كي تقولولي نقوللكم علاه

[اشتك]

السلام عليكم وعليكم السلام

واش راكم لباس عليكم

فتحو عقولكم معايا مليح

متفاهمين اوك

ياسيدي خممت وحد التخميمه و هيا كاينه منها صرات بزاف و مزال تصرا

الناس كامل نعرفو بالي الراجل هوا لي يخطب لمراء مي انا قلت كيما الراجا دم و لحم و مخ يفكر بيه و قلب يحب و يكره تاني لمراء كيفو

حبيت نطرح الموضوع و في نفس الوقت نسقسي شويا

واش يكون تصرف تاع الطفلي كي يعجبها واحد و تحبو يكون هوا راجلها اسكو تقلو ولا تشرلو ولا تبعثلو مع كاش واحد ولا كي دير

هادي ماشي عيب السيده خديجه رضي الله عنها هيا لي بغات الرسول صلى الله عليه و سلم و بعثتلو عرضة روحها لزواج بيه

و انتوما لولاد واش يكون رد فعلك الا وحده طلبت منك الزواج باي طريقه من لي قلتهم تقبل متقبلش كيفاش تتصرف مع هاد الموقف

ايا قولولي و من بعد نقوللكم علاه حطيتو هاد الموضوع ايا راني نستنى

سلالالالام​

 

[بنـ MaPa ـت]

وعليكم السلآم

بالنسبة ليا نحاول نتعرف على ختو ونحكيلها ونفهمها وتشوف كيفاش دير باش تجمع بيناتنا
ولا نحكم يماه ديراكت نقولها مديهولي هههه

راهي تتطلب جرأة كبيرة بالنسبة للفتاة لانو معروف الرجل هو لي يجري على لمرا ماشي العكس
ربي يجيب الخير

تحياتي
​

 

[ابوندى]

كل واحد وكيفاش يشوف كاين واحد يقبل وواحد لا
كاين واحد يقولك اي ملاحة ومادام هيا الي طلبت يدي وجااتني باين كلش علاها ويقل عليه شوي اغراض وامور الزواج وكاين وحايد عندهم النيف يقولك كيفاش هادي تجي وتخطبني ومن بعد تولي تعاير فيا وتدل فيا ومعظم الناس والبنات يديروها هادي الا من رحم ربك المعايرة تحبس عند النساءءءءءء امالا الواحد يحدر لولللللللل
واش نقولك الناس عقليات من الاخر هههههه
ربي يهنيك

 

[ابوندى]

وعليكم السلآم

بالنسبة ليا نحاول نتعرف على ختو ونحكيلها ونفهمها وتشوف كيفاش دير باش تجمع بيناتنا
ولا نحكم يماه ديراكت نقولها مديهولي هههه

راهي تتطلب جرأة كبيرة بالنسبة للفتاة لانو معروف الرجل هو لي يجري على لمرا ماشي العكس
ربي يجيب الخير

تحياتي
​

اي الدنيا ولات بالمقلوب يامرمورة ههههههههههههههههههههه

 

[مايا الجزائرية]

هادي سير وحدة عرضت عليك الزواج بلا ما تقول ربي يكملكم ههه المهم انا الي بانولي كامل عرضو عليا بلا ما نعرض عليهم ..المقصود توجور يسبقوني الي سعجبوني توجور نعجبهم

 

[بنـ MaPa ـت]

اي الدنيا ولات بالمقلوب يامرمورة ههههههههههههههههههههه

ههههههه صار تروح تخطبو ويقولها كلش عليك هههه
تمدلو دراهم باش يجهز ولا كيفاش ههههه

الدنيا بالمقلوب على روحها ماشي عليا نموت ومانروحش نخطب :shiny:
​

 

[ابوندى]

ههههههه صار تروح تخطبو ويقولها كلش عليك هههه
تمدلو دراهم باش يجهز ولا كيفاش ههههه

الدنيا بالمقلوب على روحها ماشي عليا نموت ومانروحش نخطب :shiny:
​

on vera :shiny: lollllllllllllllllllllllllllllllll

 

[بنـ MaPa ـت]

on vera :shiny: lollllllllllllllllllllllllllllllll

:um_sh:
فكرك انا نروح نخطب زعمة ولا هوما يجو؟؟
مالا نشاالله نتزوج بكري باش مايهبلش الحال هههه
​

 

[hiba14]

ما نديرهاش و نعرف روحي نكمل حياتي بالسيروم بلا بيه

 

[اشتك]

وعليكم السلآم

بالنسبة ليا نحاول نتعرف على ختو ونحكيلها ونفهمها وتشوف كيفاش دير باش تجمع بيناتنا
ولا نحكم يماه ديراكت نقولها مديهولي هههه

راهي تتطلب جرأة كبيرة بالنسبة للفتاة لانو معروف الرجل هو لي يجري على لمرا ماشي العكس
ربي يجيب الخير

تحياتي
​

ايييييه هادي مليحا روحي اخطبيه واش راكي تستناي هههههههههههه

ربي يجيب الخير لنا و ليكم

سلالالالالالالالالالالالالالام​

 

[اشتك]

