ملتقى الحوامل - نصائح ارشادات واستفسارات -

[oumniati]

السلام عليكم

الكل يعرف ان مدة الحمل هي 40 اسبوع لكن تقدر توصل حتى 42 اسبوع
لكن الولادة ممكن تكون ابتداء من الاسبوع37
لذلك كل امراة حامل لازم تحضر نفيها ابتداء من الشهر السابع احتياطا من كل مفاجات

اليوم نشوفو مع بعض بعض الاشياء اللي تحتاجها المراة في حقيبتها
-ملابس مريحة للولادة
-جوارب لان المراة بعد الولادة تشعر بالبرد
-مناديل ورقية
-وسادة
-ملابس للتغيير بيجامة مثلا
-روب دو شومبر
-بونتوفة هههه معلرفتش وسمها ههه des pantoufles
-حمالة صدر خاصة للرضاعة
-ملابس داخلية
-فوط صحية كبيرة
-une trousse de toilette بكل ما يلزمك
-ممكن تفكري في جلب لمجة معاك اذا ماكانش اللي يجيبلك تاكلي مباشرة بعد الولادة طبعا حاجة اللي ما تخسرش مثل علبة عصير صغيرة او فواك مجففة او barre de cereales
- ملابس ملائمة للخروج من المستشفى مع مراعاة ان كرشها تكون كانها في السادس
-فكري في اخذ الة تصوير معاك لتسجيل اولى لحظات البيبي

ملابس البيبي
-حفاظات
-بيجامات او ما يسمى قرونويار
-تريكودبو مقطنين
-بوني
-غطاء دافي
-ملابس للخروج ملائمة للفصل


بالتوفيق
المرة الجاية نشوفو اعراض الولادة

 

[oumniati]

السلام عليكم ورحمة الله
ارجو ان تجد كل متصفحة فائدة من طرحي هذا

اليوم اكلمكن عن بعض الاعراض وكيفية التاكد ان كانت الولادة او غيرها

-اذا كان الالم يشمل كل البطن فهذا راجع اما للاسهال او الامساك
-اذا كان الالم اسفل البطن والظهر مع رغبة مستمرة في التبول واستمرار تلك الرغبة حتى بعد قضاء الحاجة فقد يكون ذلك راجع الى التهاب
-اذا كان الالم يشبه الام الدورة الشهرية لكن بدرجة اخف هنا انصحك وذلك عن تجربة ان تجلسي في حمام دافي لمدة معينة
اذا زال الالم فهي انقباضات عابرة
اما اذا استمر فقد تكون اولى العلامات
عندها راقبي الالم

لي عودة هههههه ناض زكريا ههههههه

 

[oumniati]

نكملو
الام الولادة
تحس المراة بتصلب اسفل البطن يعني في الرحم كيما قلت مثل الام الدورة
وتبدا متباعدة ومع الوقت تنتظم يعني يجيك الالم بوتيرة معينة لذلك قلت يجب مراقبة الوقت, ممكن تبدا كل نصف ساعة ثم تتقارب 20د ثم 15د ثم 10د تكون على شكل نوبات تدوم كل وحدة تقريبا 20 ثانية

بعض النساء قد يسيل عليها السائل الامنيوسي في البيت ميش لازم تخافي هذا لا يعني انك رايحة تولدي في نفس اللحظة لكن روحي مباشرة للمستشفى
البعض يسيل عليها دم او سائل بني هو علالارجح راجع لنزول السدادة المخاطية وبداية تقلصات جدار الرحم


هنا التساؤل متى لازم تروحي للمستشفى؟
الجواب عندك حسب المستشفى اللي تروحي ليه قريب او بعيد؟ وحسب التعقيدات هل رايحين يقبلوك في هذاك المستشفى او لا؟

لذلك من الافضل تكوني عارفة اولا وين رايحة تولدي وتسالي واش لازم باش يقبلوك وذلك من قبل ما تستنايش اخر يوم

حاجة اخرى مهمة هي ما يسمى مخطط الولادة يعني تفكري من قبل شكون يديك للمستشفى ليلا اونهارا لازم يكون عندك البديل في حالة غياب الزوج
اذا كان عندك اطفال مع من راح تخليهم ايضا مع مراعاة الليل والنهار

وطبعا لازم تكون قررتي اذا كنتي تفضلي الرضاعة الطبيعية او لا وتوجدي نفسك لهذا الغرض



