سكيكدة تغرق في ظاهرة ماكانش

[أم راضية ~_]

سلاااااامو

جبتيني نجري:shay: حسبت 'مكانش' العضو ديالنا ربي يذكرو بالخير
إيييه واش نحكي واش نخلي :sad:
كي ما يحبوش يخدمو يحصلو فقلة الوسائل و العتاد كيما فلمسيد كاين تجارب تندار و مشاريع تتقدم و كي نحوسو عليهم يقولولنا مكانش الوسائل، مكانش الداتاشو ,:schmoll:و الجديدة اللي دخلت هي ماكانش الوقت باش نصححلكم الورق :scared:
والله غير عجب
ربي يوفقك ختي و ما تتقلقيش بزاف على خاطر راهي قريب تنحل جميع الأمور إن شاء الله
​

 

[الورد الأحمر]

هههههههههههههه
أهلا بيك إلهامو
نورتي المنتدى
أهلا بيك سفيان المنتدى منور أصلا بيك
كيفاش الموضوع هذا عليا ولا واش ؟؟؟ ههههههههههه
راني نشر عليك خخخ قلت تفهم روحك
ايه وين تروحي تتلاقاي بماكانش ههههه
ومام كي كنتي في الجاميعة تروحي للمكتبة تسلفي كتاب يقولولك ماكانش ؟؟؟
تروحي تحوسي على العميد ولا الأستاذ يقولولك ماكانش ؟؟؟
ايه صح كاينة حتى في الجامعة سوفخيت
معاها ومن كيتها مازال ما بريت خخخ
ماكانش وين تروحي تلقايها وتقابلك في بلادنا
ماعليهش أصبري يا إلهامو يفرج ربي هذا عامك اللول ومازال ...
ربي يفتح عليك وعلينا ...​

ايه وين نروح نلقاك يا ماكانش ياو أخطينا
خلينا نقضيو أمورنا هههه
ايه سفيان خويا ماكانش حل آخر غير الصبر
شفت كيفاش حتى هنا لحقتني الماكانش
مغسي سفيان عالمرور والرد الباهي
يعطيك الصحة ... سامحني عالتأخير
سلامو
​

و عليكم السلام حبيبتي
صدقتي و ين تروحي يقولولك مكانش و هم غير وحدهم يصعبو فيها ربي يهديهم برك

أهلا أمينة
ايه هذيك هي تعبتني ماكانش هذي جيت نضرب
طلة على بلادي لقيت فيها كلشي ماكانش
حبيت نسقسي برك مالا واش كاين ؟
ويبقى السؤال مطروح
​

هههههههههههههههههههههه

مصطلح مكانش راه خرج بعد كلمة كاش جديد

لرهجونا بيها

واش انقلك ربي يقضيلك مافي قلبك ويهنيك يا كحلوووشة

ولفيها الخير يقدمها ربي

تحياتي لك

تشاو تشاو
:re_gards:
​

هههه كاش جديد ... السؤال المشهور عند الجزائريين
لي عندو جواب واحد ... والله ماكان والو
ايه ماكانش ولاّو يستعملوها بزااف بزااف
وبالعربية كرهنا الكلمة ... يا ريت يبدلوها
ولا يديرولنا حل ويرجع كاين
مغسي خويا ... سلامو
​

أختي نقولك حاجة ربي ما كتبلكش باش تخدمي + سورمون بالاك ما صليتيش صلاة الإستخارة + لازم تعرفي بلي الناس ما ينفعوكش و ما يضروكش غير ايلا كتبهالك ربي كيما قال الرسول صلى الله عليه و سلم:" كنت خلف النبي صلى الله عليه وسلم يوما ، فقال : ( يا غلام ، إني أُعلمك كلمات : احفظ الله يحفظك ، احفظ الله تجده تجاهك ، إذا سأَلت فاسأَل الله ، وإذا استعنت فاستعن بالله ، واعلم أن الأُمة لو اجتمعت على أَن ينفعـوك بشيء ، لم ينفعوك إلا بشيء قد كتبه الله لك ، وإن اجتمعوا على أن يضروك بشيء ، لم يضروك إلا بشيء قد كتبه الله عليك، رفعت الأقلام وجفت الصحف ).

