مادا ستطبخين اليوم سيدتي الجزء الخامس

[حاملـة المسك]

:scared:سفا بيا..يخي راك لباس بسومة سافا هدي مشي من عوايدك
و لا الموايد حطمت العوايد...شش تقدري تفسريها ​

ههههههههههههه
السلام عليكم رغود كيف حالكي
هدي هي ابتسام
hi ragoud how are you
الموايد خلوني نكسر الرجيم ههههههههه:re_gards:

و عليكم السلام عزيزتي إبتسام
ارجو انك عفيت من وعكتك

الموايد ديال مولات الروز يا لالة .....و فهمك كفاية
​

 

[faloussa]

مساء الخير لحبابات كامل راهم هنا :sheer::sheer:
صحا عشاكم كامل
هذا عشايا

وهادوم المادلين ليعطاتنى روز الوصفة مرسي مرسي حنونة على الوصفة الخفة والبنة هاكوم الصورة تحكي امممممممممممممممم

​

 

[حاملـة المسك]

والنار قويتيها وماحمارلكش ؟؟
ههههه لا حساب على واجب :schmoll:
جيبي نقمة وزوج تصاور ضرك نتفاهمو مليح

المعان تحرقو و هي لالا هههه
الطفلة تمشي غير بكلمة ....هات السع
موتي بحمصتك :sheer: لا نقمة لا فوتو لا مكان الاقامة بالضبط

اممممممم جاوك هايلين لمادلان فلوسة تربحي عاودي حطي المقادير​

 

[ibtesem]

فلوسة انت صح فلوسة بصحتك الطابلة مي انا دبة مع الرجيم تاع الحليب
باش نولي قطة
علاش حطيتي هدي الطابلة امممممممممممممم جعت اليوم راكم حالفين فيا اني نكسر الرجيم هههههه

 

[ibtesem]

موتي بحمصتك :sheer: لا نقمة لا فوتو لا مكان الاقامة بالضبط

مكان الاقامة وعرفناه مزال لي في بالي بالبالك اممممممممممم
راني نخمم

 

[ibtesem]

هدي احبوها اولادي اسمحولي راح نديها كامل ههههههه

 

[nada242008]

المعان تحرقو و هي لالا هههه

الطفلة تمشي غير بكلمة ....هات السع
موتي بحمصتك :sheer: لا نقمة لا فوتو لا مكان الاقامة بالضبط​

اممممممم جاوك هايلين لمادلان فلوسة تربحي عاودي حطي المقادير​

والله والو صقصي روز تقولك :sad:
ماعرف شكون يبات بسخانتو الليلة :laugh::like_1:

 

[nada242008]

فلوسةحطي تطبيقك في موضوع منفصل ومعاه الوصفة
خرجتلك فووور تستاهل التطبيق والله

 

[ام ابتسام]

مساء الخير عليكم حبيباتي كل وحدة باسمها
النات من البارح مقطوعة و التليفون ثاني كنت نظن عندي برك راكم كيفي حبيباتي ام ابتسام و كوثر الوهرانية و نرجس ان شاء الله ماتزيدش اتروح
حبيبتي ام كوثر واش راه راجلك و ميمتك ان شاء الله ايكونوا لباس
راني اندير في خبز الزيتون تيع ابتسام شهيتوني فيه وقراتان دنجال بالجاج
تحياتي ليكم كامل ام ايناس ربي يجيبلك الشفا

والله ياختي هبلونا الهاتف راه مقطوع ماصلحوهش اما النت يقطع ويرجع وهكذا قالولي كاين ضرر كبير راهوا صاير ربي يجيب الخير

الف شكر على سؤال اختي ربي يطول في عمرك

 

[رآج ـية العفو]

بصحتكم العشآ لبنآت

تقريبا نفس الحشو نتي تقولي مش مليح مي كي تجربيه يخرج بنين
انا بدلت فيه شوية بعد ماذبلت البصل طيبت صدر دجاج وقطعتو رقيق ياسر وزدتلو الكيري بزاف والفلفل اسود ومكعب ماجي وبعدها زيتون مقطع دوائر زيتوني لقيتو محشي بالفلفل الاحمر الطرشي..وبعدها رابيت فوقو شوي فرماج روجي بقالي من البارح وزدت فقست زوج بيضات باش الحشو تجي جارية شوية
ران بدلت فيها شوية مي جا هايل عجبهم قع زدت عمرتلهم الطباسا ي كانو رايحين

أنآ طعم البصل مآ نبغيهش على هذآك نتحسس من وجوده
بأي وصفة بصح عجبني تغييرك ان شآء الله قريب نجربه وكون
غير تحطيه في موضوع منفصل بآش الكل يرجع لموضوعك
مرسي حبيبتي ربي يخليك ويع ـطيك الصحة

الى اسومة
الحشو فيه بصل وفرماج كيما اللي شفتيه في المنتدى الخليجي بصح دارتلو اضافات اخرى شوفي واش كتبت
--

راني ديجا خدمت العجينة نتاع الخبز البلغاري
والحشو بعد ماطاب وخلطت جبنة كيري معاه
زدت قطعت الزيتون محشي بالفلفل الاحمر الطرشي قطعتو دوائر رقيق
وطيبت الدجاج وفتتو رقيق رقيق وفقست فوقهم زوج بيضات باش الحشو تكون جارية ورطبة ومش ناشفة
ونزيد نعسها في الطياب مليح

