الحياة بلا ام

[هاوية المطر]

السلام عليكم
انا قصتي حقيقية
ماما ماتت مين كان عندي 4 سنين
ماتت قدام عيني
المهم
مرت بابا راهي غير كيما شافتني في المنام
شافت بلي كنت ف السبيطار و حدا راسي 4مصاصات تاع دراري
هيا راهي باغيا بابا يحبسني القرايا
paecequeانا جيت لباك2011 و راني فالجامعة نقرا بيولوجياو تاني راني نعاود فالباك
تنرجاكم فسرولي هذا المنام
يبانلي اضغاث احلام
و قولولي كي ندير مع هاذ المراة
كيما درت ما سلكت من لسانها
و هي تغير مني تقول بنت صغيرة
malgré راني لاهية غي بقرايتي
j'attends vos réponses

 

[ياسمين عنابة]

السلام عليكم
ربي يهديها ومنامها اضغاث احلام
فلاتهتمي بها وتجاهليها وكلامها
اما والدك فحاولي تحسين علاقتك به
وكسب ثقته
واذا حدث منها تأثير سيء عليه اطلبي من لعض الاهل التدخل والتوسط
اختي
الله يبارك يظهر عليك التفوق فواصلي ولاتستسلمي
ربي يعينك

 

[إنسانة ما]

وعليكِ السلام ورحمة الله
أهلا بيك أختي
أولا ربي والدتك ويجعل مثواها الجنة ويجمعك بيها في الفردوس الآعلى آمين
ثانيا بالنسبة للمنام لا تهتمي أختي، وياريت لو تطلعي على هاذ المشاركة فيها تفصيل حول المنام: #11
أما بالنسبة لزوجك والدك، الله يهديها ويصلح الأحوال بينكم، أنتِ اهتمي بدراستكِ وطيعي والدكِ وهي ثاني، ما تعامليهاش بالسوء مثلما هي تعاملك، حاولي أن تحسني إليها قدر المستطاع
وابعدي على أي شيء ممكن يثير المشاكل بينك وبينها على الأقل من أجل والدك
ومثلما تفضلت الأخت ياسمين وقالت ابحثي عن وساطة من أهلك يكلموها أو يكلمو والدك بخصوص معاملتها لك
وما تغفليش على الدعاء، ادعي رب العالمين في أي وقت وحاولي تلتمسي ساعات الإستجابة
وربي يكون في عونك وييسرلك سُبل الخير

​

 

[مرام التيبازية]

سلام اختي ربي ينجحك انشاء الله وتاني ربي يهدي زوجة باباك وحاولي كيفاه تتقربي ليها وترجع تحبك باذن الله وتاني لازم تزيد تتقربي لباباك اكثر واكثر.
ربي يخليك ويحفظك خيتو سلام.

 

[عليلو 24]

وعليكم السلام
ربي يوفقك​

 

[دروب الرحمة]

ياختي حاجه تفسير الاحلام الله أعلم منعرفش
اما قضية قرايتك متخليهاش تبطلهالك
احكي مع باباك وفهميه غير بلعقل بللي تحبي قرايتك وحابه تكمليها
واذا استلزم الأمر وخشنت راسها وباباك قرر يحبسك
شوفي واحد من الأهل ام باباك ولا واحد ياخد بكلامو وقولو يحكي معاه
ونتي تهلاي فقرايتك
ربي يجيبلك اللي فيها الخير​

 

[tayeb1960]

السلام عليكم
ربي يهديها ومنامها اضغاث احلام
فلاتهتمي بها وتجاهليها وكلامها
اما والدك فحاولي تحسين علاقتك به
وكسب ثقته
واذا حدث منها تأثير سيء عليه اطلبي من لعض الاهل التدخل والتوسط
اختي
الله يبارك يظهر عليك التفوق فواصلي ولاتستسلمي
ربي يعينك

انا راني مع ياسمين

 

[hiba14]

ربي يرحم ميمتك و يوسع عليها و تدزعيش اعقلها و توكل ربي في ه الخير

 

[اسماء16]

مجرد منام اختي وانت مزالك صغيرة وبلاك تفرطي في قرايتك
اكسبي باباك هكدا باه ما يسمعلهاش
وخليك منها هي عندها غاية حابة توصل ليها انت متخليلهاش الفرصة باه تلهيك عن قرايتك
وكل بيد لله سبحانه مرة خرى كي تقولك شفت منام والا اي شيء قوليلها الي يجيبها ربي هديك هي
ووفقك لله في دراستك
​