السلام عليكم ورحمة الله تعالى وبركاته
أول مرة دخلت لمطبخكم الرائع وجبتلكم معايا قاطو بسيط ان شاء الله يعجبكم
المقادير
250غ مارغارين (انا نستعمل لابال)
125غ سكر بودر
3 صفار بيض
كاس مايزينة
1/2 خميرة (مقدار مغرفة صغيرة )
قضور البرتقال او الليمون على حسب الاختيار
فرينة حسب الحاجة
معجون مشمش للتلصيق +مولون وردي للتزين +سكر بودر
التحضير
نحطو المقادير السكر مع البيض والمارغرين نضربهم مليح بالباتور وتدريجيا نضيق بشور البرتقال والخميرة وبعدا الميزينة وفالاخير الفرينة حتى نتحصل على عجينة تكون طرية شوية
بعدها نقطعها قريصات وناخد بالوحدة ونرش الطابلة بالفارينة باه ما تلسق ونطرحها رقيقة بسمك نصف سنتيم وانتي تختاري الشكل الي تحبيه انا اخترت دائري وبعد الطهي خليها تبرد ولصقيها بالمعجون وترشي عليها سكر بودر وباه يسهل عليك اللصق انا ندهم الوجه بالماء زهر نخليه ينشف شوية ونرش سكر قلاص وفالاخير نحط كيمة من المعجون ونضيفلو ملون الوردي وبعدها نعمر الفراق الي فالوسط
أسفة على عدم وضع المراحل بالصور كنت على عجلة
ان شاء الله يعجبكم شكلها النهائي
