قتلو واشي هيا بنت فاميليا ألي يقصدها ؟؟؟

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
أيا واحد الليلة جاوني زوج صحابي لاجودان والسلفي نسهر معاهم كي العادة
أيا قالولي رانا كنا مع فلان وفلان حكمونا بالهدرة وقاعدين يحكيو على لمرا الصالحة بنت الفاميلا
قالي ويشكيو بلي ماكانش وقليل وواحد يقلو انا قطعت لياس، ولاخر يقلو بقالي غير ربي سبحانو، ومانعرف واش ...
أيا قتلو يا نبيل (لاجودان) فلان واشي هيا بنت الفاميليا ألي يقصدها باش نقولولو كاين ولا ماكانش ولا قليل ؟؟؟
قالي مانعرف ؟؟؟​

قتلو أنا نقلك :
إذا يقصد وحدة تقوم الليل وتصوم وتصلي ونية ووو قتلو هذو ماكانش كاين هكاك 43 وحدة في الجزاير برك هههههه
وإذا يقصد وحدة محترمة وجامي مشات ولا دارت علاقة -محرمة- وقادر حتى ماتصليش وماشي متحجبة قتلو هذو كاين بصح قليييييييييييييل ومايبانوش ، تقريب 342 وحدة في الجزاير ههههههه ...
قتلو وإذا يقصد مشات وهدرت ودارت علاقة -محرمة- بصح غير معاندة برك على صحاباتها وماشي من القلب قتلو هذو بزااااااااااف والأغلبية ...
قتلو وإذا يقصد ألي دارت علاقة من قلبها ومنها صح وشتات زعما برك والخرطي هذاك قتلو هذو غير هوما هههههه
هذو هوما تبالي أصناف لبنات ولا غالط ؟؟ هههههه
وتبالي هذ الأصناف تصلح على لولاد ثاني، ومانعرف راني غالط ولا صحيح هههههه
حبيت نشوف رايكم وهل صح يقدر الواحد يشكي ويقول بنت الفاميليا ماكانش ؟؟؟
أو ان بنت الفاميلة يظهرها ربي غير لولد الفاميلة ؟؟؟
ملاحظة:
رانا نحوسو غير على الصنف الثاني وإذا الثالث ماعليهش ههههههه​

 

[عالي الحمدي]

شكرا الاخ سفيان ..

الطيور على اشكالها تقع ..

الطير الاصل فيه ما يزوج حمامة ..

والاصا الطيبة للطيب .. والخبيث للخبية ..

وقد يحصا استثناء من باب الابتلاء والاختبار فبعضنا لبعض فتنة .. اتصبرون ؟؟

نخليك مع الجماعة ..

 

[adel-mz]

سلام
والله يااخي بقدر بنات الفاميليا مكانش بقدر ولاد الفامليا ايضا مكانش
وقت مخلط ،وربي يمد على حساب نية العبد اذا كان طيب رايح يطيح في طيبة والعكس صحيح
+
بنت الفامليا كاينة ومزال موجودة
مارسي

​

 

[أسماء الجزائر]

الله يبارك عليكم .....فارغين شغل و قاعدين تصنفو في بنات الناس ههههه بصح شوف نتا واش تعنيلك بنت الفاميليا و كيفاش تفهم هاد الكلمة
بنت الفاميليا يديها و ليد الفاميليا ......و قيس انت على روحك
سلام

 

[براءة مسروقة]

مايتزوجو حتى يتشابهوووووووووووووووو هههههههههههههههههههههههههههههه بلاك طيرلك ودة من43هههههههه مارسي موضوع هايل

 

[إيمان قلب]

[size="3"[color="darkorchid"]

وانا نقولك أسفيان مدام كاين 43 واحدة نية ومتربية وحاكمة في دينها معنتها راه كاين 43 واحد أو أقل لخاطر من غير المعقول انه واحد ماللي خلق وهو يخلط في بنات الناس انه فالتالي غادي يرزقو ربي بملاك , ومن غير المعقول انه واحد ولد فاميليا وطيب يرزقو ربي بخبيثة وهذا كلام ربي سبحانه وتعالى الطيبات للطيبون الا اذا كان من باب الإختبار أو الإبتلاء كيما قال الاخ عالي الحامدي
والحمد لله مازال كاين بنات الفاميليا وولاد الفاميليا
يعطيكم الصحة وربي يرزقكم الزوجة الصالحة​

[/color][/size]

 

[♥SaMoù Là MoDèsTe♥]

سلآم خويآ سفيآن

يظهرلي الجمآعة اللي كنت مريح معآهآ متشآئمة بزآآآآف
مآم انتآيآ

بغيت برك من خلآل ردي نقولك بلي كآين بزآف أصنآف تآع لبنآت مآشي غير اللي ذكرتهم
أمآ عن قضية وحدة متحجبة ، وحدة لالا ، وحدة دآيرة علآقة ووحدة لآلآ ، هآذو قــــــآع مظآهر
والقضية قضية قلوب وجوهر سيتو