بارك الله فيك اختي ردك رائع
لكن المشكل تاعي مش الخدمة لي ما لقيتش
يوفرولنا برك لورق هذا ما طلبت برك
علاش كلشي ماكانش الخدمة علابالنا فيها
من داك العام ماكانش درك ماكانش هذي
نشوف فيها تطورت ورايحة تدير امبراطورية
في الجزائر ... ربي يستر ... مغسي
ربي يخليك وسلامو حبيبة
​

هههههههه
يا سكيكدة يا سكيكدة
والله هاذي هي وين اتروحي
انا مازال ماجربتش هاذ لاسوفرانس
بصح انهار رحب لبلدية الي في الحي انتاعنا
قالولي ماكانش الورق عندنا غبر هاذ الورفة روحي ديري عليها فوتوكوبي ورجعيهالنا
يعني حتى الورفة ولات بالدرهام
انا الحاجة الي محيرتني انهم كيغاش ماعندهمش الة الطباعة
باخي خالة انا في دارنا وعندنا ههههه
و الله ماشي غير سكيكدة
ياو سكيكدة راهي ارحم بالنسية لباقي الولايات
ربي يفرجها على بلادي​

ايه جيستومون حبيت نفهم كان غير في سكيكدة
ولا الغاشي الكل عندو نفس المعاناة
ايه بابا دار فوطوكوبي ما قبلوهالوش
الله لا يربحهم يعطلو العبد على شغالوا
مغسي اختي ... سلامو
​

ايه هدي ماشي غير عدكم
انا باش جبت سوابق عدلية سمانة وانا كل يوم تماك وكل يوم يقولولي ماكاش ريزو
وكان رحت لكشما منطقة نائة بالاك وكان لقيت ريزو
....................شكرااااااااا

أنا يخي راني عبيتها ودفعتها في الدوسيي
درك ... ما لقيتش معاها مشكل هي الوحيدة
لي ما قالوليش عليها ماكانش ...
على الأقل لقيت حاجة كاينة في لبلاد
مغسي اختي وربي يعيننا كامل على الحالة
هدي تاع ماكانش ... سلامو
​

pfffffffff

كلمة كاش جديد هديك ماشي غير رهجونا بيها_o:

رجعتك فيروس في لالجيغي
​

أختي إلهآمـ Barbie ــو هآذي °مكآنش° كآنت كآينة من بكري
غير انتي مآ كنتيش تشوفيهآ بركـ
كنتي مشغولة بالجآمعة والدرآسة
مي الآن وبعدمآ انتي وليتي مسؤولة تبدآي تسمعيهآ غير هي
إيه يا اختي أنك تكوني مسؤولة على نفسك مآشي حآجة سآهلة

الشي آلوحيد اللي مليح في بلآدي (اللي نبغيهآ ونموت عليهآ)
هي أنو تتعلمي التمرميد وانتي صغيرة
MalGré Tts ,i loVe MoN bLedD
​

ايه وانتي قلتيها على الأقل علمتنا
الجزائر لي حتى أنا نحبها ونموت عليها
كيفاش نتمرمدو يعني علمتها نواجهو الصعاب
هههه ... مغسي اختي ... بالاك كيما قلتي
كنت لاتية بلقراية ما فقتش بلي ماكانش
في الوقت هذاك كانت تدير في امبراطورية
سلامو :re_gards:
​

واش نقولك انا عمى كى مات قعدنا اكتر من 24 باش قدرنا ندفنوهوين وصلنا روحنا للمير فى دارو باش فراو الكواغط غير باش ندفنوه الميت ويقولوماكاش وين الحي

ييييييييييييه كااااارثة
الله لا يرحمهم ناس كيما هذو يعسروا في كلشي
حسابهم عند ربي ... ربي يعيننا اختي
مغسي عالمرور وحكاية عمك أكثر عسر
من حكايتي ... ربي يرحمو عمك
سلامو
​

 

[الورد الأحمر]

هههه
هادي مكانش option administratif اوليو باش كل واحد يخدم خدمتو لا لا دونك وين تروحي ليكيداج ،ديفوا الورق كاينين في magazin مي راكي عارفة الكسل والخمول وخليها ترول .مرة المدير نتاع مؤسسة راهو في البيرو ،والعساس نورمال يقولك مكانش ،اما موصيه واما كيما قلت اوبسيو بو ليكيداج.
ربي يجيب الخير اختي وان شاء الله وين تروحي تلقاي كاين
شكرا

ايه خويا هذيك هي ماكانش ولاو يستعملوها
باش يكذبو تاني عالمواطن قادرة الحاجة
كاينة مي يقولولك ماكانش هكذا باش يليكيديوك
موصيين ولا مشاتلهم فلعروق سي بون
ربي يجيب الخير كيما قلت ...
مغسي خويا وسلامو
​

