يوميات ناس اللمة نهار العيد

[nina bonoise]

السلام عليكم و رحمة الله و تعالى و بركاته

مدام مبقاش بزاف على العيد وحد السمانة برك

حبيت كل واحد يحكيلنا على نهاروا تاع العيد

الرجال تذبحوا و تسلخوا مع باباكم ول لا ؟ :showoff:

لبنات تغسلوا الكرشة و المصارن ول تعافوا ههههه :sad:

نحكيلكم انا لولة : :sheer:

احم احم نبدا

انوض على ال 9 سا تاع الصباح

نطل على الطاقة نشوف بداو يذبحوا ول لا

نلقاو قريب يكملوا و انا كنت في سابع نوم :music_whistling:

نروح نسلم و نعيد على دارنا

نفرز الدار فرزة خفيفة و مبعد نروح نطل على
الباكلون

نبدا نقرعج كيفاه يذبحو و ماما تعيط ا طفلة ادخلي مطلي

مبعد يبدا بابا مالتحت هبطي الباسينات باه نحطوا فيهم

نبعثلوا اختي تهبطلوا و يعطيها الراس في باسينة هههه:blink:

جوايح ال 11 سا يكملوا الذبيحة

تم تبدا المعاناة :surrender:

تبدا ماما تقولي مدي يديك و اغسلي الكرشة

و انا ملي خلقت نعاف

تقولي كي توكليها ملاحة و كي نقولك اغسلي تظهري تعافيها

نقولها يا ماما حن خلي نغسل القرابج و نمسح الدار برك:ans_flw:

تولي تغسلها هي مسكينة:tears: الله غالب اختكم معيافة

مبعد نتغداو و مبعد نفذ وعدي نروح نغسل و نسيق

ما نكمل جوايه ال 15 سا تاع لعشية نضربها برقدة و مين انوض انوض




هذا هو نهاري تاع العيد كيفاه نعقبوا

هيا كل واحد يحكيلنا

بنات و ذكور بدون استثناء

و عيدكم مبارك مسبقا اعاده الله علينا باليمين و البركة
​

 

[adel-mz]

سلام
مسبقا عيد سعيد
وكل عام وانتم بخير

بون انا نهارالعيد الحاجة الاولى نوض بكري نلبس القميص نتاعي و نصلي الفجر ،ثانيا نتوجه للكوزينة ههههه نفطر مليح ونبعد نروح للمسجد للصلاة العيد . ايا ونبعد مانكمل الصلاة كاعادة مغافرة في المسجد ،ثم مباشرة الى البيت ،نبدل قشي ونلبس كونبنيزو الازرق ههههه ونوجد ماتريالي ونبدا في خروفنا نذبحو ونسلخو ونغسلو trés bien ونبعد نبعت الحوايج الاولين كالبزلوف باش تقوم بيه امي ،وبنعد ياسيدي نروح للجماعة لي مريزارفيني باش نسلخلهم ، نكلمهم كامل ،ياسيدي ونبعد نولي للدار قيس 12:00 هاداك هو نلقى الغداء واجد نتغدى ونبعد نتمدى باش نحي الدوخة والتعب نتاع السليخة ،والعشية نبدا في المغافرة نتاع الاهل والاقارب واحد واحد بيت بيت زنقة زنقة وهادي هي يوميات العيد عندي بسيطة ولكنها تبقى ذكرى من ذكريات الشباب نتاعي .
بارك الله فيك الاخت

​

​

 

[nina bonoise]

سلام
مسبقا عيد سعيد
وكل عام وانتم بخير

​

mais قلنا كيفاه تقعب نهار يا عادل اقعد هنا متهربليش
​

 

[احلى لمة]

حتى يزيد ونسموه سعيد غير ايجى العيد وانا نسلخ وندير كولشئ المهم نكونو ملاح انشاء الله وكامل الامة الاسلامية

 

[adel-mz]

mais قلنا كيفاه تقعب نهار يا عادل اقعد هنا متهربليش
​

غسبتيني في الرد كنت حاكم البلاصة .ههههههه

 

[naGam]

