ماذا ستطبخين اليوم سيدتي الجزء 7

[oumsif]

بصحتك شهرزاد القرتان جاك روعة
مريم واش رايحة دير اختي دري حاجة خفيفة وخلاص كلش مقلي و فرات الرجالة هدي طبعتهم اخر دقيقة باش يعلموا لمرأ قاصهم العرضة ساهلة
دهبيتوا صيامك في الجنة انشاء الله

 

[oumsif]

الله يسلمكم دهبيتوا و راجية

 

[Djazaire-El-Ghalia]

السلام عليكن وأسعد الله نهاركنّ بكلّ خير نسيتو بنات باش تباركولي ولّيت بنفسجيّة اممم عجبتني روحي ولّيت أحلى:shay:شوفو لتحت هههه أنا كمّلت مقروط لعسل للعيد راني نخمم ندير عروبيات روزيتا ظهروا لي ساهلين وشكلهم جمييييل وربّما سأنضم لحملة ليكالدي في المطبخ موفّقات في هذا اليوم الجديد قبلاتي لكنّ

 

[روز]

مبروك عليك اللون الموف جزائر الغالية
وموفقة في وصفة العروبيات
تقدري تبدلي لون العجينة وتعمليها بلون الشكولاطة بالكاكاو
والوردات تخليهم لون ابيض تجي روعة تاني

 

[رآج ـية العفو]

وعليكم السلآم ورحمة الله
هههه مبروووك حبيبة جزآئر الغآلية صآر لونك حلو كيفك
ربي يعآونك خيتو وبصحتكم​

 

[oumsif]

جزائر الغالية مبروك اعليك الكوستيم البنفسجي جاك تحفة لعقوبة ليا ولزاملات احنا مزلنا بالبدلة الخضراء :sheer::sheer:

 

[dahbito]

جزائر الغالية مبروك عليك الترقية هههههه
ربي يعاونك يا لحبيبة والله بلاك حتى انا راني رايحا اليوم ننظم لحملة لكالدي سخفونا فيهم​

 

[shahrazad]

راجية العفو -dahbito-samora
الله يسلمكم خياتي

جزائر الغالية راكي حنونة بالموف مبروووك ههه
​

 

[shahrazad]

حبيت نسقسيكم لبنات
خبز الفرينة الي عملاتو عفاف اني حابة مقدار الخميرة
ياريت الي جرباتو تقولي
​

 

[ibtesem]

السلام عليكم البنات
نهاركم مبروك مملوء النشاط
بصحتك التليتلي سمورة
شهرزاد بصحتك الغرتان
يالغالية باركتلك البارح انت منتبهتيش كوني لاهية بالمقرود
انا طبقة تارت تاع حكيك جات اممممممممممممممممم
بارك الله فيها على الوصفة

صور داو شوية فلو يمكن

 

[روز]

يعطيك الصحة على التارت شكلها هايل

 

[nada242008]

السلام عليكموصح غداواتكم
انا درت لوبيا اممممممممممم هذا ماينفع مع البرد والنو هههه بصح راني نشوف في كلش دوبل

 

[السلطانة]

هادا غدايا اليوم
فطير او كيما تقولولو شخشوخة بالدجاج
عذرا على رداءة الصورة
دارلي عقدة البورتابل هادا في جرتو موليتش نصور
بصحتكم كامل لغدا
يممم طاطا ابتسام جاتك هايل لاطرات هادي
تاكلوها بالصحة


​

 

[shahrazad]

امممم يا ابتسام هايلة لاتارت
بصحتكم
​

 

[oumsif]

بسومة بصحتك التارت جاتك روعة
ام ندي لوبيا وعليها لكلام كيما يحب الخاطر تاكلوها بصحة
سندريلا بصحتك الشخشوخة

 

[حاملـة المسك]

السلام عليكم

بصحتكم البنات الطيبات المرق و القرتان و الكالدي :shiny:
ندى جاتك هايلة البقلاوة و الدزيريات راجية راكي معلمة في الحلويات ماشاء الله عليك
نانوس صورحلوياتك مظهروليش بصح بردو يعطيك الصحة
اليوم درت حلوة السيار درتها في السيار الاخير الواسع
جاتني ماشاء الله شكرا لصاحبة الوصفة و البارح درت المقروط
أم منصف وليت اليوم و شريت طابع الجوزة و امور اخرى
وريت للبائع صورة الطابع جبدهولي قالي مفهمتش تقصدي في هدا
فعلا يتباع مع طوابع مماثلة ليه....مي يا ترى وش هي خدمتهم ..؟
شكرا لك ام منصف يا البنات نحاولو نحافظو على هذا الموضوع و نقصو الدردشة رانا إستفدنا إستفادة كبيرة منو
الله يجزيكم بكل خير

سمورة انا و نت غدانا 1 ​

 

[dahbito]

تطبيقك رائع بسومة شهيتينا فيها بصحتكم
اهلين ام ندوش وبصحتكم اللوبيا
وساندريلا بصحتك الفطير
اهلين رغودة وعندك الحق لازم نقصوا شوية تقرعيج
​

 

[merieme hassi]

السلام عليكم
اليوم كنت في ورطة حقيقية و مكاش عندي مصرووف كبير في الدار لبقت بالموجود
جبدت لبات فايتي من الكونجيلاتور و جبت الدجاج و كانت عندي شربة العدس موجدتها لينا للفطور هي و السلاطة

و هده الصورة للفطور الي عملتو لصاحب راجلي





قبل ما تجيتني الورطة كنت نخدم في الكروكي

 

[ام ابتسام]

ام ابتسام, ‏arsalane, ‏لڪْبريآئيْ روْآيہَ, ‏أم نيفين, ‏ام منصف, ‏ام ايناس وفاروق, ‏امة الرحمن, ‏Djazaire-El-Ghalia, ‏faloussa, ‏ibtesem, ‏merieme hassi, ‏mimi53, ‏NaNouS, ‏narjes81+, ‏smiliani1, ‏كوثر الوهرانية+

يسعدلي يومك ياحلوات ان شالله كلكم بخير

واش شريتوا العيد ولا مازال

الكباش غالية بزاف هذا العام

نص الناس انظن ماتعيدش لاكن مدام القادر على شريانه ماينساش خوه المسكين يحن عليه بشوية لحم

بصحتكم واش طيبتوا كامل تبارك الله على ايديواتكم

انا اليوم طبقة وصفة اختي ام ايناس تاع القرتان بالبشاميل وجاء روعة يعطيك الصحة انا اليوم ماصمتش لاني عندي رياضة فخليتها غدوة اذا كتب ربي

هذا غدايا

فقط اضفت عليه شوية تاع لحم مرحي وبيضنجان لاكن الطعم ام رائع


ربي يباركلكم كامل في هذي النعمة

 

[merieme hassi]

بصحتكم كامل فطوركم من ابتسام الي ام ندي الي سمورة الي ام نيفين الي حاملة المسك الي دهبيتو الي سندرلا الي شهرزاد الي رزو ال الجميع كل واحدة باسمها
نانوس يسقسي عليك الخير حنونة
السوال علي الغايبات