كل عام اضراب

ر

رتاج الجنة

:: عضو منتسِب ::
السلام عليكم ورحمة الله وبركاته
اهلا باصحاب اللمة واشراكم ان شاء الله لاباس
مانطولش عليكم نبدا طول في الموضوع
والله ياخاوتي الاساتدة مانعرف واش يخصهم الشهرية مليحة والقراية مايقريوش وبكل صغار الكبير فيهم عمرها 40 سنة والصغير تلقا عمرها 20 وكل عام يديرو اضراب هوما يزيدولهم في الشهرية والتلاميد مساكن تتطفر فيهم كل عام حتى نسمعو باضراب هاو زادهم بن بوزيد 15 بالمية او زادهم كدا وكدا حبيت تعطوني رايكم في هدا الظاهرة تع الاساتدة
طولت عليكم اسمحولي هيا صح اتمنى تفاعلكم
 
ههههههههه مليح باش تريبونديو شويا قبل لفروض
واش نقلك مادام عندك لاباباك ولا يماك فتعليم
غير مكلااه تهدري ع المعلمين بويسك رايحه تربحي غير ذنوبهم
​
 
عندهم مطالب ماشي غير الشهرية
الله يحسن عونهم لايليق بالاستاذ او المعلم ان يصل الى مرحلة الاضراب
لوكان جينا في بلاد نتاع العدالة كون راهم بقيمتهم بصح مع مسؤوليين
كيما هذو ينفع معاهم غير الاضراب لان الظروف الي راهم يعانيو منها ما يعلم بيها غير ربي ​
 
قال hicham500:
عندهم مطالب ماشي غير الشهرية
الله يحسن عونهم لايليق بالاستاذ او المعلم ان يصل الى مرحلة الاضراب
لوكان جينا في بلاد نتاع العدالة كون راهم بقيمتهم بصح مع مسؤوليين
كيما هذو ينفع معاهم غير الاضراب لان الظروف الي راهم يعانيو منها ما يعلم بيها غير ربي ​
إضغط للتوسيع...
كلام في محله
مايحس بالجمرة غير لي عافس عليها.
علاش ماتطرحيش سؤال على نفسك -علاه نحن التلاميذ ضحية تمسخير الوزارة لي ماهيش عاطية حقوق هدا المعلم ولا الاستاذ قبل ان تكوني ضحية اضراب الاستاذ
من المفروض الوزازة هي السباقة في المحافظة على التلميذ ،باعطاء حقوق هدا الاستاذ كي لا يلجا الى الاضراب .
 

انا معاهم وان شاء الله ديما يزيدوهم شهرية

يتساهلو مخالق

ةويدي دراهم دزاير ياخي كامل يسرقو خليهم يزيدوهم شهرية استاذ ومعلم راه بلاك خوك عمك باباك الللخ ............

تحياتي لك وبرك الله فيك
​
 
توقيع بيكهام
ما خص غير الفرطاس حكان الراس..كل عام مدايرين التبهديل .قالك اضراب ...على اى اساس الشهرية؟.......معضم المعلمات عوانس عندهن الكثير
 
كيفاش عندهم حق كيما يديرو الاضراب واحنا ماعندناش الحق في الاضراب
راهم دارو اضراب لان النقود تروح غير في الترونسبور قالو لازم يديرولنا حافلات واحنا علاش مايديرولناش حافلات
 
الاساتذة ماهمش مدايرين اضراب غير علاجال الزياة مدايرينو تاني على اسباب خلاف من بينها الاموال الي تديها الدولة منهم الة قدروها ب 200 مليار في عامين :scared::scared::scared::o_o::o_o::o_o: و لهاذا عندهم حق. و التلامد فرصة مليحة ليهم بماه احفضو الدروس و احلو التمارين :sheer::sheer:
 
المطالب نتاع الاضراب ماش غير في الشهرية كاين حقوق اخرى
وزيد هاديك 2 دورو لي يعطوها للمعلم ما تكفيش حتى حق الدواء من الامراض لي تجيه من التعليم
الله يعينهم مساكن بهدلو بيهم ربي ينتقم منهم

