احشمي ...استحي

[saim bout]

ياختي بارك الله فيك
وبارك فلي رابواك
وربي يكثر من امثالك

 

[malek2010]

3andak lha9 5ti dorka hna drari ki n3odo nmchiw f wast lbnet wla f tri9 walleh hna li nhato rasna parceque tafla drok wlat ma thchamch n9olha bkol saraha rah l9dar anta3 bakri w lokan tb9a tfixi fiha rah ma tnhich 3inha hat bark tahdar m3ak walleh krahna mn had l3a9lya sagmo rwhikom chwya aya salemmm

 

[ChahraZad.t]

كلامك رائع اختي ربي يجازيك و يجعلها في ميزان حسناتك شكرا

 

[zahira92]

موضوع رائع ربي يحفظك ونتمنى من كل قلبي تتبدل العقلية تاع المشي والصحبة عند لبنات ماكاش لي خاف عليك ادا مخفتيش على روحك

 

[arwa19]

أهلا بيك فازو​

يعطيك الصحة على الموضوع الباهي لمليح بزااااااف
والله الواحد يحير كي يشوف طفلة 14 سنة وراح أطير
البارح وانا نمشي شفت زوج ولاد قولي 23 سنة وروحن يتمشاو وشفت زوج بنات بلاك 15 سنة يمشيو ويدورو وراهم يتبلاو في ليجان هذو
والله حرت وقلت قلت الحشمة وتغيرت الدنيا والفطرة ...
كيما قلتي الطفلة ألي تغلق الباب واحد مايتبلاها وحتى لوكان يتبلاوها يلقاو الباب من حديد مغلوق ...​

تستاهلي تقييم​

أنا من رأى أنو الطفلة لى تقعد تشارشى لطفل متحشمش والرسول صلى الله عليه وسلم قال (ان لم تشتحى فصنع ماشئت) ماعندك ما تهدر معاها و الطفل لي يزيد يمشيلها فى الخط كثر منها كون جاو الذرارى تانى متربيين كى يشوفو واحدة هكا ميعطيولهاش وجه هي ديرها مرة و زوج و تلاثة ومبعد تولى تخاف تتبهدل
وصراتلى شفت وحدة فى fast food دخلت أنا وأختى نفطرو واحدة قعدت مقبلة زوج ليجان وكنا حنا تانى مقابلينها فى الجنب لاخر قاعدة دير فى ليجاست تلعب بشعرها وفمها و عينيها و.........:scared: لى كانو فى الصالة كامل حشمو واحد مع مرتو خرج و واحد من زوج ليجان عطاها بظهرو ولاخر طفرت فيه مسكين ههههههه ومن أضعف ايمانو هبط راسو هو حشم خدودو حمارو:shay: و هي؟؟:cra_zy:؟؟ ومبعد كثرت ناضو و خلاو فطورهم و مول fast food ولايحلل فيهم باش يكملو هما خلصوه عطاولو دراهمو وراحو وكامل خرجنا و خليناها هى فيها ربى يهديهم​

 

[*امينة*]

والله غير عندك الحق
انا راني كي نشوفهم نحشم في بلا صتهم

موضوعك رائع

بارك الله فيك
​

 

[Badech]

سلام اخي
ودي ..... كلام زين
صراحة اخي كما قلت .. ,, قد تتخلى على كل ما لديها من اجله
( ممكن في الأخير لا تجده
الي فحلة فحلة تاع الصح
سلام ’,
A.hak - badech

​

 

[mimi_so]

هذه هدرة باهية ربي يخليك بعقلك اختي
كلامك صحيح مانعرف واش بيهم لبنات هبلو في هذا الوقت وخاصة تاع المتوسط والله يحيروني
بارك الله فيك على هذا الكلام

 

[josefcom]

ولات لااااااامووووووووود
.
.
.
.
..
.
.
.
.
.
.
.
بابا
​

 

[هنا الرياض]

الاسلام بدا غريبا وسوف يعود غريبا فطوبي للغرباء ،، ربي نسألك اللطف في قضاءك والستر لبنات المسلمين ، اكبر مصيبه تعرضت لها الامة الاسلاميه هي الغزو الفكري القمعي الذي تم عن طريق الاستعمار سابقاً وحاليا عن طريق الاعلام والتلفزيون الفاسد

 

[mona_mimi]

هاد ليام البنت غير تخرج من كرش امها مادام تغوث كما باقي الخلق بمعنى وااع واع واع
هي تقول نتزوج
استغفر الله العلي العظيم تلقاي بنت عنها 12 و حتى 10 و فعايلها نتاع الشبانيات
دروك نتكلم على بنات وولاد
كاين لي يقول التربية لكن انا نقول ممكن التربية لها دور لكن كم مرة صادفت ناس والديهم تبارك الله و نعم الناس لكن ولادهم في الاتجاه المعاكس تمام
و العكس صحيح والدين مو حتى لتم لكن الأولاذ تبارك الله عليهم

 

[mona_mimi]

موضوع رائع دخلت نيشان في الهدرة :shay:
شكرا لك اختي

 

[مابقاش بزاف.Dz]

mrc hanouna rabi yehfdek

 

[صـ كحرفـ محفور ـامتة]

هادي هي

 

[ღحنين الروحღ]

السلام عليك

والله عندك الحق يا اختي
مي هدا الشئ عاد مودا مابين البنات والي ماتعملش كيفهم يعني ماتعرفش الشباب وعمرها ماخرجت يطلق عليها اسم *المعقدة*
+الطفلة كيما تبدى تكبار شوي لازم عليها تصاحب الشباب والا تصبح غير مقبولة عند الفئة التي تنتمي اليها.وهدي الفكرة ترسخت في عقولهم مع انها فكرة خاطئة
علاش ماتتسابقش على قرايتها وتنجح
علاش ماتتسابقش باه يقولوا عليها *الله يبارك زين وعقلية ودين وتربية*
علاش ماديرش الحوايج الي تفيدها
مي مع من تهدري
كعبة باطاطا خامجة خمجت الكازي كامل

+الشباب ادا لقاو الفرصة علاش يقولوا لا يعني كيما قلتي انت الطفلة هي الي تخليهم يغلطوا فيها ولا وحدة فيهم تقولك انا الغالطة وانا الي وافقت حتى كي تتعارك تقول او جرى من ورايا باه قبلت بيه


*الباب الي يجيك منو الريح سدوا واستريح*
مي هما راقدين وماخدهم الكلام المعسول والكاسطات الي حافظينهم الشباب ويعزفوهم كل ما يحطوا عينهم على وحدة


الله يدهدينا ويهديهم يارب
وينور قلوبنا
يارب
شكرا ليك على الموضوع والله يكثر من امثالك يارب
موفقة​