كجوآب على السؤآل اللي في العنوآن:
إذآ رحت تخطب بنت الفآميليآ ( كي اليوم إن شـآء الله )
ومآ عرفتهآش إذآ هي صح بنت فآميلآ ولآ لآلآ
تأكد خويآ أنو مهمآ عرفتهآ وسقسيت عليهآ مآرآحش تعرف إذآ كآنت بنت فآميليآ حتى تتزوج بيهآ


ملآحظة 1: كي تبغي تخطب ، روح شآور وآحد متزوج مآشي عآزب
وخليه يقولكـ كيفآش تختآر وتعرف بنت الفآميلآ
لأنو يقولو سقسي المجرب ومآ تسقسيش الطبيب

ملآحظة 2 : أول مرة في حيآتي نشوف هآذي قدآم إسمكـ

تحيآتي ليكـ
وإن شـآء الله تطيح في امرأة سآجية وعآقلة وحشآمة...
واسمحلي على الإطآلة وعلى الخروج من الموضوع احححححم
​

 

[The DoN]

الخيــر ديمـا كايــن، والشـر ديما كايــن
سنـة الحيــاة

زيـــن نيتــك برك
​

 

[ماكانش]

شكرا الاخ سفيان ..

الطيور على اشكالها تقع ..

الطير الاصل فيه ما يزوج حمامة ..

والاصا الطيبة للطيب .. والخبيث للخبية ..

وقد يحصا استثناء من باب الابتلاء والاختبار فبعضنا لبعض فتنة .. اتصبرون ؟؟

نخليك مع الجماعة ..

أهلا بك اخي عالي
أعتذر عن وضع الموضوع في غير محله
ان شاء الله هذا المساء أعيد بوتقته في موضوع لائق بمحله
---
كيما قلتي خويا لعزيز الطيور على أشكالها تقع
وكل واحد يدي مكتوبو ، ويبقى البلاء
ربي قدرنا الخير
يعطيك الصحة عالي​

 

[ماكانش]

شكرا الاخ سفيان ..

الطيور على اشكالها تقع ..

الطير الاصل فيه ما يزوج حمامة ..

والاصا الطيبة للطيب .. والخبيث للخبية ..

وقد يحصا استثناء من باب الابتلاء والاختبار فبعضنا لبعض فتنة .. اتصبرون ؟؟

نخليك مع الجماعة ..

أهلا بك اخي عالي
أعتذر عن وضع الموضوع في غير محله
ان شاء الله هذا المساء أعيد بوتقته في موضوع لائق بمحله
---
كيما قلتي خويا لعزيز الطيور على أشكالها تقع
وكل واحد يدي مكتوبو ، ويبقى البلاء
ربي قدرنا الخير
يعطيك الصحة عالي​

 

[ђĩหđǿĉħǻ]

مممم لي رجعة في الموضوع
​

 

[ماكانش]

سلام

والله يااخي بقدر بنات الفاميليا مكانش بقدر ولاد الفامليا ايضا مكانش
وقت مخلط ،وربي يمد على حساب نية العبد اذا كان طيب رايح يطيح في طيبة والعكس صحيح
+
بنت الفامليا كاينة ومزال موجودة
مارسي ​

أهلا بيك خويا عادل
راك منور اللمة ياخويا ربي يحفظك
كيما قلت انا في الموضوع وزدت قلتها نتا حتى ولد الفاميليا الرجال لفحل ماكانش ولا قليل
وربي يمد على حسب لقلوب
ربي اجعلنا طيبين وارزقنا الطيبات
يعطيك الصحة ...​

 

[ماكانش]

الله يبارك عليكم .....فارغين شغل و قاعدين تصنفو في بنات الناس ههههه بصح شوف نتا واش تعنيلك بنت الفاميليا و كيفاش تفهم هاد الكلمة
بنت الفاميليا يديها و ليد الفاميليا ......و قيس انت على روحك
سلام

اهلا أسماء
مزيا ماقلتيش عليا فارغ شغل ولميتينا كامل هههه
والله ماني نصف في بنات الناس ماوالو راني غير نحكي واش راني نشوف
وإذا كيما قلتي الحمد لله فرحتيني راح ندي بنت فاميليا بإذن الله هههه
حوحو يشكروه الناس ههه
يعطيك الصحة​

مايتزوجو حتى يتشابهوووووووووووووووو هههههههههههههههههههههههههههههه بلاك طيرلك ودة من43هههههههه مارسي موضوع هايل

اهلا بيك براءة
هههه
وحدة من ال43 ؟؟؟
شوفي راهم بقاو منهم 20، 23 تزوجو خلاص ههههه
يعني نقصت النسبة ندي منهم هههه
يعطيك الصحة براءة ...​

 

[محبة الورد]

