مادا ستطبخين اليوم سيدتي الجزء الرابع

[nada242008]

رفيولي كرنشي هههههههههه امممممممممممم

شوفتكم سهرانين حطيت عشايا

اااه منك يا بنت الايييه ههههه:sheer:
نانوس الروطي يشهي بصحتك
خليتلكم الهنا :sheer:عشاك يشهي امممممم حتى انا وجدت غراتان الزاليقو لغدا غدوة ان شاء الله بقات اللمسات الاخيرة خليتهم لغدوة
فلوسة بصحتك لابيري وربي يعطيك طزينة اولاد واحد يقلب السني واحد يقلب الفراش وواحد يكسر الماعن هههه عندك تندمي برك
امنيتي بصحتك السباغيتي والمرقاز
فوفة بصحتك التحويسة .. حنا كي يبرد الحال نودعو التحواس :sad:

 

[ندى الأيام]

اختي ابتسام ماعندكش معلومة عن طاط فروماج و لا تفاح

 

[ibtesem]

اختي مافهمتكش

 

[روز]

كاش نهار فهميني في الرفيولي هذا ولاصوريهلي يابسومة شكلو يشهي

بوسة للقمر لي عندك جييهالي تفوت الفاكونس عندي

الاخت وقيلا تقصد طارط التفاح يابسومة

تصبحو على خير

 

[حاملـة المسك]

السلام عليكم ....صباح الخير و الخيرات
فلوسة كفاش بوري غير بالزبدة..؟
تسنيم الهمبور جاك هايل
فوفة بصحتك الحمام
روز إنفضي إيميلك من الغبرة واقراي رسالتي راهي بارت
الرفيولي هايل بسومة حطيه موضوع مطوليش علينا ههه
بصحتكم القهوة ...نهاركن موفق
​

 

[ام ايناس]

صباح الانوار عليكم ابتسام بصحتكم العشا يشهي
فوفة بصحتك التحويسة المرة الجاية انشا الله تمنيت نتلاقو سلااامي

 

[رآج ـية العفو]

السلـآم عليكم ورحمـة الله
يسعــد صبـآحكم يـآ لحبـآب
بصحتكم كآمل وآش طيبتو صبآحو رغوودة
رآني غير أنآ ونتي والبقية وين

قولـي لتسنيم الهنـآء هـي نقلت لنـآ الطريقة

وحطتهـآ هنـآ مـي كـي كنتـي غـآيبة وجربتهـآ

و حطتها أمنيتي الفرق ما بناتهم الوريقة تسنيم تنشفها في المقلة و أمنيتي لالا

معرفتش شكون لجاب عمرة المهم نقدم التبريكات و لعقوبة للجميع
العشا بقى طعام و زيدت غليت بيض و جوزناه بحليب البقر​

بصحتكم وش تعشيتو ربي يدومها نعمة

​

والله مآ شفيت انو أمنيآتي حطتهآ في موضوع السمآآح i-o:​

السلام عليكن


صح عشاواتكم الكل

حج مبرور لي رايحين للحج و ربي يرزقنا حتى حنا

روز القريوش جاك ساهل:scared: راهو يتعب و كي تجربيه ترديلنا لخبر

راجية العفوربي يخليك اختي(احبك الله الذي احببتني فيه) راني رحت لمنتدى المعجنات الحصرية و لقيت الوصفة انتاعك بعد لي كتبتيهالي الاولى طبقتها لكن انا درت همبورغرات صغار على لاطاي انتاعي هههههه
و لي بقا من لابات حشيتو يالشيكولا غدوة ان شاء الله للفطور

فلوسة عشاك يشهي و ربي ان شاء الله يرزقك بالصغير لي يهرجك و يقلبلك الطابلة لا تبقى فيها لا مغرف و لا فرشيطة امين

و هذا عشايا
قراتان زاليقو، ميني همبورغر

و كي لعادة صاحبتي هذي تقولكم
:sheer:خليتلكم لهنا:sheer:



​

ههههه نتمنى عجبك حبيبة؟؟
جآآك هآآيل يع ـطيك الصحة بصحتكم

سلامو لبنات وااااااش لحوال انا روحت لعشية من قالمة بصح راني ميتة بالتعب.......................
بصح ننصحكم تديرولها زيارة والله يا الحمامات تاعها روووووووووووووووووعة
انا روحت لحمام اولاد علي
ام ايناس المرا لي تفوت وتكون حامل نقعد نشوف معاها قلت بلاك نعرفك على ايناس هههههههههه

وعليكم السلـآمو يالغآلية توحشنآآآك
بصحتك التحويسة

اختي ابتسام ماعندكش معلومة عن طاط فروماج و لا تفاح

ختي ندى الأيآم وضحي أكثر طلبك ​

 

[ام ايناس وفاروق]

صباح الخير على ناس اللمه كلهم
بصحتكم واش طيبتوا اكلات تشهي
انا غدايا لوبيا وسلطة وعجنت خبز بالزيتون وعصيير الجزر
نقرى لي فاتني ونرجع

