ماذا ستطبخين اليوم سيدتي الجزء 7

[oumsif]

نعم روز سمعت بيه الهيل قالتلي اعليه واحدة قالتلي يبنن الاكل و القاطو
ملاحظة (الغرس كي طيبوا في برمة ثقيلة مع مغرف زبدة شوية ماء الزهر فوق النار حتى يعود طري ومن بعد خليه يبرد واخدم به واش حبيتي يجي روعة جربوه وما تندموش

 

[oumniati]

الخبز تاع بسومةربي يعيشها:sheer:


https://www.4algeria.com/vb/showthread.php?t=312827

برك اناخليتهم خبزات كيما تاع الهمبرغر

 

[رآج ـية العفو]

مممممم بصحتكم العشآ
أمنيآتي طآبلة تشهي بصحتكم
صح فطور الصآيمآت
كنت رح ندير خبز محضي شفتو وعجبني اللي حوست
عليهآ مآ لقيتهآش في الدآر وهذآ وين شرآولي الصوآلح
قلت حتى لغدوآ نخدمه
عشآنآ مرقة بالبطآطآ وسلآطة ​

 

[ألاء الرحمـــن]

مشكورة امنياتي على الرابط يعطيها الصحة ابتسام خرجلها روعة

ان شاء الله نجربو يعجبني بزاف خبز الدار سورتو الكسرة كاش نهار نجيبهالكم من مطبخي


​

 

[رآج ـية العفو]

أمنيآتي الخبز جآك هآآيل يعطيك الصحة وبصحتكم
​

 

[oumniati]

الله يسلمك رجوو بصحتكم واش تعشيتو
صح فطور الصايمات وما تنساوش الدعاء لفلوسة ومريومة وياسمين وحلمي الامومة وكل محروم
السلام عليكم ورحمة الله وبركاته

 

[ibtesem]

صح فطركم يالصائمات
ربي يتقبل منكم
اكثرو من الدعاء لخواتتنا ربي يرزقهم
راها 1:15 امنياتي طريق مزال

 

[ŚσÚмĨÁ.Ďz]

مساء الخير يالبنات
كيرااكم ؟؟ صحاا فطوركم
ربي يدومها
مها اهلا وسهلا بيك معنا السابلي وليكادي جاوك هاايليين
نروح نشوف وش راكم دايريين

 

[روعة2005]

بصحتكم لبنات الفطور ربي يتقبل منكم الصيام
امنياتي ممممممممم فطورك هايل وتطبيق روعة صحتين
سمورة الف الف شكر ربي يبارك فيك حبيبتي سؤال اخير الزبدة نذوبها ولا تكون طرية
انا فطرت وطبقت ليكاليدي مممممممم ضربت منهم 2 مصدقتش هههها تالمو كنت ريجيم ناكل ونتبنن جاو خفاف وبنان روعة وزدت معاهم طاجين جلبانة بالجاج وفواكه وعصير ربي يديم النعمة مباعد نحط الصور
لي ناوية غير جربي لي كاليدي ومش حتندمي ممممممممممم مرسي فلوستنا

 

[oumsif]

فوفة صح فطورك اختي الزبدة تكون دايبة راني اهنا اسأل كيما تحب

 

[روعة2005]

الله يسلمك حبيبتي سمورة اكيد راح نجربو هذا العيد بحول الله هو وتاع روز شوي منا وشوي منا

 

[prncess fifi]

امنيتي تقدري تقوليلي وشنوا هداك مع روز عندي ضياف نهار العيد تعيشي اختي ​

 

[faloussa]

صحا فطوركم البنات
انا اليوم درت لاسوب وليكالدى وسلاطة نتاع الارز

 

[ألاء الرحمـــن]

مشكورين على الترحيب وصحا فطوركم يا الصايمات صيامكم فالجنة وبصحتك لاسوب ولي كادي فلوسة يعطيك الصحة شهيتين ليهم غدوة الا كتب ربي نزيد نديرهم
انا اليوم مقدرت نفطر شربت قهوة برك كسرت صيامي