هذا ما يحضرني الان

على كل حال اذا كان هناك مهتمة وعندها اي سؤال مرحبا بيها نجاوب باللي نعرف




وهكذا نقولكم ربي يسلك كل حامل على خير وربي يرزق كل راغبة في الحمل
والسلام عليكم ورحمة الله وبركاته

 

[السلطانة]

​

 

[nada242008]

السلام عليكم

الكل يعرف ان مدة الحمل هي 40 اسبوع لكن تقدر توصل حتى 42 اسبوع
لكن الولادة ممكن تكون ابتداء من الاسبوع37
لذلك كل امراة حامل لازم تحضر نفيها ابتداء من الشهر السابع احتياطا من كل مفاجات

اليوم نشوفو مع بعض بعض الاشياء اللي تحتاجها المراة في حقيبتها
-ملابس مريحة للولادة
-جوارب لان المراة بعد الولادة تشعر بالبرد
-مناديل ورقية
-وسادة
-ملابس للتغيير بيجامة مثلا
-روب دو شومبر
-بونتوفة هههه معلرفتش وسمها ههه des pantoufles
-حمالة صدر خاصة للرضاعة
-ملابس داخلية
-فوط صحية كبيرة
-une trousse de toilette بكل ما يلزمك
-ممكن تفكري في جلب لمجة معاك اذا ماكانش اللي يجيبلك تاكلي مباشرة بعد الولادة طبعا حاجة اللي ما تخسرش مثل علبة عصير صغيرة او فواك مجففة او barre de cereales
- ملابس ملائمة للخروج من المستشفى مع مراعاة ان كرشها تكون كانها في السادس
-فكري في اخذ الة تصوير معاك لتسجيل اولى لحظات البيبي

ملابس البيبي
-حفاظات
-بيجامات او ما يسمى قرونويار
-تريكودبو مقطنين
-بوني
-غطاء دافي
-ملابس للخروج ملائمة للفصل


بالتوفيق
المرة الجاية نشوفو اعراض الولادة

يعطيك الصحة خيرورة ولهتيني لحوايج كنت ناسيتهم
زيدي لانجات للبيبي وبيبرون مغليينو من قبل

 

[oumniati]

merci habibti, sah nsit'houm les lingettes

 

[ام ايناس]

يعطيط الصحة ام نياتي ما خليتي والو مشكووورة

 

[oumniati]

rabi ysalakoum 3la khir, w nafarhou bikoum

 

[ام منصف]

خيرة
بارك الله فيك على النصائح
والله الموضوع مرجع لكل حامل
ربي يسهل للجميع ويرزق كل محرومة يا رب
​

 

[ام أمينة]

السلام عليكم
من فضلكم اريد معلومات حول عشبة مريم للولادة
في اقرب وقت ممكن
شكرا مسبقا

​

 

[oumniati]

السلام عليكم

من فضلكم اريد معلومات حول عشبة مريم للولادة
في اقرب وقت ممكن
شكرا مسبقا​

السلام عليكم ورحمة الله وبركاته
اسمحيلي ام امينة انا مانعرفهاش، لوكان تراسلي السلفية الصغيرة هي كتبت عليها مرة
بالتوفيق

 

[ام صلاح]

حبيبتي امنيتي موضوع رائع وحقا مفيد
حنونة حبيت نسقسيك راني حامل وفي شهري السابع منين دخلتو ديما نحس كرشي مزيرة خلاص سيرتو اليوم منقدرش نرقد خلاص سوا على الجهة اليمنى او اليسار او حتى ظهري والبيبي كي يتحرك تزيد تتزير اكثر واكثر
ونعود ننهج كيما نقولو تضيق روحي خلاص نتمنى تكوني فهمتيني مع العلم انو ماشي اول مرة نحمل لكن عمرو ما صرالي هاك
قوليلي هل هذا الشيئ عادي ؟
قالتلي وحدة يمكن من المصران والله اعلم
ربي يخليك ويحفظك ويحفظلك اولادك يا رب

 

[oumniati]

حبيبتي امنيتي موضوع رائع وحقا مفيد
حنونة حبيت نسقسيك راني حامل وفي شهري السابع منين دخلتو ديما نحس كرشي مزيرة خلاص سيرتو اليوم منقدرش نرقد خلاص سوا على الجهة اليمنى او اليسار او حتى ظهري والبيبي كي يتحرك تزيد تتزير اكثر واكثر
ونعود ننهج كيما نقولو تضيق روحي خلاص نتمنى تكوني فهمتيني مع العلم انو ماشي اول مرة نحمل لكن عمرو ما صرالي هاك
قوليلي هل هذا الشيئ عادي ؟
قالتلي وحدة يمكن من المصران والله اعلم
ربي يخليك ويحفظك ويحفظلك اولادك يا رب

