هنا يمكنكم وضع طلباتكم واستفساراتكم للحلويات

[dahbito]

هذا الركن مخصص لجميع استفساراتكم وطلباتكم في مجال الحلويات

**حلويات جزائرية عصرية**



**حلويات جزائرية تقليدية**



**كيك ولتارت**




انا في انتظار طلباتكم تقبلوا مني فائق الاحترام والتقدير:re_gards:
ذهبية :sheer:​

 

[bachboucha]

السلام عليكم جزاك الله خيرا
انا بغيت نسقسي على قريوش النجمة خدمتو ماصلحليش
رابط الوصفة
https://www.4algeria.com/vb/showthread.php?t=315905

انا خدمت كيلة زبدة ب 3.5 فرينة و نصف نشاء و بيضة و ماء زهر و ماء دافي حليت على النشاء كي حطيت على طجين نحيتها كي بديت ندور تتكسر لعجينة
الاسئلة
علاه تتكسرلي العجينة ؟
قداه مرة ندورو العجينة ؟
شكرا مسبقا
​

 

[dahbito]

وعليكم السلام اختى
اولا انت على حسب المقادير الى خدمتي بيها راكي صح
مي المشكل كان انك خليتيها تطهى على هذا ولات العجينة تتكسر لانها طابت شوفي الاخت واش قالت
2-ضعيها فوق طاجين الحديد حتى تجف { رمشة عين و انزعيها لا تتركيها تطهى فوقه}
يعني انك تحوطيها غير باه تنشف برك باه تساعدك في القص

اما بخصوص شحال دوري العجينة
انتي كي تحليها بالحلال تبداي دوري فيها حتى تكمل العجينة وتتحصلي على الشكل المطلوب
حبيبتي ارجو اني جاوبتك واي استفسار اخر انا في الخدمة
​

 

[dahbito]

ارجومن الخوات الى عندها اي استفسار تضعوا هنا
باه ميكونش الركن مختلط​

 

[Chakib Developpeur]

شكرا اختى لكن ياريت يكون ركن مستقل بداته حتى نقدرو ندخلو ليه مباشرة بلا ما نبحثو لان المواضيع فى تجدد

 

[Chakib Developpeur]

ياريت اختى لو تقولينا عل الجلاصاج المعمول بالقازوز الابيض اناعملت واحد من المنتدى بالفندون جا مليح و طري لكن ما جانيشاملس و يلمع و فيه فقاعات هواء صغيرة مع العلم انا ضربت البياض كالثلج

 

[dahbito]

شكرا اختى لكن ياريت يكون ركن مستقل بداته حتى نقدرو ندخلو ليه مباشرة بلا ما نبحثو لان المواضيع فى تجدد

اخي ان شاء الله الاخت حكيك تقوم بتثبيت الموضوع ويمكنكم طرح اي استفسار

 

[dahbito]

ياريت اختى لو تقولينا عل الجلاصاج المعمول بالقازوز الابيض اناعملت واحد من المنتدى بالفندون جا مليح و طري لكن ما جانيشاملس و يلمع و فيه فقاعات هواء صغيرة مع العلم انا ضربت البياض كالثلج

اهلين اخي
قلاصاج القازوز الابيض
المقادير:
كاس شاي قازوز حمود بوعلام ابيض
كاس شاي عصير ليمون
ماء الزهر
ملعقة اكل بياض البيض
سكر قلاصي حسب الحاجة
التحضير:

وهذه المقادير للقلاصاج تخرجلك كمية كبيييييييييييييرة
يمكنك انقاص في الكمية اذا حبيت



​

 

[Chakib Developpeur]

شكرا اختى العزيزة ماقلتيش شحال نحط ماء زهر و كاس الشاي شحال يرفد لانو فيه انواع كثيرة ارجو الاجابة على فكرة انا سيدة مسجلة باسم ولدى

 

[Chakib Developpeur]

و ممكن الاستغناء على البياض لانو الكمية قليلة بزاف اسمحيلى طولت عليك

 

[dahbito]

هذي طلية بالحليب
نصف كاس حليب
مغرفة صغيرة زيت
مغرفة صغيرة فاني
نضع الحليب وفاني ونخلط ثم نضيف سكر قلاص شيئا فشيئا حتى تتماسك
بعدها نضيف معرفة زيت لكي تبرق
واللون حسب الذوق ومن احسن تخلطي رشة من اللون في ماء الزهر لكي ينحل ​

 

[dahbito]

شكرا اختى العزيزة ماقلتيش شحال نحط ماء زهر و كاس الشاي شحال يرفد لانو فيه انواع كثيرة ارجو الاجابة على فكرة انا سيدة مسجلة باسم ولدى

ماء الزهر حسب الرغبة كيما تحبي حطي يمكن تحطي 2 مغارف كبار ويمكنك تحطي كاس شاي ماء الزهر
والكاس كيما تحبي اذا كانت كمية كبيرة ديري كاس شاي لي نشربوا فيه لاتاي كيلي بيه
تفرغي جميع السوائل وتخلطيهم جيدا القازوز ماء الزهر عصير الليمون ونسيت مقتلكش مغرف زيت ومغرف بياض البيض تخلطيهم مليح ثم يفي السكر بودرة حتى تتماسك وجربي بالحبة وشوفي
​

 

[dahbito]

و ممكن الاستغناء على البياض لانو الكمية قليلة بزاف اسمحيلى طولت عليك

لا يمكن الاستغناء عنه فهو يعطي تماسك للقلاصاج
انا هنا موجودة لحدمتكم ماطولتي عليا ما والوا مرخبي بيك معانا في اللمة اي استفسار انا في الخدمة​

 

[أم ماريا الحلوة]

السلام عليكم أختي
أناعندي مشكلة مع البسبوسة
تجيني بنينة لكن ماتتقطعش مربعات تتفتتلي
مقاديري
4 فنجان سميد-1 فنجان سكر- 1/2 فنجان زيت- 1 فنجان حليب- 2خمارة
نخلطهم بالملعقة
لما تطيب و هي سخونة نسقيها بالشابات
ما عفتش علاش ما تتقطعش و تتفتتلي

 

[cherine]

موضووووع في القمة
يعطيكم العافية اخواتي​

 

[Chakib Developpeur]

شكرا اختى على الرد و الاهتمام جلاصاج لحليب جربتو هادى سنين لكن بعد مدة قصيرة يصبح يابس على بيها قلت نجرب انتاع القازوز قالو مليح و شكرا مرة اخرى

 

[dahbito]

السلام عليكم أختي
أناعندي مشكلة مع البسبوسة
تجيني بنينة لكن ماتتقطعش مربعات تتفتتلي
مقاديري
4 فنجان سميد-1 فنجان سكر- 1/2 فنجان زيت- 1 فنجان حليب- 2خمارة
نخلطهم بالملعقة
لما تطيب و هي سخونة نسقيها بالشابات
ما عفتش علاش ما تتقطعش و تتفتتلي

ولكن اين البيض اختي
هذا الشى هو لي خلاها تتفتت
هذي وصفتي للبسبوسة
المقادير
4 بيضات
قشور ليمون
رشة ملح
كاس حليب
كاس زيت مهوش معمر
1/4 كاس سكر
كيس ونصف خميرة حلوى
3 كيسان دقيق

الشاربات او القطر
كيلة سكر + كيلة ماء+ نصف حبة قارص
اختي انتي المشكل نتلعك في البيض هو الى يخليها تتماسك
ان شاء الله نكون افدتك اي استفسار انا في الخدمة
​

​

 

[Chakib Developpeur]

مبروك عالى تثبيث الموضوع كنت نتمنى يكون ركن مستقل بداتو

 

[dahbito]

مشكورة طاطا حكيمة على التثبيت ​

 

[Chakib Developpeur]

سلام اختى انشاء الله تكونى لاباس حبيت نسال على حلوة petit four اللى يباع فى ليباتيسرى يعجبنى بزاف يجى خفيف و بنين جربت شحال من وصفة و مانجحتش فيه الى عندك الوصفة باسرارها ما تبخليش علينا بيها و شكرا