ماذا ستطبخين اليوم سيدتي..انستي..../الجزء الثالث

[ام منصف]

واخيرا فات نهار الامتحان لعقوبة لاختي l'algeroise
واش نقولكم الاسئلة في جيهة والقراية اللي قريتها في جهة اخرى
يشوف الواحد هكذا يقول مانزيدش ندخل خلاص
المهم راني جبتلكم حلوان انتهاء يوم الماجيستار ههههههههههه
قاطوات نفاس سلفتي

الدزيريات

قريوش

مقروض النقاش

الاهرام او قاطو روس

الزرير

تفضلوا جوزوا
​

 

[أم نيفين]

من عيوني حبيبتي آسيا هاهو رابط الوصفة

https://www.4algeria.com/vb/showthread.php?t=304059

 

[أم نيفين]

قاطوات يهبلو ام منصف ربي يكبرو في طاعتو و يشفي سلفتك
و لعقوبة ليك نشاالله كي جي تفرحينا بالماجيستار كي هذا اليوم
نتي ثاني ماقلتيليش على اسمك...تعرفي مانحبش الرسميات

 

[روعة2005]

اااااااااااااااااه يا ام منصف ربي يفرحك كمان وكمان ...........وعندك الحق دايما ليكونكور هكا لاعلاقة بالمنهج ههههها
اي قاطو روعة والله يازير روعة روعة دبرتوها هههههههها

 

[روعة2005]

اختي فوفة 2011 انا انديرالمعمول علي ما اظن انتاع السيدة رزقي من التسعينات يجي هشوش و روعة
انا الغرس نحطوا في طنجرةثقيلة مع الزهر و القرفة و القرنفل و شوية زبدة ونحطهم فوق النار حتي يولي طري ومن بعد خليه يبرد تمام باش تخدم به تقدر ادرو فاليل والصباح تخدم به يجي المقروض او المعمول او البراج الغرس انتاعهم كي الزبدة

ياريت تمدلي الوصفة تاعك اختي مورة لاني حابة نخدم تاع الغرس وتاع المكسرات كيف تاع ايمان والف شكر لاهتمامك

 

[assia11]

تسلمي أختي أم نيفين ربي يخليك شكرا لك

حلويات رائعة أم منصف

 

[قطورة الندى]

ونتي فلوسة و قطورة الندى مامديتوليش الاسم الكريم...

هذا وين شفت السؤال واسمي هو خولة يا ام نيفين وانت واش هو اسمك الكريم بانتظار الجواااااااااب
​

 

[ibtesem]

مشاء الله ام منصف حلاويات هايلة
اممممممممممممممممم على زرير نموت عليه ههههههههههه
ربي انجحك في امتحانك يارب

 

[أم نيفين]

متشرفين حبيبتي خولة أنا إيمان

 

[أم نيفين]

أهلا بيك zhor حنونة،و الله غير كنت في بالي واش هاذ الغيبة
نشاالله تكوني بخير
سامحيني ماعنديش خاصية الرسائل الخاصة كون بعثتلك
طمنيني عليك حبيبتي...لاكان عندك عنوان فالسكايب ولا لاماسان ابعثيلي
سلام

 

[imane27]

ام منصف الحمد الله لفات عليه امتحان بخير وقاتو هايل بصحتكم

 

[رآج ـية العفو]

يسعد مسـآئكم يآ حلوين​

بسومة ربي يخليك حبيبة والله مرآت الوآحد
مآ يكونش نفسه في حتى حآجة ​

معليش اسومة عادي حبيبتي والا تعباتك متشقيش روحك خيرك سابق

الهام اممممممممم بصحتك المحاشي

بسومة والاختان ولبنات الكل صحا غدواتكم
ام ندوش وام ايناس مش يبانو ان شاء الله يكونو ملاح​

يوووووه وآش هآذ الهدرة يآ حبيبة

لآ تعب ولآ وآلو أصلآ رآني غير قآعدة
هههههههه​

اختي راجية العفو علاش هدا التشاؤم كامل تعرفي انا نحبك بزاف وتعلمت منك بزاف وبلاصتك ماشي هنا بلاصتك في حصة ولا بالحلام ولاكثر والله فنانة لوكان جيت منتجة ههههههههههه
حبيت نقولك انا نحب التفاؤل مهما كانت الدنيا مضلمة وابتسم دائما واسمعي كلمات ماهر الزين الي حطتها الاخت سونيا​

[/font]