السلام عليكم
اولا يعطيك الصحة باغبي على المووضوع الباهي
ثانيا ربي ييسر امورك ويفتح عليك
ثالثا نحسب العضو ماكانش غرق عندكم في سكيكدة هههه
رابعا نطالب هذا الاخير بتغيير اسمه لما سببته لنا الكلمة من معاناة اخخخ
والله يااختي ياهاذ الكلمة غي تبانلي سلاح يستعملوه الادارات
عندي بنت عمي تخدم فالإدارة تاع الجاميعة وكي كرهوني اطلعي اهبطي عيطتلها قلتلها باش نتلقاك
قاللتي صحا معليهش كي طلعت نسقسي عليها فالبيرو تاعها قالولي مكاشها ؟؟؟؟؟ حتى رجعت عيطتلها
واش تحبي ربي يصبرنا ويكبر بالك دوك باسكو تسمعي هاذ الكلمة بزاف
ندعولك ربي يفتح عليك عاجلا غير آجلا باش ماتسمعيهاش بزاااف
سلاااام +​

هههه ربي يخليك اختي ويسرك ربي
انتي تاني في كلشي ...
لالا سالامات ياك ما غرقش سفيان عندنا
احنا لي غرقنا عندو هههه
وانتي قلتليها نطالبه بتغيير الاسم
ههههه
ايه اختي راني قلت للعضو لي قبلك
ولاو يستعملو الكلمة ككذبة
الحاجة كاينة يقولك ماكانش
فلان كاين يقولك ماكانش
الله لا يربحهم وجوه الشر
مغسي اختي ربي يخليك اتهلاي وسلامو

​

اكاك ا نور غير هديك الكلمة لي نسمع فيها
و نزيدك :
رحت نشري صباط قتلوا اعطيني 36 في لابوانتيغ قالي مكانش
رحت عند واحد نشري ساك قتلو اعطيني كيما هاذا بصح في النواغ قالي مكانش
رحت نشري ليكات قتلوا اعطيني لي اقل منها اي جاتني كبيرة قالي مكانش
قتلوا لي نروحلوا يقولي مكانش
قوليلي برك وش عندهم مالة


ملاحظة / توحشناك في القسم هذا

ايه يا اختي واله عندي نفس المشكل تاعك
لاpـوانتيغ 36 ديما ماكانش ما يديروش
منها بزاف والله غالب العبد رجلو صغير
هههه ديما يطيرولي بيها ...
وكلشي ماكانش في كل المجالات
...
ربي يخليك اختي ويتوحشك الخير
مي والله معرف علاش بردتلي على كلشي
ووليت ما ننشطش بزاف لا في القسم
هذا لا في غيرو ...
مغسي لينا وسلامو
​

السلام عليكم

صدقتي اختي باغبي والله ماشي غير عندكم مام احنا فالعاصمة اتعقدت من هاذ الكلمة ههههه

ومع الدوسيي تع لي كونكوغ قريب يخلاص الديلي

وانا مديرية التجارة ومالقيتهاش باش نجوز فيها كونكوغ

ومانحكيلكش على ازمة لي تامبغ كارهة حياتي منهم

والله كرهوني في جد الخدمة علاجالهم بطلت مانجوز ماجيستار مندير كونكوغ في بلاد ميكي

ربي يوفقك اختي

سلاااااااام​

والله يا اختي حتى أنا ديفوا نديقوتي خلاص
وتجيني نريح روحي وخلاص وجونغ نستسلم
مي من بعد نقول وقتاه بديت حتى نحبس
ونقول مالازمش ناس كيما هاك يديرولي
احباط ... مع زعمة نقرا الكتب تاع
ابراهيم الفقي يديرلي القلب هههه
نحسو يحكي معايا ... ألوغ كل مرة
نستسلم نزيد ندير القلب ونحب نوصل
مكرة في الغاشي الكل ومأمنة بلي يجي
نهار ونوصل للشي لي حايبتو إذا حب
ربي سبحانو ... مغسي اختي وسلامو
​

