ماذا ستطبخين اليوم سيدتي الجزء الســـ6ــادس

[nada242008]

شرين بصحتك الحوتة جاتك هايلة
امممممم الروز هايل والبطوط قالهم اسكتوااااااا بصحتك

 

[عفاف الجزائرية]

حاضر امنياتي راه في مواضيعي
عفوفة هههههههههههههه من روز الى بسوم والله عادي خليها رانا هنا واحد هههههههههه

:scared::scared::scared:
لقطتيها وهي طايرة
يا ستار ه ههههههه طيارة
كنت فاتحة بروفيلها ورح نكتبلها في رسالة
وحتى هي غلطت وكتبتلها بسوم هههههه
وليت لمزية فقت :showoff:
​

 

[ibtesem]

الى امنياتي تفضلي ​

المقادير
السميد
طماطم حب وملعقة طماطم علب
فلفل اخضر حار
ربطة دبشة
ثوم
قارس مقشر ومقطع
راس الحانوت الفلفل احمر
ملح
ماء دافي
تحضير
نعجن السميد بالماء فقط ونضع نطبخ الكسرة
ونحضر الخليط المتكون من الجميع المكونات
بالماء الدافي

هدي الصور توضح اكثر

هنا لازم تفتي الكسرة هي سخونة باش تتفتت في الخف

ملاحضة

نوال هدي الكسرة دريها شوية خشينة تخلطي مليح مابين صباعك باش الكسرة تتحل ويدخل فيها لاصوص
اما ادا رايحا تعمليها في المهراس رقي الكسرة شوية تكون اخشن من تاع الرقاق او لفتات كيما تقولو
حطي كل شئ في المهراس تهرسي ثوم هو الاول من بعد الفلفل من بعد الطماطم تقطعي الحشيش والقارس في الاخير تكوني فتاتي الكسرة وهرسي مليح هنا تبداي تضيفي الماء الدافي وهرسي
بشوية الى ان تتحصلي عليها مثل في الصورة
ان شاء الله تعجبك
الفلفل انت واش تتحملي لحرارة ههههههه

​

 

[oumniati]

يحضرلك الخير بسوم يكثر خيرك
عندك 2mجات شميشة

 

[oumniati]

راهي تدير un dessertبune genoise

 

[حاملـة المسك]

صحيتو يا البنات
تعجبيني بسومة تفهميها و هي طايرة
ألله أالله على داك الصحن الاخضر ...هاااااااايل

اليوم العشا طاجين الزيتون بكويرات اللحم مايونيز كما ديال كوتر بالمعدنوس فريت سلطة مشكلة
قلت زعما نديرخبز صبت راح الحال لازمني نبدا من الظهر كما شي ناس بداو غداهم من لفجار و قالو بدينا روتار :busted_red:​

 

[NaNouS]

شيرين بصحتكم الروطي
------------
بسومة بصحتك الروز والكروفات وبصحتك البطوط
بسومتي البيبسي والكوكا راهم جايين في الطريق
-----------------
رغوود بصحتك طاجين الزيتون ​

 

[NaNouS]

هدا عشايا اتفضلو البنات
راجلي محبش يستناني نصور ههههه
بسومة هاو ليك البيبسي والكوكا والطابلة كما راهي هههههه

 

[كوثر الوهرانية]

هاااااااايل لبنات راكم الله يبارك شطارة مع السجاوة
الحوتة تسخف شرينو الروز مع الكروفات و البطوط بسومتي مخليتيش فيا والوا
رغودة بصحتك الزيتون المايوناز امممم
نانوس بعتيلي همبرغر نا اختك و معاها كنات تاع كوكا نتي اختي هههههههههه بصحتكم
اليوم العشاء ليهم بيري و مرقاز بصوص طومات

 

[imane27]

صح عشاكم مزالني نخمم على لعشاء

 

[NaNouS]

ام كوثر وانا لمن حطيتها راهي تحسابك هههه​

 

[روز]

