السلام عليكم ورحمة الله وبركاته
سررت جدا بتعليقاتكم اخوتي واخواتي واسعدتني تشجيعاتكم خاصة وان البعض اعتبرها فكرة جديدة مما جعلني اتمنى ان تطبق في حياتنا اليومية لان كل ما يقوم به الطفل ابداع _بغض النظر عن الطوايش ههههههه_
اقول هذا وانا اتأمل ابني الصغير أليس هذا من كان رضيعا لايهش ولاينش هو الان يتجول من مكان لآخر يصفق يلعب يقلد يحاول تركيب الأشياء والأكثر من ذلك يفرح كلما صفقت له , اذا يفهم معنى التشجيع وهو ابن عام واحد
فمابالك بالأكبر سنا
وتحضرني الآن قاعدة أساسية يتبعها الغرب لتعليم ابنائهم ولأنهم كبروا عليها اصبحت منهاجا يتبع مع الصغير والكبير
يجب ان تشجع ابنك دائما وابدا اما اذا أخطأ فلا تنهره ولاتنتقده مباشرة يجب ان تكون ايجابيا اولا ثم يأتي نقدك بعدها
مثال
بنتي فرغت لحليب والسكر على الأرض
بطريقتي انا نروح نعيط عليها اما نقولها ماتعرفيش او نقولها هذا وين مسحت .....
وممكن نضربها
بطريقتهم نسقسيها واش حبت تدير تقولي نشرب حليب نكون ايجابية نقولها عدتي كبيرة تعرفي ديري وحدك برافو
هنا الطفلة تدير ثقة في نفسها مانخوفها وهنا نكمل الجملة تاعي باستعمال كلمة( لكن ) ونقدم النقد مثلا
جيد راكي تعرفي بصح(لكن) شوفي الأرض كيفاه راهي
مليح كي جربتي وحدك بصح لوكان عيطتيلي نعاونك
محاولة هايلة بصح لوكان تجربي كذا وكذا
وطبعا الامثلة لاتعد ولاتحصى لان الطفل صفحة بيضاء كل يوم يتعلم الجديد فيا حبذا مشاركتنا في هذه الصفحة تكون بلا أخطاء
تقبلوا مني اسمى عبارات الشكر
وبانتظا ر مشاركات اطفالكم ومشاركاتكم بافكار ونصائح ولم لا اقتراح نشاط معين:re_gards:
