رجال قاعدون ... ونساء واقفات ظاهرة غريبة جدااا

[إشراقة حب]

صح عندك الحق أختي خاطر بكل صراحة مشي مربيين و ميفهموش

شكرا لمرورك بالموضوع حنونة
بارك الله فيك
​

 

[إشراقة حب]

سلالالالالالالالالالالاموووووو
موضوع قمة صح والله راحت الرجلة وراني تولهت وليت نكره نركب في البيس على جال هد الحطة خاصة ادا كان الغاشي ولحشير مابين الدراري ولبنات عيب انا مانحملش ونهبط اقسم بالله :sad:وتاني قصت لعرا يقولك الي فاتها الزين تلحقو بعراها لاتربة لاحشمة ربي يقدرنا +++تقييم

وعليكي السلام ورحمة الله تعالى وبركاته *سلامك ناقص * خخخخ
حنونة وليت نكره الدراسة بسبب الاختلاط وخاااصة في الكوس
اعوذ بالله ... الراجل لاصق فالمرا ولا العكس ... واش ديري تذوبي من الحشمة قبل ماتوصلي ... ربي يغفرنا برك ويعفوا عنا .
شكرا للتقييم حنونة وراكي تساليلي كاش نهار ...
شكرا لمرورك قطتي
​

 

[إشراقة حب]

انا كــــــى بديت نقرا فالموضوع حسبالى كاش واحد من شباب اللمة كتبو حتان كى قلتى

هبطولى خيوط ماروكو :cra_zy:

الظاهر حتى هوما يديروها

:sadwalk:

واش نحكى واش نخلى

الوحدة تحكم taxi وتوكل ربى
​

اهلا بك اختي في موضوعي وشكرا لمشاركتك
سلامات عليك وعلى ماروكو ديالك
ههههه واش هبلتي تركبي طاكسي في زمان الخديعة والسريقة والخطيف نتاع البنات راه داير حالة ... تكون واقفة يسروقك تزيدي تحوسي تركبي طاكسي مع رجل أجنبي خلينا
عموما شكرا لمرورك اختي حسنة
​

 

[إشراقة حب]

هذي هيا ربي يهديهم برك و مرحبا عودة ميمونة للمة

امييييييييين يارب العالمين
الله يسلمك بك واهلا
ربي يوفقنا وينجحنا انا تان راني نوجد للتخرج خخخخ تقول عرس
ربي يكون معانا ...اختك تخاف
​

 

[nour el yakine]

يعطيك الصحة اختي على اثارة هذا الظاهرتين وعندك حق في كلش أنا نرجع انتشار هذا الظاهرة لكثرة خروج المرأة ومزاحمتها للرجل في كل شيء بالتالي نقصت المكانة نتاعها .
و2/ نرجعها لقلة التربية كان جا متربي وذا أخلاق عالية مايديرش هكذا وربي يهدي البنات (............)
سلمت يمناكي على الطرح المميز اشراقة
دمتي
​

 

[إشراقة حب]

kayna li testahel
w kayna eli normalement ki yji rajel heya tnod w tkhalilo elblassa
rana fi zman elmra wel rajel kif kif

ههههه ملييحة والله صح كاينة
تعرفي شوفي البنات كيفاه يشيتوا لليجان داسروا هيا
والله العظيم شحال من مرة تصرا هذي وحدة كانت قاعدة فالكوس صحاباتها كانوا واقفات باه تروح تقصر معاهم ناضت ولمن خلات البلاصة عيطت لواحد الطفل كان بعيد عليها باه يقعد وهي كانت واقفة قدامها طفلة
وهذي وحدة من اللي يطبعوا كي يجي الكوس حكمت بلاصة لواحد عينيه زروقا ملي ريحت وهي تحكي معاه والسيد عينيه لاصقين في وحدة اخرى واش يدير ناد وعيط لهذيك الطفلة اللي كان يخزر فيها خلاها تقعد خخخخخخ
شح ...ربي يهدينا برك حتى البنات ساحوا
​

 

[إشراقة حب]

صح كاينة منها هذي ولى ما كش الاحترام خلاص سارتو لكبير في العمر واحد ما يقولو ارواح تقعد

انا في الحق مين نشوف واحد كبير في العمر ولا طفلة محترمة نقولو ارواح تقعد

مي كي تكون واحد سيفيليزي والووو تخليها هكذاك ، بصح المشكل كاين اللي ينوضلها هههه

ايييه مازال الخير في بعض ليجان ربي يحفظهم
خخخخخ واش دير الله يهدي ماخلق
شكرا لمشاركتك اخي بارك الله فيك

 

[مسلمة وافتخر باسلامى]

ههههههه عجبتنى تع اللى ناد علاجال تابلو بيكاسو
هههههههه الالوان مليحة
ما عندنا ما نقولو ربى يهدينا

 

[إشراقة حب]

