سكيكدة تغرق في ظاهرة ماكانش

[الورد الأحمر]

السلام عليكم ورحمة الله وبركاته
...
واش راكم الجماعة لي هنا عندي مدددددددة
ما جيتش هنا وما درتش موضوع هنا ...
...
ندخللكم في الموضوع طول
درك عندي مدة وانا كارهة حياتي وما طايقتهاش والعكسات من كل جيهة ...
ايه يا سيدي العبد تخرج قال يبدا يوجد لورق ويناvـيـgـي على عمرو كاشما يدير بديبلومو ...
المهم بديت :
رحت نجبد نقمة : قالولي ماكانش ليزامـpـخيمي تاعهم فضولنا ومازال ما بعتولناش ... أول عكسة وروح يا سيدي فاتت
رحت نجبد شهادة عائلية : قالولي ماكانش
رحت نجبد بطاقة شخصية للحالة المدنية: قالولي ماكانش
...
اففف معليش ... قلبتها عديت لاpـوست حلاتلي نجبد دراهم: قالولي ماكانش دراهم.
...
معليش فات عليا الدوسيي وطيشت جدو كرهت من كلش ...
هيا جاتني أوكازيون نشارك في كونكوغ رحت نوجد الدوسيي وبالمعرفة جبت لي قالولي عليهم ماكانش الكل ...
عسرتلي في طابع بريدي: قالولي ماكانش _o:_o:
نندب في وجهي : روحي la grande poste تلقاي ...
رحت : كاين ثانبغ تاع 30 دج
: امممم كاين ؟؟ معرف
جا راجل بنت عمي يخدم تم قاللي أوكي درك نفكرلك ... وأونكوغ بالمعرفة جبت الثامبغ ...
...
بقالي من الدوسيي هذيك تاع السوابق العدلية ... قلت نشري الثانبغ تاع لبراوي ونعدي نجيبها
كاين ثانبغ تاع 15دج : لا اختي ماكانش
منين نروح ماكانش ... ماكااااانش
آخرتها عوضتو بطابع 20 دج .
...
رحت للمحكمة نجيب الورقة لقيتهم ماكانش :schmoll::schmoll: نندب في وجهي ...
...
رحت لمحافظة الغابات : المدير أو هنايا ؟ لا لا اختي ماكانش هذا وين خرج
...
رجعتلو لعشية : لا لا اختي ماكانش
...
رحت لقطب مديرية التجارة: ماكانش المدير اختي خرج من الصباح ما جاش _o:
...
ماكانش ماكانش ماكانش
كلشي ماكانش في لبلاد هذي مالا واش كاين ؟
لورق ماكانش مالا كيفاش نقضو أمورنا
المديرين ماكانش نهار كامل مالا وين يروحو ؟
كرهت كرهت كرهت ...
فهموني ظاهرة لورق لي ماكانش عندكم انتوما تاني ؟
الدراهم لي ماكانش عندكم انتوما تاني ؟
المديرين لي ماكنش عندكم انتوما تاني ؟
عييت نفهم اليوم كي تقفل كلشي في وجهي وتعكستلي وين نروح :
مادام الشي هذا الكل ماكانش واشلي كاين ؟
من اللخر كرهت كلمة ماكانش
وكرهتك يا العضو ماكانش عقدني اسم عضويتك خخخخخ
نتمسخر برك ...
والموضوع هذا مهدى لسفيان ماكانش
نظرا للتطابق في الكلمة مع اسمك هههه
هيا سلامو وادعيولي تتحل في وجهي راهي تسدت خلاص ...
وكرهت خلاص ...
اتهلاو في رواحكم
وسلآاااااامو
​

 

[ماكانش]

هههههههههههههه
أهلا بيك إلهامو
نورتي المنتدى
كيفاش الموضوع هذا عليا ولا واش ؟؟؟ ههههههههههه
ايه وين تروحي تتلاقاي بماكانش ههههه
ومام كي كنتي في الجاميعة تروحي للمكتبة تسلفي كتاب يقولولك ماكانش ؟؟؟
تروحي تحوسي على العميد ولا الأستاذ يقولولك ماكانش ؟؟؟
ماكانش وين تروحي تلقايها وتقابلك في بلادنا
ماعليهش أصبري يا إلهامو يفرج ربي هذا عامك اللول ومازال ...
ربي يفتح عليك وعلينا ...​

 

[آمِيْرَتُه]

و عليكم السلام حبيبتي
صدقتي و ين تروحي يقولولك مكانش و هم غير وحدهم يصعبو فيها ربي يهديهم برك

 

[بيكهام]

هههههههههههههههههههههه

مصطلح مكانش راه خرج بعد كلمة كاش جديد

لرهجونا بيها

واش انقلك ربي يقضيلك مافي قلبك ويهنيك يا كحلوووشة

ولفيها الخير يقدمها ربي

تحياتي لك

تشاو تشاو
:re_gards:
​

 