 

[merieme hassi]

السلام عليكم
صباحكم فل و ياسمين انسات و سيدات المطبخ اللموي الجزائري
حج مبرور و دنب مغفور لكل من عجوزة ام ندي و عم ام ايناس و لكل الحجاج
بصحتك التحويسة فوفة ربي يهنيك
تسنيم الهناء الهمبرغر جاك روعة يعطيك الصحة
بصحتكم كامل واش طيبتو
ابتسام الرافيولي هايل حنونة ممكن الوصفة
فلوسة ربي يفرج عليك حنونة و يفرحك راني نتفكرك دايما في الدعاء انت و الي مثلك
ام كوثر توحشتك ربي يشافيلك زوجك و يجازيك علي صبرك معه
سلامي لكم كامل بدون استثناء كل واحدة باسمها حتي مننسي حتي فحلة
انا اليوم عملت شربة و دجاج و سلاطة كي نكمل نحط الصور بادن الله
يوم مبارك

 

[faloussa]

فلوسة ليون كان عايش فيها جدي الله يرحمو

الله يرحمو ويوسع عليه

 

[faloussa]

صباح الخير على الجميع
صحاغداكم كامل انا اليوم درت بيتزا
اختى حاملة المسك لابيري قصيتها كاريات وحطيتها اطيب في الماء والملح وما نسيحش الماء نتاعها مباعد نرحيها ونضيف شوية من الماء السابق ونزيدلها فروماج وزبدة
على فكرة هذه طريقة اختى بسومة
ربي يفرحك اختى مريم واختى ندى :shay:

 

[روز]

نهاركم زين...
رغودة ابعثيلي في الخاص ايميلي نسيتو باش يبدا ههه
كاش دوا للنسيان دواء طبيعي
والله نحكي بالصح راني وليت ننسى بطريقة غير طبيعية
ولايت نجيب لروحي المشاكل من كثرة النسيان ):

 

[merieme hassi]

السلام عليكم
صح فطوركم

هدا هو فطوري اليوم ربي يدومها نعمة

 

[merieme hassi]

روز حنونة حسب معلوماتي انه الدراسات المعملية تقول إن الكافيين الذي في القهوة والشاي والكولا الفوارة قد تحسن من ذاكرة المدى البعيد عندما يتم شربها بعيد تعلم أشياء جديدة .

اشربي المزيد من الماء : الذين لا يشربون كميات كافية من الماء قد يصابون بالجفاف ، الذي يؤثر على تدفق الدم إلى المخ ، وبالتالي يؤدي إلى الاعياء ويؤدي ويجعل تذكر الأشياء أصعب .
حاولي أن تشربي على الأقل 8 أكواب من الماء يومياً سعة كل منها 240ملليتراً .

- تناولي الفاكهة والخضراوات زاهية الألوان : إذ تحتوي على مركبات كيميائية يطلق عليها الفلافونويد ومركبات مضادة للأكسدة تقلل من تأثيرات الشوارد الحرة ، وهي بدورها جزيئات أكسجين غير مستقرة في الجسم قد تتلف الأوعية الدموية في المخ وتزيد من خطورة الإصابة بانحدارات الذاكرة .

 

[merieme hassi]

روز حنونة
اشربي شاي المريمية : إن عشب المريميه يحسن الذاكرة حسب نصائح المعالجون الشعبيون ، وتفيد الأبحاث الجديدة بأنه ناجح ، وهذا العشب يحتوي على مركبين كيميائيين هما cineole و alpha-pinene يعرقلان انزيماً قد يكون مرتبطاً بمرض ألزهايمر .
مشكلة عشبة المريمية هي أنه أيضاً يحتوي على مركب يطلق عليه "ثوجون" thujone ، هذا المركب قد يكون ساماً في الجرعات الكبيرة . من المفيد أن تستمتعي بشرب شاي المريمية من حين لآخر ، لكن لا يجب عليك شربه يومياً

 

[oumniati]

السلام عليكم ورحمة الله وبركاته
اممممممممم عند الدخلة قابلتني هاذيك الوليمة يامريم يعطيك الصحة ويبارك في اليدين اللي صنعو
قوليلي واش داخل الجاجة

 

[oumniati]

السلام عليكم ورحمة الله وبركاته
NoOoR*, ‏أم عبدالصمد, ‏ام ايناس, ‏ام سيف, ‏faloussa, ‏ibtesem, ‏nada242008, ‏رآج ـية العفو, ‏عشقي الامارات
واش راكم يابنات صح غداكم ابتسام قهوتك:shiny:

 

[nada242008]

صحا غداواتكم كامل
مريومة غدا يشهي ربي يدومها نعمة عليك وعلينا
هذا غدايا

 

[oumniati]

بصحتك ام ندى اذا تقوليلي الطريقة فيت فيتvite vite ههههههه نطبقها اليوم

 

[oumniati]

شفتي لا فيت لا والو ماجيت نكتب رحتي:sadwalk: