حلوى الاهرام من مطبخي وبالخطوات المصورة

[ام منصف]

هذا الحلوى درتها في نفاس سلفتي
حنا نسموها قاطو russe وفي الكتاب لقيت اسمها الاهرام

المقادير
200 غ زبدة
3 مغارف كبار عسل
2 بيض
كاس سكر ناعم
ملعقة كبيرة بيكاربونات
1 فانيليا
فرينة حسب الحاجة كيلو تقريبا
معجون المشمش

الكريمة 1
كاس ماء
كاس سكر عادي
14 ملعقة كبيرة حليب غبرة

الكريمة 2
100 غ زبدة
ملعقة سكر ناعم
فانيليا



التحضير
* خلطي مكونات الكريمة الاولى وعلى نار هادئة مع الخلط المستمر حتى تعقد الكريمة * خليها تبرد
* خلطي مكونات الكريمة الثانية وخلطيها للكريمة الاولى

* في كاسرونة ذوبي الزبدة مع العسل وخليهم يبردوا
* خلطي معاهم البيض والسكر و خلطي مليح اضيفي البيكاربونات والفرينة حتى تتحصلي على عجينة صابلي
* قسميها الى 4 كريات وحدة تكون صغيرة شوية على 3 الاخرين

ابسطي الكرية الاولى في المول نتاعك بعدما تكوني دهنتيه ديريها تطيب في الفرن على درجة حرارة متوسطة 160 درجة حتى يميل لونها الى الذهبي البني
كرري العملية مع باقي الكريات

ادهني وجه القرصة الاولى بالمعجون المخفف بماء زهر

وغطيها بشوية من الكريمة اللي خدمتيها

وحطي القرصة الثانية وكرري نفس العملية
القرصة الاخيرة واللي درناها صغيرة فتتيها في مهراس
غطي بها وجه الحلوى نتاعك بعدما تكوني دهنتيه بالمعجون والكريمة

غطيها ببلاستيك غذائي وخليها تبات ليلة كاملة حتى تطرى والغدوة قصيها مربعات او معينات كيما تحبي

تجي هايلة ساهلة وسريعة وبنينة
اتمنى انكم تجربوها وتعجبكم
شهية طيبة
​

 

[cherine]

تبان بنينة وsurtout من يدك حنونتي
يعطيك الصحة​

 

[ام ايناس وفاروق]

شكرااااااااااااا اختي ام منصف الله يعطيك الصحة باين هايل سيرتوا من يديك

 

[narjes81]

تشهي تسلم الايادي اختي ام منصف

 

[sabrina2010]

والله تبان سهلة التحضير وفكرة جديدة
سلمت يمناكى حبيبتى
نجربها ونشوف

 

[ندى الورود]

يعطيك الصحة اختي ام منصف
خرجلك هايل ويشهي
​

 

[rima29]

يسلموا ايديك حبيبتي
​

 

[imane27]

يعطيك الصحة ام منصف باين هايل

 

[ام منصف]

تبان بنينة وsurtout من يدك حنونتي
يعطيك الصحة​

الله يسلمك اختي العزيزة
والف شكر على المرور
​

 

[الاختان سوسو ونونا]

امممممممممممم تبان هايلة يعطيك الصحة

 

[اميرة الساحل]

حلوى تشهي اختي ام منصف دمتي بوصفاتك المميزة تحياتي لك ​

 

[NaNouS]

الله يبارك روووعة يعطيك الصحة

 

[ألاء الرحمـــن]

سلمت يمناكي أختى أم منصف على الطريقة

اتبعت كل الخطوات وسهلة جدا

ان شاء الله جاري التطبيق وعلى حساب الشكل تشهي



​

 

[ام منصف]

ام ايناس وفاروق
narjes81
sabrina2010
ندى الورود
rima29
imane27
الاختان سوسو ونونا

الله يسلمكم كامل
والف شكر للمرور
نورتوني
​

 

[حكيك]

رائع يعطيك الصحة خرجلك هايل

 

[ام منصف]

حلوى تشهي اختي ام منصف دمتي بوصفاتك المميزة تحياتي لك ​

الله يسلمك
والف شكر على المرور منورة يا غالية
​

 

[صفية الروح]

هايلة يا ام منصف يعطيك الف عافية
لكن في الاخير نفضل تزين بالشوكولا احسن لاني بموت بالشوكولا
مشكوووووووورة على الوصفة ساحتفظ بها بارك الله فيك

 

[houdaty]

ماشاء الله تبارك الله عليك كل الاشياء لي ديريها تعجبني الله يعطيك الصحة

 

[أم نيفين]

مممممممممم هايلة ....نديرها فالعيد الكبير نشاالله

 

[كوثر الوهرانية]

روعة حلوة هايلة بزاف سبقلي اني جربتها تجي بنينة بزاف الف شكر اختي ام منصف