يوميات ناس اللمة نهار العيد
- كاتب الموضوع nina bonoise
- تاريخ النشر
ريحة المشوى ضربت لأقسام الرياضة دخلت فى القهوة ديراكت :shiny:
هاهاهاها حكمك الجوع
تلقيت خبر عاجل من فاعل خير يقولى كاين موضوع عيد بنكهة عنابية
جبت الباربكيو و جيت نجرى :shiny:
راك بيان كي جبتي الباربكيو رانا نسحقوك
صار يا جارتى العيد تاعك غير ماكلة و رقاد عسكر بغداد ؟i-o:
ههههههههه
اذاك هو بالذات
بصح زيدلوا الغسيل و التسياق
تنوضى على الـ 9 :scared:
ياسر عليك راكى بكرتى لوكان كملتيها حتان دوزيام جور تاع العيد خير :shiny:
الله غالب هذاك هو وقتي
ههههههه غلبتيني ما لقيت وش نقولك
-------------------------
بون نرجعو لفالمسكور و العيد تاع الجغوار :santa_1:
هانا جينا
على خير الله انوض نفحفحلها و نقلشلها بالقميص و البارفان :like_1:
التفشفيش داير دالة
نروح نصلى و نكبر و نفكر شوية أجر ، نخرج نعيد على حوالى 1000 مصلى فى المسجد :thumb_up2: ، نروح للدار نضرب فيها قهوة براس و شوية زنجبيل ، نلبس كيف الثوار تاع و نخرج
ههههههههه
شوف كاش شورت برك و ديباردور
راهي السخانة نهار العيد
بعدوا عليا لا ينطحني
نعشي في السبيطار هههههه
الى الامام لا رجوع ثورة ذبحة سلخة ( ملاحظة العام هذا ان شاء الله رانى معول نذبح لأول مرة ، و الا كتب ربى نجيبلكم فيديو و فوطاوات نقصرو بيهم :shiny،
جيب جيب راني منقولش لا
نرجو للذبح و السلخ و و قطع الرأس و الكوارع
و اخراج الاحشاء و نفخ الرية للتأكد من سلامتها و البحث عن شبوهات داخل بطن الكبش لا قدر الله كيس مشبوه و لا حاجة أخرى :um_sh:
اكيد لازم نشوفوا
و الصورة هاذى فى خاطر صاحبة الموضوع المعيافة :like_1:
يااااععع مش حرام عليك:cra_zy:
و بعد التاكد من سير العملية بنجاح نروح نضرب فيها دوش ، و نخرج لحبيب القلب الباربكيو ( الشواية ) :luve_2: ، و يا سلام على الجغوار كى يحكم الشواية فرجة و متعة ما تتصوروهاش :yahoo:
هههههههههه
راني قتلك نسحقوك
نحكم الشواية نحاجيلها و نماجيلها و نحط كرافاش قدامى (الاحتياط واجب كشما قط و لا خويا بدرو يمد يدو) :sneaky2:
ههههههههه
موجد كلش ابابابا
ما نسيتي والوا
آيا نقعدو فى الطابلة نتاع الاجتماعات الغدائية و نشبع عصافير بطنى مليح مليح
ههههههههه
عصافير بطنك
هاذي جديدة
و نخرج نروح لقبر المرحوم عمى ، الله يرحمو و يوسع عليه
ربي يرحموا و يرحم جميع المسلمين
و من بعد الواحد يروح يطل على الجدة فى ولاية سوق أهراس
راكي ديما تقولي راني في سوق اهراس
و نكمل على الجماعة عمومى و خوالى هكذا باش الواحد يتهنى من الواجب تاع العيد
او لازم
و من بعد نخرج نحوس شوية نشم شوية هواء غير هواء البرمة تاع الدار
هههههههه
برمة الكرشة و المصارن قاعدين يغليو
و نقطة انتهى العيد :shiny:
هيا طولت لحكاية و عيدت قبل الوقت
كون غير زدت شوية بلاك نسيتي حاجة
اتهلاو فى رواحكم صحا عيدكم
و ان شاء الله تعيدو بالصحة و الهناء و ينعاد عليكم بالخير و اليمن و البركة
و نوصيكم ما تكثروش من المشوى و أرحمو المعدة تاعكم من البرمة
و نوصيك يا جارتى كاتبة الموضوع ديرى الكوراج و اتعلمى تدخلى فى المصارن خرط مرط :shiny: و ما تخافيش ما يصرالك والو .
