تجمع المتأخرات في الحمل

[نور الهدايات]

أهلا اختي داليا ربي يرزقك ويرزقني وكل الاخوات الكريمات بالذرية الصالحة يا رب العالمين
والله يا اختي مشكلة العصر راه تاخر الحمل
أنا عندي 5 سنوات زواج وحتى الآنى لم يحصل حمل وكل الفحوصات تاكد سلامت وسلامت زوجي
فيبقى العلم عند الله عز وجل
لكن العباد ربي يهديهم يلقاوها نقطة ضعف باه يعايروك كانو الأولاد راهم ينباعو ومرحناش نشرو واحد
حسبنا الله ونعم الوكيل
ودعواتي للاخت سارة ربي يفرحها ويفرحنا اجمعين

 

[فايزة1207]

اجابة عن سؤالك عن parlodel استعملته لمدة 3 اشهر ورزقني الله المزعج فيه يسبب الام حادة في الراس
ربي يرزقك ذرية صالحة

 

[la_safa]

السلام عليكم

2- انا عندي الدورة الشهرية مدتها 25 يوم مثلا المرة الي فاتت جاتني في 4/11/2011 و دوركا جاتني في 28/12/2011
كيفاه نحسب وقت الاباضة اي التخصيب
افيدوني جازاكم الله

السلآم عليكم و رحمة الله و بركآته
اختي كنت قآدرة تتجنبي الحمل بلآ حبوب المنع
و بخصوص سؤآلكـ حبيت نفيدكـ بمآ انو نعرف الاجابة
تبعيني مليح
من نهآر بدآية الدورة ابدآي احسبي كآين يآسر لي يعتآمدو طريقة الحسآب
مثلآ بدآتكــ نهآر 1 في الشهر
الايآم لي يحصل في القآح و حمل يعني وقت الاباضى كيما قلتي
هو الاسبوع من 11 الى 16 من نهآر بدآية الدورة يعني غير في هاذي المدة لي يحصل حمل ابار هاذ ليام ماكانش حمل و اذا العكس حآبة تتجنبي اتجنبي هاذ ليام
نتمنى تكوني فهمتيني ؟؟

و ربي يسهل ان شاء الله + دعوآتنآ ليكـ .. ْ~|

​

 

[السعيدة بربها سارة]

...................................................

 

[السلطانة]

هناك ركن خاص بالحمل والولادة ادخلي هناك اختاه
ربما لم تشاهديه
https://www.4algeria.com/forum/forums/413

هناك تجمع الحوامل
وتجمع المتأخرات عن الحمل
​

 

[ام منصف]

عندي سلفتي تعاني من ارتفاع هرمون الحليب وتشرب هذا الدواء بانتظام وفادها
ربي يرزقك ويرزق كل راغبة في الامومة يا رب
​

 

[السعيدة بربها سارة]

اجابة عن سؤالك عن parlodel استعملته لمدة 3 اشهر ورزقني الله المزعج فيه يسبب الام حادة في الراس
ربي يرزقك ذرية صالحة

صح كا يدير الدووخة والغثياان
ولكن حملتي بيه ولالا؟
شنو كا تشربي الان؟​

 

[السعيدة بربها سارة]

عندي سلفتي تعاني من ارتفاع هرمون الحليب وتشرب هذا الدواء بانتظام وفادها

ربي يرزقك ويرزق كل راغبة في الامومة يا رب​

الله يشاافيها يا رب
ولكن كيف افاادها
يا ريت توضحيلي يا الغالية​

 

[ام منصف]

الله يشاافيها يا رب
ولكن كيف افاادها
يا ريت توضحيلي يا الغالية​

قصدي عدللها نسبة هرمون البرولاكتين لانها كانت عالية جدا عندها
بصح هي ما تحوسش تحمل لانه عندها اولاد
عندها مشكل نتاع الغدد وفادها
​

 

[منة الله]

عجبني الموضوع وحبيت نشارك فيه على خاطر انا ثاني عندي نفس المشكل وراح يجنني مع اني متوكلة على ربي ودايما نسترجع ونقول الخيرة فيما اختاره الله عز وجل ونقول دايما يا ربي نفوض امري ليك يا رب العباد

انا عندي عامين زواج ورحت درت التعييرات كامل الطبيب لي نروحلو يقولي لاباس عليك كي انت كي زوجك
الله غالب ما عندي واش راح ندير انا فوضت امري لربي سبحانو
​

 

[نور الهدايات]

عجبني الموضوع وحبيت نشارك فيه على خاطر انا ثاني عندي نفس المشكل وراح يجنني مع اني متوكلة على ربي ودايما نسترجع ونقول الخيرة فيما اختاره الله عز وجل ونقول دايما يا ربي نفوض امري ليك يا رب العباد​

انا عندي عامين زواج ورحت درت التعييرات كامل الطبيب لي نروحلو يقولي لاباس عليك كي انت كي زوجك
الله غالب ما عندي واش راح ندير انا فوضت امري لربي سبحانو​

هذا مشكل العصر سبحان الله تقريبا كل البنات الي معانا فالتجمع يواجهو نفس المشكل الصحة الحمد لالله لكن الحمل مصراش
نفوضو امرنا لله وهو الادرى بالامور

 

[karima tati]

أهلا اختي داليا ربي يرزقك ويرزقني وكل الاخوات الكريمات بالذرية الصالحة يا رب العالمين
والله يا اختي مشكلة العصر راه تاخر الحمل
أنا عندي 5 سنوات زواج وحتى الآنى لم يحصل حمل وكل الفحوصات تاكد سلامت وسلامت زوجي
فيبقى العلم عند الله عز وجل
لكن العباد ربي يهديهم يلقاوها نقطة ضعف باه يعايروك كانو الأولاد راهم ينباعو ومرحناش نشرو واحد
حسبنا الله ونعم الوكيل
ودعواتي للاخت سارة ربي يفرحها ويفرحنا اجمعين

اختي ربي يرزقك نشاء الله و يرزقني و يرزق كل محرومة. صاح الشئ الصعيب و لوكان ديري على هدرة الناس تهبلي. توكلي على ربي هو اللي يرزق. و ننصحك بالرقية بالاك فيها الشفاء ان شاء الله.

