صنع في اليابان...قشر في الجزائر

و

وطني

:: عضو مُشارك ::
إنضم
19 أفريل 2009
المشاركات
193
نقاط التفاعل
0
نقاط الجوائز
6
آخر نشاط
سلام عليكم ناس اللمة.....وان شاءالله قاع راكم لاباس من a ل z....وربي يدومها...
ناس اللمة علابالها...و قاع ناس علابالها....بلي السلعة ولي ماشين تاع اليابان...حاجة فور بزاف و مضمونة....وتكنلوجيا هاربة بزاف......
بابا تاني علابالو.....علاهادا تلقاه في كل مرة يشكر السلعة نتاع المغمضين هادوك _الجوابنة_.....
راني جبت تيليفزيون سلعةجابون....ماشينة غسيل سلعة جابون....بورطابل جابون....حتى الجوطابل وسلعةجابون......_بابا راهو طايح ف سلعة جابون هه_
يشكر ويعاود ف الجوابنة....المشكل انو بدا يعايرفيا بيهم....يقلي شوف الجوابنة.....كل يوم اختراع جديد...ونتوما تعرفو الماكلةو الرقاد والتبياش.....
والله هبلني...وانا ديما نقلو..ماتتحقرش بينا....راهو عندنا قاع الامكانات النفسية والمعنويةوالذهنيةوالبدنية....وتخصنا غيرالامكانات والدعم المادي هههههههه
مي هو يضحك ويعايرفيا ديما....ديما ديما
جاب ربي وحدالنهار بابا جاب فيها ماشينة نتاع حفافة _سلعةجابون بيان سور_...جاب ربي خسرت هاديك الماشينة وماحبتش تمشي.....
هههههههه جا توري باش نفرغ قلبي..قتلو ياكقتلي سلعة مضمونةوجودةعالية.....هههههههه فريمون خدمتهالو وزعفتو.....
من بعد قتلوارا يا شيخ نصنعهالك...ليوم تستعرف بلي نسلكوها.....
قالي هاك وشوفو........
حكمت الماشينة قشرتها تقشار....وبعد ملاحظةوتحليل عميقين لقيت البروبلام.....وريقليتها وولات دور كي الشعرة..... ودوكا واش رايك ياشيخ ؟
قلي نستعرف بيك....مي واش هاد البياسة لي خليتها.....؟؟ قتلوماتعمرش راسك شيخ ..ياك راهي دور نورمال...هاديك البياسةزيادة.....
بابا حار مسكين...وطاحت قيمة الجوابنةفي عينو...كيفاش يديروبياسةزيادة؟
شفتو كيفاش نسلكوها.....هنا مخاخ وحاجةفور؟
الوخذة..انو نهار منبعد الماشينة هاديك كلاطات لبابا _قريب وخداتوفي وجهو_ ..ودارت شرارة كهربائية قريب حرقت قاع الدار..............
ويجي ليا الشيخ يجري....ياك قتلك خاطيكم...خاطيكم...خاطيكم.....ورجعتقصة الحب بين بابا و المغمضين هادوك.....
هههههههههههه الله غالب ياجماعة.....مالقري كلش الا اني مازلت متاكد انوالبياسةهاديك زيادة هههههههههههههه
حبيت برك نقول انو صح رانا روتار شويا ف التكنلوجيا...مي اكيدعندنا بزاف مواهب وامكانات خاصةالدعم المادي والمعنوي.....
ماتستناوش مني نصنع حاجة وانا قهوة ماعنديش باه نشريها ؟؟؟؟؟؟؟؟؟؟؟
 
هههههههه مليح
هاو رد جابوني

ييعطيك الصحة​
 
انا بابا شرا لباس الاحرام للحج لقيت مكتوب فيه صنع في الصين والله مخي حبس قلت هاذا نتاع مسلمين ويصنعو فيه فالصين حرت والله حرت​
 
هههههههههههه

هذا هو باختصار الجزائري

​
 
ههههههههههههههههههههههه
راك كيما القط والفار انت وباباك
كاش نهار يقلك انت اواه مراكش مليح ايا نديك نريقلك عندهم
راهم طغاو علينا خلاو تاع الدار يدورو علينا
ربي يسترنا
​
 
هههههه
صح كاين عباقرة في البلاد مي الله غالب راك تعرف
+
دير في بالك بلي السلعة اليابنية الاصلية ،بعد لهيه صحيبي حاجة فور.
وكاينة سلعة يابنية مقلدة هادي هي لي راهي دور في البلاد وتصنع في ورشات غير قانونية .ويكتب فيها
tou simplement made in china ou japan

تحت شعار كعور ومد للعور
​
 
آخر تعديل:
ههههههه حياتك فور انت وباباك ههههه عجبتني لحكاية بزاااااااف واش تحب هدي هي حنا والله انا تاني خويا راهو ماخلا بلاصة في الدار وماخربهاش كامل يعيد بيناءه زعمة يتعلم مي والله ساعات يجيبها على الصح وتمشي هديك الحاجة وساعات يدير قنابل نووية في الدار هههه نوليو هاربين ويما تقول او قتلنا كامل هههه .....مشكووور على هد الموضوع الزين اليك مني ++تقييم
ملاحظة عجبتني بزاف تاع كور ومد لعور هدي فوووووور
 
كاش نهار نعودو حنا مايد اين جابون​
 
ههههههههه راهم غزاونا في كل شي
+
أنا شفت السلعة تاع الجابون لي تروح لفرنسا مختلفة تماما على لي جينا هنا
يعني كل واحد يشري قد دراهمو هههههههه
حنا دولة فقيرة​
 
ههههه موضوع يبان فور لي عودة ان شاء الله خو

تحيآآ’’تي​
 
بزاف بزاف بزاف ياخو طريقة السرد ديالك والله عجب تقولشي مايد ان تشاينة ههههههههههههههه

صح وين تروح تصيبهم وين تمشي تلقاهم وين تهرب سلعتهم في كل حانوت وفي المارشي حتى الغاشي ولا مايد ان تشاينا ان شاء الله ربي يرزقنا عقل كيما عقلهم وتخمام كيما تخمامهم ونولوا مايد ان الجيريا ونغزو العالم كيما غزاوه .
 
ويبقى الامل في حياة جميلة و غد افضل
تحياتي ليكــ اخي
و الجوابنــة .. صحــ مغمضين مي يشوفو مليح
دمتــ بخير
و سلاماتــ ياكــ باباكـ و الدار
احم ههههههه
​
 
نتا باين مالجابو قررررررررررر برك
هههههههه يعطيك الصح شرفتنا قدام باباك
​
 
ههههههههههههههههههه والله صح عندك الحق

لوكان جيت انا في بلاصتك

كون بدلت عينيا مع عينين واحد ياباني باش يولي يقوللي بابا راك فووول اوه قصدي فور ههههههههه
 
hhhhhhhhhhhhhh hada algerienne 100/100
 
لشين مش ملاحة جابون لكلاس صحيبي
 
هادي هي الحقيقة كل شيء راه مستورد من اليابان ولا الصين هديك الناس اللي تخدم صح ماشي كيما العرب يعرفو غير التقليد زيد ديرو كوبي كولي made in china ou japan
 
هادي هي الحقيقة كل شيء راه مستورد من اليابان ولا الصين هديك الناس اللي تخدم صح ماشي كيما العرب يعرفو غير التقليد زيد ديرو كوبي كولي made in china ou japan
 
راني خايفة نوفرولك الامكانيات تحرق البلاد
و الله ضحكتني ياخو
ان شاء الله تهدا الحرب بينك و بين باباككك
 


أكتب ردك هنا...
العودة
Top