​

 

[ŚσÚмĨÁ.Ďz]

صحا فطوركم يا الصايمات صيامكم فالجنة
رانى لاهية ندير في الكرواسون بالشكولاتة
نرووح نشوفه واكيد نحطلكم صور ممبعد

 

[nada242008]

مها مرحبا بيك معانا والسابلي خرجلك هايل
صح فطورك فلوسة طابلة هايلة
وفوفة ثاني صحا فطورك وبانتظار الصور
صحا فطور الجميع
سلام خاااص الى تسنيم 55 طولتي الغيبة ..ان شاء الله تكوني لاباس
كوثر ثاني مابانتش اليوم هههه ماتقوليش صحاب راجلك راهم عندك :shiny:
وعفاف اطلقي خوك شويا وطلي علينا هههه نتقاسمو الكادوات :shay:
هذا عشايا
درت الباذنجال تاع ايام الدورة وسلاطة

--

وزوووووووووم

 

[روز]

الله الله ام ندوش على ذاك الدنجال وريتو لابو الشباب قالي غدوة ديريه ههههه
خرجلك هايل
فلوسة بصحتك لكالدي نجربو ان شاءلله غدوة اذا ماتعطلتش

 

[imane27]

صح فطوركم وصايمات خصوصا
فلوسة عشاك يشهي بصحتكم
امنياتي اطباقك رائعة بصح دورك يبرد ومغرب مزال
ندى بتنجال راه يشهي انا لوكان نقليه ميكلو حتى واحد
فكرنى فالوصفة بلاك نديرو غير ليا

 

[كوثر الوهرانية]

اهلا بالغولي
كيراكم خوتاتي
بصحت فطر الصايمات
ربي يكثر خيركم خوتاتي و يزقكم من كل خيرات
الله الله عليكم راكم ساجيات تبارك اله كل شيء هايل اله يدومها نعمة
اهلا بيك اختي مها معنا لي كالدي جاوك هايلين
ايه يا ندوشة فكرتيني في هداك الدنجال اممم بصحتكم
فوفة بصحة فطورك شفتي لي كالدي كي بنان
ندوشة اليوم الصباح جاتني امي و اخي فطروا عندي درت روز بالجلبن و سخت لاسوب تاع البارح و طجين الجلبان تع البارح تعرفي خويا يحب طبخي يموت عليه و عجنت الخبز و كي راحوا خرجت مع كريم ولدي مقراش لعشية رحنا لمدينة جديدة شريت لعطور و شريت شناقل لصغار و شريت طوابع تع قاطوا و منهم الطابع الي وراتهلنا اخت حكيك دهمت لافوار شريت زروفة لقيتهم رخاس و اني طباسة شابين و رخاس ه درت راي وجيت
و كي دخلت لدار ادن المغرب رحت نجري طيبت قهوة لراجلي انا شربت كاس حليب حليت الصيام و تمرات و وليت طيبت بومفور جا في خاطري
هدا نهاري تاع اليوم

 

[nada242008]

روز ههههه متفاهمناش رايحة تنقلي ال menu كامل لوبيا وباذنجال ولي كاليدي
ايمان راني بدلت في الوصفة شوي من قبل كنت نفورو بصح كي شويتو في الفرن جا خير
جربي حتى حبة واحدة
تقشري الباذنجان بقشارة البطاطا زيgـة زيـgـــة على قولة الله يرحمو :schmoll:
ومن بعد تقطعيه شرائح وتحطيهم في بلاطو .. تدهنيهم ب pinceau بالزيت وتذرذري عليهم الملح في الجهتين
تدخليهم للفور يطيبو حتان يحمارو وتقلبيهم من الجهة الاخرى ثاني يحمارو
ومن بعد تحطي فرماج بين كل شريحتين // انا استعملت لافاش كيري
تغمسيهم في حبة بيضة فيها فلفل اكحل ومن بعد في لاشابلير وتقليهم في زيت سخووون غير قيس ما تتحمر خطراه راهو طايب
تنشفيه من الزيت وتقدميه