عيد سعيد وينعاد علينا بالصحة والعافية
نهار العيد يامحلاه
نوض الصباح مع6.30ولا7.00 مع تهليلات (الله اكبر اله اكبر لا حولة ولا قوة الا بالله ..سبحان الله والحمد لله ولا اله الا الله.........) شحال نموت عليها التهليلات هاذي
نوض نصلي ونشرب قهوتي ونعدل الدار ومايجيوا خاوتي كل واحد يدوش ويعدل روحوا باه يروح للجامع غير يشيبولي راسي ومانجي نعدل شمبرتهم ياحسراه تلقاي كل حاجة منشرة في جيهة
ونكمل نعدل البيت كامل وماما تغسل لماعن انتاع القهوة ومن بعد نعدلوا رواحنا انا وماما ودوكا جاتنا عضوة جديدة بيناتنا (زوجة اخي)
ومن بعد يجي بابا واخاوتي من الجامع نعيدوا عليهم ومن بعد نروحوا نعيدوا على جيرانا لمقربين ونتبادلوا القاطوات وفي منطقتنا ديما كاين الفول نتبادلوه كذلك ومن بعد يجينا جدي ربي يطول في عمروا وخوالي يعيدوا علينا ومن بعد واحد 9.30ولا10.00يبدا بابا يذبحلنا وخاوتي واحد يسلخ وكل واحد واش يدير ومن بعد ماما تحكم تشوط الراس وانا كي العادة ايمان جيبي هاذيك ورجعي هاذيك ومن بعد نحكم مرااااااات الدوارة نغسلها ونطبخها ومن بعد تلحق 12.30ولا1.00 نتغذاوا ومن بعد كل واحد من خاوتي وبابا يدوشوا ويلبسوا ويخرجوا ويخلولي في الدار حرب نحكم ميناج نغسل الماعن ونسيق ومن بعد نغسل القش الميهيم حتان 4.00ومن بعد نريح شوي ونروح لدار جدودوي وخوالي نعيد عليهم وعمومي وعماتي الله غالب ماهمش في الجزائر نتواصلوا معاهم غير بتيليفون ولا النت
​

 

[jolie عاشقة كوريا]

والله ياختي راني كيما انت mais انا نوض على 8. تاع دار يشربو لقهوة وممبعد انا نفرز دار وبابا يروح يذبح وماما تقعد تعاونو وتغسل راكي تعرفي هههه عندي ختي لكبيرة كي تشوفهم يذبحو تتغاشا ايا ممبعد نفطرو ونغسل لماعن وهوما مع الكرشة و.........ونكملو جوايه 15 ولا 16 ممبعد يجي الوقت ديالنا ندوشو ونعدلو ونلبسو راكي تعرفي اوبليجي نروحو عند la famille هههههه والله الروتييين تاعنا حناles algeria عدنا La même routine
في لعيد mais والله فووووووووووور
mrç hanouna
et saha 3idkome

والله يا لكبش تاع عادل راه انوش ههههههه
very cool hhhhhhhh​

 

[nina bonoise]

غسبتيني في الرد كنت حاكم البلاصة .ههههههه

هههههههه
قتلتيني بالضحك
هيا اي محكومة بلاصتك
​

 

[nina bonoise]

حتى يزيد ونسموه سعيد غير ايجى العيد وانا نسلخ وندير كولشئ المهم نكونو ملاح انشاء الله وكامل الامة الاسلامية

راجل و فحل نستعرف بيك
​

 

[nina bonoise]

سلام
مسبقا عيد سعيد
وكل عام وانتم بخير

بون انا نهارالعيد الحاجة الاولى نوض بكري نلبس القميص نتاعي و نصلي الفجر ،ثانيا نتوجه للكوزينة ههههه نفطر مليح ونبعد نروح للمسجد للصلاة العيد . ايا ونبعد مانكمل الصلاة كاعادة مغافرة في المسجد ،

ربي يقبل ان شاء الله


ثم مباشرة الى البيت ،نبدل قشي ونلبس كونبنيزو الازرق ههههه ونوجد ماتريالي ونبدا في خروفنا نذبحو ونسلخو ونغسلو trés bien

اممممم فحل تبعث كلش مغسول غسلة اولية هههههه

ونبعد نبعت الحوايج الاولين كالبزلوف باش تقوم بيه امي ،وبنعد ياسيدي نروح للجماعة لي مريزارفيني باش نسلخلهم ، نكلمهم كامل ،

ربحتي اجر كبير في المعاونة يا خويا


ياسيدي ونبعد نولي للدار قيس 12:00 هاداك هو نلقى الغداء واجد نتغدى ونبعد نتمدى باش نحي الدوخة والتعب نتاع السليخة ،

او لازم



والعشية نبدا في المغافرة نتاع الاهل والاقارب واحد واحد بيت بيت زنقة زنقة وهادي هي يوميات العيد عندي بسيطة ولكنها تبقى ذكرى من ذكريات الشباب نتاعي .
بارك الله فيك الاخت



و فيك بركة يا عادل

​

​

ههههههههههههه
كبش هيب هوب
​

 

[nina bonoise]

عيد سعيد وينعاد علينا بالصحة والعافية
نهار العيد يامحلاه
نوض الصباح مع6.30ولا7.00 مع تهليلات (الله اكبر اله اكبر لا حولة ولا قوة الا بالله ..سبحان الله والحمد لله ولا اله الا الله.........) شحال نموت عليها التهليلات هاذي
نوض نصلي ونشرب قهوتي ونعدل الدار ومايجيوا خاوتي كل واحد يدوش ويعدل روحوا باه يروح للجامع غير يشيبولي راسي ومانجي نعدل شمبرتهم ياحسراه تلقاي كل حاجة منشرة في جيهة
ونكمل نعدل البيت كامل وماما تغسل لماعن انتاع القهوة ومن بعد نعدلوا رواحنا انا وماما ودوكا جاتنا عضوة جديدة بيناتنا (زوجة اخي)
ومن بعد يجي بابا واخاوتي من الجامع نعيدوا عليهم ومن بعد نروحوا نعيدوا على جيرانا لمقربين ونتبادلوا القاطوات وفي منطقتنا ديما كاين الفول نتبادلوه كذلك ومن بعد يجينا جدي ربي يطول في عمروا وخوالي يعيدوا علينا ومن بعد واحد 9.30ولا10.00يبدا بابا يذبحلنا وخاوتي واحد يسلخ وكل واحد واش يدير ومن بعد ماما تحكم تشوط الراس وانا كي العادة ايمان جيبي هاذيك ورجعي هاذيك ومن بعد نحكم مرااااااات الدوارة نغسلها ونطبخها ومن بعد تلحق 12.30ولا1.00 نتغذاوا ومن بعد كل واحد من خاوتي وبابا يدوشوا ويلبسوا ويخرجوا ويخلولي في الدار حرب نحكم ميناج نغسل الماعن ونسيق ومن بعد نغسل القش الميهيم حتان 4.00ومن بعد نريح شوي ونروح لدار جدودوي وخوالي نعيد عليهم وعمومي وعماتي الله غالب ماهمش في الجزائر نتواصلوا معاهم غير بتيليفون ولا النت
​

راكي فحلة يا ايمان
ضحكتيني كي قلتي يخليولك الدار حرب
الله غالب او لازم نسقوا نهار العيد تتخمج خلاه
مام انا خوالي و خالاتي نعيدو عليهم بالتيليفون ول بالنت كيما انتي
​

 

[nina bonoise]

والله ياختي راني كيما انت mais انا نوض على 8. تاع دار يشربو لقهوة وممبعد انا نفرز دار وبابا يروح يذبح وماما تقعد تعاونو وتغسل راكي تعرفي هههه عندي ختي لكبيرة كي تشوفهم يذبحو تتغاشا ايا ممبعد نفطرو ونغسل لماعن وهوما مع الكرشة و.........ونكملو جوايه 15 ولا 16 ممبعد يجي الوقت ديالنا ندوشو ونعدلو ونلبسو راكي تعرفي اوبليجي نروحو عند la famille هههههه والله الروتييين تاعنا حناles algeria عدنا la même routine
في لعيد mais والله فووووووووووور
mrç hanouna
et saha 3idkome

والله يا لكبش تاع عادل راه انوش ههههههه
very cool hhhhhhhh​

مالة حتى انتي تعافي هههههههه
و الله روتين من عام لعام
و شفتي الكبش تيعو هيب هوب ههههههه
​

 

[أم راضية ~_]

سلاموو

إن شاء الله تعيدو مليح

أما عني و العيد إييييييه وحد النشاط يطيح عليا :yahoo:نوض بكري قبلهم كامل , نسناهم ينوضو ومن بعد يصلو من بعد يدبحو نحب نشوف هداك لونبيونص تاع الحومة :sheer: هادا يذبح هادا يسلخ .... منظر رائع ، كي يدبحو الكبش نكون قشرت البطاطا و منبعد نبدا طالعة حابطة جيبي الما ، أدي الراس و من بعد الكرشة و من بعد أنا نشوط البوزلوف :luve_2:و الكرعين و ماما تنقي لمصارن و الكرشة و تقطعها كي نكمل من البوزلوف و نغسلو وكامل ماما تقلي البطاطا و الكبدة و القلب و أنا نوّجد الحشوة تاع الدوارة حنا نديروها عصبان :lolo: نوجد كلشي و كي نفطرو و نكملو على 12:00 و نخملو شوية الكوزينة نولو للدوارة ماما تعمر و أنا نخيط ، نحطوها طيب ومن بعد كي يطيب البوزلوف كاش واحد من خاوتي يقطعهولنا و نكملولو طيابو , و من بعد أنا نروح نرتاح شوية ونصلي الظهر هديك هي تكون 14:00 ولا 15:00 يبداو يجونا الفاميليا

و فالعشية نتعشاو بوزلوف ولا عصبان :thumb_up1:
و النهار التاني نشوو اللحم على الفطور و نروحو للدزاير عند جدي نقبلو عليهم نتلاقاو بخالاتي و خوالي :thumb_up2: و لعشية نروحو لعايلة بابا ندورو عليهم دار بدار و نرجعو لدارنا نتعشاو و نسهرو و نرقدو :shiny: و فالنهار التالت نروح للجيران اللي مقابلينا (على خاطر تاع باطيمتنا نكون شفتهم نهار اللول )هادي لازم كل عيد يسناوني نروح ليهم :shay: :ans_flw: :shay:

راني طولت هههههه ها نتي قلتي أحكو :shiny:
صحيتي ختي صح عيدك :re_gards:​

 

[nina bonoise]

سلاموو

إن شاء الله تعيدو مليح

أما عني و العيد إييييييه وحد النشاط يطيح عليا :yahoo:نوض بكري قبلهم كامل , نسناهم ينوضو ومن بعد يصلو من بعد يدبحو نحب نشوف هداك لونبيونص تاع الحومة :sheer: هادا يذبح هادا يسلخ .... منظر رائع ، كي يدبحو الكبش نكون قشرت البطاطا و منبعد نبدا طالعة حابطة جيبي الما ، أدي الراس و من بعد الكرشة و من بعد أنا نشوط البوزلوف :luve_2:و الكرعين و ماما تنقي لمصارن و الكرشة و تقطعها كي نكمل من البوزلوف و نغسلو وكامل ماما تقلي البطاطا و الكبدة و القلب و أنا نوّجد الحشوة تاع الدوارة حنا نديروها عصبان :lolo: نوجد كلشي و كي نفطرو و نكملو على 12:00

ايـــــــــه نشاط كبير يا سعاد
تكملوا بكري



و نخملو شوية الكوزينة نولو للدوارة ماما تعمر و أنا نخيط ، نحطوها طيب ومن بعد كي يطيب البوزلوف كاش واحد من خاوتي يقطعهولنا و نكملولو طيابو , و من بعد أنا نروح نرتاح شوية ونصلي الظهر هديك هي تكون 14:00 ولا 15:00 يبداو يجونا الفاميليا

و فالعشية نتعشاو بوزلوف ولا عصبان :thumb_up1:
و النهار التاني نشوو اللحم على الفطور و نروحو للدزاير عند جدي نقبلو عليهم نتلاقاو بخالاتي و خوالي :thumb_up2: و لعشية نروحو لعايلة بابا ندورو عليهم دار بدار و نرجعو لدارنا نتعشاو و نسهرو و نرقدو :shiny: و فالنهار التالت نروح للجيران اللي مقابلينا (على خاطر تاع باطيمتنا نكون شفتهم نهار اللول )هادي لازم كل عيد يسناوني نروح ليهم :shay: :ans_flw: :shay:

شفتيهم ديما يسناونا حنا لي نروحولهم


راني طولت هههههه ها نتي قلتي أحكو :shiny:


اايه احكي و زيدي نحب لي يحكيو انا

صحيتي ختي صح عيدك :re_gards:​

و عيدك مبارك انتي تاني
​

 

[الورد الأحمر]

امممم اهلا لينا شفت اسمك قلت ندخل نرد عليك ...
ايه انا نوض صباح وقت يكون بابا وخويا يوجدو في رواحهم باش يروحو يصليو
كي يخرجو نستكلف بالدار مع خواتاتي ما يجيو يلقاونا لمينا كلشي الوقت هذاك
ماما تحرك الكبش من بلاصتو وتنظفها مليخذح باش يتذبح في نفس لبلاصة بعد
احنا نذبحوه في الدار في البالكون واسع ... يجي بابا يستنى شوية ويعدي للكبش
يذبحو ويتلم عليه الغاشي بابا خويا ماما اختي لكبيرة واختي لي تحتي خواتاتي
يحكمو الرجلين وخويا وبابا وماما تحب ترص روحها يسلخو المهم ليه ليه يفضوه
الوقت هداك انا يا مسندة يا هنا في الميكرو كي يكملو نستكلف أنا بغسيل لمصارن
والرية ونبدا نوجد لغذى ... 11 ونص نكونو نتغذاو ... نبقاو مجمعين نحكيو
ونضحكو حتى وقت الظهر نصليو ونلبسوا وكل واحد وين يروح ... المهم نروحو
عند لافامي ... مغسي لينا ... سلامو
​

