حاب ندير الخدود

[GI Joe]

رد: حاب ندير الخدود

mdrrr !!winrayhiin!!
bn courage aw kayen sport lel visage tnehi lekhdoud )

 

[Hakan]

رد: حاب ندير الخدود

هههههههههههه هادي وحدها خلاص وقاتلهم اسكتو
اولا السلام عليكم
تلفوهالنا السلام ونسيناه ههه، يعني والله راني حايرة من هاد الرجال كيفاه يخمو؟ ( قصدي الذكور -_-)
هاد العام الشعب كامل باللحية قريب تلقى لحيتهم تتكركر في الارض هادا كامل على جال ذوق البنات
بينما كي كان سُنّة رفضوها، ودرك رجعو للخدود؟؟ يعني السراول طايحين و التسريحات الشيطانية هاديك
وزيدلهم لامود تاه لخدود؟ صراحة بديت نفقد الامل في الرجال، يعني هادا لي يخربش في وجهو
ومايخلي ماكياج ولا بوماد على جال طفلة ماهوش راجل خلاص، الناس اي تجاهد وتروح للموت برجليها وماتخافش
وناس اي تعدل في شعرها وخدودها وتخمم كيفاه ترضي طفلة؟؟، تعرف درك برك كنت نشوف على التلفاز شاب في عمرو
20 سنة عندو خلل في قلبو قالولو الاطباء بقاولك 4 اشهر وتموت، قالهم مارانيش خايف من الموت ومستعد
نواجه الموت، يكتب الشعر الله يبارك وسبحان الله الدمعة لي تجي رايحة طيحلو يعاود يطلعها ماش حاب يبين ضعفو،
يعني شاب بصغرو بقاولو اشهر ويموت ويبتسم ويقاوم ويقولك انا مانخافش من الموت، ونص خلاف يحوس ينفخ خدودو، قولو عليك وعلى كاش قنبلة تاع هيروشيما وزيدلها غاز مسيل للدموع وخلطهم كيما قالها خويا مالك
كي التشكشوكا وحطهم في فمك يطرطق فمك ضربة وحدة ويخرجولك ماش غير الخدود -_-
(ربي يقدرني على فعل الخير ههه )
ربي يهدينا برك ويهدي هاد الشباب الضياع يارب
شكرا خويا على الموضوع
تحياتي
​

ههه مشكلة كبيرة الخدود راهم رجعو حاجة مطلوبة مام زعما ضركا
انا ما فهمتش واش فيها الخدود بالعكس ماهومش ملاح طول كي شغل بيبي صغير
ااه فهمت يعني كي يشوفو راجل يشبه للطفل الصغير يقلك
هذا ما نحوسو شعب تافه لدرجة كبيرة واش ديري ختي الله يعافينا
الحمد لله الخدود من عند ربي سبحانو هههه واللحية من عند ربي سبحانو
وصاحبي هذا راني عطيتلو الكلام اللي يليق بيه :sport01: شكرا مريم على المرور ​

 

[Hakan]

رد: حاب ندير الخدود

وعليكم السلام ورحمة الله وبركاته

الحمد لله بخير خويا حكيم ^^

انا ما لقيت واش راح نقول هههه المهم حبيت نقول بلي التوقعات نتاعي صحيحة
انا يخي قتلك بلي راك زين تبارك الله وأنت تقولي مش زين، شفت صار عندك خدود
ربي يبارك ههههه .. المهم ربي يهدي ما خلق وربي يقدر الخير ان شاء الله

اعتني بنفسك، وبوسة لخويا حكيم الزين ^^

سيف
​

هههههههههههههههههههههههههههههه
ياخويا علاه تبهدل فيا راك حشمتني قدام المخالق :$
ياك قتلك انا ما نشبه لوالو نشبه لروحي
مي انت خير مني وهذا بالصور ههه
ربي يهنيك لحية + خدود وكلشي ناتورال والحمد لله على فضله
ديجا انت ثاني عندك خدود هههه معناتها راك رابح في لافار :p
سلام وهاي احلى بوسة راس عمي سيف الدين
​

 

[Hakan]

رد: حاب ندير الخدود

وعليكم السلام ورحمة الله تعالى وبركآته

ههههههه خلآ دار الشر واش هذا تسمع غير العجب
من اللحيّة اللي مانيش عارفه كيفاه دايرة لتحليقة قزع للخدود والقادم أعظم
ياحكيم خويا كون صرفقتو بزوج كفوف يطلعو الخدود ليه ليه خخخخ بلا بوماد
هم يضحّك وهم يبكي ،الله يجيب الخير


​

وي وي هاذا الجديد راكم تعرفو راجل طول وعرض سمر الله الله مالغري ناقص سنة مي واش يدير بالخدود اللحية حاجة مليحة
ومن بكري نحبها لانو تعبر على رجولة مي الخدود هاذي شويا عياانة باسكو انا سامع بلي النساء اللي يحبو هاذ الصوالح
مي نورمال راهم الرجال ويديرو الكيرياتين للشعر ويغسلو بسانسيلك نتاع البنات ياي ويغسلو بصابون نتاع بنات
علابيها جينيتيكمون فسدت الحالة . وانت تحبيني نعطيلو كف ياي السيد طول وعرض مي العقل حبة زيتونة :tongue02:
شكرا على المرور :regards01:

السلام عليكم
واش من عقليه هدي والله ي خويا ولاد الرجال يهتموا
بمظهرهم كتر من النساء تلقاه يدير الديفريزاج يصنع حواجبو
وزيييييييييييييييد وزيد وهدي نتاع الخدود جديدة سمعتها ههههههه
ربي يهدينا يارب
ايا حكيم ماعليك غي تنسف خدودك​

نونو ما ننسفش خدودي تحبي يروحولي المعجبين :down:
ههه لا يااختي مليكة نشوفو كيفاش نقصو منهم شويا برك
عوض ل نديرو الخميرة نديرو الهريسة كاشما تنقص هاذي وصفة غير مجربة خذاري من التقليد ههه :bravo01: شكراا

هههههههه

مصائب قوم عند قوم فوائد

راك تشوف هذي هي الحقيقة الموجعة ربي يهدينا شكراا لك خويا ​

 

[Hakan]

رد: حاب ندير الخدود

mdrrr !!winrayhiin!!
bn courage aw kayen sport lel visage tnehi lekhdoud )

امممم علاه تحرقي فيا وانا واش ذنبي اذا كنت نحب ناكل مليح
وما نديرش الخميرة يابن عمي سمطولي كل شيء الحمد لله اللي جات من بكري كاين خدود والا راهم
شكو بلي انا من جنس يالاطيف :yahoo01: شكراا يالقاورية :p​

 

[بنفسج]

رد: حاب ندير الخدود

السلام عليكم

هههههههه واش نقول هم يضحك وهم يبكي
صار الخدود لامود نتاع2016 لاحول ولاقوة الا بالله
او دارلي التقزز صاحبك هادا خخ مي حاجة متوقعة
او الغرب وما دارو في شبابنا
قلو لامود نتع الذكور ماشي نتاع الرجال
والفرق كبير هنا الله يجيبلو مصيبة خخ نارفاني
ياو مبياش نخلي نيتنفخو خدودو مليح او نفشهملو بابرة ههه
مخنثين واش نقولو
الله يجيب الخير ويستر اللي الجاي
شكرا حكيم راني من العنوان ضحكت زدت قريت السوجي وشفت داك
الصغير بابا عجينة تطرطقت بالضحك نحيت على خاطري
يعطيك الصحة
تحياتي ،،،،،
​

 

[ام أمينة]

رد: حاب ندير الخدود

كي ولات فالخدود عادي
انا مرة خرجت نشري صوالح خصوني تلاقيت بالمكياج تع الرجال في وحد الكوسميتيك بقيت حايرة

ربي يهدي ما خلق هذا راه تقليد للغرب ياو قليل لي يفهم
مشكور على الموضوع
​

 

[Hakan]

رد: حاب ندير الخدود

السلام عليكم

هههههههه واش نقول هم يضحك وهم يبكي
صار الخدود لامود نتاع2016 لاحول ولاقوة الا بالله
او دارلي التقزز صاحبك هادا خخ مي حاجة متوقعة
او الغرب وما دارو في شبابنا
قلو لامود نتع الذكور ماشي نتاع الرجال
والفرق كبير هنا الله يجيبلو مصيبة خخ نارفاني
ياو مبياش نخلي نيتنفخو خدودو مليح او نفشهملو بابرة ههه
مخنثين واش نقولو
الله يجيب الخير ويستر اللي الجاي
شكرا حكيم راني من العنوان ضحكت زدت قريت السوجي وشفت داك
الصغير بابا عجينة تطرطقت بالضحك نحيت على خاطري
يعطيك الصحة
تحياتي ،،،،،
​

