تجمع المتأخرات في الحمل

[ام البتول]

رد: تجمع المتأخرات في الحمل

ربي يرزقك اختي امولة ويرزق كل محرومة
ويرزقق كل وحدة واش تتمني
​

 

[amina firdaws]

رد: تجمع المتأخرات في الحمل

السلام عليكم اخواتي انا حبيت اسال عن عشبة بيت الحكمة للانجاب قالولي انها لها نتائج طيبة باذن الله و انا اشتريتها اليوم من بيت الحكمة لولاية المدية فارجو من تعرف عنها معلومات تخبرني عن تجربتها وانا عندي 4 سنوات زواج ادعولي معاكم بالذرية الصالحة

 

[AMANITA]

رد: تجمع المتأخرات في الحمل

fat 2 ans 3la had l mawdho3 w yadra dalia kifah raki doka .....l mohim la3ala w 3assa fiha khir nshalah................srali kifek w doka 3andi abd errahman ...rabi ytawali fi 3omro ...........ama binissba li 3ishba ...ma3labalish ...ana taba3t tbiba ...w rabi rzakni

 

[amoulaa]

رد: تجمع المتأخرات في الحمل

بنات عندي شحاااال ما دخلتش ظروف ان شاء الله تكونو كامل ملاح حبيباتي
والله عندي درك 9 اشهر زواج و مازالني ما رفدتش ربي يجيب الخير بديت نتقلق اللي جربت هاد الوصفة تاع بيت الحكمة تقولي الله يستركم

 

[*amina*]

السلام عليكم
ان شاء الله ربي يفرج على كل وحدة وينعمها بنعمة الامومة

 

[zahe]

تاخر الحمل

حبيت اشارككم اخواتي في الموضوع
و الموضوع ان لي ابن عمره 03 سنوات وطو ل الفترة كنت اتناول حبوب منع الحمل و في شهر جانفي 2014 توقفت عن تناولها لان زوجي حابب بيبي جديد في البيت
والى يومنا هذا لم يحدث معي الحمل وجميع الفحوص التي قمت بها مع زوجي لم تاتي بنتيجة
ونحن متوكلين على الله ان يرزقنا ذرية صالحة
ونرجو افادتنا بالمشاركة بالعلومة او النصيحة
اختكم زهرة

 

[مريم نور2]

السلام عليكم اخواتى عضوات المنتدى
انا من 11يوم عملت التلقيح الصناعى وكنت اخد علاج للتنشيط لانو عندي تكيس مبايض اخذت كلوميد مدة 5 ايام و2 ابر قونال .في اليوم العاشر عملت متابعة تبويض كانت البويضات صغيرة الحجم لا تصلح للتلقيح قالي نتركهم يكبرو طبيعي بدون زيادة ابر و ارجعي بعد يومين لما رجعت كان التبويض ممتاز في 2 بويضات صالحة للتلقيح عملي الدكتور ابرة التفجير و قال غدا نعمل تلقيح
لما رجعت اخذو عينة السائل المنوي من الزوج و بعدها قالو العينة قليلة قالو لزوجي ادا ممكن تعطينا عينة تانية اخدو كذلك عينة تانية و عملولي تلقيح ب 4,5 مليون حيوان منوي فقط
فهل هذا العدد مناسب للتلقيح ام لا
وانا عندي 11 ايام من عمل التلقيح و ما احس باي اعراض الا الم الدورة مرات يكون قوي جدا هل ممكن نكون حامل؟؟ شكون لي دارت العملية تحكيلي تجربتها بالتفصيل

 

[kiki12]

مرحبا يا بنات

ربي يرزقنا من فضلو ومن اوسع ابوابو

شفتكم تسقسو على عشبة بيت الحكمة

كلشي باذن ربي سبحانو ورانا نسببو برك ..انا بديتها عندي 3ايام واللي شجعني على هاذا انو عندي صحباتي في منتدى اخر وحدها عندها عامين دارتها هي و زوجها و ربي رزقها
واخرى عندها 10 سنوات دارتها و ربي فرج عليها بصح اسقطت مسكينة في ثاني شهر يعني ماكتبلوش ربي الحياة

وصحبتي الاولى تاع عامين زواج تشجعت بعد جارتها و زيد بنت خالتها داروها و ربي فرحهم

العقوبة لينا و لكل متأخرة

 

[sara5]

ان شاءالله يرزقكم كاااامل
انا عندي صديقتي جربت المردقوش للحمل فحملت وعندها ولدين
اللي عندها مشكل فيها هي كاينا مرا تداوي اعشاب اختي حملت لما عالجت عندها
هي في ورقلة سوق الحجر قرب الجامع
والله على ما اقول شهيد​

 

[nadiablm]