​
 
يا اختي رانا قاع نعرفو التعليم
والمصالح الموظفين في كامل القطاعات
الاساتذة مشي همهم غير الشهرية ويزيد تاني يشهر بيها " زدنا ...... و ......."
يا اختي التعليم في المجتمع راه مهمش لكان ما تعرفيش
على عموم كاين مطالب كثيرة وهذه تقريبا من 10 سنين وهي تتعاود
رانا عارفين حق التلميذ بصح كاين حق الاستاذ
شكرا على الموضوع
 
ربي يهدي الاساتذة ويكون في عون التلاميذ ويوفقهم هذا مانقدر نقول
​
 
وعليــكم الســلام
أختي ماراهمش يطالبوو الزيادة فالشهريــة بركـ ، راهم يطالبوو بحقوقهم العاديــة والي الدولة راهي مهمشــة فيهم
أختي انا كي بابا كي ماما راهم في قطاع التعليــم ، و رنــا عايشين مليــح واش يعديوه ، المعلم في دزاير ماعندوش حتى قيمــة ، ونهــار تنفس وقال آي باقي القطاعات قالوو واش يخصوو المعلم باش يديــر اضراب
وبالنسبــة للاضراب يجي بالسلب على التلاميــذ ، راني نشوف نورمال عندنــا الغاشي كامل يقولكـ ايه غاية كون يزيدو شويــا على الاقل الدروس ينقصوو ، وتاني فرصــة للتلاميــذ يقراو للفروض والامتحانات
+ وماتنسايش بلي الاساتذة هدوو تاني عندهم ولادهم يقراو الي يجي عليــك يجي على ابنووو
+
يعطيكـ الصحــة على الطرح ، وصح مايحس بالجمرة غير الي كواتووو
​

 
هو يعني يستاهلو كل خير و يستاهلو يزيدولهم ف الشهرية

مي حاجة الاضراب الطفل ولا الطفلة كي تعود نيتو ف القراية يقدر يديباني روحو شوية مع صحابو و لا بالمراجح حتى يفوت

الله يجيب الخير وصايي​
 
توقيع الرومنسي الجاد
الاضراب مش من طرف الاساتذة فقط كذلك نتاع اولياء تلاميذ الجنوب في العطل نتاع ديسمبر و مارس راح يعطيونا سمانة وحدة برك فمن حقنا حنا تاني نطالبو بحقوقنا مش غير الاساتذة
وربي يهديهم و يكون كاين العدل
 
كانو يقولونا لي قرى قرى بكري
وهادا وين فهمتها صح
شكرا على الموضوع
 
السلام عليكم يا عضو اللمة راني معاك فيما قلت لكن لزم الوالدين يدخلوا في الموضوع
 
انا مع الاضراب وعندهم حق
نتوما دايرين في حسابكم الاضراب على جال الشهرية ومحوستوش على السبب الرئيسي وقاعدين تسبو في المعلم والاستاذ
الله يهدي
​
 
hhhhhhh ma3labalich cha nghoulek
mais ghoulouli la greve kamlat w la mazel la semaine prochaine !!!
 
قال ملكة الاحساس18:
وعليــكم الســلام
أختي ماراهمش يطالبوو الزيادة فالشهريــة بركـ ، راهم يطالبوو بحقوقهم العاديــة والي الدولة راهي مهمشــة فيهم
أختي انا كي بابا كي ماما راهم في قطاع التعليــم ، و رنــا عايشين مليــح واش يعديوه ، المعلم في دزاير ماعندوش حتى قيمــة ، ونهــار تنفس وقال آي باقي القطاعات قالوو واش يخصوو المعلم باش يديــر اضراب
وبالنسبــة للاضراب يجي بالسلب على التلاميــذ ، راني نشوف نورمال عندنــا الغاشي كامل يقولكـ ايه غاية كون يزيدو شويــا على الاقل الدروس ينقصوو ، وتاني فرصــة للتلاميــذ يقراو للفروض والامتحانات
+ وماتنسايش بلي الاساتذة هدوو تاني عندهم ولادهم يقراو الي يجي عليــك يجي على ابنووو
+
يعطيكـ الصحــة على الطرح ، وصح مايحس بالجمرة غير الي كواتووو
​
إضغط للتوسيع...
يسلم فمك خيتي رد في الصميم
​
 
العودة
Top Bottom