بوراك بالدجاج و البيشاميل

[زهرة تشرين]

السلام عليكم و رحمة الله تعالى و بركاته

اليوم جبتلكم حشوة جديدة و بنيييييينة للبوراك انا عجبتني احسن من اللحم المرحي

اليكم التفاصيل

المقادير :

صدر دجاج كامل
بصلة صغيرة
زيت ملح فلفل اسود
اوراق الديول

للبيشاميل :

3 ملاعق زبدة و 3 ملاعق فرينة و كاس و نص حليب ملح و فلفل اسود

الكيفية :

في طنجرة درت 4 ملاعق زيت و قطعت البصلة رقيق و شوحتها في الزيت ثم اضفت الدجاج و التوابل
و خليتها تحمرت شوية و من بعد اضفت مقدار كاس و نص ماء و غطيتها و خليت الدجاج يستوي
من جهة أخرى حضرت البشاميل بوضع الزبدة ذائبة مع الفرينة في كاسرونة فوق النار و بقيت نحرك فيها شوية حتى اكتسبت الفرينة لون ذهبي اضفت الحليب و بقيت نحرك حتى جمد الخليط اضفت القليل من الملح و الفلفل الأسود
في هذه الأثناء كان الدجاج تاعي طاب و نشفت المرقة فتتو صغير و اضفت عليه البيشاميل و خلطتهم و من بعد جبت أوراق الديول و حشيتهم بالخلطة و قليتهم

و هذه هي النتيجة النهائية

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

و بصحتكم


وجزاها الله الف خير صاحبة الوصفة

 

[حكيك]

مشكورة على الوصفة

 

[AmOuNa93]

الله يسلم ايدك و يعطيك الف صحة
صراحة بنينة و تشهي
تقبلي مروري البسيط​

 

[cherine]

بارك الله فيك عالوصفة​

 

[souhila24]

ممممممممممممممممممممممممممم
شكرا على الوصفة

 

[نور الهدايات]

يعطيك الصحة على الوصفة الي تبان بنينة تقبلي مروري

 

[hamid_reguieg]

مشكووووووووووووووور على المواضييييييييييييييييييييييييع

 

[طيف الامل]

شكرا على الوصفة

 

[زهرة الجنوب9]

يعطيك الصحة