الظاهرة الاولى :
ماكانش رجالة أصلا ...اكي ماشفتيش مليح او كامل نسا تما في الكار ^^ خطراه اللي حاس برجولتو يوريها و يبادر و ينوض بصح المرأة هي اللي الله غالب عليها ما تنوضش
و هكا و الله كي تجي وحدة تعبانة ولا كبيرة في السن تلقايهم ينوضوا و الرجالة منسطاليين في الكراسى تقول مش حينوض منو كي يوصل
أصلا هذا ولا في كلش..خطراه ما تربوش على الرجلة و القوامة عليها هكذا ..تقول حوامل ولا مكسرين كامل حاكمين الكراسى و تلقايهم لا شغلة لا عملة غير يدور برك..و النسا كلشي فوق راسهم و تزيد توقف على رايها في الكار ...
الظاهرة الثانية :
هذا رخس برك و قوادة..خالعهم الشكل حتى و أنو على علم باللي هاذي ما راح تقيمو ما والو ..هي تستفيد و هو يشرب البحر و هو يضحك ثاني
شكرا أختي جبتيها والله ..و لاكان راح نزيد نتعمق في الموضوع ..أني ماعدتش نخلص هههههه
بارك الله فيك

الاخت الكريمة رانا كامل زعفانين ومقلقين لكن نختاروا الكلمات اللي نهدروا بها
فلاداعي لبعض الكلمات اللي راك عرفتها ملييح
شكرا لمرورك اختي
​

 

[إشراقة حب]

أحنا في زمن النساء واقفات ..في كل شئ برا وداخل يعني لو كان يغيبو النساء تخلى والبلاد تتقلب ...
ايه على ذيك الزمان الي كانت فيه المرأة تحترم هذه يما وهذه خالتي وهذه جدة حتى لو كانت من كوكب أخر
أما دركا طيح قدامه ما يقول ياستار ....ايه على زمان الرجلة الا من رحم ربي .....
والي يزيد يطلعلك الغاز والدمار لراس هذيك الضواهر الغريبة كيفاه يحترمو ا الي ما يحترموش نفسه والمحترم يقابل بالعكس .. عيش تشوف ....
زمن إنقلبت فيه القيم والأخلاق وأصبحت تعامل بالديمودي .
مشكورة سومة على طرح والتكلم على هذه الظاهرة المؤسفة... ومرحبا بيك معنا من جديد لك وحشة
​

اهلا بك حنونتي ان شاء الله تكوني بخير
اااااه راكي تشوفي حنونة والله منين داك يجيني لجنون
كيفاه اللي ماتحترمش روحها يحترموها وهذيك المحترمة يحوسوها يقيسوها بالهدرة ومايقدروهاش..يعني هم اللي فتحوا العين للبنات باه يزيدوا يتعراو ويزيدو في مظاهر التبرج والسفور
الله يهدينا ويعافينا ...اهلا بك حنونة
وانا تان توحشتك بالزينة شكرا لمرورك غاليتي
​

 

[إشراقة حب]

السلام عليكم
مرحبا بك يا الهرابة
والله ياسمية اختي انقلبت الاية
رجال قاعدون ونساء واقفون

ظاهرة جديدة على ناسنا وعوايدنا
وعلى اخلاقنا
مازالت شوية البركة في الرجال الكبار اما الشباب الا من رحم ربه فيهمه نفسه ونفسه ونفسه وكفى

انا نقول بلاك المجتمع هو السبب
داك التحيشير تاع الجامعات عود الشباب مثلا انه يشوف الطفلة كيفها كيفو
تعري على ذراعها ولاتقعد
وبالاك العياط تاع واحد الجمعيات النسائية النسوية الا تعرفيهم المساواة وحقوق المراة ومانعرف خلات الرحمة تطلع من قلوب الرجّالة
بلاد عجب وعباد عجب
ودايما العيب فينا وفي تفكيرنا
ربي يهدينا ويصلح احوالنا
يعطيك الصحة هادي هي سمونة الي نعرفوها
..................................
بخصوص داك الشيء
وقعت الفاس في الراس هات الروينة بالعسل واسكت
خخخخخخخخخخخخخخخ
نستاااهل

وعليكم السلام ورحمة الله تعالى وبركاته
ااهلا بياسمينتي
ممكن حنونة صح والفوا فالكوس محشورين والاختلاط الخ ...
وزيد تان والفوا وين يروحوا يلقاو مراة يعني ماتفراش مايريحش كامل هكذا
شكرا لمرورك حنونة بارك الله فيك
​

 

[إشراقة حب]

سمــــــــــــــــــآسم توحشتك خيتي موت
صح عيدك يا لكبيدة ههههه
لي عودة ندردش في الموضوع
أستنآيني ​

اهلاااا حنونة انا اللي توحشتك وين راكي داخلة
الله يسلمك حنونتي
هاااا وين راك يالزينة طولتي ومارديتي
مازلت نستنى
​

 

[إشراقة حب]

