ماذا ستطبخين اليوم سيدتي الجزء الســـ6ــادس

[رآج ـية العفو]

ههههه لآ يآ روز رآكي نتي المتورطة شوفي سمك
في الأسفل خخخخ زعمآ معلآبآلكش​

 

[NaNouS]

يانانوس نحتي الصورة معرفتكش
راكي تشوفي وقيلو هي المتورطة الجاية
اوكي ليك المهمة

يا روز :sheer::sheer:

:sheer::sheer: آآليي رووزيتا آآليي :sheer::sheer:​

 

[ibtesem]

لاختي الجزائر الغالية الحلوة لي طلبتها حلوة لابيش

حلوة لابيش هادي تحبي تخدميها بلابات داموند يعني عجينة اللوز ولا بالعجينة العادية انا درتها بعجينة عادية بسكو ماتتباعش هنا
العجينة فيها
3كيلات فرينة بكيلة دهان وتلميها بالماء الزهر وتعملي اللون لي عجبك انا درت الكاكاو نوعية مليحة 2ملاعق خلاتلي العجينة بذاك اللون
الحشو في: 3
كيلات لوز مطحون بكيلة سكر قلاصي وتلميها بالبيض
"ماتكثريش البيض ديري بالوحدة بالوحدة خلطي مليح وشوفي تولي كي العجينة في يدك "
بعدها تحلي العجينة رقيقة ياسر تعملي حربوش متوسط وتحطيه فوق العجينة تلويها مرة وزوج وتقطعي بذاك الطول لي كما في الصورة
بعدها تحلي عجينة اخرى وحدها وتحطيها في المشينة نتاع البقلاوة حنا تفوتيها في نتاع الشربة يعني لي تقطعهالك كي الشربة
بعدها تدهني الحربوش هاداك ببياض البيض بالبانس
وتحطي هاديك لي فوتيها في مشينة البقلاوة فوق الحربوش باش تلصق
ماتنسايش تخلي شوية عجينة بيضاء باش تصنعي بيها الوردات البيض
وديري فوقها حبة لوز او جوز حسب الذوق
وبعد ما اطيب عسليها

راهي ساهلة ان شاءلله تنجحلك

عجبتني مفهمتش المرحلة الاخيرة تقصدي تقطعيهم كي تاع الرشتة وتلصقيهم :sadwalk:

 

[رآج ـية العفو]

توحشنآ العفوفآت3 وينهـم​

 

[ibtesem]

روز فهميني فيه باش نعملها في العيد ان شاء الله

 

[روز]

الحلوة الرابعة العروبيات

العجينة تشبه لنتاع الدزيريات فيها

كلغ فرينة و125غ زبدة ولا مارغارين
قرصة ملح وتلميها بالماء الزهر وديري اللون لي حبيتيه بالكولوغون واعجنيها مليح وخليها ترتاح

لما ترتاح مليييح حليها وقطعيها مثلثات انا قصيت بالورق المقوى كبرالمثلث لي حاباتو
بسكو عندي مول مي صغير ياسر
وتاني باش يجوني على حبة وحدة

ووليت نحل و نطبع ونقطع بالجرارة

الحشو فيها

3كيلات لوز بكيلة سكر عادي
وافاني وليمون مرابي
والبيض حتى تتشكل عجينة في ايدك
اعملي منها دوائر متوسطين

وجيبي المثلث لي قصيتيه بالجرارة وحطي كربيعة نتاع اللوز في الوسط
واغلقي عليها كما في الصور
حطي بالعجينة البيضاء لي خليتيها مسبقا وديري منها وريدات حطيهم في الوسط
وثبتيهم بحبة لوز وبالنقاش فوتي عليهم في الحواشي كما في الصورة
باش تزيدي تتحفيهم وديريهم يطيبو
ولما يطيبو عسليهم وديري فوقهم البريون
اي سؤال راني في الخدمة

 

[ŚσÚмĨÁ.Ďz]

مساء الخير
كيراكم واش راه العشا اليوم
احنا دايريين الحوت ولابيري
كاش قواطوا جديدةة؟؟
ختكم اسمهان
​

 

[روز]

عجبتني مفهمتش المرحلة الاخيرة تقصدي تقطعيهم كي تاع الرشتة وتلصقيهم :sadwalk:

ايه كي نتاع الرشتة فوتيهم في الرقيق
حنا نقولوها نتاع الشربة :shiny:
بسكو يلزم يفوتو في الرقيق
وش مافهمتيش؟

 

[رآج ـية العفو]

عندي زوج بالشيكولآ يلآ تحبي الوصفآت
وآحد منهم رآيحة نديرو في هآذ العيد ​

 

[تسنيم الهناء]

روز قاطواتك يشهيو كور و ديكور هههه
بسوم انا من الشرق ''خنشلة'' تحديدا راني شاوية حرة:shay:

و هذا غدانا او بالاحرى غدايا طاجين الحلو سخفت عليه مووووت

:sheer: خليتلكم لهنا :sheer:
​

 

[nada242008]

مممممم على اطباق اليوم
كوثر المدربل يشهي صوريه وحطيه في كادر امممم
روز بصحتك السمان لونو يشهي وطريقة التقديم روعة
نانوسة بصحتك الشخشوخة تبان بنينة
رغودة راكي قايمة بالقهوة بصحتك المقروظ
ام انوسة ربي يشفيك انا ثاني هلكتني لاقريب:sad:
طيبت حوت وروز بصوص حمرا بالزيتون والسردين المعلب
وعاودت لي مادلان

 

[رآج ـية العفو]

ممممممممم تسنيمو الله يبآرك أنآ ندي الطبسي
تآع لي شوصون برك هههه بصحتكم حبيبة​

 

[رآج ـية العفو]

أم ندوووووش يآ مرآآآحب
بصحتك العشـآ الغآلية ​

 

[ŚσÚмĨÁ.Ďz]

تنسيم الهنا اممم شهينى بطاجين الحلو
بصحتك
​

 

[ŚσÚмĨÁ.Ďz]

رآج ـية العفو كيراكي ياخي اسماء ولا غالطة ؟؟
​

 

[رآج ـية العفو]

لآبآس الحمدلله ايه هي نفسهآ خخخ​

 

[ibtesem]

امممممممممممممم ياتسنيم الله ابارك عليك وخيار الناس ناس خنشلة لينا فيهم معاشرة الى الان
.........................
اهلا اهلا يالوردة واش هدا الغياب
بصحتك الحوتة راها امممممم يم يم يم
المدلان مخلاش

 

[ibtesem]

يالبنات المتورطة في الغد روز روز

 

[nada242008]

تسنيم بصحتك طاجين الحلو شكلو امممممم والشوصون روعة
اسومة الله يسلمك اختي .. نفرحكي نشوفك مكونكتيا معانا
بسوم النور نورك يا بسمة المنتدى .. ربي يفرحك دنيا واخرة ان شاء الله

 

[تسنيم الهناء]

ام ندوش بصحتك الروز يهبل و الحمد لله بالحوت برك ما قهرتينيش اليوم بعشقي موش الامارات الكروفات ههههههه
راجية العفو ارواحي نمدلك لي شوصون الطاجين الحلو ما نسلمش فيه عندي سمانة و انا بسخانتو غير اليوم بردت قلبي
و الله يسلمك كبرياءك رواية
بسوم مرحبا ارواحي نديك لحمام الصالحين تتمتعي فيها بتحميمة و نديك ثاني لشلية تظربي الشوا لحم لخروف لثم يهبببببببببببل اذهب يا شر
​