ههه صار عجبوك الخدود نتاع البيبي وما عجبوكش الخدود نتاع صاحبي :down:
نضحك كيما قلتي مرض نفسي اسمه الانااقة كاين نوعين من الانااقة
انا مليحة تبين الرجولة نتاعك واناقة جاايحة تبين درجة التخنث نتاعك واللي يهتم بالوجه نتاعو ويظل مع مستحضرات التجميل هذا نروحو نشوفولو معهد نفساني في بليدة
امشي تلعبي لكرسي التعارف ما نشوفكش هنا هههه :p
سلاام ​

 

[Hakan]

رد: حاب ندير الخدود

كي ولات فالخدود عادي
انا مرة خرجت نشري صوالح خصوني تلاقيت بالمكياج تع الرجال في وحد الكوسميتيك بقيت حايرة

ربي يهدي ما خلق هذا راه تقليد للغرب ياو قليل لي يفهم
مشكور على الموضوع
​

احي احي راهي ضاعت البلاد وضاعو الشباب بكري كان راس مال الراجل هاذوك التجاعيد وهاذيك الحروشية نتاع اليدين من اثر
البيطون والبالات والحصادة وضركا ليجون نتاع هاذ العصر تشوف فيه ما لا ترى في الانثى
واش من ماكيااج واش من تهلي في شعرو واشمن صابون واشمن بومادة ياحسراه عليك ياجدي لوكان يقدر يمشي مليح يشبعهم عصى
ربي يهدينا شكرا لك ام امينة :regards01:

 

[ضآحكة مستبشرة]

رد: حاب ندير الخدود

السلام عليكم حكيم
صافا ؟؟

قالك عيش تشوف عيش تسمع
و الله غير حرنا في هاد الشعب
انا وحدة عييت من هاد العقليات
الناس تطور بالعلم و هوما قاعدين يتبعو
ربي يجيب الخير
مبقات حتى هدرة كي عادت لحكناك و لا لخدود مودا
سبحان الله​

 

[ليليا مرام]

رد: حاب ندير الخدود

السلام عليكموخويا حكيم
ايه.جديده هذي حتى انا خلعتني واكره ما اكره عندي راجل عندو دوارة واااااع ما نحملش راجل.كرشو خارجة قالك الخدود والله عجب لا ماكانش منها بلاك يهفك كيفاه مرا يعجبها راجل بالخدود علاه زعمى راح تندب بيه. ويا ويلي
نحكيلك.كي جات لامود شنايف منفوخين. نلقى صحبتي.كل يوم مطلعه شنايفها وانا.نقول واشبيها هذي قاع العام مشنفه ويا حوجي علاه مبطشتهم فالسما هذي حكمتها واشبيك دايره لشواربك.هاكا تمشي وتسلمي والا مشنفة ضحكت قاتلي يا ليليا لامود ويااااا نندب تخرجي فيهم بالذراع قتلها والله مليح امشو وسلمو كل يوم العيد ان شاء الله تقعدي مشنفة قاع العام ضحكت عليا عارفة اسلوبي فالرد
ايه خويا حكيمامالا خدودي نحتاجهم او لامود ليكم برك هههه
العجب والله

 

[AmiR@RoRo]

رد: حاب ندير الخدود

السلام عليكم
هه غريب شعبي العزيز كل مره يخرج بخرجه على طبع
هاد الهدره كنت نسمعها عند البنات برك
لكن الظاهر ان العدوى انتقلت حتى للشباب
ربي يشفيه ويعافيه
صحيت خويا حكيم

 

[Hakan]