غادي يدفنونا بلحياة
تحياتي
​

ايه على خاطر لقبورا ماكانش
​

السلام عليكم اختي المشكل بارتو وين تروحي يقولولك ماكانش اكرهنا القرايا و الخدمة و كلش
اتروحي للبوسطا ماكاش ادراهم صح اتروحي اتخرجي لورق انتاع اتمسخير ماكاش les imprimés
اتبهديلا و الله وين اتروحي يطلبولط رزمة انتاع و رق مافهمتش واش يديرو بيهم كامل غير تضياع الوقت لينا باش هوما ما يخدموش
و المدير حتى و اذا سبتيه و استقبلك يقولك هاذيك الحاجة خاطيني اهدري مع السوكريتار راح يهبلونا ربي يكملنا بعقلنا قولو امين

اختي يطلبو ورق أصلا الكل عندهم نفس
المعني يطلبو النقمة مع الفوطو كوبي
تاع لاكاغت ناسيونال وانا باش درت لاكاغت
ناسيونال جبتلها نقمة يعني علاش عليهم
يطلبو نقمة 12 مع فيش آنديفيديال
وخدمتهم كيف كيف تقريب ...
هذا هو العوج ...
يحبو لورق برك لي بزاف باش يعطلو المواطن
مغسي اختي وكيما قلتي كرهونا في كلش
سلامو
​

وعليكم السلام
عاش من شافك هنا
اااااااخ على ماكانش نكرهو هاد المصطلح
ماكانش ماكانش كلش مقفول
اصبري برك حبيبتي
الله يفرج نشالله
بالاك حنا وجوه النحس ههههه
بعد اللي جرى
خخخ
تحياتي
​

أهلا أميرتي الجميلة
وعاش من شافك تردي هنايا
ايه والله مصطلح يا ريتو ما دخل على مصطلحاتنا
أو يفرج ربي ...
وبالاك وجوهنا مش تاع فرج وما نستاهلوش
الله أعلم هههه
مغسي شوشو عالتشجيع :shiny:
سلامو
​

اختي الهدرة ماكانش خلاصتلي
هههههههههههه راني نقجم معاك برك غير الهدرة اللي ديما تصيبيها ما تخلصش
ههه لاكان هذي ورجعت ماكانش نروحو
ننتحرو الكل خير هههه
نولو للموضوع في هدي عندك الحق بلادنا فرغت ولا كل شيء فيها ماكانش
وين تروحي ومعامن تهدري هدي الكلمة لاصقة في فمهم ماكانش ماكانش
ياك هما خدمتهم يردو كل شيء كاين في البلاد هدي امالا هنا نقولو بلي ماراهم يديروا في خدمتهم
والله غير عاجابة
اختي شكرا على تنبيهنا لقضية لملفتة للنظرواللي هي كل حاجة ماكانش في بلادنا
انا ننصح الاخ سفيان ماكانش يبدل اسمه قبل ما تنوض تفاتين على جال اسمه ههههههه​

وي اختي باغتو وين تدوري يقولولك
ماكانش ...
ربي يكون في عوننا تبانلي الظاهرة
هذي في تفاقم مستمر ...
ونحن نطالب سفيان ماكانش بتغيير اسمه
وإذا لم يفعل سنشتكي للادارة وسنقدم
طلب تغيير اسم عضويته بدلا عنه هههه
مغسي اختي ... سلامو
​

أنا من شفت الهم انتاع الدنيا وأنا نسمع في كلمة مكانش + أكبر مكانش في دزاير عدنا في مسيلة تقلو السلام عليكم يقلك مكانش تروح تخرج شهادة عائلية يقلك تخرجها من la posre هههه راكم في رحمة في سكيكدة
نصيحة ينحيو من درابو النجمة ولهلال ويكتبو مكانش
​

هههه أهلا أحمد
يااه راك معمر أكثر مني
ووين صرات تاع شهادة عائلية لي تخرج
كم لابوست هههه ... في مسيلة وي
خخخخ
كلشي ماكانش ماكانش
لالا الدغابو غير يخليوه ... لا لحقتنا
ماكانش ليه تكمل علينا مليح
...
مغسي خيو ... سلامو
​

كلمة مكانش رجعت كلمة شائعة كيما صباح الخير شبعونا وقنعونا منها

حتى بلاصة فالجبانة ورجعت بالمعرفة ومكانش (ربي يعافينا من الموت )

الا أنتي دوسي دارلك هكا واش نقول ولا يقولو غيرك

6 سنين وانا نجري على سكنة وبدرهمي وبالمعرفة ومكــــــــــــــــــــــــــــــــــــانش