 

[ماكانش]

أهلا بيك بونواز
هههههههه
العيد هذا نبعثلك الكرشة تاع الكبش تاعنا تغسليها وتنقيها مليح ههههه
أنا زعما كي الراجل نضرب فيها طابلية زرقة وسروال قديم وصباط قديم ونهبط مع خويا لكبير زعما انا وهوا برك ألي نذبحو ونسلخو والباقي يتفرجو مايشتيوش يخمجو رواحهم ههههه
عندي عامين وانا ألي نذبح والسليخة رانا نتعاونو، وواش نقلك بابا عند ريسانا وياربي انقيسو شوي لحم مع الجلد ياكلنا هههههه
أي باينة الواحد يذبح شوي وزعما يخمج روحو بالدم وساعة ساعة يخطف عينو للباطيمة كاش انانيش يطلو باش يزيد يلعبها راجل مليح ههههههههههههههههه
يعطيك الصحة على الموضوع الباهي
تقييييييييييم
​

 

[الورد الأحمر]

هههههه
ماكانش يا ماكانش
كيفك ماكانش
مهبول
​

 

[ماكانش]

هههههه

ماكانش يا ماكانش
كيفك ماكانش
مهبول​

ههههههههههههه
اي هيا زوجيني هههههههههههههه
ربي يحفظك إلهامو
العيد هذا مانفكرش فيها أنوشة مانيش راجل
هههههههه​

 

[هآجر]

السلام عليكم

باين فيك انوشة كبيرة يا صحابةالموضوع

اعامهذا نبعتلك الكرشة والمصارن نتعنا تغسيليهم رانا مناش بعاد على بعضنا ربع ساعة ونجيك للدرا

يومياتي كما نتع وحدة هنا ردت اسمها ايمان هاني​

 

[la_safa]

الســــــلآآآآم عليــــكم

[ بعععع بععععع هادا الكبش تاعنا سمعتوه ولآ :lolo:هههه ]
:yahoo:
شوفو شوفو الطفلة واش تقول تنوضي على 9 ؟؟ بخصتي ببنات اللمة هاستري
و استرينا معاك هههههههه
لآلآ انا نهار العيد أول النايضين هاذا لاكان مارقدتش اصلا هههه :sheer:
تلقــآيني ساعة وآقفة مع لمرآيآآ:luve_2: نريقل في روحــي و هاذي ريحة و هاذي لبسة
و هاذي حطة احم احم
ايا تجي ماما تقولي واش هاذا الكل راكي كلو على بعضاه راح تنحيه
حابتني نخدم معاهم يآآآآآآآععع :crying_1: ههههه
نولي انا ملي كنت في قمة السعادة نولي في قمة الاحباط :sadwalk:
ايا يجيو من الصلآة تلقاوني نسلم و نعيد و نعاود نهز ديك لاباراي و نهبط
نصور من الكبيش قبل مايتذبح مسكين :sad:
و مبعد التلفون مايحبسش لحباب يعيطو ايا هوما يذبحو و انا لآتية مع روحي :ans_flw:هههه
حتى لمبعد جآيه الـ 11 نغسل معاهم و نخدم تحسابوني فنيانة :showoff: هههه
و مبعد انا نسجي كلشي سيرتو حوآيج الشوا ديما نتغدآو في الحوش نهار العيد
مع الدخآن و الشوا تلقاني حاكمة الكرسي لول لي قدام الشواية:yahoo: هههه
و نتغدآو مع الضحك و التمسخير و أكيد نصور كلشي من لول للخر
ندير دي فيديو و لعشيا كي نكملو كلشي نبقاو نتفرجو في التصاور و الفيديوآت
والنهــــآر كمل :yaw:ههههههه
ايه نسيت ماقلتلكمش بلي نروح عند صحـآبآتي :sheer:نزورهم و نعيد عليهم و نروح
آآآآآآه كملت الهدرة أخيرآآ :sheer:
​