يااااع ع ع ع ع :scared:
متوصيني ما والوا
راني رحت شريت les gons
هك ول هك للطوارئ
هذا لا حتمتهالي ماما
آيا كثرت الهدرة
سلام :re_gards:
شبعتيني تعزار ابابابا ههههههههه
ايا سلام dj ouss
وش حكاية البارمي راني نعرف كلش عليك
اسمك و لقمتك و وين تسكن:shiny:
ايا سلام dj ouss
وش حكاية البارمي راني نعرف كلش عليك
اسمك و لقمتك و وين تسكن:shiny:
السلام عليكم ورحمة الله وبركاته
كيراكم يا صحاب اللمة صافا؟
حمد الله رانا عايشين
راني عارفة المخير فيكم راه زاهي بالعيد :shiny:
بسم الله نبدا نحكي
نهار العيد نوض بكري وقت الفجر نصلي ونشرب قهوتي وممبعد نخملو الدار وممبعد نروحو للمقبرة انا وماما وخاوتي وبابا يروح يصلي وكي تعجبني ديك الصبحية وتهليل نتاع الجوامع :shay:
وكي نرجعو ويكملو الصلاة قاع الناس يذبحو غير حنا كل عام روطار لباش بابا ما يقدرش للذبيحة وخويا ما يعرفش يذبح نستنو حتى احيانا لقريب 11 عاد باه يجو جوارين :sad:
ليسونسيال كي يذبحولنا تجي المهمة الصعبة لينا :scared:وانا نعيف بزاف نخلي دوارة والكرشة لخواتاتي وماما متخصة في البوزلوف وانا مين نكثر نسيق الحوش :shiny:من هداك الدم وخايفة غير لنتقيا حشاكم
امممم مالة راكي كيفي مش غير وحدي لي نعاف
وكي يكملو الغسيل تبدا ماما تشوي في الدوارة والكرشة والكبدة وتبدا اختكم تاج في الماكلة طبعا كي جات في الكرش انا الاولة في الدار :yahoo:
ههههههههه
بصحتك اختي
وبابا مسكين كي يشوف داك الدم ما يقدرش ياكل كل عام يفطر فريت اوملات وسلاطة نهار الاول :sadwalk:
وكي نكملو نسيقو الديار ونغسلو لمواعين ونصلو الظهر ونريحو شوي
وممبعد ماما تبقى في الدار وانا وخواتاتي نرحو نغافروا لافامي :shay:
ايا وراكم عارفين البقية ندوها شحال من يوم وحنا غير مع الشوا حتى نفروها مع هذاك الكبش المسكين :music_whistling:
ايه نكملوه في سمانة
نتمنى ما نكونش طولت عليكم عطيتكم فقط المختصر المفيد
مطولتي ما والوا راني قلت احكي بالتفصيل كيما تحبو
وعيدكم مبارك وكل عام وانتم بالف خير
ينعاد عليكم وعلى الامة الاسلامية باليمن الخير والبركات
مرسي تاج على المرور
سلام
سلام
براءة مسروقة
:: عضو مثابر ::
ندوض على 6 تع صباح هههههههههه على 10 ندبحو من 10 الى المغرب فى الكوزينا هههههههههههههههه ربي معايا صحى عيدكم
نعاونوا في الذبيحة مع العايلة
و نسلمو على الاحباب و اللاصحاب
و كشما افيرات اخرى ههه
شكرا
نعاونوا في الذبيحة مع العايلة
و نسلمو على الاحباب و اللاصحاب
و كشما افيرات اخرى ههه
شكرا
مرسي خويا على المرور
سلام
سلام
لحكاية تاع البيرمى رانى نفكر فيكم فى عيد ميلادى
بالك يخرج واحد فى منتدى التهانى يعملى موضوع و يقول
عيد ميلاد " جاغوار " :sheer:
و لى يعملى عيد ميلادى نعطيه لابار تاع الكرشة و المصارن تاعى :shiny:
آيا سلام بنت كرطيا
بالك يخرج واحد فى منتدى التهانى يعملى موضوع و يقول
عيد ميلاد " جاغوار " :sheer:
و لى يعملى عيد ميلادى نعطيه لابار تاع الكرشة و المصارن تاعى :shiny:
آيا سلام بنت كرطيا
meriem150491
:: عضو مثابر ::
عندك تموتي صح ونديو روحك ونصبحو فيالحبس في جرتك هههه:shiny:
+ هيه جيلنا يعف ونظيف زعما خخخخ ميغسلش المصارن ههههه ويهدر الفرونسي وكي يخدم حاجة يلبس ليgون
هههههههه لالا متخافيش
جيل تاع انانيش " راني مش انوشة "
نحكي على الاخرين
ليقون فاها فاها
للطوارئ
جيل تاع انانيش " راني مش انوشة "
نحكي على الاخرين
ليقون فاها فاها
للطوارئ
بون نهار العيد انوض نصلي لفجر و منعاودش نرقد نستقهوا نستنى يلحق الوقت نروح نصلي صلاة العيد مع بابا , كي نرجعو نلقاه هداك الكبش واجد ههههههه.. نحكمو أنا وبابا هو يدبح و أنا نكاميري و نصور ويبدا جيبي ديك ادي ديك أرواحي لهنا شدي منّا وافعال الأمر تمشي ..من بعد تلحق الدالة تع الصح من البوزلوف للدوارة ...الخ . كي يخلاص كلشيئ من بعد نجي للتسياق وماما تكون تقلي في داك الكبدة و اللواحق ديالها أنا ناكل غير ليفريت ... من بعد للشغل كي يخلاص كلشيئ نروح نضربها بتدويشة نعدل روحي مليح مليح وحد 2 سوايع مع ديك لمرايا ونقلعوا للزيارة خوالي عمومي ...غدوة من داك يبدا الشواء و علابالكم كيفاه + ماناكل والو هوما يعمرو في كرشهم و أنا نتفرج عليهم ويعجبكم الحال يقولولي روحي شوفي كاش طبيب يمدلك كاش دواء تولي تاكلي... راني طولت .
