قتلو واشي هيا بنت فاميليا ألي يقصدها ؟؟؟

[ماكانش]

سلام اخي سفيان نظن هكدا اسمك
بصح انت كي راك تقول مستقبل ناجح وواضح انت وين على بالك بلي رايح يكون المستقبل تاعك بهدو الصفات المستقبل كي تكون تعيش فيه يرجع حاضر والمستقبل تاعك واحد معلابالوش بيه غير ربي سبحانو
امور القلب كي تسميها اعجاب واش تسمي حب الله وحب الرسول وحب الوطن؟؟ وحب الزوج؟؟
الحب شعور كاين منو (راني نحكي على الحب في الله طبعا) منيش على الحب تاع الخرجات والترنديف والبيتزيريات ولي كادو والخرطي هداك
واش تسمي لي مر بتجربة اي كان نوعها وفشل فيها ومن بعد عاود وقع فيها في المستقبل (هذا الكل داخل في ربط الماضي والمستقبل) المستقبل يا سفيان باش يكون ناجح وواضح لازم تكون مريت من تجارب استفدت منها في ماضيك
نعطيك مثال بسيط
تكون رايح تجوز امتحان ومتحفط درس ولا زوج وهدوك الدروس لي نسيتهم تلقاهم في اسئلة الامتحان متجاوبش عليهم علاش؟؟ خاطرش درت غلط بلي محفظتهمش
يقولولك نعاودولك الامتحان انت لا شعوريا واش دير؟؟ رايح تحفظ قاع الدروس باش تنجح وهنا راهي علاقةة بين الماضي والمستقبل ومكاش تفرقة بيناتهم
لازم تركز على الماضي ولو بنسبة قليلة باش تبني المستقبل تاعك خاضة في الاخطاء لي درتهم ومحبش تعاودهم
منيش عارفة اسكو راك فاهم واش راني قاصدة ولا رانا مش متفاهمين اكزاكت في الموضوع لينتناقشو عليه انا هذي وجهة نطري انو المستقبل يركز شوية على الماضي خاصة باش يكون ناجح وباش متعاودش طيح في نفس الاخطاء
انتظر رأيك بفارغ الصبر
سلام عليكم

أهلا بيك امينة
يعطيك الصحة على ردك الباهي
والله تعبناك ههههه
راني فاهمك وباش نفهم كثر عندي سؤال
هل راكي تشوفي بلي باش ينجح الإنسان في مستقبلو لازم يغلط ويكون غلط من قبل ؟؟؟
ولا راكي تشوفي بلي الغلطة تاع الإنسان لازم يستغلها إيجابيا لبناء مستقبل مليح ؟؟؟
هل الإنسان ألي ماغلطش قطعا ماراحش يبني مستقبلو مليح ؟؟؟
​

 

[*amina*]

أهلا بيك امينة
يعطيك الصحة على ردك الباهي
والله تعبناك ههههه
راني فاهمك وباش نفهم كثر عندي سؤال
هل راكي تشوفي بلي باش ينجح الإنسان في مستقبلو لازم يغلط ويكون غلط من قبل ؟؟؟
ولا راكي تشوفي بلي الغلطة تاع الإنسان لازم يستغلها إيجابيا لبناء مستقبل مليح ؟؟؟
هل الإنسان ألي ماغلطش قطعا ماراحش يبني مستقبلو مليح ؟؟؟
​