صحيتي حبيبيت ندووووش وسمحيلي تعبتك ربي يحفظك يالغآلية​

طيبت مرقة بيضا عادية بالدجاج و حطيت فيها حبات بطاطا صحاح و حبة طماطم

كحكمت روحها البطاطا نحيتها و قليتها دوائر و حبة الطماطم مرستها
الشفلور بعد ما غليتو قليتو شويا باش يتغير المداق ديالو
2 حبات بصل قطعتهم دي لمال و قليتهم بدون ملح و في الاخير اضفت فلفل اكحل و عصير ليمون
تجي في البلا تستفي الشفلور و البطاطا البصل و الدجاج المفتت الحميصة و الفرماج الافضل يكون القرويار
و المعدنوس
تسقيهم بمزيج بيض و حليب و ملعقة فرينة
بعد ما طيب سقيها بالمرق و عصير الليمون
......
نسقسيكم البنات البصل كنقليه ميحمارليش بورتون منديرش الملح
سييت في المقلة في الكسرونة النتائج 0 أين الخلل..؟

حنين عشاك أمممممم و الفطور روعة بصحتكم
و عليكم السلام راجية
تسلم إيد الوالدة عشقي جاها هايل و القليان جا سواسوا
كل الدعوات لك حبيبتي فوفة...ربي يسهلك الامور
خرجلك هايل القاطو ندودة
وش تناقشي روز راك ميتة بالتعب
ألله ألله على ديك الطابلة...ربي يسترك

( وش لبستي ..؟
​

يآ مرآآحب رغووودة وآش رآكي حبيبة ؟​

 

[رآج ـية العفو]

فلوووسة بصحتكم العشآ ويع ـطيك الصحة المآدلين جآك هآيل​

 

[حاملـة المسك]

موتي بحمصتك :sheer: لا نقمة لا فوتو لا مكان الاقامة بالضبط

مكان الاقامة وعرفناه مزال لي في بالي بالبالك اممممممممممم
راني نخمم

قلت بالضبط ...ركزي مليح :santa_1:​

والله والو صقصي روز تقولك :sad:
ماعرف شكون يبات بسخانتو الليلة :laugh::like_1:

:scared:روز ارواحي تسمعي راهي تـgـامر فيا :schmoll:
راني صورت طلبك لي النقمة و الصور دك نبعتها للاداراة
نشوفو شكون يبات بسخانتو :tongue_1::ax_flw:

و يا هاهاي لـلو للو....و الليلة هبال هبال :shiny:

فعلا يستاهل التطبيق شجعتني نعملو​

 

[faloussa]

اههههههههههه بسومة والله غير ضحكتينى صح والله رانى ناكل مي مابانش عليا :sheer:
وبصحتك المادلين انت والاولاد
وهذا رابط الوصفة

https://www.4algeria.com/vb/showthread.php?t=313335

 

[رآج ـية العفو]

لبنآت نخليكم درك​

تصبحوا على خير وأحلآم سعيدة ​

 

[ibtesem]

خلاص دخلت وعملت رد
.............

نانوس متفهمناش على هدا الرديم لهربك علينا
وين اختفيتي اليوم خليتي بلاصتك وكنت نستنى في ردودك
واع واع راني طلي قبل ماترقدي بليز بليز

 

[ام ايناس]

فلوووووسة يعطيك الصحة على العشا والمادلان جاك هايل بصحتكم
تصبحي بخير اسومة وسلااااااااامي للجميع

 

[روز]

ياالجزائر الغالية كتبتلك الوصفة نتاع القاطو رحت للكوزينة وجيت ومافقتش نحيت الصفحة بلاما نرجع نشوفها

غدوة نعاود نكتبهملك ان شاءلله
رغودة راكي دايرة حالة هههه

 

[NaNouS]

خلاص دخلت وعملت رد
.............

نانوس متفهمناش على هدا الرديم لهربك علينا
وين اختفيتي اليوم خليتي بلاصتك وكنت نستنى في ردودك
واع واع راني طلي قبل ماترقدي بليز بليز

اه يا بسومة النهار الاول تاعي تاع الريجييم قلت لروز اختي روز شجعيني
ايا مالا دارتلي احلى استقبال لاول يووم والله كي شفت هديك الطابلة كرشي بدات تغني وحدها
ما عرفتو الشاب حسني ولا ام كلتوم
واش نقلك يا روز يعطييك الصحة ميل فوا طابلة وعليها الكلام كون جيت في بلاصتك ماشي نكسر الريجيم ندقدقو هههه

 

[imane27]

صح عشاكم
امممممممممممم كنت برا وكي دخلت قابلني الخير
روز يعطيك الصحة عرضة وعليها لكلام كلش هايل
فلوسة عشاك يشهي ومدلان تحفة
واحلى سلام للكل دون استثناء

 

[amina 19]

السلام عليك اختى انا مشكلتى نفس مشكلتك و متغربة كيفك تانى فاذا ممكن نتراسل و نتعرف اكثر الى الاخت عشقى الامارات