ماذا ستطبخين اليوم سيدتي الجزء الســـ6ــادس

[oumsif]

صباح الخير امنيتي واش راكي

 

[كوثر الوهرانية]

بسومة بصحت راجلي ببيض العرب انا منبغيهش
سمورة امنيتي نانوس عفاف و هاجر و كل لبنا لي حاضرين حياتي ليكم
ندوشة مبانتش زرو من نهار الشخشوخة مشفنهاش رغودة نعرت وين راحت و خلي وخلي
ويييييين راكم يا بنات اللمة

 

[oumsif]

الله يسلمك ام كوثر كيف راكي وكيف راه زوجك و امك نتمنئ يكونوا بخير انشاء الله البيض لعرب راهو مليح مديه لجوزك ياكلوا واعطيه ايضا المغلوت (كسكسي الشعير)

 

[imane27]

سلام لبنات واش راكم
نانوس درتي حالة بلعياط نتي وبنتكي سركوزي نوضني راه جايك كبش العيد ونتي تهدري على رجيم خلي يفوت ونتلقاو فة غرفة رجيم
صح فطوركم واش فطرتو
عفاف الله يعاونك راكي فرحانة بخوك الله يخليهلكم فكرتني فدارنا كى يعرفو راني جاية منحكلكش كيفاش يولو يخدمو قاع واش نحب
كوثر بصحتك بيض لعرب
لبارح عشايا رجيم كنترا فى نانوس لى حطت 2 همبورقر و3يام فريت وتقول 3كيلو منين جاو

 

[ibtesem]

الله يسلمك حبيبتى بسومة والله ياختي خلي برك عدت فنينا مع عندي القلقة قاتلتني لظروف ونسكن في بيت واحدة كي يدخل زوجي وابني مانقدرش كوناكتي يحكموا ولدي وانتاعي فسدلو الويفي
دارنا يسكنوا في لسبرانسl'esperanceو داري في القبية و في فرنسا نسكن في نانتيرnanterre هدوك الديار انتاع بوعباز يهبلوا كي جيت لفرنسا خليتهم فضوهم

نعرفها هدي البلاصة عندي حبيبتي ساكنة تما كنت روحلها

 

[ibtesem]

صباح الخير ايمان
بصحتك الرجيم اقصد لعشا

 

[كوثر الوهرانية]

مشكورة عل السؤال سمورة امي راهي بخير و راجلي كلا البيض حتى شبع طعام الشعير راني نديرهله مرة على مرة
ايمان بصحتك العشاء

 

[oumsif]

ربي يلقينا في ساعة الخير انشاء الله بسومة
امممممم بصحتك ايمان دايما اطباقك تحفة بارك الله فيك

 

[oumniati]

صباح الخيرات امنياتي راكي مبكرة كي حالتي صحرت طار عليا النعاس:schmoll:

انا ماسحرتش خلاص مارقدتش بكري ماشي تورطت البارح ثاني :sad:جاوني ضياف الغفلة واحنا صايمين وهوما لالا، دخلو على12 سخنت لعدس تاع الليل ولعشية طيبت شربة وماشطو
حشمت نصور ، جات الطابلة تسخف شعلت الشمع عجبهم الحال:shiny:
مبروك الكبش، مليح؟

 

[imane27]

لبنات عشقي امارات مراهيش تبان غير الخير
سمورة الله يسلمك شحال عندك فى فرنسا
نانوس شعلولكم شوفاج

 

[ibtesem]

الحمد لله امنياتي

 

[oumniati]

صباح الخير نانوستي واش راهي ننوسة؟ نانوس رانا كيفككيف في الوزن، شوفي اديها من عندي الرجيم لازم معاه سبور والا لغرام اللي تنحيه يولي، انا حاليا راني نرضع كي نحبس ندخل معاكم
هاي جاتني فكرة بسووووومم صحاب الرجيم ديرو موضوع ماذا ستطبخين بصح غير اكلات الرجيم ممنوع الششششخاششششخخخخ ولبراااابششششش وغيرها من المسمنات .........

صباح النور امك كوثر ، لاباس على بنتك وراجلك، تعرفي بيض عرب احنا نديرو بيه لكروكي يجي اصفر يهبل

صباح الانوار سمورة، ربي يفرحك بسكنة، انا جربت سكنت في بيت مع كنت جديدة في الغربة وليت كي لمهبولة
كي تتقلقي اقراي القرآن، يريحك بزاف، ورانا هنا خواتاتك اللي يقيسك يقيسنا

 

[NaNouS]

اييه دعوة صيام مكان والو يا بسومة غضناهم يعاونو فينا على الريجيم
-----------
ايمانو منجي نخلص الكبش هديك هيا نزيد 90 نورمال
ايييه حكاية الشوفاج حكاية طلقولنا مي بصح دافي خلاص قالونا كل ما يبرد الحال نزيدو فيه ماشي كيما الناس المفروض يطلوقوه واحا نزيدو ولا نقصو
-----------------
امنيتي ايه فكرة مليحة غير ماكلة الريجيم
----------
فلوسة اين انتي واشراكي شوية ​

 

[oumniati]

راهم ناضو الاطفال، انا نخليكم، ويامن عاش

 

[nada242008]

مساء الامطار والبرد هههه وبصحتكم واش طيبتوا
نانوسة شوية كوراج برك ونقصي من الفريت والكوكا ههههه
انا درت حوت وسلاطة وصحن الفريت طاروا بيه قبل ما نصوروا
والبارح درت حبات براج بالغرس والجوز جا امممم فطرت بيه اليوم

--

 

[ŚσÚмĨÁ.Ďz]

السلام عليكم
مساء الخير الخير
كيرااكم ؟؟؟
واش الغدا اليوم ؟ احنا دايريين تشيشة حأرة مع هاد البرد والمطر هاد مايليق
​

 

[ŚσÚмĨÁ.Ďz]

nada242008 اممممممم بصحتك ياغالية
واش راكي ؟؟
​

 

[imane27]

بصحتك ندى طبق هايل

 

[M!ss D!or]

السلام عليكم
واش راكم يا الغوالي \ دهبيتو \ السلفية الصغيرة \ امنياتي \ نانوس \ ابتسام \ عفوفة \ ام ندى \ ايمان

ام ندوووش من فضلك وصفة البرااااج
شهيتينييييييييييي فيها ​

 

[M!ss D!or]

عداااااااااااااااااااااااااب \ اممممممممممممممم ​