واش نديرو في بلاد الله غــــالــــب + من فوق هذا الخدمة والمعيشة وربي يسلكها على خير

وربي يوفقك في حياتك ونكونو فاتل خير عليك وتصيبي خدمة

​

ايه اختي علابالي حتى الموت والقبر ولات
فيها معرفة ... الله لا يرحمهم الناس لي
يعسرو في حاجة كيما هذي أي تجي دالتهم
والله يا اختي مش دوسيي دار فيا هكا مي ماكانش
لي دارت فيا هكا قلت واش البداية الموفقة هذي
والله يعييو تاع الصح ...
ايه معاناتك معاناة ...
ربي يفرج عليك وعليا اختي ...
وان شاء الله انتوما فال خير عليا وانا
فال خير عليكم ...
اتهلاي اختي وربي يوفقك ويسهلك
سلامو :re_gards:
​

 

[شذى الإيمان]

من اللخر كرهت كلمة ماكانش ​

وكرهتك يا العضو ماكانش عقدني اسم عضويتك خخخخخ
نتمسخر برك ...​

مهما ضياقت توساع أختي،
لوكان العضو ماكانش يبدل اسمو، ويرجعو " كاين"
بالاك ربي يفتحها علينا كامل :shiny: :shiny: :shiny:​

أتوكلي على ربي أختي، وما تدري،​

" لعل في ذلك خير " ​

ربي ييسر لك أمورك
تقبليي مروري​

 

[الورد الأحمر]

سلاااااامو

جبتيني نجري:shay: حسبت 'مكانش' العضو ديالنا ربي يذكرو بالخير
إيييه واش نحكي واش نخلي :sad:
كي ما يحبوش يخدمو يحصلو فقلة الوسائل و العتاد كيما فلمسيد كاين تجارب تندار و مشاريع تتقدم و كي نحوسو عليهم يقولولنا مكانش الوسائل، مكانش الداتاشو ,:schmoll:و الجديدة اللي دخلت هي ماكانش الوقت باش نصححلكم الورق :scared:
والله غير عجب
ربي يوفقك ختي و ما تتقلقيش بزاف على خاطر راهي قريب تنحل جميع الأمور إن شاء الله
​

ههه كلينالو راسو مكانش تاعنا خخخخ
ايه اختي كوارث جوية برية بحرية
صرات بسبة كلمة ماكانش ...
ربي يستر من لي جاي
مغسي اختي ربي يخليك وسلامو
​

 

[الورد الأحمر]

مهما ضياقت توساع أختي،
أكيد اختي
ان بعد العسر يسرا
إن بعد العسر يسرا
كلام ربي هذا ونأمنو بيه
وتفرج ان شاء الله
لوكان العضو ماكانش يبدل اسمو، ويرجعو " كاين"
بالاك ربي يفتحها علينا كامل :shiny: :shiny: :shiny:​

ههه نجربو نقترحو عليه الفكرة
بالاك تصلح هههه

​

أتوكلي على ربي أختي، وما تدري،​

" لعل في ذلك خير " ​

ايه أكيد أختي
كل عطلة فيها خير

ربي ييسر لك أمورك
تقبليي مروري​

ربي يخليك اختي وييسرك أمورك انتي تاني
أكيد مرورك أفرحني ونتقبلوا
تقبلي سلامي ... سلامو
​

 

[programmeur]

كل عطلة فيها خير

 

[الورد الأحمر]

كل عطلة فيها خير

ايه ان شاء الله نلقاوه برك
مغسي خويا ... سلامو
​

 

[سيموني]

منتدى اللمة ......مكانش هههههههههههههههههه في هدالبلاد كلش مكانش وقاع هقد نحبو لالجييييييييييري....سيموني​

 

[الورد الأحمر]

منتدى اللمة ......مكانش هههههههههههههههههه في هدالبلاد كلش مكانش وقاع هقد نحبو لالجييييييييييري....سيموني​

ايه اختي كاينة
مغسي عالمرور الباهي
سلامو
​

 

[هآجر]

نور دوقي شويا متمرميد كنتي تضحكي عليا العام الي فات

معليش ربي يفرج برك​

 

[hicham500]

كاين منها رانا في وقت صعيب
بصح السيكيدية يقول ماكاه ميقولوش مكنانش خخخ
شكرا على الموضوع ​

 

[الورد الأحمر]