رد: حاب ندير الخدود

السلام عليكموخويا حكيم
ايه.جديده هذي حتى انا خلعتني واكره ما اكره عندي راجل عندو دوارة واااااع ما نحملش راجل.كرشو خارجة قالك الخدود والله عجب لا ماكانش منها بلاك يهفك كيفاه مرا يعجبها راجل بالخدود علاه زعمى راح تندب بيه. ويا ويلي
نحكيلك.كي جات لامود شنايف منفوخين. نلقى صحبتي.كل يوم مطلعه شنايفها وانا.نقول واشبيها هذي قاع العام مشنفه ويا حوجي علاه مبطشتهم فالسما هذي حكمتها واشبيك دايره لشواربك.هاكا تمشي وتسلمي والا مشنفة ضحكت قاتلي يا ليليا لامود ويااااا نندب تخرجي فيهم بالذراع قتلها والله مليح امشو وسلمو كل يوم العيد ان شاء الله تقعدي مشنفة قاع العام ضحكت عليا عارفة اسلوبي فالرد
ايه خويا حكيمامالا خدودي نحتاجهم او لامود ليكم برك هههه
العجب والله

هههه والله ياذيك لامودا بصح على الاقل عند البنات مي عند راجل صعيبة شويا لانو رااجل يانااس رااجل
خخخخ والله راكي تعيشي وتشوفي حواايج بزااف راهم يخلعو
ربي يهنيك ختي وبالتوفيق ​

 

[Hakan]

رد: حاب ندير الخدود

السلام عليكم
هه غريب شعبي العزيز كل مره يخرج بخرجه على طبع
هاد الهدره كنت نسمعها عند البنات برك
لكن الظاهر ان العدوى انتقلت حتى للشباب
ربي يشفيه ويعافيه
صحيت خويا حكيم

ياي راهم لي جون هبلو وراحو فيها طول وعرض وخدود وكل شيء راكي تشوفي وتعيفي
​

 

[زهور الشوق]

رد: حاب ندير الخدود

يا حي ن نندب
من السروال الطايح والمثقوب وشعر القنفود الى المنقوشة والماكياج وسروال سليم وتريكو روز الى لخدود
اه ياربي
وسعولي نحرق هاد الكاليتي تاع صنف بشري لاصنف له
قولو لصحبك زهور عندها فائض في لحناك
نمدهوملو كاشما ينوب عليه ربي و تحن عليه كاش بهلولة ويعمر قلبه الفارغ عاطفيا
اععع
وانا نروح نربي لحية وندير شلاغم بالاك يغرم بيا كاش بهلول
وزيد قولو
مع لحناك لبيوضة يخرج يهبل روجالاف روج
يايما ع الزين يهبل راني طحت فيه ديجا
افففففف
سامحني يا خويا هدرت برك
مي هاد العيباد مانحبههههههههمش
وربي يهدينا ويهديهم يارب
كارثة وين رانا رايحين هكا
ربي يصلح الاحوال​

 

[Hakan]

رد: حاب ندير الخدود

السلام عليكم حكيم
صافا ؟؟

قالك عيش تشوف عيش تسمع
و الله غير حرنا في هاد الشعب
انا وحدة عييت من هاد العقليات
الناس تطور بالعلم و هوما قاعدين يتبعو
ربي يجيب الخير
مبقات حتى هدرة كي عادت لحكناك و لا لخدود مودا
سبحان الله​

وعليكم السلام الحمد لله بخير ومرحبا بيك من جديد

هذا وين شفت الرد نتاعك اسمحيلي

راكي تشوفي شعب مغفل نتاع الصح همو غير روحو ربي يهدينا ويعافينا صح الواحد ممكن ينقص في حوايج
مي ينقص في الرجلة نتاعو شويا عيب وعياانة بزااف
كيما قلتي الناس لاهية بالعلم وهوما لاهيين ب مستحضرات التجميل ...:tongue02: شكرا على المرور :regards01:​

 

[Hakan]

رد: حاب ندير الخدود

يا حي ن نندب
من السروال الطايح والمثقوب وشعر القنفود الى المنقوشة والماكياج وسروال سليم وتريكو روز الى لخدود
اه ياربي
وسعولي نحرق هاد الكاليتي تاع صنف بشري لاصنف له
قولو لصحبك زهور عندها فائض في لحناك
نمدهوملو كاشما ينوب عليه ربي و تحن عليه كاش بهلولة ويعمر قلبه الفارغ عاطفيا
اععع
وانا نروح نربي لحية وندير شلاغم بالاك يغرم بيا كاش بهلول
وزيد قولو
مع لحناك لبيوضة يخرج يهبل روجالاف روج
يايما ع الزين يهبل راني طحت فيه ديجا
افففففف
سامحني يا خويا هدرت برك
مي هاد العيباد مانحبههههههههمش
وربي يهدينا ويهديهم يارب
كارثة وين رانا رايحين هكا
ربي يصلح الاحوال​