السلام عليكم عندي اكثر من سنة زواج ولا اولاد ذهبت لطبيب مختص لم يجد اي مشكل ووجد حجم البويضة 18ودورتي منتظمة تاتي كل 31يوم تقريبا لكن في الشهر الماضي احسست ببعض اعراض الحمل منذ اليوم 11 بعد الدورة مثل ارتفاع الحرارة واسهال وكثرة التبول اكرمكم الله وقطرات من الذم لكن للاسف اتت الدورة قبل موعدها باربعة ايام ممكن تفسير مع العلم انني تعرضت في هذه الفترة لضغظ نفسي كبير ارجوا المساعدة شكرا

 

[حلوم]

اهلا اختي انا عندي 3 سنوات و راني شادة في ربي لعل و عسى
هو القادر فوق عباده ما تعرفي ندعو و نكثروا من الدعاء

 

[Nilüfer]

السلام عليكم ورحمة الله وبركاته

ربي يرزق كل محروم بالذرية الصالحة

اكثرن اخواتي من الدعاء والاستغفار والله كريم
​

 

[nadiablm]

مرحبا وصح عيدكم شكرا لكل من تشاركني همي وادعوا الله العلي الكريم ان يرزق كل واجدة الذرية الصلحة في القريب العاجل ان شاء الله

 

[رهف سعد]

مرحبا وصح عيدكم شكرا لكل من تشاركني همي وادعوا الله العلي الكريم ان يرزق كل واجدة الذرية الصلحة في القريب العاجل ان شاء الله

يارب يرزقك اجل غير عاجل

 

[nadiablm]

يارب يرزقك اجل غير عاجل

شكرا اختي والله اني غير نقرا الردود استانس وانسى قليلا يقولون ان عمت خفت وان شاء الله نسمعو بشرى الخمل جماعية لكل المنتضرات

 

[nadiablm]

اختي المشكل انو زوجي يتجاهل الموضوع كل ما نقولو نروحو لطبيب جديد يتجاهلني ويقول خلي نعيشو حياتنا شويا وايضا طلب منه الطبيب المختص تحاليل ورفض لدرجة انه كذب علي وقال انو قام بالتحاليل رغم ان اوراق التحاليل كانت عندي ولما واجهتوا بيها قال انا عملتها بدون اوراق ما عرفتش السبب المشكل انو راني نعاني وحدي ان شاء الله ربي يهون علينا

 

[nadiablm]

السلام عليكم ورحمة الله تعالى وبركاته
والله الناظر لردي هنا يبدو له غريب جدا
كيف أرد في موضوع خاص بالحوامـــــــــــل
ولكن لما احمله من نبأ سار
يعني كانت تجربة زوجة اخي مرة في الحمل
مدة 05 سنوات والعلم لله
ولكن بقدوم احدى النساء الحمد لله بفضل الله وبفضل بعض الأدوية البسيطة
تم ذلك بحمد لله
ويعني ليست المرأة الوحيدة التي تم علاجها على يدها فكثيرات من رزقي بالأبناء
بفضل الله
من يهمها الأمـــــــــــــر
انا هنا للمسااااااااااعدة أمهاتنا ربي يوفقكم
ويرزقكم بالذرية الصالحة يارب
عذرا للدخول
​

ربي يخليك اختي قوليلي واش عملت زوجة اخيك باش حملت انا تان راني نحاول لكن لا جديد اذا كان عندك صح الحل ارجوا المساعدة ان امكن ابعثيلي رد في البريد الخاص شكرا

 

[batouli]

ربي لا تدرني فردا و انت خير الوارثين
عندي زواج 6 سنوات و الحمد الله ربي رزقني بنوتة سميتها ايلاف اختي ما عليك الا بالدعاء و الاستغفار و الصدقة و الصبر و انساي موضوع الانجاب عيشي حياتك بالاخص راكي عروسة جديدة لانو العامل النفسي يلعب دور ميخليكش ترفدي بالحمل
ربي يرزقك في اقرب الاجال انشاء الله

 

[nadiablm]

ربي لا تدرني فردا و انت خير الوارثين
عندي زواج 6 سنوات و الحمد الله ربي رزقني بنوتة سميتها ايلاف اختي ما عليك الا بالدعاء و الاستغفار و الصدقة و الصبر و انساي موضوع الانجاب عيشي حياتك بالاخص راكي عروسة جديدة لانو العامل النفسي يلعب دور ميخليكش ترفدي بالحمل
ربي يرزقك في اقرب الاجال انشاء الله

مرحبا اختي ربي يشدلك في بنتك ويرزقك اخوة لها ان شاء الله شكرا اختي على الرد اكيد احنا ندعو لكن تعرفي الانسان بطبعه عجول ربي يرزقنا جميعا الذرية الصالحة ان شاء الله شكرا :up:

 

[رودي بوم]

السلام عليكم وشراكي انا مسجلة جديد فالمنتدى و حابة نتونس معاكم انا متاخرة على الحمل عام و جربت كل الطرق و ربي ما فتحش حبيت انسقسي على عشبة دار او بيت الحكمة الي عندها فكرة او جربتها اتفيدني اتعيشو بارك الله فيكم