ممكن مساعدة في درس تركيب الدوال

[همة نحو القمة]

السلام عليكم ورحمة اله وبركاته

اخوتي ممكن مساعدة في درس تركيب الدوال راني حاصلة ما فهمت فيها حتى حاجة

اريد فهمها بطريقة مبسطة يعني اريد طريقة مبسطة لفهمها ...واذا حبيتو حبتها كيما راكم نتوما فاهمينها

يعني كيما فهموكم الاساتذة فيها...

والله راني رايحة نبكي

وشكراا

 

[راجية رضى الرحمن]

السلام عليكم
هو درس الدوال بصفة عامة سهل لكن يريد تركيز
لو سمحت تحددي باظبط الذي لم تفهميه
إتجاه التغير أم الرسم على الدالة..............
وسأحاول مساعدتك
وفقك الله

 

[همة نحو القمة]

مشكورة اختي على مروركم

هذا الدرس في عمليات على الدوال

وهو تركيب الدوال

 

[راجية رضى الرحمن]

السلام عليكم
هو الاسهل من الكل
اولا عندك دالة غذا كنتي تريدين تركيبهايعني عندك دالتين تريدين تركيبهما
gof
معناه
أنك تعوضي x نتاع الدالة gبالمعادلة نتاع f
مثال gدالة مربع
g لإكس يساوي إكس مربع
و نفرض fلإكس تساوي X-1
عوضي و أعطيني النتيجة
أنا انتظرك

​

 

[همة نحو القمة]

حسب ما فهمتك هكذا يكون الناتج:

x-1)=(x)g) مربع

 

[راجية رضى الرحمن]

السلام عليكم
ليس بالتساوي عوضي xنتاع g بما كتبتي يعني في طرف واحد
وي تسكني لعلي أجدك لاوضح لك الرياضيات سهلة لكن تريد ورقة و قلم و وجها لوجه لكن نحاول
و يوم العطل نفرغلك و نخرجك مخ في الرياضيات
ممكن يوم الخميس 10أو 11 ليلا

 

[همة نحو القمة]

آه ...يعني انت طبقتي هذي الخاصية g°fتساوي gفي الدالة f

يعني g(x-1)

والله انا على حساب ما نعرف معلياش في المات وشنو ساعات يتملصو لخيوط

ما ذا بي نحتاج اني نتناقش مع شخص وسورتو في المات

مي منظنش انك رايحة تلقايني بويسك راني عايشة في ميلة...

ان شاء الله تكوني عايشة وين انا عايشة..

ومشكورة اختي استفدت منك...

بارك الله فيك

مي حبا نسالك وشمن سنة انتي..؟؟؟؟

 

[راجية رضى الرحمن]

السلام عليكم
أنا سنة ثانية للأسف أنا لا اسكن في ميلة بعيدة عني جدا
انا كتبت لك الدرس بيدي
أتمنا أن أكون قد أفدتك

 

[همة نحو القمة]

لك انت افادتني برك والله باين عليك طيوبة بزاااف ...مشكورة يا الغالية والله دخلتي قلبي من فعلك هذا ربي يوفقك..

ان شاء الله ...وربي يخليك لوالديك...احنا اليوم درنا الدرس والحمد لله فهمت مليح ...يعني البارح كنا ما درناهش ...

يعني نراجع الدرس قبل ما نديروه ...

الله يخليك والله خليتيني نشوق باش نعرفك اكثر ...

تعرفي انا روحي الرياضيات لكن الاستاذة تقلي راكي ناقصة شوي تركيز

ان شاء الله نتخلص من هذا المشكل

ربي يخليك يا العزيزة والله انك تدخلي القلب

ربي يوفقك

 

[راجية رضى الرحمن]

السلام عليكم
ربي يخليك و يحفظك و إن شاء الله علما نافعا
و انا ثاني حابة نشوفك و نشوف كل الطيبين مثلك
الرياضيات الناس كل عندها مشكل فيها
تعرفي وش قلي الاستاذ اليوم إنتي متوسطة في الرياضيات و باقي القسم ضعيف
على الرغم أني و لا مرة مشاركتش
بدل مايقولي مليحة قلي متوسطة يعني يطيحلك المرال
بصح معليهش نزيدوا نقراو برك و منستسلموش
رعاك الله

 

[هدى42]

سلام عليكم حتى انا مثلك لم افهم اتجاه التغير

 

[همة نحو القمة]

السلام عليكم
ربي يخليك و يحفظك و إن شاء الله علما نافعا
و انا ثاني حابة نشوفك و نشوف كل الطيبين مثلك
الرياضيات الناس كل عندها مشكل فيها
تعرفي وش قلي الاستاذ اليوم إنتي متوسطة في الرياضيات و باقي القسم ضعيف
على الرغم أني و لا مرة مشاركتش
بدل مايقولي مليحة قلي متوسطة يعني يطيحلك المرال
بصح معليهش نزيدوا نقراو برك و منستسلموش
رعاك الله

ايه عنك كل الحق اختي ...اهم شئ هو الاصرار...

والاصرار هو اهم قاعدة للتعلم..

ربي يوفقنا

 

[THE GNAWIE]

السلام عليكم اختي
تركيب الدوال درس ساهل و بسيط
برك انت ما تتقلقيش هذا مكان
شوفي اختي هو يعطيك دالة
انت حاولي تقسميها الى دالتين
بحيث تكون احداهما دالة مرجعية [ دالة جذر ؛ مقلوب ؛ sin ....] و الاخرى التي تكون عوض x
و اكتبي الدالة الرئيسية < المرجعية > بدلالة الدالة الاخرى
دريها كلي هي x
راني بسطتلك و نتمنى انك فهمتيِ
و اذا مافهمتيش قولــــــيلي..​

 

[همة نحو القمة]

ربي يحفظك اختي مشكورة كثيرااا...

فهمت عليك...ربي يوفقك

ويوفقنا ان شاء الله..

والله مرورك شرفني وانك سييتي تساعديني هاذي حاجة كبيرة..

بارك الله فيك هذا يدل على اصلك الطيب

ربي يجعلها في ميزان حسناتك