امممممم نانوس هامبرقر وعليه الكلام يهبل يعطيك الصحة
ماتقوليليش برك كليتي ههه
ابتسام عجبتني الوصفة نجربها كاش مرة
لعقوبة لوصفة الشخشوخة ):

 

[كوثر الوهرانية]

ام كوثر وانا لمن حطيتها راهي تحسابك هههه​

ربي يخليك احتي نانوس راح ناكلها و برد قبي بيها هههههههههههههه

 

[كوثر الوهرانية]

امممممم نانوس هامبرقر وعليه الكلام يهبل يعطيك الصحة
ماتقوليليش برك كليتي ههه
ابتسام عجبتني الوصفة نجربها كاش مرة
لعقوبة لوصفة الشخشوخة ):

روز متقوليليش وصفة الشخشوخة مزال موصلاتك ياااااه بسومتي راكي فرطتي في رزيتا ها حشمي و اعطيها الوصفة :scared:

 

[رآج ـية العفو]

السلـآم عليكم ورحمة الله
مرآآآآحب يسعد مسـآئكم يالغآليآت
وآش رآكم؟؟ الله يبآرك عليكم كآآآمل بصحتكم الغدآ وعشآوآتكم
يع ـطيكم الصحة أنآ اليوم الضو من الصبآح مكآنش بسبآب النو
دآرت حآلة ورحت لتيآرت شريت كسوة العيد :shiny:
ودخلت حتى المغرب قعدت نعآون في مآمآ في العشآ
وهذآ وين خرجت من الكوزينة عشآنآ كآن لوبيآ خضرآ وفريت
وسلآطة وجآج محمر وفلآن وعنب ولي مونآد

اسومة على سلامة لاخ العزيز انشاء الله راه بخير

الله يسلمك حبيبتي جآ بخير الحمدلله

مآ تزعفيش روحك الكميرآ تتعوش بإذن الله
وبلآكي تبيعي خآتمك على جآل كآم والله تحتآجيهآ
معليش الكآم ربي يخلف​

 

[روز]

روز متقوليليش وصفة الشخشوخة مزال موصلاتك ياااااه بسومتي راكي فرطتي في رزيتا ها حشمي و اعطيها الوصفة :scared:

وش نقول ووش نعيد ياكوثر اختي :sad:
نشفتلي ريقي على الوصفة :du_nno:
بطلت مانخدمهاش نخدم نتاعنا نتاع الاغواط :glare:
بطلنااااااااااا:schmoll:

 

[كوثر الوهرانية]

اسومة الحمد الله الي وصل خوك بخير سلامي ليهم و بصحتكم العشاء تاع اليوم و بصحتكالقش العيد انا اليوم شريت بلغة شابة :shiny:خرجوا جدد بصح الله غالب مقدرتش نصورها باش تشوفوها اهىء اهىء:schmoll:
روزيتا غير اصبري درك تجيك بسومة بالوصفة
راهي غابت علينا بلاكش راهي تطيب فيها و تحطهالك بالمراحل المصورة غير اصبري:sadwalk:

 

[رآج ـية العفو]

لبنآت نخليكم على خير
في لمآن وغدوآ بإذن الله​

 

[رآج ـية العفو]

اسومة الحمد الله الي وصل خوك بخير سلامي ليهم و بصحتكم العشاء اع اليوم و بصحتك قش العيد انا اليوم شريت بلغة شابة خرجوا جدد بصح ال غالب مقدرتش نصورها باش تشوفوها اهىء اهىء
روزيتا غير اصبري درك تجيك بسومة بالوصفة
راهي غابت علينا بلاكش راهي تطيب فيها و تحطهالك بالمراحل المصورة غير اصبري

يسلمك حبيبتي يبلغ وبصحتكم العشآ نتومآ ثآني
بصحتك البلغة نشوفهآ في المآسن وريهآلي غدوآ
أنآ ثآني شريت وحدة اليوم مع البيجآمة :shiny:
​

 

[NaNouS]

روزيتا كيما قالتها ام كوثر بردت قلبي هههههه
كليت واحدة برك محسوبكشما خليت قداه يطلع فها كلوري ههههه​