وعيدكم سعيد تعيدو بالصحة و الهناء ان شاء الله.
وعيدكم سعيد تعيدو بالصحة و الهناء ان شاء الله.
meriem150491
:: عضو مثابر ::
اااااااااااوي سما نتي فضحتينا ودرتي روحك مكيش انوشة ههههههه دك يجيوك لبنات يفلعسوك تفلعيسة باهية ينعتولك كيفاش مكيش انوشة :sheer
دك يقولو لولاد تاع اللمة البنات تاع اللمة مكسرات هههه) اليوم متفراش دك نثورو لgيرا عليك ههههه
اااااااااااوي سما نتي فضحتينا ودرتي روحك مكيش انوشة ههههههه دك يجيوك لبنات يفلعسوك تفلعيسة باهية ينعتولك كيفاش مكيش انوشة :sheer
اليوم متفراش دك نثورو لgيرا عليك ههههه
ههههههه
مخليتيش فيا يا مريم
مفضحتكم ما والوا راهم عبالهم بكلش
و الله حاجة متفوتهم
مخليتيش فيا يا مريم
مفضحتكم ما والوا راهم عبالهم بكلش
و الله حاجة متفوتهم
..
امممممممممم و الله فور
جايبتها غيــــــــــر رقاااااد .. انا عيدي فوووووور و انتيكـــ .!!!
...
و دكا نبدالكــ مي بالمختصــر لوكان نبدى منكملشــ ؟؟
..
امممممم ... نود على 7 و نص ... نصلـــــي و من بعــد نبدااااااي نذبحــوا لينــا
و نزيـــدوا نذبحــوا لعمي .. ومن بعـــد .. ندورا على لافااامي نغفروا عليهمــ كامل
بالاكــ حتى 4 تاع لعشيــة
.. امممم هادا ماكان .. و التفاصيــل المرة الجايــة
عيد مبروكــ انتــ تاني
امممممممممم و الله فور
جايبتها غيــــــــــر رقاااااد .. انا عيدي فوووووور و انتيكـــ .!!!
...
و دكا نبدالكــ مي بالمختصــر لوكان نبدى منكملشــ ؟؟
..
امممممم ... نود على 7 و نص ... نصلـــــي و من بعــد نبدااااااي نذبحــوا لينــا
و نزيـــدوا نذبحــوا لعمي .. ومن بعـــد .. ندورا على لافااامي نغفروا عليهمــ كامل
بالاكــ حتى 4 تاع لعشيــة
.. امممم هادا ماكان .. و التفاصيــل المرة الجايــة
عيد مبروكــ انتــ تاني
يووون معندكش حاجة في الكبش راكي كيفي ماناكلش اللحم الله غالب
ناكل غير الكبدة معنديش حاجة في اللحم الاحمر
ناكل غير الكبدة معنديش حاجة في اللحم الاحمر
هههههههه
الرقاد تيعي يفض على 9 سا
اممم جبتيلي الاختصار و انا قلت احكي بالتفصيل
ماعليش التفصيل جيبهولي المرة الجاية
الرقاد تيعي يفض على 9 سا
اممم جبتيلي الاختصار و انا قلت احكي بالتفصيل
ماعليش التفصيل جيبهولي المرة الجاية