ماذا ستطبخين اليوم سيدتي..انستي..../الجزء الثاني/

[ibtesem]

حالياً الأعضاء النشيطين الذين يشاهدون هذا الموضوع : 35 (18 عضو و 17 ضيف) ‏ام سيف, ‏*NoOoR*, ‏arsalane, ‏أم نيفين, ‏ام منصف, ‏ام تقوى, ‏Djazaire-El-Ghalia, ‏بلادي نبغيك, ‏faloussa, ‏ibtesem, ‏imane27, ‏حاملـة المسك, ‏l'algeroise, ‏nassima88
, ‏samora68, ‏كوثر الوهرانية, ‏عشقي الامارات, ‏فايزة1207
ربي يزين لمتنا:sheer::sheer::sheer::sheer:

صباح الخير ام سيفو واش راكي اختي :sheer:

 

[ibtesem]

انا نروح حباباتي نشوفكم من بعد ان شاء الله
مساء الخيرات ندوش راني مشفتكش

 

[حاملـة المسك]

انا تاني كملت 30 صفحة مي لقيت صور تاع ام كوثر وفلوسة عجبوني لكن بدون وصفات
كفاش العمل نحط الصورة وننتضر الوصفة او مادا يارغود :shiny:

أسمحيلي هدا وين شت ردك
شوفي مدام عجبوك حطيهم لمدة معينة واطلبي منهم الطريقة
و إلا مردوش أحذفيهم
كما إيمان لدرك ما ردتليش ...ببيلها بليييييز
و بارك الله فيك على المساعدة + تقييم

لبنات كتمو قلولي هنا باش نحط الكلمة الختامية
و نفتحو المجال للردود​

 

[ام ايناس]

سلام لبنات انشا الله راكم ملاح رغودة مازالت اسومة
ايمان وحدة طلبت منك هادا الطبق وما جاوبتيهاش من فظلك اعطيني الطريقة

 

[كوثر الوهرانية]

مساء الخير لبنات مشاء الله عليكم راكم فحلات تاع الصح
بسومة كي تدخلي كلميني فالسكايب

 

[faloussa]

انا تاني كملت 30 صفحة مي لقيت صور تاع ام كوثر وفلوسة عجبوني لكن بدون وصفات
كفاش العمل نحط الصورة وننتضر الوصفة او مادا يارغود :shiny:

واينا وصفة تحبي بسومة وانا نحطهالك راني في الخدمة حبيبتى :re_gards:

 

[ام ايناس]

مساء النور فريدة راكي مليحة من ظهرك شوي
هادي ماكلتي لايام لي فاتت
شوفلور بصوص بيضاء وسلاطة

كباب في الفرن

بركوكس تاع المحمصة

 

[ام حبيب]

يعطيكم الصحة

 

[nada242008]

صحا غداواتكم يا بنات
اليوم طيبيت لابيري ومعاها مرقاز
بسومة وينك :sheer:

 

[imane27]

السلام عليكم ورحمة الله وبركاته

راني حابة نعرف واش ياكلو لانو حنا في الغرب انطيبو كلشي حمر نضن في الجزائر يطيبو كل شيء بيض
حابة نعرف الاكلات اللي يطيبوها بزااف لتم
وربي يحفضكم ان شاء الله
​

شوفي هاجر حنا فالعاصمة عندنا مواكل مرقة بيضاء ومرقة حمرة
كاين شربة بيضاء وحمرا
كاين لكباب بيض بسباس بيض شفلور مرقة بيضاء وحمرا وقرتان
طعام مرقة بيضاء وحمرا
رشتة مرقة بيضاء
محاجب وكاين بزاف

 

[كوثر الوهرانية]

ام ايناس اكلاتك تشهي بصحتكم و راني مليحة اختي مشكورة على السؤال
ام ندوشة لابيري راهي تسخف بصحتكم
اليوم بقاتلي الشربة من امس و زدتهم الكوكا شوفوها و اعطوني رايكم

 

[imane27]

إيمان بليز مقادير هدي الوصفة

​

للجرواز بالتوفيق

جزائر الغالية هدي غيبة توحشناك​

400غ فرينة
120غ زبدة
2 بيض
ملعقة جلجلان
باكي خميرة حلوة
زست تاع قارص
حليب
خلطي كل المقادير ولمي بالحليب وشكلي كوران وجوزيهم فسكرفاج وقليهم ويتعسلو
ودردري عليهم جلجلان

 

[كوثر الوهرانية]

بسوم نخدمكم بعيوني يا غاليين قولي واش من صورة و نمدلك وصفتها مكانش مشكل عندي

 

[imane27]

سلام لبنات انشا الله راكم ملاح رغودة مازالت اسومة
ايمان وحدة طلبت منك هادا الطبق وما جاوبتيهاش من فظلك اعطيني الطريقة

اوكي ايناس منتبهتش
طيبي مرقة بيضاء بلحم بصل زيت ملح فلفل لكحل قرفة خليها تتقلي وضفي جلبانة وخليها حتي يطيب اللحم وجلبانة ومن جهة اخرى نقي قرنون وجدي لحم مرحي مع بصل شوية روز ونفس التوابل لحطتيهم فالمرقة وعمري لقرنون ودريه يطيب فالمرقة وخليها حتى تعقد وقدميها مع رشة معدنوس وقارص

 

[imane27]

بصحتك كوثر الكوكة راهي تشهي

 

[l'algeroise]

مساء الخير عليكم
صح غداكم أم ايناس أطباق هايلين يعطيك الصحة خاصة الكباب فالكوشة نموت عليه بصح فهميني وشنو هو البركوكس تاع المحمصة
أنا نعرف بلي البركوكس يحي مرقة حمرا و المحمصة هي البركوكس بالحليب
أم ندى بصحتك لابيري
كوثر الوهرانية الكوكا تشهي سخفتوني فيها بصح مانحبش العجينة المورقة
ايمان عشا يشهي بصحتكم
أنا درت لغدا شوفلور بالزيتون
حاملت المسك قوليلي كيفاش راكم تخيرو الوصفات لي تحطوهم فالمدونة باش نعاونكم ​

 

[l'algeroise]

كوثر الكوكا باش حشيتيها ؟؟؟؟؟؟؟؟؟​

 

[nada242008]

ام نيسو اطباق شهية بصحتكم وتهلاي في صحتك
كوكو بصحتك الكوكا جاتك تهبل امممممم على قولة ايمان على قد مانطيبوها مانكرهوش منها
وفعلا يا ايمان كي تقطعيها حبات تجي خير من قرصة واحدة
لالجيغواز بصحتك الشوفلور

 

[oumniati]

السلام عليكم ورحمة الله وبركاته
ماشاء الله عليكم يا بنات راكم قايمين بيها:showoff: وطياباتكم يشهيو
سلامي للجميع كل واحدة باسمها:re_gards:

 

[أم نيفين]

مساء الخيرات لبنات
وشراكم؟؟ إن شاء الله لاباس
بصحتكم واش طيبتو كل وحدة باسمها
الله يبارك بنات بلادي كامل فحلات ربي يحفظكم و يعطيكم ما تتمناو