السلام عليكم ورحمة الله وبركاته
مبروك عليك أم صلاح وربي يكملك على خير
اختي اول حاجة تركزي عليها هل الألم على شكل تقلصات وبما انك والدة من قبل يعني تعرفي ألم الولادة، اذا كان الالم مثله يجب استشارة طبيب بسرعة
اذا كان الألم يشمل كل البطن وليس اسفل البطن فقط فالأرجح انو صح المصران
جربي تيزانة ممكن تريحك
اما التزيار عادي لأن الجنين الان اكبر وحركته اقوى،

اسمحيلي هذا واش نعرف، ان شاء الله مايكون غير الخير، وطمنيني عليك

 

[ام صلاح]

السلام عليكم ورحمة الله وبركاته
مبروك عليك أم صلاح وربي يكملك على خير
اختي اول حاجة تركزي عليها هل الألم على شكل تقلصات وبما انك والدة من قبل يعني تعرفي ألم الولادة، اذا كان الالم مثله يجب استشارة طبيب بسرعة
اذا كان الألم يشمل كل البطن وليس اسفل البطن فقط فالأرجح انو صح المصران
جربي تيزانة ممكن تريحك
اما التزيار عادي لأن الجنين الان اكبر وحركته اقوى،

اسمحيلي هذا واش نعرف، ان شاء الله مايكون غير الخير، وطمنيني عليك

اختي الغالية بارك الله فيك لا الالم ماشي على شكل تقلصات المشكل معنديش الم المشكل في التزيار ضرني تاع الصح ساعات نحس روحي مخنوقة والوضعيات تاع النوم كلها تجيني صعيبة والحركة تاعوهي الي متخلينيش نرقد خلاص حتى وقت متاخر من الليل والحركة تاعي ولات ثقيلة تبالي كون نبذل اي جهد قوي نترتق من تحت راكي فهمتيني واش نقصد مام الكول تاعي حسيتو مفتوح شوي
صدقيني اول مرة تصرالي واسمحيلي يا غالية تعبنك معايا ومعذرة مقدرتش نراسلك في رسائل الزوار لانو معنديش الصلاحية مشاركاتي قليلة وربي يخليك على سؤالك وربي يعطيك واش تتمناي يا رب

 

[oumniati]

السلام عليكم ورحمة الله وبركاته
ان شاء الله خير اختي، تعرفي انا والدة 3 ، الحمل الثاني خرجت كرشي بزاف مقارنة بالاول وتعبت في الاشهر الاخيرة، عدت مانقدرش نطلع الدروج
اما الثالث قالهم ارقدو ، عدت نحكم في حاجة باه انوض، وكرشي هابطة كيما نقعد مانستراح،
وكيما قلتي نحس الكول محلول

شوفي واش نقدر نقولك بالنسبة للتعب ، راعي انه ماشي الحمل الأول، وقدما كنتي صغيرة المرأة تطيح ثمثم كل ماتزيد عام يبان عليها بحكم الولادة والرضاعة والتربية والشغل

بالنسبة للتزيار اعتقد ان الراس هبط ، علابيها كي يتحرك الصغير يخبط برجليه لفوق وراسو يطبع للتحت فتحسي بالضيق
ممكن يكون البيبي وافي يعني كبير
ونزيدلك احتمال ساذج هههههه ربما عندك طفل ، انا جبت طفل بعد 2 بنات، وشفت لعجب بيه حتى وليت نتمنى نولد

أختي أم صلاح ربي يعيشك، مانيش طبيبة انما نساعد بللي نعرف، اذا لاحظتي اي شيئ شوفي طبيبتك او ساشفام

وربي يكون الخير ويعطيك وقفة ساهلة، وماتزيديش تقولي تعبتيني، تعبك راحة، ما عندي ماخسرت عليك

واكتا تولدي ان شاء الله؟

 

[ام صلاح]