سلامــ ...
انتـــ تكلمتــي على ظاهرتــين و انا عندي تعليقيــن
الاول : على القعدة تاع الرجال
مالقري انــا راجلــ .. مي نقول الحقــ
و الله ما حقــ عليهمــ مي الله غالب والاو النســا كي الرجال
ماكاشــ فرقــ يعنــي .. ماكاشــ نسا بكري الي كانتــ المقادرة
ولاو دكــا يقعــدوا و راهمــ مقسرينــ و لا على بال
هههههههههه
و التاني :
و الله غير جاني الضحكــ و انا نقرى
انتــ الله غالب عليكــ و هوما كيفيكف
مي كي تخلتــ هاديكــ :shay: .. اممممممممم الله غالب .. تحركــ القلب قبل العقلــ
و لى ما يشوفــ والو
...
و في الاخير ربي يهدي ما خلقــ
تحياتي ​

اهلا بك خويا
على حسب ردك الأول واش تقصد انه خلاصو النساء اللي لازم تقاروهم اللي بقاو درك مايستاهلوش التقدير والاحترام ...لالا انا ماهدرتش على المرأة اللي كي يخليللها الواحد البلاصة تنود تحكي مع الرجال هذوك مانهدرش عليهم
كلامي دائما عن المحترمة المتحجبة المحتشمة التي لا تقابل بالإحترام وانما تقابل بقلة حياء الشباب وقلة رجولتهم

انا الله غالب عليا ... لالا أنت اللي الله غالب عليك
كيما تقول يما الله يعفي خوااا

امين وشكرا لمرورك بالموضوع
​

 

[مينة آلاء الْقُدُّوس]

سمسومة حتى حنا توحشناك

والله قتلتيني بالضحك شفتي لوين لحقناعيشي تشوفي وتسمعي

هاديك تاع لبيس راهي معروفة شتي كيفاه يطابعو باه يحكمو بلاصة

وتاع ينوضو للبنات بالتخيار هذيك كل واحد وأخلاقو

أنا لي تقلقني تاع الصح هادوك النسا زعمةتطلع هي ووليدها ولابنتها وتحكم بلاصة ليها وليهم هو اعني

الطفل تقدر تحطوفي حجرها وتخلي الناس تقعد بصح هي تحب تتقلش تقول راهي راكبة في طيارة وكي يلحق لي يخلص تقولو بوووووه طفل صغير تخلص عليه :schmoll:
​

 

[إشراقة حب]

موضوع جميل أختي
لي عودة إن شاء الله
دمت مبدعة​

شكرا لك اختي
وأنتظر عودتك بفارغ الصبر
شكرا وبارك الله فيك
​

 

[شذى الإيمان]

تفكرت واحد القصة صرات في الحافلة:
خطرة مرأة قالت لواحد الرجل باش يخليلها بلاصتو، غسلها مسكينة وبهدلها قدام الناس، خص غير الماكلة ما كلاهاش:santa_1: :santa_1: :santa_1:: " أحكمو دياركم، نلقاوكم في كل بلاص،... " المهم هاديك المخلوقة كيما يقولو الطيحة والطريحة، ما قعدتش، والبخص طايح عليها :shay: :shay: :shay: ​

روح يا زمان وآجي يا زمان، ​

نهار آخر صرا موقف مشابه، واحد لمرأة قالت لواحد يخليها تقعد، حب يتفرعن عليها، " أحكمو دياركم، نهار كامل ونتوما في الزنق،... "وغير حل فمو مسكين: سكتاتو بزوج كليمات، ندم عالنهار اللي هدر فيه، قالتلو:
" واش تحب، راجلي .... كيما أنت، هو قاعد في الدار ويبعثني نخدم ":cra_zy: :cra_zy: :cra_zy:​

 

[ميرهان]

و الله انا ثاني حبستلي مخي هذي العقلية واش نقولك على البيس تاع الجامعة يتقابضوا على لبلايس و البنات واقفين واش تحبي
يا حسرة على ناس زمان تقولي لوكان غير جيت عايشة في هذاك الزمان

 

[zahya]

وراهي الرجلة يا اختي ......الرجلة كانت زمان زاموني.....اما دروك والله معلبالو بيك توقفي ولا طيحي ولا تتهردي .....الرجلة كانت في وقت الرجال اما دروك مابقاش رجال كاين دكورة فقط....توقفي بالساعات ومكانش لي يحشم ويقولك رواحي تريحي قلليل .....ربي يهدي الجميع هدا واش نقول

 

[كرامة]

يـــــــا عيب الشوم

كيف يقبلو توقف المراة قدامهم ؟

ولا لسة الموقف اللي صار معك انت بجد بجد مش عارفة شو احكيلك

للممكيجة قام وقعدها وانت لأ

بجد هادا العاار بعينو والدياثة
الله بعين اختي احنا بعصر المزز كيف ما كان شكلهم ولو كانو بشعات ع الاخر المهم لابسين محزق وملزق

الله يعين​

 

[merouane87]

شكرا لك الاخت على هكذا موضوع
فى مايخص هذه الضاهرة تفشات ف المجتمع تاعنا بلبزاف
انا نوض لشيخ كبير عجوز ة امرة (متزوجة) لكن وحدة جان في جامي
حبو المساوات توقف كما انا والا تحكم الدار وانا لو جات عليا لي تبغي المساوات يبعثوها تفوت العمين
ثماك تبانلها المساوات هذا رأيي وللبقية أراء فأرجو الاحترام