اهلا بيك اخي سفيان في اي وقت
تعبكم راحة المهم نستفادو من بعضنا ونعرفو اراء بعضنا معندناش وين نروحو ابار المنتدى الواحد غير كمل القراية نحبس في الدار ههههههه لا خدمة لا والو
بالنسبة لسؤال الاول منيش نقول انو الانسان محتوم عليه يغلط باش يستفاد الغلطة تجي بلا نية يعني مثلا هو راه ناوي حاجة كي يحب يعملها ييوقع في اخطاء مكانش حاسبلهم حساب الوغ كي يحب يعاود يعملها يدير حساب للغلطات لي نساهم والشطر الثاني من السؤال الاول المستقبل المليح يا اخي مش شرط يكون مبني على ماضي غلط فيه راني قتلك من قبل اذا كان الماضي تاعو فيع غلطات يحاول يستفاد منهم وميكررهمش في المستقبل يعني يتعلم واذا كان الماضي تاعومليح ومغلطش مع انومكاش لي ميغلطش يحمد ربي ويكمل في طريقو ويشكر ربي سبحانو
بالنسبة للسؤال الثاني
حاجة اكيد لازم الانسان يستغل الغلطة تاعو ايجابيا باش يبني المستقبل تاعو ويكون خالي من الغلطات السابقة نرجعو للمثال السابق اذا محفظتش الدروس في المرة الاولى وفشلت وعطاوك فرصة وحداخرة ومستغليتهاش وكررت نفس الخطأ وين راهي الفائدة والدرس لي خرجت بيه؟؟ il faut تاخذ الغلطات بعين الاعتبار باش يكونو ركيزة في بناء المستقبل يعني اذا صادفك موقف في المستقبل وهذاك الموقف تتفكر بلي غلطت فيه في ايام سابقة اكيد راح تتفكروتقول منديرش الغلطات لي درتهم في السابق ولا لا؟؟
بالنسبة لسؤالك الثالث نقلك بلي مكاش لي ميغلطش الانسان يبقى انسان والكمال لله هو لي ميغلطش مي باش تقلي انسان مغلطش قاع في حياتو انبوسيبل نأمل
المهم معليهش لي نفرض انو مغلطش اذا مغلطش راني قتلك يحمد ربي سبحانو على نعمة حسن التصرف لي عندو ويكمل مشوارو ان شاء الله وميديهش الغرور بلي مغلطش معنو هذا الاحتمال تاع مغلطش معندنا مناقشو فيه بويسككل انسان يغلط وكل انسان تفوتو هفوة ويغلط ولوكان غلط صغيرة حتى لو كان مش عن قصد نعطيك مثال تاني هنا
يكون اي انسان يدير جاست هي من عوايدو يديرها بصح انسان يكون قاعد معاه متعجبوش يزعف الانسان لي دار الجاست يقلك انا مغلطتش هذي عادتي ومقتناع بلي مغلطش بصح مرة اخرى باش يتفادى سوء التفاهم ينحي هذي الطبيعة ولا هذي الجاست قدام الانسان لي معجبوش الحال
نتمنى فهمت اكثر واذا كنت مش قابل رأي والله مذا بيا تقول نورمال مدابينا نستفادو ونعبرو على اراءنا ومنيش نقول انو انا صحيحة مية بالمية بلعكس راني نمد في وجهة نطري مالغري خرجنا على الموضوع شوية ههههه بصح هذا فرع من الفروع لي راني قتلك عليها داخلة في الموضوع
شكرا ليك اخي سفيان على الموضوع

 

[ماكانش]

اهلا بيك اخي سفيان في اي وقت
تعبكم راحة المهم نستفادو من بعضنا ونعرفو اراء بعضنا معندناش وين نروحو ابار المنتدى الواحد غير كمل القراية نحبس في الدار ههههههه لا خدمة لا والو
بالنسبة لسؤال الاول منيش نقول انو الانسان محتوم عليه يغلط باش يستفاد الغلطة تجي بلا نية يعني مثلا هو راه ناوي حاجة كي يحب يعملها ييوقع في اخطاء مكانش حاسبلهم حساب الوغ كي يحب يعاود يعملها يدير حساب للغلطات لي نساهم والشطر الثاني من السؤال الاول المستقبل المليح يا اخي مش شرط يكون مبني على ماضي غلط فيه راني قتلك من قبل اذا كان الماضي تاعو فيع غلطات يحاول يستفاد منهم وميكررهمش في المستقبل يعني يتعلم واذا كان الماضي تاعومليح ومغلطش مع انومكاش لي ميغلطش يحمد ربي ويكمل في طريقو ويشكر ربي سبحانو
بالنسبة للسؤال الثاني
حاجة اكيد لازم الانسان يستغل الغلطة تاعو ايجابيا باش يبني المستقبل تاعو ويكون خالي من الغلطات السابقة نرجعو للمثال السابق اذا محفظتش الدروس في المرة الاولى وفشلت وعطاوك فرصة وحداخرة ومستغليتهاش وكررت نفس الخطأ وين راهي الفائدة والدرس لي خرجت بيه؟؟ il faut تاخذ الغلطات بعين الاعتبار باش يكونو ركيزة في بناء المستقبل يعني اذا صادفك موقف في المستقبل وهذاك الموقف تتفكر بلي غلطت فيه في ايام سابقة اكيد راح تتفكروتقول منديرش الغلطات لي درتهم في السابق ولا لا؟؟
بالنسبة لسؤالك الثالث نقلك بلي مكاش لي ميغلطش الانسان يبقى انسان والكمال لله هو لي ميغلطش مي باش تقلي انسان مغلطش قاع في حياتو انبوسيبل نأمل
المهم معليهش لي نفرض انو مغلطش اذا مغلطش راني قتلك يحمد ربي سبحانو على نعمة حسن التصرف لي عندو ويكمل مشوارو ان شاء الله وميديهش الغرور بلي مغلطش معنو هذا الاحتمال تاع مغلطش معندنا مناقشو فيه بويسككل انسان يغلط وكل انسان تفوتو هفوة ويغلط ولوكان غلط صغيرة حتى لو كان مش عن قصد نعطيك مثال تاني هنا
يكون اي انسان يدير جاست هي من عوايدو يديرها بصح انسان يكون قاعد معاه متعجبوش يزعف الانسان لي دار الجاست يقلك انا مغلطتش هذي عادتي ومقتناع بلي مغلطش بصح مرة اخرى باش يتفادى سوء التفاهم ينحي هذي الطبيعة ولا هذي الجاست قدام الانسان لي معجبوش الحال
نتمنى فهمت اكثر واذا كنت مش قابل رأي والله مذا بيا تقول نورمال مدابينا نستفادو ونعبرو على اراءنا ومنيش نقول انو انا صحيحة مية بالمية بلعكس راني نمد في وجهة نطري مالغري خرجنا على الموضوع شوية ههههه بصح هذا فرع من الفروع لي راني قتلك عليها داخلة في الموضوع
شكرا ليك اخي سفيان على الموضوع

يعطيك الصحة أمينة
ذرك فهتك بلي كنتي تحكي في أمر وانا نحكي في امر عليها ماكنتش فاهم
انا نحكي على واحد ماغلطش في جانب معين وهو (الحب الوهمي الخرطي التمسخير) ونتي تحكي على الغلطة عموما ولو في الكلام
فكلامك عام وكلامي خاص
ويستحيل أني نقصد انو كاين إنسان مايغلطش وحرت فيك كيفاش فهمتي مني ذلك
على العموم ماكانش بيناتنا خلاف في انو الإنسان يغلط وانو لازم عليه إذا غلط يصححها ويستفاد منها مستقبلا
يعطيك الصحة على تنويرك للموضوع​

 

[*amina*]

يعطيك الصحة خويا سفيان عندي من زمان متناقشتش في موضوع هكدا نشطتلي مخي كان في سبات المخلوق
الله يحفط والحمد لله كي فهمتني وفهمتك وتفاهمنا ههههه
سلام عليكم نتلاقاو في مواضيع اخرى ان شاء الله

 

[bilal22]

كيما تكون تلقى نتا داير وداير اكيد بنت لفاميله حتا وتصادفك تعمي عليها
وكي تكون مولا خير ونيه تدي علا قد نيتك
الطيبون للطيبات وراك تعرف لباقي
​

 

[soussou.31]

السلا عليكم ورحمة الله و بركاته

كل انواع البنات كاينين

بصح باش تلقاوهم لازم تدفو الطلب في البلدية

 

[نجاة40]

سفيان يا سفيان واش نقولك ا خويا
هنا عندنا يشوفو على العايلة يعني اللقب بزاف لي رفضوهم على جال اللقب يعني النسب
انا بابا ماحبش يخطب لعمي وحدة على جال العايلة نتاعها مالغري سلفية بالنقاب مدينة وكلش قالو دير واش دير ماتديهاش
وحدة تخدم معايا حب يخطبها واحد وامو ماحبتش ختراه هي من عايلة يقولو عليهم صعاب
المهم كل واحد و كيفاه يخمم
بنت الفاميلا خويا تلقاها تحترم روحها قبل ما تحترم الناس
وتصون باباها وخاوتها في حضورهم وغيابهم
فيها الحشمة وفيها العفة
قادرة تكون مشات كيما قلت بصح قلبها صافي ونيتها صافية
وفلخر ديما ماتنساش ربي سبحانو قال
«الخبيثات للخبيثين و الخبيثون للخبيثات و الطيبات للطيبين و الطيبون للطيبات»
كل واحد ومكتوبو
​

 

[vitamine dz]

mm wlad lfamillia makanch a khoya kol wahed yeddi nassibo ida mliha bsahto wida mich mliha rabbi y3awedlo denya wakhra rejal tani mab9awch oui

 

[ماكانش]

السلام عليكم
بنت الفاميليا اعتقد انه ليس هذا هو تصنيفها فاي انسان في العالم يخطئ
قد تكون هته الفتاة لديها شيئ يسير من الافعال التي لا يرغب بوجودها اي انسان لكن قد تكون بارة بوالديه وتكون زوجة صالحة في المستقبل تهتم بالهله و تعاملهم احسن معاملة و تسعده
وقد تكون امراة لم يكن لها اي شيئ لكن لا تكون بارة بوالديه ولا تهتم باهله و تكره له عيشته
اذن ماضي الزوجة ليس هو مقياس بنت الفاميليا فبنت الفاميليا المهم ماتكونش من البنات الفالسات الي سيرتها على كل لسان ولي كي تسال عليها يقولولك اخطيك منها و تاني تكون بنت اصل تبر والديك واهلك و تعيشك عيشة هنية
شكرا للموضوع في هذا المنتدى الذي يفسح المجال للنقاش

اهلا بيك قمر الزمان
يعطيك الصحة على مشاركتك الباهية
صدقتي واش من بنة في طفة مادارت والو بصح تكرهلك لمعيشة وماتقومش بوالديك وتفتن بيناتكم
كلام من ذهب يعطيك الخير​

 

[سمو الأميرهـ]

خويا راك غالط انت واصحابك بنسبة 2000 % في كلامكم
ودرك نقولك علاش؟
اذا انت ولد فاميلية وبالعربية الفصحى "رجل صالح" ،، ربي خلق مثلك رجال صالحين ونساء صالحات،، وحط في بالك مليح بلي غير ربي وحدو اللي عالم شكون فينا الصالح وشكون الخبيث،، لأن كل انسان فينا بعيوبو،، ماشي معناها انك تكون انسان محترم قدام الناس خلاص يتسما صالح لالا،، كاين بزاف حوايج في نفس الانسان ،، حتى اقرب الناس ليه مايعرفهاش !!!
قادر تلقا طفلة قمة تشوفها تقول يا ارض احفظي ماعليكي،، جمال دين خلق قدام الناس،، مي نفسها يا لطيف
عليها قتلك الخبث والطيبة هذي امور يميزها غير ربي العالمين،، وماتحكمش على الانسانة الصالحة من زاوية العلاقات فقط او من زاوية العبادات،، لأنها قادرة تكون متدينة رياء فقط،، يسما من الجماعة الي تحب تبان بلي متدينة
ربي يطيحك في بنات الحلال انت واصحابك خويا
ونصيحة مني كأخت ليكم : "كن صالح يرزقك ربي بزوجة صالحة "
موضوع جميل يستحق التقييم

سمو الأميرهـ​

 

[kazawa]

راك تصنف في الطيور النادرة و المنقرضة واللي ماتبانش وصعيب باه تلقاها بصح مكاين حتى انسان عالم بالمكتوب مرسي.

 

[mimi_so]

و الله بنات الفاميلية كاينين غير هوما
واشنو اتنوما ماتشوفوهمش
تشوفو غير لبنات ........................وتقولو ماكانش بنات فاميليا
الطيبون للطيبات والخبيثون للخبيثات
الطيور على اشكالها تقع

 

[بلد المليون]

a boon
ايه و اذا كاين شي رجال يحكوا كيما هك و هوما بذات كيما قاعد تحكي واش نسموهم
اه نقلك ولى مكان لاه
"منـــافقين"
تاني نقولك شحال
....ممممممممممم المشكل ما يتحسبوش
هدي هي.......
كي شغل هوما امانة و هوما ولله نار تحت تبن يا ودي اللي فيه حااجة مكان لاه يلعبها
مممممممممممممم
وو لفاهم يفهم هك اااااا سفيان
​

 

[zaho1994]

انا راني معاااك في كل شي
مبصح بنات الفميليا كاااااااااااااااين مبصح صح قلال
هو يقدر يفرق بين المليحة ولي ................
واش نقولو لازم مايقطعش لامل وهو كبير ويعرف يفرق بين بنت الفميليا ولي .....
المهم ربي يهديييينا
مشكووووووووووووووور اخي موضوع قمة

 

[zaho1994]

ونقلك بنات الفمييييييييييليا غيييييييييييييييير هما
انتومل لي ماتشفهمش ومايعجبلكمش ويبانلكم معقدين وووو..........................

 

[ماكانش]

اهلا زاهو يعطيك الصحة
لالا حاشا بنات الفاميلة يبانولي معقدين
بلعكس نقدرهم بزاف ويعجبوني ...

 

[M!ss_f@ti]

السلام عليكم

راك تخربش في واحد المواضيع هايلين ياسفيان ،، يعطيك الصحة مع الشاو

في الحقيقة لحكاية باينة / الطيبات للطيبين ان شاء الله /

المعروف انو اصابع اليد ماشي كيف كيف ،، هكذاك لبنات وثاني الاولاد كاين لمليح وكاين الدوني

وكي تدير النية وتنوي الخير تلقى الخير صدقني ، وبنات الفاميلة كاين بزاف لانو الانسان لما يحوس على وحدة يتمناها على الاقل كيما اختو واذا كان هو ولد حلال رايحة تكون اختو كذلك وبالتالي كاينة وحدة على الاقل ههههه

ربي يجيب الخير ان شاء الله

 

[Turki Alghareeb]

بنت الفاميليا كاينة ...

 

[جزائرية واعشق بلدي]

والله يااخي انا شابفة باللي ولينا دايما نعممو النظرة
انا وحدة ناس الحمد لله ماصادفش اني مشيت مع طفل ولا خرجت مع واحد هاذي الاولى
نلبس الحجاب ونصلي ونصوم ونقرى ومن الليسي للدار ومن الدار لليسي مانروح لهاك لهاك عندي النت منتدى اللمة ومنتدى واحدواخر برك اللي نفرفش على روحي فيهم وصحاباتي كامل هاك يعني في كمنطقتنا معبية بنات الفاميلية وعندنا بزاااف اللي محبسين لقراية وقاعدين فالدار واخلاقهم تشهد عليهم
يعني مانقدروش نقولو انو بنات الفاميلية راحو لا مازالهم وكثيير قضية كل واحد ونظرتو هاذا ماكان
وربي يطيحك ف بنت الحلال( الفاملية ) على قولتك ويسهللكم ان شالله

 

[المشتاقة للجنان]

انا نقل لك بنت الفاميليا يديها ولد الفاميليا
و بنت الفاميليا ليقصدها الاغلبية هي ليكون بابا زعما مزال يحكم و عندو كلمة و خاوتها تبان عليهم الرجلة
و الله اعلم
سلام
​