سلام اخي سفيان
والله بنات الفاميليا مازال كاين ومنقدروش نحكمو على الطفلة من الشكل الخارجي على خاطر انا طفلة طحت في بنات يبانو الله الله مي انا واش شفت العكس والعكس صحيح تانيك
وبالنسبة للولا د تاني تلقى ولاد الفاميليا وكاين وين متلقاش ​

 

[ماكانش]

[size="3"[color=darkorchid][center]وانا نقولك أسفيان مدام كاين 43 واحدة نية ومتربية وحاكمة في دينها معنتها راه كاين 43 واحد أو أقل لخاطر من غير المعقول انه واحد ماللي خلق وهو يخلط في بنات الناس انه فالتالي غادي يرزقو ربي بملاك , ومن غير المعقول انه واحد ولد فاميليا وطيب يرزقو ربي بخبيثة وهذا كلام ربي سبحانه وتعالى الطيبات للطيبون الا اذا كان من باب الإختبار أو الإبتلاء كيما قال الاخ عالي الحامدي[/center]
[/color][/font][center][/size]

[size="3"[color="darkorchid"]والحمد لله مازال كاين بنات الفاميليا وولاد الفاميليا[/size]

[size="3"[color="darkorchid"]يعطيكم الصحة وربي يرزقكم الزوجة الصالحة[/center]
[/size]

أهلا بيك إيمان
يعطيك الصحة على الهدرة الباهية
وأنا هذا واش اعتقد
كل واحد يدي على قدرو
الخبيث للخبيثة
ولكن يا إيمان يبقى البلاء من الله سبحانو
يعطيك الصحة​

 

[إيمان قلب]

أهلا بيك إيمان
يعطيك الصحة على الهدرة الباهية
وأنا هذا واش اعتقد
كل واحد يدي على قدرو
الخبيث للخبيثة
ولكن يا إيمان يبقى البلاء من الله سبحانو
يعطيك الصحة​

ومن قول الرسول عليه الصلاة والسلام
إن عظم الجزاء مع عظم البلاء، وإن الله إذا أحب قوماً ابتلاهم " حديث شريف"
الإنسان يصفي قلبه ونيته وربي يجازيه خير الجزاء​

 

[أم راضية ~_]

و عليكم السلام
أممم عندك الحق بصح الأعداد نسبية و ما نقدروش نقدروها و لو بالتقريب أنآ اللي نعرفو الشباب يتعماو على بنات الفامييآ من النوع الأول و الثاني مع أنهم متوفرين بزآاف البنات من هاد النوعين ، و يروحو يحوسو على النوعين لوخرين اللي مهرهم غآلي و شرطهم ، كيما يقولو الراجل يحب اللي الصعيب ما يحبش الساهل :sad:
الله يعطيكم كيما تتمنا وان شاء الله​

 

[*amina*]

السلام عليكم ورحمة الله تعالى وبركاته
الظاهر انو الحاجة لي نساوها صحابها هي خايا القلوب حتى لو لقى وحدة من هذو 43 ميقدرش يعلم واش كاين في قلبها اسكو حبت واحد ولا لا وهنا كاين مثل مكاش الشجرة لي مهزهاش الريح والمرأة بطبيعتها تغلبها العاطفة
منقدرش نفسرلك اكثر لانو هذا مجال متشعب ومتفرع بزااااااااااف كلمات الكلافي متقدرش تعبر عليه
يعني مكاش واحد خالي من العيوب ومكاش واحد معندوش ماضي

 

[بنـ MaPa ـت]

اهلا سفيان

الحمد لله لي صنفتو لبنات وماقلتوش كامل كيف كيف
سي نون كنت نلم كامل بنات اللمة ونهجمو عليكم ماتزيدوش تدخلو هههه
شوف سفيان بنات لافامي والله على راسهم وبنات لحرام تاني على راسهم الحالة مخلطة والمظاهر خداعة ولي مايعرفش يفرق يقعد بلا زواج وايدا طاح عما وخير على الله راه يسوفري ويندم
وحاجة ساهلة باش تعرف البنت كاين لفعايل تميزها برا آسكو خفيفة ولا ثقيلة كاين لي يمشو ويتعوجو والضحك والتمسخير وكاين لي لاباس بيهم كي يمشو بلا كارنافال وسمير موزونين
وياخي هاد السيد عندو عينين ويعرف يميز ويوشوووف مايخدعوش المظهر

آلور لبنات اصناف وجامي تحكمو عليهم من المظهر راهي الفعايل هي الصح والزين اوف كوووورص مايدير والو :shiny:
وصلو هاد الهدرة بالاك يفيقلها ويديرلنا زردة نزهاو شوية هههه

مرسي على الموضوع

:re_gards:
​

 

[nina bonoise]

ههههههههه مواضيعك غير قالي قتلوا
مزية كي صنفتوا لبنات سي نون منتفاهموش
الصنف لول و الثاني راهم كاين بزاف المشكل ميبانوش برك
اما 3 و 4 راهم غير هوما وين تروح تلقاهم
​