أبي و العرب والقبايل واصحاب اللحية وضاع مستقبلي

[samsouma*]

رد: أبي و العرب والقبايل واصحاب اللحية وضاع مستقبلي

مرضتنى بكلمة زكارة
بما ان لك اخوال يهتمون لامرك
اعرفى انك سوف تتزوجين اليوم اوغدا او بعد غد
فيه كثير من الفتيات لم يأتيها شئ
انت عزيزة في بيت امك واخوالك
ومتقوليليش ماعندكش عضوية هنا؟
اى راجل يدخل هنا يعرف مكانتك :sport02:
ما شاء الله عليك
علاه ما درتيش عضوية في اللمة علاه ههه
والله ضحكتنى زكارة زكارة ويارب ومتسجليش هنا زكارة نقتلك هاها لازم تسجلى
في انتظارك ..زكارة نديرلك عليها غنية
سوف نجعلك عزيزة اللمة
​

ههههههههه ضحكني ردك عليها
أنا هاذ الطفلة ذخلت قلبي تاني معرفتش علاش
بالاك ثالمو هي تاني لابسة جلباب كيما أنا :d ربي يكملنا ويثبتنا ولعقوبة للبنات كاملين..بالنسبة للمشكلة والله عندها الحق تخدم كلشي زكارة خصوصا باباها متغرب وعايش بعيد عليهم ويحرم في بنته من أولاد الحلال انا يظهرلي يجوزلها باش تتزوج من غير موافقته خاطر ظالم والله اعلم
أنا مخطوبة لواحد قبايلي وديما يقولي أنتم العرب نرد عليه نقوله انتم عرب واحنا عرب مادامنا نتبعو نبينا محمد العربي
ربي يهدينا اجمعين

 

[العـآئـدة إلـى الله]

رد: أبي و العرب والقبايل واصحاب اللحية وضاع مستقبلي

أول حاجة باباك لازم يعرفها
قالَ رسولُ اللهِ "صـلى اللهُ عليهِ و سلـم " : ( لا فرق بين عربي و لا أعجمي و لا أبيض ولا أسود إلا بالتقوى )
صدقَ رسول الله صلى الله عليه و سلم ...
والجلباب خطوة مليحة درتيها
انا نقولك الزكارة رح تديك للخسارة لانو باباك مش هو لي راح يخسر انت لي راح تخسري حياتك
دافعي باش تكون حياتك كيما تحبي انت
هدي المرة اذا خطبوك قولي ايه واذا باباك رفض واجهيه انت متخافيش لانو اذا بقيتي هكاك رح تبقاي طول حياتك فالبيت وربي ميحبش هكا فمن اتاكم فزوجوه ’’’ ومش مليح تبقاي ترفضي واجهي باباك وقوليلو كامل وش فقلبك قوليلو انا حرة في اختياري
وان شاء الله ربي يفك اسرك انا نقولك هكا لانو انت في مأسورة
الله يحفظك وربي يجيبلك النفس المومنة ننصحك بالصلاة و قراءة القران بزاف لانو يورولك كيفاش تتعاملي
ربي يكون معك
​

 

[~ غيث ~]

رد: أبي و العرب والقبايل واصحاب اللحية وضاع مستقبلي

السلام عليكم ورحمة الله وبركاته
ربي يفتح عليك أختي ، راني فاهمة شعورك
كانت وحد الأخت نعرفها أيضا باباها من تاع الدشرة ، والو ، لازم قبايلي وأيضا لازم ماشي ملتحي ، وهي إنسانة قرات علوم شرعية ودايرة حتى ستار ومستحيل تقبل بواحد غير مستقيم
ياما حاوز ناس حبو يخطبوها ...وياما ، وياما
لكنّها ثبتت ، وأحسنت لوالدها ، والحمد لله العام الماضي تزوجت بإنسان مستقيم -قبايلي- كيما كانت حابة

العبرة : كثري من الدعاء أختي ، والدك لازم تستَمِيلِيه ، خلي شوية الزواج بجيه ، والدك بني علاقة مليحة معاه ،ورجعي الثقة بيناتكم ، وحاولي تبينيلو أنو استقامتك وكلش عن اقتناع ، وأيضا حاولي تبنيلو ثقة في الاسلام ماشي الملتزمين نفسهم ، مثلا أنو الرسول صلى الله عليه وسلم كان ملتحي ،وكيفاش كان هو والصحابة ولي بعدهم يعاملو النساء كملكات وأنو الإنسان المستقيم تاع الصح يعاملك ماشاء الله ....
وهكدا يغير من نظرتو للمستقيمين ...

وإن شاء الله ربي يفرحك وتجي تفرحينا
المهم ، خطيك من حكاية الزكارة ، وفي نفس الوقت اثبتي وما تتنازليش لأنك على حق .... لكن اكسبي والدك وتقربي منو

وربي يفتح عليك
​

 

[بنت الصحراء08]

رد: أبي و العرب والقبايل واصحاب اللحية وضاع مستقبلي

حرام عليه علاه يضيع مستقبل بنتو
جربتو فهمتوه بللي الحية تبدلت واللحية معادتش تعني ارهابي

 

[أويس مصطفى]

رد: أبي و العرب والقبايل واصحاب اللحية وضاع مستقبلي

كان على والدك ان يعرف بان النبي عليه الصلاة والسلام اشرف الخلق من العرب الاقحاح ..
وان عمر وعثمان وعلي ومعاوية وعائشة رضي الله عنهم من العرب ..وقطع لسان يسيء اليهم
وان عمر عبد العزيز ومعظم التابعين والصالحين منهم نسلهم ايضاً ...
وان الصلاة لاتجوز الا بالعربية ...
ان لسان رب العزة العربية وانَّ من احب العرب احب النبي فاده ابي وامي عليه الصلاة والسلام ....