يآ عمري على الحلوة أحبكي الله الذي أحببتني
فيه وأنآ ثآني نحبك ربي يحفظك ختي هههههههههه
ضحكتيني والله مش لهآذ الردجة يآ حنونة ويسعدني بزآآف
انك تعلمتي حوآيج مني وكلنآ نتعلمو من بعضنآ
ونحب نقولك حتى أنآ من محبين التفآؤل ومتفآئلة بأبعد حد
فقط مرآت الوآحد يمر بأوقآت تكون صآعبة عليه
ربي يخليييييك والله كلك حلآوة ​

حبيبتي أم منصف يع ـطيكم الصحة قآطو يشهي
وموفقة ان شـآء الله​

​

 

[رآج ـية العفو]

مآ شفت حتى وحدة ردت على صور نوووسة

أم ندووووش مآلآ النت مقطوعة عندك ​

 

[ibtesem]

سلام يالبنات والله حبيت نقول موضيعنا تبقى في الطبخ نحاولو اننا منخرجوش على الموضوع
والا ؟؟؟؟ راكم عارفين واش سرانا مرة

........................

بصحتكم يالبنات انا راني مع الدولمة تاع خضار في الطاجين

 

[ام منصف]

قاطوات يهبلو ام منصف ربي يكبرو في طاعتو و يشفي سلفتك

ان شاء الله ربي يشفيها ويعوض عليها على خاطر الصغير زاد متوفي

​

و لعقوبة ليك نشاالله كي جي تفرحينا بالماجيستار كي هذا اليوم

ان شاء الله مع اني لااظن

​

نتي ثاني ماقلتيليش على اسمك...تعرفي مانحبش الرسميات

اسمي شريفة
وعندك الحق انا ثاني مانحبهومش
​

 

[ام منصف]

رآج ـية العفو بلا ما نعلقو تصميماتك هايلة دائما يعطيك الصحة حنونة
فوفة 2011 لاعلاقة بالمنهجية وسكتي ارواحي تشوفي امتحان المنهجية لاعلاقة خلاص هههههههههه
ربي يعينا برك على بلادنا وامتحاناتها
​

 

[oumsif]

المعمول
2 كيلات دقيق رطب +1كيلة فرينة+1كيلة زبدة+مغرف خميرة انتاع الخبز+2مغارف سكر رطب
الحشوة
الغرس+شوية قرنفل مطحون
ماء زهر
قرفة
شوية زبدة
الطريقة
نخلط الفرينة مع الدقيقو 2مغارف سكر رطب حكو بيدك وخليه يرتاح بلا ما تبلها و كي ترتاح تأخد الخميرة و دوبها بماء الزهرو بل بيها العجينة ,
تكون حظرتي الغرس من قبل ومن بعد شكلهم في الطابع و طيبهم كي طيبوا دردري اعليهم سكر رطب

 

[l'algeroise]

أم منصف قاطو هايل
ربي ينجحك نشالله تهنيتي انا نهار الأحد نشالله باش نتهنا أول مرة رايحة نجوز كونكور كنت نحسب كامل الماجستار نهار الأحد
ايمان وينا نوع من الخبز لي تستعمليه ؟؟؟؟
​

 

[ام أمينة]

السلام عليكم
مساء الخير عليكم

راجية العفو يعطيك الصحة على لي فوتو تع ايناس خرجو روعة
الاختان سوسو و نونا بصحتكم الهمبرغر و السلاطة
لالجرواز بصحتك الروز
ايمان بصحتك المقارون
ابتسام بصحتك الموسكوتشو جاتك روعة و شكرا على وصفة الكيكة بالموز
أم نيفين لاباس على ولادك ربي يشفيهم و أمك ان شاء الله تكون ريحت و بصحتك الفلفل المحشي جاك يشهي ممكن الوصفة؟و القاطو اللي وريتيهولنت روعة
أم منصف ربي ينجحك ان شاء الله و الحلويات روعة و ربي يعوض سلفتك بابن آخر
سامورة شكرا على وصفة المعمول باذن الله نجربو


تحياتي لكن
سلااااااام





​

 

[imane27]

أم منصف قاطو هايل

ربي ينجحك نشالله تهنيتي انا نهار الأحد نشالله باش نتهنا أول مرة رايحة نجوز كونكور كنت نحسب كامل الماجستار نهار الأحد
ايمان وينا نوع من الخبز لي تستعمليه ؟؟؟؟ ​

لجرواز ستعملي خبز عادي تاع تيبان ولا توست:sheer: