عاداتنا فى العيد الاضحى

[ام ابتسام]

مووضوع رائع اختي
احنا في صبحة العيد نديرو الفاد المتكون من الكبدة والرية القلب وفي العشا نديرو بوزلوف في الفرن
واليوم التاني نديرو الكسكسي بالكتف والعشا نديرو شوا على الفحم
واليوم التالت الغدا نقلو الكوتلات و العشا ندير طاجين الشوا يعني لحم في الفرن
وصحة عيدكم مسبقا


نفس عادات اختي ننوس وصح عيدكم كامل ربي يتقبل منا

فكرة رائعة اختي راجية هكذا نعرفوا كل عادات بعضانا

 

[cherine]

احنا من عاداتنا ناس مستغانم

نديرو مسمنة مع الصباح ونوع ولا زوج قاطو الكعك مع القهوة
ومين يجو صحاب الصلاة يلقاو الدار مسيقة والدراري نايضين ولابسين جديد ومتصورين مع الكبش :shiny:

ودايرين البخور فالدار :shay: يتقهواو ونكونوا حنا وجدنا الخداما والما والبواسين والما

ممبعد ندبحو , انا و اختي الكبيرة فالكوزينة وميمتي حبيبتي والباقي فالحوش يغسلو الدوارات ويشوطو البوزلااالليف

المهم احنا نقلو القلب مع الطيحال و الكلاوي وشوية مالكبدة بلاصوص والبصل يجي يم يم بنين
ونقلو المخ ونديرو الملفوف مع لتاي

وفالفطوور نديرو الدوارة ( وحدة نطيبوها والزاوجة نديروها عصبان نوجدووها ونديروها فالكونجيلاتور للبركوكس نلقاوها واجدة ) والسلاطة والبصل مقطع تروونش لاااااازم فالطابلة مع كوكا وبيبسي

وفالعشا نديرو البوزلوف مع سلاطة والبصل والمشروبات الغازية باش تقلع التخمة كيم يقولو


والنهار الزاوج نقطعو اللحم الصباح ونقلو وكاين لي ميمتي حبيبتي تديره يتحمر شرايح صغار فالطاجين
وفالعشا نديرو المحمر ونقسموو الباقي


هكا نفوتو عيدنا الحمدلله كل عام مي السنة مانيش مع دارنا راني هنا وحدي عيدي ناقص بالبزاف :sadwalk:
مي الحمد لله على كل حال

صح عيكم قاع ويارب تعيدو وتعاودو بالصحة والهنا والفرحة الدايمة
آمين يارب العالمين

مشكورة عالموضوع حنونتي​

 

[l'algeroise]

يعطيك الصحة ختي على الموضوع
حنا اليوم الأول نقليو الكبدة و الرية و القلب مع شوي فريت و سلاطة
لعشية بوزلوف
اليوم الثاني فالغدا طعام (بربوشة)
لعشية نقليو لي كوتلات​

 

[rــآآآج ــــ الاميـرهـ ــo]

السلام عليكم مشكوورة اختي عالموضوع الرائع
المهم حنا نهار الاول نديرو الكمونية ولا كيما يسموها الفاد وفي العشاء نشوو اللحم واكيد مع السلاطة والمشروبات
وفي اليوم الثاني يكون في بيت جدي مع خالاتي وخوالي واولادهم ونديرو كسرة وتشيشة باللحم وفي العشاء البربوشة باللحم مع المشوي والسلطة والمشروبات
وصح عيدكم مسبقا وتاكلو كباشكم بالصحة والهنا

​