موقف محرج ليكم يا ليجون لبنات خاطيكم

[وصال]

يااخي هادي باينة كلشي يحبس لتم وانا منك والله متدخل لداري يالوكان اخر امراة في العالم اسمحلي عزة النفس وين راهي بصح بشرط انو الكلام يكون موثوق 100% .هكذا متكونش ظالم لبنت الناس .

 

[اشتك]

انا وحد من ناس كلش يموت تم

صحا خويا توفيق

 

[zahira92]

يقدر يقنعها بروحو ادا ماكاش مايزوجهاش خاطر كاين لبنات ياسر.

 

[samsouma GTU]

أنا في رأيي يروح يهدر مع الطفلة خطرة زوج ثلاثة بلاك كي يهدروا مع بعض يمكن يتحل المشكل وبلاك تبدل رايها وإدا مازالت عند رايها انا نشوف انو يفسخ أحسن
ويمكن ماشافلوش ربي فيها الخير والزواج ماشي لعبة الزواج تفاهم ومودة ومحبة
وديجا حياتو راح تكون معاها ماشي مع والديها​

 

[fawzi barcelona]

باينة خلاه نبطل عليها
مشني رايح نديها و هي مشها قابلة بيا
كيما منحبهاش لاختي تدي واحد مشها قابلة بيه منحبهاش لبنت الناس اوسي​

 

[josefcom]

vive la solituuuuuuuuuuuuuuuuuuuuude
moi antizwééééééééééééééééééj

​

 

[احلامdz]

ايه ياخويا وهادي صرات لعمي وفسخ الزواج قاع وخلاها في دارهم وهو شاف وحد اخرى وراه عندو طفل يهبل من بعد نديروا رمزية ههه وهي راهي في دار بويها قاعدة
للعلم نهار لفتيل تع الكسكس جا لخبر حبسنا كلش وبطلناها

 

[hamdanoo]

نبطل و ندربها بختها....قلووو النسا !!

ما حبتش خلااااص...مكتوووووووب

 

[شهرزاد32]

ادا ما قبلتش كاين الف وحدة تتمناه
شكراااا على الموضوع​

 

[الجندية]

.......
No cmnt​

 

[المتادورالمازق]

صحية خويا اشتك على الموضوع

انا لوكان تصرالي نقولهالك تاع الصح

نبطل زواج مي منفوتهاش سلامات راك تعرف العقليا

هههههههههههههههههه

 

[EL General]

الموضوع تاعك يستحق التقدير خويا
انا واحد من الناس نفسخ كل شيئ و نخلي البنت تعيش مع لي تحبو
و نشاله كي تكون هي سعيدة انا نكون اسعد
و انا نلقى لي توالمني و هي تلقى لي يوالمها

شكرا
​

 

[ssamia14]

هي صح نورمالمو يجبد روحه خير بويسك هاد زواج بسيف شوي خوف منه هههههههه
وهي تتان ارب لياه ماقاتلهش من اللول خلاته حتى دفع دراهمه بلاك عمره خرجت باه لمدهم وممبعد طلقت الهدرة دعوة الشر حاكمتها دي الطفلة ولا شايالا خخخخخخخخخخخ

 

[luck]

وضعية مستحيلة مارانيش قادر نتصور الموقف .المعنى باين

 

[النورس]

ادا مكانش فيها تفاهم من الجهتين
غير اجبد روحك خويا
كفاش تدي وحدا مش قابلتك
راهي تكرهلك حياتك

​

 

[mauvais gosse]

يا جماعة انا عندي راي اخر الامر ماشي لعب عيال كيما يقولو راهي هدرة بين رجال هي ترفض مي والديها وخاوتها راهي عندهم سمعة ماشي بالبساطة نبطلو وهي علاش من لول سكتت قبل ما تلحق الامور للنهاية انا واحد منجبدش روحي وندير خاطر للرجالة نتاوعها
​

 

[ssamia14]

ههههههه انت اك مريض تريسكي بروحك وومستقبلك اي خوتها وبوها مدام مدوها بسيف معناها علابالهم بلي ماهاش قابلة معناها يتوقعو منها اي جاست مش مليحة تروح انت تلعب بلافونير تاعك على جال باه تقولي ندير خاطر لخوتها خوتها كن عينهم في خاطر كما قلت يديروه لروحهم مايزوجوهاش بسيف

 

[kariim]

خليه على ربي ربي يجعله طريق
​

 

[Abd Elmalek]

نحابس كلش...

 

[βǻŋǾừŧά ₡ǖŦё]

امممممممممم ولله غير الغاشي كامل
راح يبطل مي عندكم الحق بطلو وزيدو
vive la liberté​