhh

 

[بنت الجسور المعلقة]

قبيل طليت على الطاقة لقيت لبنات تاع الليسي يعدلو في شوافرهم بلاباراي تاع الشوافر​

hhhhhhhhhhhhhhhhhhhhhhhhhhhhhhhhhhhh :laugh:

 

[homework]

مشكورة اختي الكريمة على الموضوع
الطبلية نهار الأول مكانش هكذا باش التلميذ يجي يوري قشوا الجديد و ينعت روحوا شوي هكذا باش يستفتح العام الدراسي بالضحك و الفرحة مي النهار الثاني اجباري لبس الطبلية والا الطرد يحسب عرس يدوم 7 ايام و عام دراسي موفق لجميع التلميذ في جميع المستويات

 

[♥SaMoù Là MoDèsTe♥]

أنَآ نْشوفْ بلي الطَآبلية حآجَة مْليحَة
بآش كل الطلبَة يكونو في نفس الهيئة
ولآ يُعرف فقيرهم من غنيهم

لكن للأسف الأغلبية رآهم يروحوا بآش يبينوا أزيآءهم لآ أكْثَر

وأصبحت بعض الأسر تخآف على أبنآءهـآ عند إرسآلهم إلى مؤسسآتِهم التعليمية
خوفـآ من أن يتعلموا الموضة الفآسدة و الكلآم غير اللآئق من بعضـآهم

أنظروا كيف أصبحت المؤسسآت التربوية مكــآنـآ يخـآف منه الأوليـآء ؟؟؟؟


وعندهم الصح في هذآآآآ
​

 

[Black-Blossom]

عندك الحق حنونة والله كلامك صواب ملي ندخلو وحنا لاصقين في هداك الكرسي نطرزو في لكرارس مافهمتش علاه

شفتي أختي كيفاه من بكري و لحد الآن الأجيال راها غير تطرز في الورق كيما قلتي هذاك ماكان
و نزيد باللي الطبلية يعني بصراحة ماشي مقياس على أنو الواحد رايح يقرا ولا حاجة كيما قالت الأخت
مالا ضركا في الجامعة راهم رايحين يلعبوا مش يقراو ؟؟
زيد الطابليات اللي نشوفهم انا اللي مطرزة و اللي قصيرة و اللي هي اصلا تقول بلوزة تاع برا~ هاذي هي زعما المقياس تاع التعلم؟؟و اللي كان ماجيتش بيها يطردوك؟
هذا مما حيرني يعني

 

[DARINE05]

هذا هو التعليم في الجزائر مرسييييييييييييييييييييي

 

[lamilam88]

fi 3od ma yetsab9o chkoun yji lawel fel9raya
yetsab9o fellebssa
hadi terbya ta3 elwaldine wel el s7ab elsou2
rabi yester​

 

[جمال و]

سامحني منقدرش نعلق على هادي مواضيع,,
​

 

[Melia azedarach]

طبعا شكرا على تعقيب كل واحد فيكم وابداء رأيو


بالنسبة للأخت بلاك بلوسوم ..
يا خيته .. كل مستوى والمقاييس ديالو ..
بالنّسبة للجامعة مراهيش مفروضــة .. لأسباب عدة ونظن بلي نعرفوها كامل ..
مي في المتوسـط من المفروض والثانوي ..
انت قلت بلي الطابلية ولات مطرزة وقصيرة وووو مي كاين الكاملـة والمحترمـة ..كيما كاين تلاميذ مش متخلقين سي كاين متأدبين أحسن تربية الوغ كيف كيف مع الطابلية ..

للأسف لوكانت كاينة لبسة موحدة للدراسة مكناش نحكيو في هذا الموضوع ..باسكو هي تدل على أنو تلميذ مي دوك في واقعنا رايحين نستبدلوها بالطابلية برك ..

أيّا صحيتي خيتو على رأيك ..
والله يحفظك وأحلى تقييم ليك

 

[أميرة زمانـے‎]

السّلامُُ عليكم ورحمة الله وبركاته

أنا كونطر لا بلوزْ هع هع ْ

لا نزعق برك : الطابلية مليحة وتستر en plus ، مي كاين بنات يديروها شغل بودي

وجودها ولا عدمها كيف كيف

أنا نلبس طابلية كاملة شويا

مي ف الأيامات الأخيرة نحيتها مليت منها ( بصح نلبس مستور ) مش كيف لبنات​

 

[salma zayna]

معلبليش تقول راهم رايحين يدروا عرض ازيا ء الفضح للخر الله يهديهم ان شاء الله ويهدينا