قاطو بلا بيض خفيف وبنين من مطبخي و بالصور

[أميرة اميرة]

السلام عليكم و رحمة الله و بركاته
نتمانالكم عيد سعيد مبارك و كل عام و انتم بالف خير سنين دايمة ان شاء الله
اليوم جبتلكم حلوى عندي زمان و انا نستعملها كتجي بنينة بزاااااااف و خفيفة و ما فيهاش بزاف مقادير و ساهلة في التحضير نتمنى تجربوها و تردولي الخبر
نبدا بسم الله بالمقادير
500 غ زبدة او مارغارين
5 مغارف كبار سكر رطب (يعني سكر قلاصي)
كاس تاي صغير ماء زهر
كاس كبير ماشي معمر كاوكاو محمص و مرحي رقيق
جلجلانية محمصة و مرحية الكمية اللي تحبي بصح متكثريش بزاف باه ما يتكسرش كيطيب
الفرينة على حسب الخليط
للتزيين
عسل تكون شوية ثقيلة
قوفريط مرحي
و كمية من الكاوكاو محمص و مرحي خشين


نروح لطريقة التحضير و كل شي موضح بالصور
نبدا على بركة الله

























نحطه يطيب في الفرن على درجة 180 و نرد بالنا عليه خاطر ماياخذش بزاف وقت للطياب ومن بعد نخليه يبرد تماما يا ريت يبات ليلة كاملة ثم نغطسه في العسل و نمرغده في خليط الكاوكاو و القوفريط لمرحي
و هاد شكله





و اي استفسار اخواتي انا في الخدمة متترددوش
و اذا عجبكم يا ريت دعوة للوالدة الله يرحمها بالمغفرة و الرحمة
الله صل و سلم وبارك على سيدنا محمد​

 

[سمو الأميرهـ]

عجبتني الطريقة مي لي فوطو ماخرجوش
يعطيك الصحة ختي

 

[dahbito]

حبيبتي الصور لم تظهر

 

[أميرة اميرة]

اختي سمو الاميرة و اختي dahbito انا رجعت غيرت مركز التحميل ان شاء الله يظهرولكم الصور هاد المرة
الف الف شكر اسعدني مروركم الطيب​

 

[ام خديجة1]

بارك الله فيك اختي اميرة حلوة خفيفة والله يرحم الوالدة ويدخلها فسيح جنانه ويغفر لها

 

[shahrazad]

ربي يبارك فيك حنونة
قااطو جاك هايل
/
ربي يرحم الوالدة وجميع موتى المسلمين
​

 

[اميرة الساحل]

حلوى هايلة اختي اميرة اميرة ان شاء الله نجربها و نردلك الخبر
اللهم صلى الله و سلم على سيدنا محمد و على اله و صحبه اجمعين
دعوة بالجنة لك و للوالدة الله يرحمها "" اللهم اجعل قبرها واسعا و مضيئا عليها و ارحمها برحمتك يا ارحم الراحمين و اجعلها من اهل الجنة امين امين امين...................امين ...يا رب العالمين""

عندي سؤال اختي شحال تعطيك من حبة في هذه المقادير و هل ضروري نخليها تبات باش نغطسها في العسل
مزيد من التالق تحياتي لك ​

 

[بنت الجسور المعلقة]

نفس طريقة لغريبيبة الكوكاو مي منديرلهاش ماء الزهر يعطيك الصحة لحبيبة نجربها ونرجعلك لخبرررررر
​

 

[حكيك]

مشكورة على الوصفة جاك هايل وربي يرحم الوالدة

 

[kahla]

شكراا ليك حبيبتي على الوصفة رائعة

 

[نيهاوند غصون]

شكرا لك
الله يرحم الوالدة ويغمد روحها الجنة ان شاء الله
​

 

[عاشقة الوردة]

مشكورة عل الوصفة
وربي يرحم الولدة ويسكنها الفردوس الاعلى يارب

 

[wafae sarah]

رآئع اختي جاك هايل

 

[سمو الأميرهـ]

اختي سمو الاميرة و اختي dahbito انا رجعت غيرت مركز التحميل ان شاء الله يظهرولكم الصور هاد المرة
الف الف شكر اسعدني مروركم الطيب​

يعطيك الصحة حبيبتي
جا يشهي
ان شا الله نجربو
لاشكر على واجب :re_gards:

 

[imane27]

حلوة عجبتني نجربها انشاء الله والله يرحم الوالدة يعطيك الصحة

 

[كوثر الوهرانية]

الف شكر اختي اميرة على الوصفة الرائعة و السهلة بارك اله فيك
وربي يرحم الوالدة و يسكنها فسيح جنانة

 

[rima29]

يسلموا ايديك حنونة
وصح عيدك​

 

[شذى الاسلام]

حلو ى تشهي رائعة ..................ماديريش فيها خميرة كيميائية

 

[أميرة اميرة]

نورتوني اخواتي ربي يبارك فيكم و يسعدكم نشكر كل وحدة باسمها و الله اسعدني مروركم الطيب و الف شكر على الدعوات ربي يخليلكم كل عزيز و غالي و عيدكم مبروك كل عام و انتم بخير سنين دايمة ان شاء الله
حبيبتي اميرة الساحل هاد المقادير تعطيلك اكثر من 70 حبة و الاحسن تخليها تبرد تماما ماشي شرط ليلة كاملة المهم تحسي بلي بردت مليح باه متتكسرش الحبة تاع القاطو كتحطيها في العسل
حبيبتي شذى الاسلام هاد الوصفة ما فيهاش الخميرة
عزيزتي سمو الاميرة الحمد لله اللي شفتي الصور و الله فرحتيني ان شاء الله تجربيه
​

 

[MIMICHA1977]

شكراا ليك حبيبتي اميرة على الوصفة رائعة