[عادلDZ]

أختي نقولك حاجة ربي ما كتبلكش باش تخدمي + سورمون بالاك ما صليتيش صلاة الإستخارة + لازم تعرفي بلي الناس ما ينفعوكش و ما يضروكش غير ايلا كتبهالك ربي كيما قال الرسول صلى الله عليه و سلم:" كنت خلف النبي صلى الله عليه وسلم يوما ، فقال : ( يا غلام ، إني أُعلمك كلمات : احفظ الله يحفظك ، احفظ الله تجده تجاهك ، إذا سأَلت فاسأَل الله ، وإذا استعنت فاستعن بالله ، واعلم أن الأُمة لو اجتمعت على أَن ينفعـوك بشيء ، لم ينفعوك إلا بشيء قد كتبه الله لك ، وإن اجتمعوا على أن يضروك بشيء ، لم يضروك إلا بشيء قد كتبه الله عليك، رفعت الأقلام وجفت الصحف ).

 

[Midia]

هههههههه
يا سكيكدة يا سكيكدة
والله هاذي هي وين اتروحي
انا مازال ماجربتش هاذ لاسوفرانس
بصح انهار رحب لبلدية الي في الحي انتاعنا
قالولي ماكانش الورق عندنا غبر هاذ الورفة روحي ديري عليها فوتوكوبي ورجعيهالنا
يعني حتى الورفة ولات بالدرهام
انا الحاجة الي محيرتني انهم كيغاش ماعندهمش الة الطباعة
باخي خالة انا في دارنا وعندنا ههههه
و الله ماشي غير سكيكدة
ياو سكيكدة راهي ارحم بالنسية لباقي الولايات
ربي يفرجها على بلادي​

 

[hind*alg-]

ايه هدي ماشي غير عدكم
انا باش جبت سوابق عدلية سمانة وانا كل يوم تماك وكل يوم يقولولي ماكاش ريزو
وكان رحت لكشما منطقة نائة بالاك وكان لقيت ريزو
....................شكرااااااااا

 

[hind*alg-]

هههههههههههههههههههههه

مصطلح مكانش راه خرج بعد كلمة كاش جديد

لرهجونا بيها

واش انقلك ربي يقضيلك مافي قلبك ويهنيك يا كحلوووشة

ورلفيها الخير يقدمها ربي

تحياتي لك

تشاو تشاو
​

pfffffffff

كلمة كاش جديد هديك ماشي غير رهجونا بيها_o:

 

[♥SaMoù Là MoDèsTe♥]

أختي إلهآمـ Barbie ــو هآذي °مكآنش° كآنت كآينة من بكري
غير انتي مآ كنتيش تشوفيهآ بركـ
كنتي مشغولة بالجآمعة والدرآسة
مي الآن وبعدمآ انتي وليتي مسؤولة تبدآي تسمعيهآ غير هي
إيه يا اختي أنك تكوني مسؤولة على نفسك مآشي حآجة سآهلة

الشي آلوحيد اللي مليح في بلآدي (اللي نبغيهآ ونموت عليهآ)
هي أنو تتعلمي التمرميد وانتي صغيرة
MalGré Tts ,i loVe MoN bLedD
​

 

[براءة مسروقة]

واش نقولك انا عمى كى مات قعدنا اكتر من 24 باش قدرنا ندفنوهوين وصلنا روحنا للمير فى دارو باش فراو الكواغط غير باش ندفنوه الميت ويقولوماكاش وين الحي

 

[adel-mz]

هههه
هادي مكانش option administratif اوليو باش كل واحد يخدم خدمتو لا لا دونك وين تروحي ليكيداج ،ديفوا الورق كاينين في magazin مي راكي عارفة الكسل والخمول وخليها ترول .مرة المدير نتاع مؤسسة راهو في البيرو ،والعساس نورمال يقولك مكانش ،اما موصيه واما كيما قلت اوبسيو بو ليكيداج.
ربي يجيب الخير اختي وان شاء الله وين تروحي تلقاي كاين
شكرا

 

[إيمان قلب]

السلام عليكم
اولا يعطيك الصحة باغبي على المووضوع الباهي
ثانيا ربي ييسر امورك ويفتح عليك
ثالثا نحسب العضو ماكانش غرق عندكم في سكيكدة هههه
رابعا نطالب هذا الاخير بتغيير اسمه لما سببته لنا الكلمة من معاناة اخخخ
والله يااختي ياهاذ الكلمة غي تبانلي سلاح يستعملوه الادارات
عندي بنت عمي تخدم فالإدارة تاع الجاميعة وكي كرهوني اطلعي اهبطي عيطتلها قلتلها باش نتلقاك
قاللتي صحا معليهش كي طلعت نسقسي عليها فالبيرو تاعها قالولي مكاشها ؟؟؟؟؟ حتى رجعت عيطتلها
واش تحبي ربي يصبرنا ويكبر بالك دوك باسكو تسمعي هاذ الكلمة بزاف
ندعولك ربي يفتح عليك عاجلا غير آجلا باش ماتسمعيهاش بزاااف
سلاااام +​

 

[nina bonoise]

اكاك ا نور غير هديك الكلمة لي نسمع فيها
و نزيدك :
رحت نشري صباط قتلوا اعطيني 36 في لابوانتيغ قالي مكانش
رحت عند واحد نشري ساك قتلو اعطيني كيما هاذا بصح في النواغ قالي مكانش
رحت نشري ليكات قتلوا اعطيني لي اقل منها اي جاتني كبيرة قالي مكانش
قتلوا لي نروحلوا يقولي مكانش
قوليلي برك وش عندهم مالة


ملاحظة / توحشناك في القسم هذا

 

[ISMA.dz]

السلام عليكم

صدقتي اختي باغبي والله ماشي غير عندكم مام احنا فالعاصمة اتعقدت من هاذ الكلمة ههههه

ومع الدوسيي تع لي كونكوغ قريب يخلاص الديلي

وانا مديرية التجارة ومالقيتهاش باش نجوز فيها كونكوغ

ومانحكيلكش على ازمة لي تامبغ كارهة حياتي منهم

والله كرهوني في جد الخدمة علاجالهم بطلت مانجوز ماجيستار مندير كونكوغ في بلاد ميكي

ربي يوفقك اختي

سلاااااااام​

 

[07 _H@yThm]

غادي يدفنونا بلحياة
تحياتي
​

 

[naouma]

السلام عليكم اختي المشكل بارتو وين تروحي يقولولك ماكانش اكرهنا القرايا و الخدمة و كلش
اتروحي للبوسطا ماكاش ادراهم صح اتروحي اتخرجي لورق انتاع اتمسخير ماكاش les imprimés
اتبهديلا و الله وين اتروحي يطلبولط رزمة انتاع و رق مافهمتش واش يديرو بيهم كامل غير تضياع الوقت لينا باش هوما ما يخدموش
و المدير حتى و اذا سبتيه و استقبلك يقولك هاذيك الحاجة خاطيني اهدري مع السوكريتار راح يهبلونا ربي يكملنا بعقلنا قولو امين

 

[السلطانة]

وعليكم السلام
عاش من شافك هنا
اااااااخ على ماكانش نكرهو هاد المصطلح
ماكانش ماكانش كلش مقفول
اصبري برك حبيبتي
الله يفرج نشالله
بالاك حنا وجوه النحس ههههه
بعد اللي جرى
خخخ
تحياتي
​

 

["نور العين"]

اختي الهدرة ماكانش خلاصتلي
هههههههههههه راني نقجم معاك برك غير الهدرة اللي ديما تصيبيها ما تخلصش
نولو للموضوع في هدي عندك الحق بلادنا فرغت ولا كل شيء فيها ماكانش
وين تروحي ومعامن تهدري هدي الكلمة لاصقة في فمهم ماكانش ماكانش
ياك هما خدمتهم يردو كل شيء كاين في البلاد هدي امالا هنا نقولو بلي ماراهم يديروا في خدمتهم
والله غير عاجابة
اختي شكرا على تنبيهنا لقضية لملفتة للنظرواللي هي كل حاجة ماكانش في بلادنا
انا ننصح الاخ سفيان ماكانش يبدل اسمه قبل ما تنوض تفاتين على جال اسمه ههههههه​

 

[D@rk Angel]

أنا من شفت الهم انتاع الدنيا وأنا نسمع في كلمة مكانش + أكبر مكانش في دزاير عدنا في مسيلة تقلو السلام عليكم يقلك مكانش تروح تخرج شهادة عائلية يقلك تخرجها من la posre هههه راكم في رحمة في سكيكدة
نصيحة ينحيو من درابو النجمة ولهلال ويكتبو مكانش
​

 

[ألاء الرحمـــن]

كلمة مكانش رجعت كلمة شائعة كيما صباح الخير شبعونا وقنعونا منها

حتى بلاصة فالجبانة ورجعت بالمعرفة ومكانش (ربي يعافينا من الموت )

الا أنتي دوسي دارلك هكا واش نقول ولا يقولو غيرك

6 سنين وانا نجري على سكنة وبدرهمي وبالمعرفة ومكــــــــــــــــــــــــــــــــــــانش

واش نديرو في بلاد الله غــــالــــب + من فوق هذا الخدمة والمعيشة وربي يسلكها على خير

وربي يوفقك في حياتك ونكونو فاتل خير عليك وتصيبي خدمة





​