تعيشي يا الحنونة وربي يقدرك على فعل الخير صدقيني كلماتك هي البلسم الشافي يا امنيتي مكانش قد الكلمة الطيبة
حبيبتي قالتلي الطبيبة يمكن نولد في اواخر مارس ولا اوائل افريل والله اعلم واخر دورة كانت في 17 جوان
وادعيلي تكون بنت الي يشوفني يقولي كرشك كرش طفل ههههههههه لانو عندي 3 ذكور وبنوتة واحدة زعما قلت هادو وخلاص لكن فجاة من دون سابق انذار لقيت روحي حامل بعد 5 سنوات سبحان الله في الاول متقبلتش الامر قريب نهبل ومن بعد رضيت بقضاء الله والحمد لله على كل حال احيطك علما اني 33 سنة
ودرك نشوف الا مراحش التزيار نرجع للطبيبة وامري لله وربي يخليك غاليتي ويعطيك واش تتمناي

 

[oumniati]

الله يبارك ربي يحفظلك وليداتك ويرزقك ان شاء الله ببنوتة حلوة
كل شي من عند ربي مليح، صح نقولو خلاص وخلاص بصح كي نشوف المحرومين نعرف قيمة نعمة لولاد، عندي خويا مارزقوش ربي ، كي نشوفو يطيح مني النص
اطلبي ربي يخرجو صالحين برك ربي يحفظ ولادنا كامل

صغيرة عليا وعندك كثر مني هههه ضرك نعاندك هههه انا 35 سنة:shay:

ماشكيتش توصلي افريل نظن تقدري تولدي ابتداء من 15 مارس، غير اذا موالفة تكملي 40 اسبوع، انا دايما 39 اسبوع او اقل ب3 او 4 ايام
انت 40 اسبوع في 24مارس
ربي يسهلك ان شاء الله

 

[ام صلاح]

هههههههههه حبيبتي امنيتي شفتي العقوبة ليك تكملي 5 ان شاء الله وربي يرزق اخوك الذرية الصالحة وكل المحرومين
علبالك انا ديما نفوت 40 اسبوع على قولة الاطباء في كل مرة نروح للمستشفى باش يديرولي السيروم الي ينوض الاوجاع نقعد ديما اسبوع نشوف الويلات هههههه غير في بنتي الاخيرة قررت منروحش خلاص حتى ينوض الوجع وحدو وبالفعل لما اذن ربي كلش جاني ساهل والحمد لله
المهم كي نروح للطبيبة راني نوافيكم بالشيئ الي تقولهولي على الاقل باش يستفادو الاخوات
حقة كلامك عسل يا عسل والله دخلتي قلبي متنسينيش بدعواااااااااااااااااتك يا غالية

 

[ام صلاح]

السلام عليكم حبيبتي امنيتي ربي يخليك ويحفظك ويحفظلك اولادك والف شكر على الاهتمام ربي يعطيك واش تتمناي والله رسالتك فرحتني لكن للاسف مقدرتش نراسلك
شوفي حنونتي راني رحت للطبيبة قالتلي عندك فقر دم على بيها عندي الخبطة في القلب اي دقات قلبي تكون متسارعة وعندي الضيقة والنهجة والدوخة والفشلة ولون وجهي دائما شاحب وتقريبا ديما حاكمة بلاصتي من الفشلة مداتلي مقويات طبعا الادوية واوصتني بنظام غذائي صحي كالاكثار من تناول العدس والكبد والسلق و......
وقالتلي كي تشوفي كرشك مزيرة راها من التعب روحي ريحي والبيبي قالتلي مهوش معدول لكن من الممكن في شهري يرجع لوضعه الصحيح وحقة راهو عندي طفل مع اني كنت متمنية بنت لكن الحمد لله على كل حال دعوااااااااااااااااااااااااااااااااتك يا غالية والله لا يحرمني منك

 

[oumniati]

اهلا بيك أختي
مزية اللي رحتي، هكذا خير كي فهمتي واش بيك، وإن شاء الله تتحسني ضرك
إذا عطاتلك لحديد من الافضل تشربيه مع عصير البرتقال ، يمتص افضل. وراهو ييبس الكرش، كثري شرب الماء والخضرة
كيما قلتي تبعي نظام غذائي كل يوم حاجة، اليوم عدس، غدوة سلق ،.... وهكذا
والكبدة تاع الجاج مليحة
وعقبي الوقت بالزريعة راهي مليحة ثاني _ يخي تتباع اما زريعة عباد الشمس أو زريعة الكابويا_

امالا كملتي عليها بطفيل:santa_1:، الله يبارك، وربي يصلحملك
عندك ماتخطبي ههههه 2 راهم من عندي خلاص ريزارفي :sheer:،ههههه