ماذا ستطبخين اليوم سيدتي..انستي..../الجزء الثالث

[NaNouS]

امممممم ايمان سخفتيني بصحتكم جاوك روعة الله يبارك

ابتساام بصحتكم عجبتني الكفتاجي ياريت الوصفة من فضلك ..راح الريجييم يا ابتسام بح :sheer:

اسيا الله يسلمك صح عشاك انتي تاني

 

[ibtesem]

تعرفي اسيا راها سباقتي اطيب ههههههههههههه
عندي بنات وابوهم وانا كل منتفقوش على اكل واحد
انا نحب تاع بسكرة شخاشخ
اولادي اكل سريع قليان
زوجي تاع سكيكدة اوبدل مايغمس بالخبز لازم روز مع الاكل
حليها انت درك هههههههههههه

 

[assia dz]

تعرفي اسيا راها سباقتي اطيب ههههههههههههه
عندي بنات وابوهم وانا كل منتفقوش على اكل واحد
انا نحب تاع بسكرة شخاشخ
اولادي اكل سريع قليان
زوجي تاع سكيكدة اوبدل مايغمس بالخبز لازم روز مع الاكل
حليها انت درك هههههههههههه

ربي يكون في عونك حبيبتي، مرا ونص راك مدايرتلهم رايهم ومرضيتهم الكل، يعطيك الصحة.

 

[imane27]

اسيا انا لمعارك نديرهم بالسميد وحدو ومندرش سكر من داخل نحب ندرلهم لعسل
امممم ابتسام اطباق تشهي بصحتكم

 

[ibtesem]

هدا الغرتان جهز مزال ماحطتوش في الصحن التقديم لان زوجي مزال مجاش

 

[ibtesem]

ربي يكون في عونك حبيبتي، مرا ونص راك مدايرتلهم رايهم ومرضيتهم الكل، يعطيك الصحة.

الله اعيشك اسيا اختي واش تحبي هكا وياربي المهم منحبش نسمع كلمت رانا جعانين
نكره هدي الكلمة ههههههههه:cra_zy:

 

[ibtesem]

امممممم ايمان سخفتيني بصحتكم جاوك روعة الله يبارك

ابتساام بصحتكم عجبتني الكفتاجي ياريت الوصفة من فضلك ..راح الريجييم يا ابتسام بح :sheer:

اسيا الله يسلمك صح عشاك انتي تاني

نانوس والله رجيم تعبت منو
نقصت الحمد لله مي مالحقتش وين راني حابة 55 كيلو
لكن الان راني عاملة اني نتغدى مانتعشاش والله الحمد لله
يعني من الرابعة مساء خلاص نو مور فود ههههههههههه
نكملوها بالماء او الشاي الى الغد :showoff:

الكفتاجي كاتالي

بدنجال والبطاطة والقرعة ودجاج تاع الصدر
تقطعيهم كلهم مكعبات وتقليهم كل واحدة وحدها الى ان تنتهي
تجبي مقلات تقطعي 2 حبات طماطم دوائر وفلفلة خصرا كي يدبالو ارمي عليهم الخضر لقلتيهم
وتقطعي السنة ثوم ومعدنوس وطفي النار

 

[assia dz]

اسيا انا لمعارك نديرهم بالسميد وحدو ومندرش سكر من داخل نحب ندرلهم لعسل
امممم ابتسام اطباق تشهي بصحتكم

الف شكر إيمان على التوضيح، أنا ما نيش موالفة نديرهم بصح كليتهم بالسكر وما عجبنيش يبقى احرش في الفم، بصح إذا تعسلو أكيد يجو خير تأكدي رايحة نجربهم في اقرب وقت ونحطهم سخفوني تاعك وكرهت من القاطو نبدل شوية.

 

[assia dz]

الله اعيشك اسيا اختي واش تحبي هكا وياربي المهم منحبش نسمع كلمت رانا جعانين
نكره هدي الكلمة ههههههههه:cra_zy:

بصح وانت ابتسام ما تقوليش عييييييييييت وكرهت من الكوزينة، لازم يقدرو شوية هوما ثاني.
نضحك برك ابتسام المرا دايما هي اللي تضحي باش ترضي الكل.

 

[assia dz]

هدا الغرتان جهز مزال ماحطتوش في الصحن التقديم لان زوجي مزال مجاش

أمممممممممم ابتسام قراتان الخضرة هايل خفيف ومليح للعشا، بصحتكم.