كل واحد وكيفاش يشوف كاين واحد يقبل وواحد لا
كاين واحد يقولك اي ملاحة ومادام هيا الي طلبت يدي وجااتني باين كلش علاها ويقل عليه شوي اغراض وامور الزواج وكاين وحايد عندهم النيف يقولك كيفاش هادي تجي وتخطبني ومن بعد تولي تعاير فيا وتدل فيا ومعظم الناس والبنات يديروها هادي الا من رحم ربك المعايرة تحبس عند النساءءءءءء امالا الواحد يحدر لولللللللل
واش نقولك الناس عقليات من الاخر هههههه
ربي يهنيك

يا خويا كيما قلت كل واحد و تفكيرو

اي لوكان صراتلك واش هيا طريقت تفكيرك قولي

​

 

[اشتك]

هادي سير وحدة عرضت عليك الزواج بلا ما تقول ربي يكملكم ههه المهم انا الي بانولي كامل عرضو عليا بلا ما نعرض عليهم ..المقصود توجور يسبقوني الي سعجبوني توجور نعجبهم

لالالالا ربي يحفض و يستر مزال

مي معليش الا خطبتني كاش وحده نقبل علاه لالا

اوموا نريح الفرطاس من حكان الراس

علاه انا نبقى نكسر في راسي و نحوس على وحده تقبل بيا و تديرني في عينيها

هادي من لول راهي مدايرتني في عينها


واش راح نحوس اكثر من هاك

ايا وعلاه مزال مقبلتيش هاقبلي و هني روحك

ربي يهنيك

سلالالالالالالالالالالام​

 

[اشتك]

ما نديرهاش و نعرف روحي نكمل حياتي بالسيروم بلا بيه

وعلاه بعيد الشر

ياسيدي ديريلو شره برك

و الا راه لبيب راه يفهم و الا مفهمش ايا اقطعي لياس منو و متعلقيش سيروم هههههههههه


سلالالالالالالالالالالام​

 

[جزائرية كوول]

اواااااااااااااه انا عن نفسي مستحيل نديرها

بصح هذا الموضوع كثر بزااااف هاذ الايام في المنتديات يادرى واش صرا؟؟


بصح قوللنا علاش درت الموضوع

 

[adel-mz]

سلام
واذا كانت مرا وتستاهل وراه المشكل
بارك الله فيك
​

 

[SAFA-94]

هادي الفكرة مادخلتش راسي
غير تروح ليه لدارهم تشوفوا وهو يجي داخل ليها هاز السينية ومتحشم
تخيـــلــــــــــوها
ههههههههههههههههههههههههههه​

 

[المتادورالمازق]

واش راح نقلك خويا اشتك

هادي انا لوكان تصرالي نطير بالفرحه و قولها خليني نخمم شويا

ههههههههههههههههه


​

 

[قــمر الزمان]

شكرا على موضوعك الفريد من نوعه في هذا المنتدى
اما جوابا على تساؤلك فارى ان هذا الشيئ يحصل فقط اذا وضعت هذه الفتاة ثقة عمياء في هذا الشاب و هذا لا يكون لاي كان بل لقة قليلة فقط ربما للرجال نتاع الصح و رايت حالتين لفتيات فعلن هذا وطلبن من رجال حقيقين الارتباط بهن وطبعا ردت فعلهم انهم قبلو و الان راهم عندهم اولاد والله يبارك عليهم و نزيد معلومة بان المرأة هذا الطلب لا تطلبه بقلبها او بعاطفتها بل بعقلها لانها تحسب جيدا هذه الخطوة و للعلم لدي قريبين وهما ابني خالتي طلبن منهن زوجاتهم الحاليات هذا وزواجهم ناجح جدا ربي يبعد عليهم العين ، و انا نقولك ماكانش واحدة تطلب هذا الطلب من واحد الا وكان هذا الشخص انسان واعي ومثقف وماهوش واحد عقلو خفيف

 

[bilal22]

عاش من شافك اشتك اشتك نتا ولي راهي تخدم في لفاج ههه
ها خويا وش نقولك يعني مكانش لي يقدر يتخيل الموقف لانه في حد ذاتو غريب
لو تسقسي وحده تقوللها اخطبي فلان تقولك علاه هبلت ولا فما بالك راجل تخطبو وحده
الله غالب جا وقتنا هكا امور اكتسبناها لا ارادي ولو تصرا تحس الطفله ديك بلي معندهاش قيمه يعني طياحه ليها
ونتا كي تحسها هكاك هل ممكن تفكر انك تقبل وتجيك عادي اكيد لا
شكرا ها اشتك واهلا بيك من جديد
​

 

[bachboucha]

ههههههه نقولك انا تزوجت مالgري بولد الجيران علابالك كيفاه عرفتو ؟؟؟؟؟

لقيت compte نتاعو Facebook ... Ajout .... حكيت معاه فالفايسبوك و الله لعظيم جامي حكيت معاه من قبل بالرغم من انو جاري كنت نحشم منو ...... حكينا عجبني وحكمتها فقلبي مرة قالي حاب نزوج وسكت انا قتلي ماتلقاش خيرمني بالضحكة قارية وزينة هههه وقتلو حتى حوايجي واجدين ههههه كتب لمكتوب وراني مرتو و الحمدلله مانلقاش خيرمنو ربي يحفضهولي

مافيهاش عيب حنا معقدين هدا ماكان كل شي ساهل