 

[karima tati]

السلام عليكم. ربي يرزق كل محرومة بالذرية الصالحة ان شاء الله. حتى انا حبيت نشاركم في هذا الموضوع.
عندي عام زواج و مازال مرفدتش المشكل ديالي مازال معرفتوش مع الاول كانت عندي التهابات و ستهزيت فيها مكنتش علابالي بلي تمنع الحمل طولت بزاف و هاد المشكل ماكانش عندي قبل الزواج و كي رحت عند الطبيبة دارتلي les analyses قالتلي بلي هاذ الالتهاب ماش les champignionو عطاتلي الدواء منفعنيش كي عاودت وليتلها عاودت عطاتلي بوماد. راحتلي مي راهي مين داك تولي مي ماشي كيما مع الاول. و عطاتلي les vitamines هذا باش يعاوني نرفد وسمو Andreafol عندي 3 شهور و انا نشرب فيه بصح منفعنيش و كل ما جي الدورة راكم تعرفو المورال كيفاش يولي .
عندي سؤال كيفاش نعرف بلي العادة الشهرية منتظمة ؟ لانو العادة مجنيش في مدة وحدة راهي كل مرة كيفاش من 21 يوم حتى 29 يوم و اللي تعرف تقولي و ثوابها عند الله.

 

[نور الهدايات]

السلام عليكم. ربي يرزق كل محرومة بالذرية الصالحة ان شاء الله. حتى انا حبيت نشاركم في هذا الموضوع.
عندي عام زواج و مازال مرفدتش المشكل ديالي مازال معرفتوش مع الاول كانت عندي التهابات و ستهزيت فيها مكنتش علابالي بلي تمنع الحمل طولت بزاف و هاد المشكل ماكانش عندي قبل الزواج و كي رحت عند الطبيبة دارتلي les analyses قالتلي بلي هاذ الالتهاب ماش les champignionو عطاتلي الدواء منفعنيش كي عاودت وليتلها عاودت عطاتلي بوماد. راحتلي مي راهي مين داك تولي مي ماشي كيما مع الاول. و عطاتلي les vitamines هذا باش يعاوني نرفد وسمو Andreafol عندي 3 شهور و انا نشرب فيه بصح منفعنيش و كل ما جي الدورة راكم تعرفو المورال كيفاش يولي .
عندي سؤال كيفاش نعرف بلي العادة الشهرية منتظمة ؟ لانو العادة مجنيش في مدة وحدة راهي كل مرة كيفاش من 21 يوم حتى 29 يوم و اللي تعرف تقولي و ثوابها عند الله.

آمين يارب العالمين ربي يرزقك بالذرية الصالحة
أختي لازم الطبيبة تعطيك إسم الالتهاب الي راه فيك باه تعرفي واش ديري إلا منفعكش دواها بدلي الطبيبة.
أما بالنسبة لانتظام الدورة مش مشكل غلا جاتك يومين روطار او يومين افونس هذا عادي المهم ماديرلكش اكثر من 10 أيما روطار وأن كان ذالك عليكي باستشارة الطبيب duphaston مليحة لتنظيم الدورة وهي تاني تساعد على الحمل لأنها تعالج الرحم من البرد وبعض الالتهابات.

وإذا كان عندك مشكل آخر راهي التحليلات تبين كل شي.
أول العلاج لازم ملابسك الداخلية كلها تكون قطنية.
غسليها بصابون الحجرة او صابون مارسيليا، حذاري صابون المشينة راه اكبر غلط يديروه لبنات ومن بعد فوتي عليها بالحداد (مكواة)، بعد تنظيف المنطقة لازم تنشفي بمنشفة قطنية وهي نفش الشي تكون مغسولة بصابون الحجرة.
نظفي بالماء الساخن والملح خلال الدورة يمنع الفطريات والجراثيم من التكاثر والرائحة الكريهة.
إن شاء الله نكون فدتك ولو بشيئ بسيط

​

 

[karima tati]

بارك الله فيك اختي ربي يجازيك ان شاء الله.

 

[نور الهدايات]

لا شكر على واجب رانا هنا كلنا اخوات في الله هدي تساعد هذي على ما تقدر​

 

[ام منصف]

الى كل اخت هنا اذا عندكم معلومات ممكن تساعدوا هذه الاخت وتجاوبوها على استفسارها
طلب مساعدة
​

 

[ألاء الرحمـــن]

الى كل اخت هنا اذا عندكم معلومات ممكن تساعدوا هذه الاخت وتجاوبوها على استفسارها
طلب مساعدة
​

ربي يخليك شوشو تخمي فينا بالوحدة
تم الرد على الاخت أن شاء الله تستفاد
واجب علينا هنا نرفدو بعضانا
ربي يجازيك ختيتي ويفتح عليك بيبان الخير

​

 

[داليا]

الله يبارك عليكم و يرزقكم بالذرية الصالحة و يرزقني معاكم
و الله غير فرحتوني بتجاوبكم مع الموضوع و مساعدة بعضاكم ربي يخلينا ديما هكا و يجمعنا مع بعض فالجنة ان شاء الله

 

[ام أمينة]

الله يرزقكم جميعكن بالذرية الصالحة
ان شاء الله
​