مافيك فايدة...حاجة زايدة

[وطني]

سلام عليكم ناس اللمة....ان شاء الله قاع راكم لاباس ....
في نهاية كل 3 شهر ...تنوض يما باش دير فيها حملة ذات منفعة عامة ف دار....تنوض تنظف و ترتب ف الغرف غرفة غرفة.....
الحاجة لي لاحظتها على يما ..انها كي تكمل الحملة ديالها...نلقاها دايرة كوطة نتاع صوالح على جيهة باش ترميها....كي نقلها وعلاش تقول قولتها المشهورة...الحاجة لي مافيها فايدة...على ماليها راهي زايدة...
صح الحاجة لي مافيها فايدة مانستحقوهاش غير خلي تروح....
بقيت نخمم مع راسي و للاسف الشديد لقيت روحي انا تاني بلاصتي مع هادوك الخردوات لي معولة يما ترميهم...._o:
ياك مانقراش....واش يديرو بيا
ياك مانخدمش...واش يديرو بيا
ياك ماعنديش الدراهم...واش يديرو بيا
ياك ماعنديش الزهر ...واش يديرو بيا
نرقد بزاف...و ناكل بزاف......واش يديرو بيا
:schmoll:
و الله غير بلاصتي راهي تماك معا هاداك الربوج........_o:
تاع الصح حاجة تقلق...و تخلي الواحد يزيد يجري على روحو حتى يفتح الفتاح.....
مي على الاقل انا راني فكرت ف هاد الفكرة...انا افكر اذن انا موجود....اذن عندي فايدة... اذن بلاصتي ماهيش تماك i-o:
حبيت برك نقول انو الانسان على الاقل يدبر حاجة تاع فايدة يديرها و يالوكان تكون صغيرة....المهم يلهى بحاجة نتاع فايدة.....هاكدا باش مايروحش ف داهية مع الربوج نتاع العجوز......

 

[adel-mz]

هههههههه
والله ياوطني غير هايل
كيفاش مافيكش الفايدة !!!!
يا سيدي الوقفة هاديك قدام باب الدار فايدة اوموا الناس يقولو هاديك الدار فيها الرجال والسبوعة.
+
مقريتش ومبعد !!
معندكش الزهر ونبعد!!
معندكش الدراهم ومبعد!!
متخدمش ومبعد!!
تاكل بزاف وترقد ومبعد!!
على جال هادو يسمحو فيك ماليك وتحس راك زيادة راك غالط ومالقري لي ذكرتهم راك سبع في عين يماك
انشاء الله يفتح عليك ربي وتعيش سعيد معزز مكرم.
شكرا

​

 

[hicham500]

خويا جامي تحقر روحك
الانسان هذا مخلوق كرمو رب العالمين وخلقو في احسن خلقة وسكنو في الارض
وكل شيئ موجود في هذي الارض ربي خلقها على جال هذا الانسان وسخرهالوا للفائدة نتاعو
باش يعبدوا والحوايج تاع الدنيا هذي تقدر تأثر في الانسان بصح مهيش كل شيئ على خاطر راهي فانية وممكن تكون سبب في فتنة الناس وتبعدهم على الطاعة والعبادات
والرزق على ربي كما يقول تبارك وتعالى( وما من دابةٍ في الأرض ولا في السماءِ إلا على الله رزقها‎ )) سورة هود
الدنيا هذي مهيش غير خدمة وزواج وزهر ...الخ من البلا بلا
الله يقول :​

<LI class=g>( وما خلقت الجن والإنس إلا ليعبدون )

اذا المظاهر هذيك الي هي للاسف المفروض تكون تساعد الانسان فقط

في اداء وظيفتوا الاساسية لي هي عبادة الرحمن تتحول الى غاية دنيوية
وتنسي الناس في الغاية الرئيسية وتغفلهم عليها​

 

[ماكانش]

رانا ردينا على الموضوع
اذا فينا الفايدة

 

[ملاك الليل]

صح كلام صحيح مية بالمية
الفائدة الكبرى من وجودنا والتي نتمنى كلنا ان نحققها هي تحقيق خلافة الله في ارضه كما اراد وامر وانا نقولك يا وطني
انت تصلي اذن عندك فايدة
انت بار بامك اذن عندك فايدة
انت تبغي الخير لنفسك ولاهلك ولجيرانك عندك فايدة

وربي يكللها بفوائد الدنيا والاخرة ان شاء الله

​

 

[minattou]

والله انا تاني ساعات نخمم كيفك ومبعد نتفكر حاجة :

قد تشعر في لحظة انك انسان في العالم بينما يشعر شخص في العالم انك العالم كله

 

[بيكهام]

ياك مانقراش....واش يديرو بيا
ولقراو وش دراو راهم كيف كيف كيما انا وانتا وهو
ياك مانخدمش...واش يديرو بيا
ههههههه فكك ربي من خدمة يفرج ربي
ياك ماعنديش الدراهم...واش يديرو بيا
امممم والله لوكان جات عندك دراهم يكثرلك تخمام وكي تحكم بلاصتك مرتقدش هاني تولى غير تخمم غدوة وغدوة ونشرى ونجيب ومنيش عارف
ياك ماعنديش الزهر ...واش يديرو بيا
هاذيي انا وانتا كيف كيف بدون تعليق وقيل نشرو شوية زهر وخلاص
​

 

[مسلمة وافتخر باسلامى]

موضوع شباب خويا يعطيك الصحة
راك فيك فايدة كبييرة على الاقل للمة تحكيلهم نصائح وحكايات كيما هادو
وربى يرزقك ويرزقنا كامل

 

[nina bonoise]

فكرتيني في الفلسفة يااااخ شحال نكرها

 

[homework]

لالا خويا وطني غير تعيش و تكون ذو اخلاق طيبة و رجل و فحل هذي هي الفائدة اما الباقي يجي بلعقل اسعي و ربي مايخيبكش

 

[zahya]

انا كنت نتمنى كاش نهار ندير حاجة فيها الفايدة مي الله غالب مساعدتنيش الظروف ورجعت من غير فايدة وهدا الاحساس يحطم القلب كي تحس روحك من غير فايدة ........يا ربي فرج عليا وعلى الجميع ...يا رب

 

[radiaimene]

كي كتبت 5 جمل فيك الفائدة

موضوعك ديجا فائدة للناس القاعدة