واخيرا شفت ختي في احد مواضيعي ياحسراه صارلي زمان ما شفتكش
هههه اللحية تجيك فوور خلاص كوني متهنيا ههه ديجا راهو يحوس على العنوان نتاعك
خخخخ واش نقلو راني حشمت انا في بلاصتو
وحد الكاليتي لا علاقة بكل شيء ههه
عجبتني المقدمة كي شغل شعر نتاع كاش ثورة
اممم الخدود الروجيين هههه ما حكيتيش اه [ نتمسخر برك] ديجا هو اسمر فونصي ما يطيحوش عليه
يااع يبان كي شغل حبة ملفاي
ربي يهدينا هكاك ختي طلي علينا منين ذاك ..​

 

[زهور الشوق]

رد: حاب ندير الخدود

هاد الشي سمر وبلخدود -_-
الله أكببببر
هههههههه حاشا لحبة نتاع الميلفاي
كيما قالتلي صحبتي ديك نهار
ليجان تاع هاد لافاك صبابطهم نقاية على وجهنا
يرحم والديك
صباط بعدا مافيه حتى نقطة تاع غبار
دايينها غير اناقة وتبياش وغزل وغنا
وتحسابلهم راهم غير هوما فوق لرض ولبنات قاع ميتين عليهم
والحقيقة هنا شايفينهم مايسواو فرنك قدام سيادهم الرجال تاع الصح
وراح نبشر صحبتي بهاد لامودا جديدة
تولي تقول ياريتنا بقينا فالصباط وماطلعناش دروج
خخخ
هاني نزوك اعمي لحاج
كتر لي برك سوجيات وين نفرغ قلبي
صحيييت خويا ديما توب من السرد للمحتوى

​

 

[Hakan]

رد: حاب ندير الخدود

هاد الشي سمر وبلخدود -_-
الله أكببببر
هههههههه حاشا لحبة نتاع الميلفاي
كيما قالتلي صحبتي ديك نهار
ليجان تاع هاد لافاك صبابطهم نقاية على وجهنا
يرحم والديك
صباط بعدا مافيه حتى نقطة تاع غبار
دايينها غير اناقة وتبياش وغزل وغنا
وتحسابلهم راهم غير هوما فوق لرض ولبنات قاع ميتين عليهم
والحقيقة هنا شايفينهم مايسواو فرنك قدام سيادهم الرجال تاع الصح
وراح نبشر صحبتي بهاد لامودا جديدة
تولي تقول ياريتنا بقينا فالصباط وماطلعناش دروج
خخخ
هاني نزوك اعمي لحاج
كتر لي برك سوجيات وين نفرغ قلبي
صحيييت خويا ديما توب من السرد للمحتوى

​

هههههههههههههه اواه كي لحقتي للسباط اسمحيلي انا نلبس صباط اسود وما تخربيليش فيه
هذاك ما نسعى ههههه بغيتي الخدود الله يسهل مي صباطي نونو انا قد زعفت
ياي نتمسخر هي صح النظافة مليحة للراجل مليح تكون ملابسو متناسقة ونظيفة مي ما يخسرش بحيث ما نفرقوش بينو وبين النساء اللي رانا نشوفو فيهم في الشارع
راجل يلبس بيجامة نتاع اختو سترها الله ويجي يتقلش في لافاك
هذا نقولو زير لهيه وهات البرمي وبروصي + نحيلوو لبرمي ما يسوقش وتسوق ختو في بلاصتو هههه
صحيتي هاتي برك ندي العطلة ان شااء الله ونجيبلكم الجديد راهو كاين
ميرسي ختيتو وتصبحي بخير بالتوفيق في امتحاناتك ...​

 

[Princesse Diyor]

رد: حاب ندير الخدود

يعني واش الحاجة لي خرجت موضة شبابنا مدارهاش دارو لعفايس كامل مليحة مش مليحة المهم نديرها و نجربها
اما هادي موضة الخدود جامي سمعت بيها جديدة
بصح علابالك ادا تبعو هادي الموضة عادو خواتاتنا مش خاوتنا ههههههههه