موائــــد العــرضات والضيــافات **لبنات اللمة **

[عفاف الجزائرية]

اهلا ومرحبا ببنات اللمة
ان شالله تكونو بخيييير واموركم كامل لاباس
شفت الاخت امنياتي حكات على موضوع الضياف والعرضات
واحنا بصفتنا كل واحدة في مكان ومن مكان
على هذا ديما كاين اختلاف في التقديم وفي الطبخات وفي الطرق والتزيين
وهنا ان شالله رح نفيدو ونستفيدو من بعض
هذا الموضوع رح يكون نتاع عزومات وضيافات وطرق التقديم واطباق اللي نقدموهم لضيافنا وفقط

كاش طبخات جديدة تصلح للعرضات
كاش حلويات جديدة
طرق تزيين الموائد والاطباق والسينيات

كل هذا رح نتعرفو عليه هنا مع بعضنا
نتمنى انن نستفادو من بعض
ورح نفتتح الموضوع بضيافة خفيفة ليوم
خواتاتي ونسيبتنا وحبيبتي
وهاذي سينية القهوة نتاع العشية

نتمنى انها تعجبكم

ان شالله يكون كاين تفاعل في الموضوع
الموضوع برعاية
oumniati
والعنوان برعاية


nada242008

والطرح برعاية

عفاف الجزائرية​

جميع حقوق الحفظ محفوظة للمة وبنااااااااااات اللمة
​

 

[nada242008]

البسبوسة جاتك هايلة و طريقة التقديم بسيطة ومنظمة
يعطيك الصحة عفوف .. ان شاء الله يلقى التفاعل بين العضوات .. ربي يكثر الضياف برك هههه
تسلم الايادي وبصحتكم القهوة:sheer: نيت نقلك العنوان برعاية نجمة i-o:

 

[nada242008]

جبتلكم مائدة الاخت روز للعرضة اللي دارتها

هاهي الصور يا ام ندوش كما طلبتي
وللمهتمين

مع القازوز والعصير درت الخبز البلغاري محشي بالكيري والدجاج والزيتون ..

ومع لاتآي درت لابات فايتي محشية بالقشطة وعسلتها وفوقها رشة بيستاش

ومكسرات

ومع القهوة لاكيش والكرافات ولعروبيات

والكرفات

والعروبيات

والطاولة تمنيتكم تكونو مجمولين عندي

​

 

[عفاف الجزائرية]

حالياً الأعضاء النشيطين الذين يشاهدون هذا الموضوع : 6(2 عضو و 4 ضيف) ‏عفاف الجزائرية, ‏nada242008+

ديجا بداو يحيو الضياف ازربي يا ام ندوش حطي السينية

 

[ŚσÚмĨÁ.Ďz]

ربي يخليك الموضوع هآيل

 

[ام ايناس]

موضوع هايل عفاف وام نياتي وندوش ربي يخليكم انشا الله اول عرضة ليا راني نحط الصور

 

[imane27]

موضوع جميل انشاء الله برك يكونو عندي ضياف انا هنا قلال ضياف عندي

 

[رآج ـية العفو]

الله يبآرك وربي يع ـطيكم الصحة موضوع هآآآيل
وفيه إفآدة كبيرة ربي يحظكم يالغآليآت على المجهود
أكيد الموضوع رح يكون ملفت للنظر للجميع
بآرك الله فيكم وفي صآحبة الفكرة ربي يقويكم​

 

[secret de coeur]

وعليكم السلام
موضوع رآقي ... وحصري حصري لبنات اللمة الفحلات
يعيطكم الصحة رآني نتبع فيكم ومنكم نتعلمو
خآطيني كوزينة i-o:

​

 

[كوثر الوهرانية]

الف شكر لصاحبة الفكرو و العنوان و الطر
مبغيتش ندخل بيديا فارغين جبتلكم هي الصينية البسيطة كنت مصورتها من قبل
ان شاء اله تنال اعجابكم

 

[ام منصف]

فكرة هايلة
يا بنات اللمة
ماشاء الله عليك
ان شاء الله اول عرضة تجيني نصورلكم المائدة
​

 

[ألاء الرحمـــن]

مشاء الله على الفكرة عجبتني بزاف
مشكورة على السينية والعرضة مع أنها جات فالليل لازم أتاي للسهرة
ان شاء الله راح تكوني لي مشاكرة فالعرضة من بيتي
بالتوفيق





​

 

[عفاف الجزائرية]

الحمد لله انها افكرة راقت اعجابكم
ان شالله يكون فيها تفاعل
ةمع بنات اللمة اكيد دايما كاين الجديد
​

 

[faloussa]

سلام والله فكرة رائعة وان شاء الله يكونو عندنا الضياف كيما قالت ايمان احنا هنا في الغربة نشتاقو باش يجينا ضيف :heh:

 

[ibtesem]

نشكر صاحبة الفكرة وشكر التاني الى من طرح الفكرة وتبناها
ان شاء الله تكون فيه استجابة من الاخوات
انا قليل ما يجيني ضياف
كاش نهار نعمل لكم عرضة هههههههه:sheer::sheer:

 

[روز]

يعطيكم الصحةعلى هذ الموضوع ان شاءلله كل وحدة تعطينا طريقتها في تزيين الموائد وطاقم القهوة والشاي والكؤووس
عندي طريقة مش عارفة اذا تعرفوها لتزيين كؤوس القازوز نفيدكم بها غدا ان شاءلله

 

[ibtesem]

4 (2 عضو و 2 ضيف) ‏ibtesem, ‏nada242008
شكون الضيفتان هههههههههه:sheer:

 

[nada242008]

4 (2 عضو و 2 ضيف) ‏ibtesem, ‏nada242008
شكون الضيفتان هههههههههه:sheer:

الضيفتان هما ريا وسكينة
--
ابتسام اعرضي ايمان وصوريلنا المائدة والعكس صحيح
وفلوسة اعرضي نانوس ههههه درتلكم خدمة
--
كوثر سينية التاي مع المسمنات امممممم
--
انا اصبروا منا لنفاسي كشما يجوني الضياف
اغلبية الضياف اللي يجيوني صحاب زوجي وما نقدرش نصور السينية على بعضها

 

[oumniati]

السلام عليكم ورحمة الله وبركاته

الله الله ماشاء الله ربي يجعلنا صحاب ضياف وصحاب واجب وكرم وجود :sheer::sheer:
يجعلها ديمة عامرة عفاف وروز وكوثر:shiny:
انا هاذ اليومين نعرض راجلي واولادي:schmoll: ونصورلكم ههههههه
يعطيك الصحة عفاف وام ندى يعني نديرو قهوة برك ولا ماكلة ثاني هنا?

 

[عفاف الجزائرية]

اختي امنيتي نديرو كل واش نقدمو لضيافنا
من سينية الافتتاح الى سينية الاختتام
يعني كي يجيو الضياف حطي الصوارة قدامك وهني روحك
​