نور دوقي شويا متمرميد كنتي تضحكي عليا العام الي فات

معليش ربي يفرج برك​

هههه علاش يعني يا اللوتس ما ضحكتش
عليك خخخخ ... قلتلك ربي يفرج
...
مغسي عالمرور والرد ضحكتيني بيه
يعطيك الصحة ... ايه دالتي نذوق
وان شاء الله يفرج ربي عليا وعليك :shiny:
سلامو :re_gards:
​

كاين منها رانا في وقت صعيب
بصح السيكيدية يقول ماكاه ميقولوش مكنانش خخخ
شكرا على الموضوع ​

وي صعيب وبزاف تاني
ايه السكيكدية يقولو ماكاه
ويقولو ماكانش تاني ...
ماكاه تجيني أقل وقع على القلب
وحنينة ... في الادارة gـلبوها
ماكانش ... هكا باش يشوكيو العبد
ههه ... مغسي خويا ... سلامو
​

 

[═♥.ЈŪšť_ màn.♥═]

<السـلآم عليكم >
صحـــا صحــا كاااااااالمي روحكــ حسيتـــ راح تخرجيلي من ليكرو
المهمـــ .. و الله هادي ظاهرة كاين منهـــا بزااااااااف
سورتو تاع المديرينــ ابار .. لورقــ نورمال حنا عندنــا
تقدر تجبد وااااااشــ تحبــ
المهمــ ربي يفتحها في وجهكــ و يخضرها انــ شاء الله
... و مبرووووووكــ على الاهداء للعضو ماكانشـــ
تحياتي :shay:
​

 

[souss]

هاي نور واش حوالك
والله يا ليزامpريمي اللي مكانش ................................
قتلونا قتلونا هادو ورق و حارتلهم فيهم
حتى أنا قتلوني بالجري بصح واش رايحين نديرو
ربي يكون معاك و معايا ان شاء الله​

 

[الورد الأحمر]

<السـلآم عليكم>
صحـــا صحــا كاااااااالمي روحكــ حسيتـــ راح تخرجيلي من ليكرو
المهمـــ .. و الله هادي ظاهرة كاين منهـــا بزااااااااف
سورتو تاع المديرينــ ابار .. لورقــ نورمال حنا عندنــا
تقدر تجبد وااااااشــ تحبــ
المهمــ ربي يفتحها في وجهكــ و يخضرها انــ شاء الله
... و مبرووووووكــ على الاهداء للعضو ماكانشـــ
تحياتي :shay:
​

أهلا عبدو درك راني مكالمية راهي فاتت لحكاية
مي هبلونا يا خويا واش تحب تدير لوكان ما هدرتش
على الظاهرة هذي هنا نموت بالغمة
هيا مغسي عالمرور وبصحتو ماكانش هههه
سلامو
​

هاي نور واش حوالك
والله يا ليزامpريمي اللي مكانش ................................
قتلونا قتلونا هادو ورق و حارتلهم فيهم
حتى أنا قتلوني بالجري بصح واش رايحين نديرو
ربي يكون معاك و معايا ان شاء الله​

أهلا اختي راني مليحة الحمد لله
السوال عليك يا السكيكدية أهلا بيك
أي جات السكيكدية لي تفهمني وتحس
بالوضع صح قالك ما يحس بالجمرة
غير لي عافس عليها هههه
والله صح هلكونا تاع الصح
منين نروحو ماكانش ماكانش
يوناماغ منهم يحكمو كلشي ليهم
أنا بطلت نحتاج ورق وعندي مدة
ما خرجتش من الدار هكا باش
ما بقيتش نسمع الكلمة هذي
مغسي اختي عالمرور
سلامو
​

 

[kazawa]

مكانش معنديش........ سيرتو اللي فيها الميم راهي تدور من عام الفيل ان شاء الله تولي كاين مرسي على الموضوع

 

[adelskikda]

اصبري حتى ىيفرج ربي .....................خخخخخخخخخخخخخخمزال ماشفتي والو

 

[21 فارس 21]

هههههههههههههههههههههههههههههههههههههههه
انا او كرهت من هاد الامور راني في 6 اشهر ماقدرتش
نخلص في البونكا تاع cpa
ربي يجيب الخير ان شاء الله
​

 

[بر الامان]

هههه بلاد ماكانش ،الله يجيب الخير و يعطينا الصبر بلا عبر ، امين يا رب العالمين، على كل يا اختي ، ربي يفرج عليك و يرزقك من واسع ابوابو و على الناس اجمعين، اللهم امين ، تحياتي اليك.