 

[ibtesem]

الله اسلمك اسيا اختي

 

[imane27]

اسيا اشري برك دقيق مليح وعجنهم مليح بلا ما تزدي فرينة وكي يطبو قطري عليهم لعسيلة يجو هايلين هكدا خير من سكر

 

[NaNouS]

نانوس والله رجيم تعبت منو
نقصت الحمد لله مي مالحقتش وين راني حابة 55 كيلو
لكن الان راني عاملة اني نتغدى مانتعشاش والله الحمد لله
يعني من الرابعة مساء خلاص نو مور فود ههههههههههه
نكملوها بالماء او الشاي الى الغد :showoff:

الكفتاجي كاتالي

بدنجال والبطاطة والقرعة ودجاج تاع الصدر
تقطعيهم كلهم مكعبات وتقليهم كل واحدة وحدها الى ان تنتهي
تجبي مقلات تقطعي 2 حبات طماطم دوائر وفلفلة خصرا كي يدبالو ارمي عليهم الخضر لقلتيهم
وتقطعي السنة ثوم ومعدنوس وطفي النار

مليح ابتسام المهم ماتزيديش في الميزان والمشي تاني يلعب دوور

يعطيك الصحة على الوصفة ابتسام

 

[kakpop]

تفضلي اختي
بقلم اختي تسنيم

السلام عليكم يعطيكم الصحة وش طيبتو مشاااااء الله
اختي ايمان و لالجيرواز طريقة السفنج كالتالي
في جفنة حطي 500غ فرينة+ 3ملاعق صغار خميرة فورية + شوية ملح +3ملاعق كبار زيت وبسيها وبعد لميها بالحليب دافي دريها مثل الكسرة وفي الاخير ضيفي بيضة وهنا خبطيها بيدك وتكون مرخوفة على الكسرة شوية غطيها خليها تخمر وبعد لوزيها في صنية مدهونة امليح بالزيت ولوزيها مثل الكسرة ولما تخمر غير شوية تكوني حضرتي 2 مقالي الاولى فيها 3 ملاعق زيت والثانية فيها الزيت عادي كي يسخن ارفدي بالوزة عبسي في الوسط بصوبعك وجبدي على شكل اسوارة وطيبها في المقلة الاولى غير يتغير اللون لوحيها في المقلة الزوجة وفي نفس الاتجاه وين تغير اللون وبعد قلبيها للاتجاه الاخر
وفي بعض الاحيان نستعمل ملعقة تاع الايسكريم نديرها في الماء وبعد في العجين وبعد في الزيت ولما اطيب اندرها في السكر قلاصي وهذي الطريقة رووووووووووووووعة بزاف وهنا يصبح بيني ويجي خفيف رائع والحبات قدقد مثل المحلات عدنا هنا اي استفسار راني هنا
ملاحظة كل ماتكون لعجينة مرخوفة كل ما تجي هايلة

شكرا اختي ابتسام و الله نفعتيني

 

[كوثر الوهرانية]

مساء الخير
مشاء الله و تبارك الرحمن اله يعطيكم الصحة لبنات اكلاتكم بتشهي كل شيء باهي ربي يكثر الخير و يدومها نعمة
عفاف واش بيك اختي راكي تسلمي عليهم كامل و انا نوووووووووو
الحمد الله الي اختك رزقها ربي بطفل الله يشافيها و يعافيها و تسلك على على خير و تفرح بقرت عينها
اليوم درت بيري و ستاك و فرماج و سلطة فواكه

 

[عشقي الامارات]

صبآآآآاح الخيييييييير:sheer:
نووووووضوووووو يالفنيانات :sadwalk:
راني وحدي ندوووووور

 

[assia11]

السلام عليكم بصحتكم لبنات الله يعطيكم الصحة
هذه بيتزا بالعجينة المورقة و هذا سابلي

و هذا غداي البارح

 

[assia11]

صباح الخير عشقي الامارات:sheer:

 

[عشقي الامارات]

صباح الخير عشقي الامارات:sheer:

صباح النور اختي اسيا:showoff:
صبحتي تعذبي فينا مع هاد الماكلة :shay:
الله يعطيك الصحة
​

 

[assia11]

الله يسلمك أختي تفضلي ما يهونش عليا عذابكم